သိုက်ကြိုးဖြတ်ပေးမည်ဟု ဆိုကာ ဟိုတယ်လ်သို့ ခေါ်သွားပြီး စကတ်ကြိုးဖြတ်မိလို့ ထောင်ထဲရောက်သွားတဲ့ ဗေဒင်ဆရာ
လိမ်လည် လှည့်ဖျားသူတို့က ငွေ၊ ရွှေ များပင် မကာ မိန်းမသား ဘ၀ကိုပင် ရယူတတ်ကြသည်မှာလည်း...
ဖြစ်စဉ်
၁၆.၈.၂၀၁၀ နေ့ က ကွဲပွဲမြို့၊ ..... ရက်ကွက်.... လမ်းနေ မ... သည် နေအိမ်၌ ရှိနေစဉ် မိခင်ဒေါ်..... ၃၀ နှစ် နှင့် ခင်မင်ရင်းနှီးသော အုတ်တွင်းမြို့နယ် ညောင်ခြေထောက်မြို့ ၁ ရပ်ကွက်တွင် နေထိုင်သော ဗေဒင်ဆရာ ခင်မောင်မြင့် (ခ)သော်ထူးဇင် (၄၂-နှစ် ) တို့အတူ ရောက်လာပြီး မ... အား သိုက်ကြိုးဖြတ်ပေးရမည်ဖြစ်၍ တောင်ငူရွှေဆံတော် ဘုရားသို့ ခေါ်ဆောင်သွားမည် ဖြစ်ကြောင်း မိခင်ထံမှ ခွင့်တောင်းပြီး ခေါ်ဆောင်သွားခဲ့သည်ဆို၏။
သို့သော် တောင်ငူမြို့၊ မင်းညိုကြီးရပ်ကွက်ရှိ ဟိုတယ်တစ်ခုသို့ ခေါ်ဆောင်သွားပြီး ဟိုတယ်လ်အခန်းအရောက် ခင်မောင်မြင့် (ခ) သော်ထူးဇင် မှာ မ... အား ကုတင်ပေါ်သို့ တွန်းလှဲပြီး စကတ်ကြိုးဖြတ်ကာ သားမယားအဖြစ် ပြုကျင့်ရန် ကြံ့စည်ခဲ့သည်။ မ.... မှာ အကြပ်အတည်းမှ လွတ်မြောက်စေရန်အတွက် မာယာသုံးပြီး ခေါက်ဆွဲကြော် စားချင်တယ် ဟုဆိုလိုက်ရာ ခင်မောင်မြင့် (ခ) သော်ထူးဇင်က အဟုတ်မှတ်ပြီး ခေါက်ဆွဲကြော်ထွက်ဝယ်ပေးသည် ဆို၏ ခင်မောင်မြင့် (ခ)သော်ထူးဇင် ပြန်ရောက်လာသော အခါ မ.... က ခေါက်ဆွဲကြော် မစားချင်တော့ဘူး ဘုရားဖူးချင်တယ် ဟုဆိုရာ ခင်မောင်မြင့် (ခ) သော်ထူးဇင်က တောင်ငူရွှေဆံတော် ဘုရားသို့ ဘုရားဖူး လိုက်ပို့ပေးသည်ဆို၏။
ဘုရားဖူးမှ ပြန်လာပြီး ဟိုတယ်လ်သို့ ပြန်ရောက်သောအခါ ခင်မောင်မြင့် (ခ) သော်ဇင်ထူးက သားမယားအဖြစ် ပြုကျင့်ရန် ထပ်မံကြိုးစားသဖြင့် မ... က မာယာသုံးပြီး ရေသောက်ချင်တယ်ဟု ထပ်မံ တောင်းဆိုရာ ခင်မောင်မြင့် (ခ) သော်ထူးဇင် က ရေသွားခပ်ပေးစဉ် မ... မှာ အခန်းထဲမှ ထွက်ပြေးလျက် ဟိုတယ်လ် ထမင်းစားခန်းအတွင်း သွားရောက်ပုံးအောင်းနေခဲ့စဉ် ဟိုတယ်လ် ၀န်ထမ်းတစ်ဦးက တွေ့ပြီး အခြား အခန်းတစ်ခန်း၌ သွားအိပ်ရန် ပြောကြားခဲ့ပြီး အိပ်ခွင့်ပေးခဲ့သည်ဆို၏။
နံနက် ညနေ ၅ နာရီ အချိန်ခန့်တွင် မ... မှာ ဟိုတယ်လ်မှ ထွက်ပြီး ကားလမ်းပေါ်တွင် လျောက်သွားနေစဉ် လမ်းထိပ်၌ ကွမ်းယာရောင်းချနေသော ကွမ်းယာသည် အဒေါ်ကြီးထံ မိမိကြုံတွေ့နေရသည့် အခက်အခဲများကို ပြောပြပြီးအကူအညီတောင်းခဲ့ရာ မင်းညိုကြီးရပ်ကွက် ရယက ရုံးသို့ လိုက်ပို့ပေးခဲ့သည်။ ရပ်ကွက်ရုံးသို့ ရောက်နေစဉ် ညောင်ခြေထောက်မြို့တွင် နေထိုင်သော ဗေဒင်ဆရာ စန်းမြင့်ထွန်း (ခ) နိုင်အောင်ရဲ (၃၀-နှစ်)၊ ဗေဒင်ဆရာ ခင်မောင်ဌေး (ခ) ယမင်းပိုက်၊ အိုဖိုကျေးရွာ၊ အုတ်တွင်းမြို့နေ မြင့်ဦး ဆိုသူတို့ လိုက်လာပြီး မ.... အား ကျွဲပွဲမြို့ နေအိမ်သို့ လိုက်ပို့ပေးမည် ဖြစ်ကြောင်း ခေါ်ယူ၍ မ.... က မလိုက်ဘူး ဟုပြောခဲ့ရာ စန်းမြင့်ထွန်း (ခ) နိုင်အောင်ရဲ က မလိုက်ရင် သတ်ပစ်မယ် ဟု ခြိမ်းခြောက် ပြောဆိုခဲ့သည် ဆို၏။
အရေးယူခြင်း
အထက်ပါ ဖြစ်စဉ်အရပ်ရပ်အတွက် သိုက်ကြိုးဖြတ်ပေးမည်ဟု လိမ်ညာခေါ်ဆောင်လျက် အလိုမတူဘဲ သားမယားအဖြစ် ပြုကျင့်ရန် ကြိုးစားအားထုတ်ခဲ့သူ ဗေဒင်ဆရာ ခင်မောင်မြင့် (ခ) သော်ထူးဇင် နှင့် သတ်ပစ်မည်ဟု ခြိမ်းခြောက်သူ စန်းမြင့်ထွန်း (ခ) နိုင်အောင်ရဲ တို့ကို တရားဥပဒေနှင့်အညီ အရေးယူပေးပါရန် မ... က တောင်ငူမြို့နယ် အမှတ် ၁ ရဲစခန်းတွင် တိုင်ကြားခဲ့ရာ ရဲခန်းက (မ)၃၈၉၊ ၂၀၀၉ ပြစ်မှုပုဒ်မ ၃၇၆/၅၁၁/၅၀၆ တို့အရ အမှုဖွင့် အရေးယူ ဆောင်ရွက်ခဲ့သည်။
အမှုစစ် အရာရှိအဖြစ် ဒု-ရဲအုပ် သက်နိုင်ဝင်းက စစ်ဆေးခဲ့ပြီးနောက် တရားခံ ခင်မောင်မြင့် (ခ) သော်ထူးဇင် အား တရားစွဲတင်ပို့ခဲ့ရာ တောင်ငူမြို့နယ် တရားသူကြီးက အမှုကို ကြားနာစစ်ဆေးခဲ့ပြီး ပြစ်မှု ကျူးလွန်ကြောင်း စစ်ဆေးချက်များအရ ပေါ်ပေါက်သဖြင့် အလုပ်နှင့် ထောင်ဒဏ် ၂ နှစ် ကျခံစေရန် အမိန့်ချမှတ်လိုက်ကြောင်း မောင်ဆွေ တောင်ငူ၏ မှုခင်းသတင်း ဂျာနယ်လ် အရ သိရသည်။
No comments:
Post a Comment