ကြောင်လိုလို ကြွက်လိုလို လုပ်မနေနဲ့ (မောင်ဝံသ)

မောင်ဝံသ ၊           ၊ ဒီမိုကရေစီနိုင်ငံများက လွှတ်တော်တွေမှာ အဓိက အာဏာရပါတီနဲ့ ယင်းရဲ
့ မဟာမိတ်များ၊  အဓိက အတိုက်အခံပါတီနဲ့ ယင်းရဲ့ မဟာမိတ်များဆိုတာ ရှိစမြဲပဲဗျ။ အတိုက်အခံ
တို့ဘာတို့ ပြောမနေပါနဲ့၊ လွှတ်တော်ထဲမှာ ပါတီတွေ ညီညီညွတ်ညွတ်နဲ့ တိုင်းပြည်အကျိုးရှိမယ့်
ကိစ္စတွေမှာ စည်းစည်းလုံးလုံး ပူးပေါင်းဆောင်ရွက်သွားရအောင်}}လို့ ပြောရင် အဲဒါဟာ စိတ်ကူး
ယဉ်တာပဲ ဖြစ်မယ်လို့ ကျွန်တော်ပြောချင်သဗျ။ ပါတီစုံဒီမိုကရေစီဟာ နာမည်အတိုင်းပဲ ပါတီစုံ
ဖြစ်ရမယ်။ အသွင်သဏ္ဍာန်ရော အနှစ်သာရပါ တစ်ပါတီပုံစံ လုံးဝ မဖြစ်သင့်ဘူးလို့ စဉ်းစားမိပါတယ်။
ဆိုလိုတာက လွှတ်တော်တွင်းရောက်နေတဲ့ နိုင်ငံရေးပါတီတွေအားလုံး တစ်သံတည်း
ထွက်ဖို့၊ တစ်ခုတည်းသော သဘောထားတွေ ဖော်ထုတ်ဖို့ဆိုတာ မဖြစ်လည်းမဖြစ်နိုင်၊ မဖြစ်
လည်း မဖြစ်သင့်ဘူးလို့ ပြောချင်တာပါ။ မဖြစ်နိုင်ဘူးဆိုတာကိုတော့ အထူးရှင်းပြစရာလိုမည်
မထင်ပါ။ မဖြစ်သင့်ဘူးဆိုတာကို နည်းနည်း ရှင်းပြချင်ပါတယ်။
ဖဲဝိုင်းအိမ်ဖြည့်လို
ပါတီစုံဒီမိုကရေစီရဲ့ အနှစ်သာရတစ်ခုက မတူကွဲပြားသောအမြင်များကို ဖော်ထုတ် တင်ပြဆွေးနွေးကြပြီး
နောက်ဆုံးမှာ မဲခွဲ ဆုံးဖြတ်၊ အများဆန္ဒကို အနည်းစုက လက်ခံ၊ အနည်းစုရဲ့ ဆန္ဒကို အများက လေးစား
သမှုပြုရမှာ ဖြစ်တယ်ဗျ။ အဲဒါကြောင့် လွှတ်တော်ထဲမှာ အမတ်နေရာအင်အားဟာ ၆၀း ၄၀
နှုန်းလောက်ရှိနေရင် အကောင်းဆုံးပဲလို့ နိုင်ငံရေးသိပ္ပံကျမ်းတချို့မှာ ဖတ်ဖူးပါတယ်။
သဘောကတော့ အာဏာရပါတီ + ယင်းရဲ့ မဟာမိတ်များ ပူးပေါင်းအင်အားဟာ ၆၀ ရာခိုင်နှုန်းလောက်ဆိုရင်
ကောင်းတယ်။ အဓိကအတိုက်အခံပါတီ + ယင်းရဲ့ မဟာမိတ်များအင်အားဟာ ၄၀ ရာခိုင်နှုန်းလောက်ဆိုရင်
ကောင်းတယ်။ စင်ကာပူလို ၈၀း ၆ အချိုးလောက်ဖြစ်နေရင်တော့ တစ်ပါတီအာဏာရှင်စနစ်နဲ့ ဘာမှ
မထူးဘူးလို့ ပြောစရာ ဖြစ်ပါလိမ့်မယ်။ အတိုက်အခံဆိုတာ ဖဲဝိုင်းတစ်ဝိုင်းမှာ အိမ်ပြည့်အောင်
ထည့်ပေးထားတာနဲ့ မခြားနားတော့ပါဘူး။
တက်ညီလက်ညီ နှစ်ပါတီဆိုတာ
အမေရိကန်ပြည်ဟာ ကွန်မြူနစ်ပါတီအပါအ၀င် ပါတီပေါင်းစုံကို ဖွဲ့စည်းရပ်တည်ခွင့်ပေးထားတဲ့အတွက်
ပါတီစုံစနစ်လို့ ဆိုနေပေမယ့် တကယ်တမ်း လွှတ်တော်ထဲရောက်တဲ့ လူတွေကို ကြည့်လိုက်ရင် နှစ်ပါတီစနစ်
ဘူတာကိုပဲ ဆိုက်နေတာ တွေ့ရမှာပါ။   ဘာရက်အိုဘားမား သမ္မတဖြစ်လာတော့  နှစ်ပါတီတက်ညီ
လက်ညီစခန်းသွားကြဖို့ မျှော်လင့်ချက်  (Bi-partisan hopes) ထားတဲ့အကြောင်း ပြောပြီး တက်ညီ
လက်ညီ နှစ်ပါတီ လက်တွဲလုပ်ဆောင် သွားဖို့ ကြိုးစားခဲ့သေးတယ်။ သူက အတိုက်အခံတွေနဲ့ လက်တွဲ
လုပ်နိုင်တယ်၊ သူ့ဘက်က အာဃာတကင်းရှင်းစွာ လက်ကမ်းရင် အတိုက်အခံကလဲ သဘောကြီးကြီးနဲ့ လက်တွဲမှာ
ပဲလို့ ယုံကြည်ခဲ့တယ်။ ဒါပေမယ့် ပထမဆုံး စမ်းသပ်ပွဲအဖြစ် သမ္မတဖြစ်ပြီး ခြောက်လမပြည့်ခင်
အိုဘားမားအဆိုပြုတဲ့ စီးပွားရေး ပြန်လည်နိုးထဖို့ ဒေါ်လာ ၈၁၉ ဘီလျံအသုံးပြုမယ့် အစီအစဉ်ကို
အောက်လွှတ်တော်မှာ မဲခွဲတော့ ရီပတ်ဗလီကင်ပါတီက အမတ်တစ်ယောက်ကမှ မထောက်ခံဘူး။
ပထမဆုံး စမ်းသပ်ပွဲမှာပဲ စိတ်ပျက်စရာဖြစ်သွားခဲ့တယ်ဗျာ။ သည်စမ်းသပ်မှုမှာ အိုဘားမားအောင်မြင်ရင်
ကမ္ဘာမှာ ပြိုင်ဘက်ပါတီများ တက်ညီလက်ညီ လက်တွဲလုပ်နိုင်ဖို့ စံနမူနာတွေ့ပြီဆိုပြီး ကျွန်တော်တို့
စောင့်ကြည့်ခဲ့ကြတာဖြစ်လို့ မှတ်မိနေတာပါ။
ပါတီစွဲမထားကြဖို့
ရီပတ်ဗလီကင်တွေက မထောက်ခံပေမယ့် အဆိုပြုချက်ကတော့ အတည်ဖြစ်သွားတာပဲ။ အထက် အောက်
လွှတ်တော်နှစ်ရပ် စလုံးမှာ ဒီမိုကရက်တစ် အမတ်တွေက အများစုဖြစ်နေလို့ အတည်ပြုနိုင်ခဲ့တာ ဖြစ်တယ်ဗျ။
အိုဘားမားက အဲသလို ဖြစ်ချင်တာမဟုတ်ဘူး။ သူလိုချင်တာက တိုင်းပြည်ကောင်းစားရေး ကိစ္စဆိုရင် ပါတီစွဲမထားကြနဲ့။ ထောက်ခံသင့်တာကို ထောက်ခံရမယ်လို့ နှိုးဆော်ခဲ့တာဗျ။ သို့သော် လက်တွေ့ကျတော့
ရီပတ်ဗလီကင်အမတ် တစ်ယောက်တောင် ထောက်ခံသူမရှိဘူးဆိုတော့ သူ့မျှော်လင့်ချက် သဲထဲရေသွန်သ
လိုဖြစ်သွားရတာပေါ့။ အဲဒီတုန်းက မဲခွဲအတည်ပြုလိုက်တဲ့အခါ ဒီမိုကရက်တွေက သြဘာပေးကြတယ်။
ရီပတ်ဗလီကင်တွေက တုံဏှိဘာဝေ တိတ်ဆိတ်နေကြသတဲ့။
ရီပတ်ဗလီကင်တွေ မထောက်ခံတာက သူတို့ အကြောင်းနဲ့သူတို့ရှိတယ်။ ဘဏ်တွေကို အစိုးရက ကယ်ဆယ်ရမယ်
ဆိုတာကို သူတို့ ဘ၀င်မကျကြဘူး။ ပြီးတော့ သူတို့ ရီပတ်ဗလီကင်သမ္မတ ဘုရ်ှက  အမေရိကန် စီးပွားရေး
ပြန်ထူမတ်လာအောင် ကျားကန်ပေးဖို့ လွှတ်တော်ကနေ ဒေါ်လာ ဘီလျံ ၇၀၀ တောင်းပေးပြီးတာအပြင်
အိုဘားမားက ဒေါ်လာ ဘီလျံ ၈၀၀ ထပ်တောင်းတာကိုလဲ သဘာဝမကျဘူးလို့ သူတို့ယူဆတဲ့အကြောင်း
ကျွန်တော်ဖတ်လိုက်ရတယ်။
အိုဘားမားရဲ့ အဖြစ်က ဆိုးတယ်။ ကျန်းမာရေးရန်ပုံငွေ စီမံချက်ကို သူတင်ပြတော့ ရီပတ်ဗလီကင်တွေ
အကုန်လုံးက ကန့်ကွက်တာတော့ ထားပါတော့၊ သူ့ရဲ့ မိခင်ပါတီဖြစ်တဲ့ ဒီမိုကရက်တစ်ပါတီက အမတ်
၃၀ ကျော်ကပါ ကန့်ကွက်ခဲ့တာနဲ့ ကြုံရတယ်။
အတိုက်အခံပီပီသသ ရပ်တည်
အထက်ပါဥပမာကို ကြည့်ရင် တက်ညီလက်ညီနှစ်ပါတီဆိုတဲ့ မျှော်မှန်းချက်ဟာ စိတ်ကူးယဉ်တာပဲဆိုတာ
ပေါ်လွင်နေတာပါပဲ။ ကျွန်တော်တို့ ဆီမှာလည်း အဲသလို စိတ်ကူးယဉ်တဲ့ အမတ်တချို့ကိုတွေ့ဖူးတယ်။
သူတို့ ပြောတာဆိုတာတွေ ဖတ်ဖူးတယ်။ လွှတ်တော် ၀န်းကျင် လေထုထဲရောက်သွားပြီး ပြောခွင့်ဆိုခွင့်
အထိုက်အလျောက်ရတာနဲ့ပဲ တက်ညီလက်ညီပူးပေါင်းဆောင်ရွက်ရေးတို့ဘာတို့ ပြောလာကြတယ်။
ကျွန်တော်က အဲသလို မဖြစ်စေချင်ဘူး။ အတိုက်အခံပါတီတွေဟာ အတိုက်အခံပီပီသသ ရပ်တည်သင့်တယ်လို့ပဲ
ယူဆပါတယ်။ နောက်ရွေးကောက်ပွဲမှာ တစ်လှည့်တစ်ပြန် အစိုးရဖြစ်နိုင်သူတွေလို့ ပြည်သူတွေက
မျှော်လင့်ချက်ထားနိုင်အောင် မတူကွဲပြားတဲ့ အမြင်တွေကို တင်ပြနိုင်ရမယ်။ ပြည်သူထောက်ခံမှု
ပိုရအောင် အားမွေးသင့်တယ်။ ဒါမှသာ ဒီမိုကရေစီ အလေ့အကျင့်တွေ ရကြမှာပေါ့။
မြန်မာပြည်သူတွေကစစ်မှန်တဲ့ဒီမိုကရေစီနိုင်ငံတော်ကို မြင်လိုကြတာ ဖြစ်တယ်။ နိုင်ငံရေးပါတီတွေကိုလည်း
ကြောင်ဆိုရင်လည်း ကြောင်၊ ကြွက်ဆိုရင်လည်း ကြွက်အဖြစ် ရှင်းရှင်းလင်းလင်း မြင်ချင်တယ်။
မှုန်ဝါးဝါးနဲ့ ကြောင်လိုလို ကြွက်လိုလို လုပ်နေလို့ကတော့ ပြည်သူရဲ့ ယုံကြည်မှုကို ရတော့မှာ
မဟုတ်ဘူးလို့ ပြောချင်ပါတယ်။
၂၆၊ ၁၀၊ ၁၁
maungwuntha@gmail.com
ယခု အပတ်ထုတ် True News သစ္စာဂျာနယ်မှာ ဖော်ပြထားသည့် ဆရာ မောင်ဝံသ ၏
မှန်တာပြောသစ္စာ ဆောင်းပါး ဖြစ် ပါသည်။
မောင်ဝံသ  သည် ၁၉၈၈ ခုနှစ် မတိုင် ခင်က နိုင်ငံပိုင် သတင်း စာ များ ၏ စာတည်း မှုးချုပ်
ဟောင်း ဖြစ်ပြီး ၊ နောက် အမျိုးသား ဒီမိုကရေစီအဖွဲ့ ချုပ် သို့  ၀င် ကာ နိုင်ငံ ရေး လှုပ်ရှား မှု
ပြု ခဲ့ ပြီး နောက် စစ်အစိုးရ ၏ ဖမ်းဆီးထိမ်းသိမ်း ခြင်း ခံခဲ့ ရသည်။
မြန်မာ စာပေ လော က တွင် နှစ်ခါ ပြန်ထုတ် ဝေခဲ့ ရသည့် အတွေး အမြင် မဂ္ဂဇင်း ကို ထုတ်
ဝေ ၊ တည်းဖြတ် သူ တစ်ဦး လည်း ဖြစ်ပြီး ၊ လက်ရှိတွင်  ပြည့်သူ့ ခောတ် သတင်းစာ ၏
အယ်ဒီတာ ချုပ် တစ်ဦး ဖြစ်သည်။
၎င်း ၏ သား ဖြစ်သူ သည် မြန်မာ စာအုပ်လောက တွင် အရောင်း ရ ဆုံး ဖြစ်သည့် “ရေးပေး
ပါ ” ဆိုသည့် စာအုပ် အတွက် စိတ်ကူးဥာဏ် ကွန့် မြူးခဲ့ သူ ဖြစ်သည်။
ဒီင်္တစ်ပတ်ထုတ် သတင်းဂျာနယ် များ မှ FNG အယ်ဒီတာ အဖွဲ့  ၏ အကြိုက် ဆုံး ဆောင်း
ပါး ကို မူရင်း အတိုင်း ဖော်ပြ ခြင်း ဖြစ်သည်။

BA လူမှုသိပ္ပံဘွဲ့အတွက် စကော်လားရှစ်

ချင်းမိုင်တက္ကသိုလ်၏ နှစ်စဉ် စကော်လားရှစ် အစီအစဉ်တွင် ပညာထူးချွန်သော မြန်မာကျောင်းသားများ အတွက် ပညာတော်သင်ဆုကို ချီးမြှင့်လျက်ရှိပါသည်။

ချင်းမိုင်တက္ကသိုလ် စာကြည့်တိုက်

ရမှတ်ကောင်းခြင်း၊ ပုံမှန်အတန်းအောင်မြင်ခြင်းစသည့် တက္ကသိုလ် စကော်လားရှစ်ရွေးချယ်ရေး ကော်မီတီက သတ်မှတ်ထားရှိသည့် စံနှုန်းများနှင့် ကိုက်ညီသော မြန်မာကျောင်းသားများကို လူမှုသိပ္ပံအထူးပြု ပညာတော်သင်ဆုကို ၂၀၁၂ အတွက် ချီးမြှင့်မည်ဖြစ်ကြောင်း သတင်းရရှိပါသည်။
အသေးစိတ်အချက်အလက်များနှင့် ဆက်သွယ်ရန်အတွက် ပညာတော်သင်ဆု ၀ဘ်ဆိုက်သို့ ၀င်ရောက်နိုင်ပါသည်။
http://ba-social-science.weebly.com/scholarships.html

အတိုက်အခံတွေ ပြည်ပထွက်ပါ

အမျိုးသားပြန်လည် ရင်ကြားစေ့ရေး၊ မြန်မာပြည်ဘက်စုံ ဖွံ့ဖြိုးတိုးတက်မှုနှင့် ဒီမိုကရေစီ အမြန်ဆုံး အကောင်အထည် ဖော်ရာ၌ မလိုလားအပ်သည်များကို ဖယ်ရှားရန်အတွက် ဤ အယ်ဒီတာ့အာဘော်ကို ရေးသားခြင်းဖြစ်သည်။
မြန်မာပြည်သည် နိုင်ငံရေးနှင့် စီးပွားရေးတို့တွင် ဒေသတွင်းရှိ တခြားနိုင်ငံများထက် များစွာ နောက်ကျကျန်ရစ်ခဲ့ပြီ၊ ယခင်က အိမ်နီးချင်းနိုင်ငံများဖြစ်သည့် ဘင်္ဂလားဒေ့ရှ်၊ လာအိုနိုင်ငံတို့ထက်ပင် စီးပွားရေး၊ လူမှုရေး အဘက်ဘက်က နောက်ကျ ကျန်ရစ်ခဲ့သည်ကို မငြင်းနိုင်ပေ။
ဒုတိယကမ္ဘာစစ်အပြီး လွတ်လပ်ရေးအကြိုကာလတွင် အမျိုးသားခေါင်းဆောင်ကြီး ဗိုလ်ချုပ်အောင်ဆန်းက စစ်ဒဏ်ကြောင့် ပြာပုံဘဝ ရောက်နေသည့် အနောက်အင်အားကြီး နိုင်ငံတို့နှင့် ယှဉ်၍ အမီလိုက်နိုင်ရန် အလုပ်ကို ကုန်းရုန်းလုပ်ရမည်ဟု တိုက်တွန်းခဲ့ကြောင်း သတိရမိပါသည်။
ယခုလက်ရှိ မြန်မာပြည် ပြန်လည်ထူထောင်ရေးတွင် အိမ်နီးချင်းနိုင်ငံများကိုပင် မီအောင် ပြန်လိုက်ရမည့် အနေအထား၌ လူသားအရင်းအမြစ် ရှားပါး ခမ်းခြောက်နေရခြင်းက အဓိက စိုးရိမ်စရာ ဖြစ်နေသည်။
လူသားအရင်းအမြစ် ရှားပါးလာရခြင်းကို ဆန်းစစ်လျှင် တိုင်းပြည်ကို အုပ်ချုပ်ခဲ့သော အစိုးရအဆက်ဆက်၏ ညံ့ဖျင်း မှုကြောင့်ဟု ဆိုရပေမည်။
အစိုးရအဆက်ဆက်တို့မှာ တိုင်းပြည်တွင်းမှ သယံဇာတများကို ထုတ်ယူရောင်းချခဲ့သော်လည်း ရရှိလာသော အမြတ်များမှာ ပြည်တွင်းစစ်အပါအဝင် ယိုယွင်းခြစားနေသော အစိုးရယန္တယားအတွင်း ပျောက်ပျက် ကုန်ဆုံးခဲ့ရသည်။
တိုင်းပြည်၏ လူသားအရင်းအမြစ် ဖွံ့ဖြိုးရေး၌ အဓိကကျသော ပညာရေးစနစ်အတွက်မူ အနည်းငယ် မဆိုစလောက်သာ အသုံးပြုခဲ့သည်ကို တွေ့ရသည်။
မြန်မာပြည်တွင် ခေတ်အဆက်ဆက် လူတော် လူတတ်များ ရှိခဲ့သော်လည်း တိုင်းပြည်တွင်း နေရာပေးခြင်း မခံရသောကြောင့် အများစုမှာ နိုင်ငံကို စွန့်ခွာသွားကြရသည်။ နိုင်ငံတွင်း ကျန်ရှိနေသည့် ပညာရှင်များမှာလည်း ၎င်းတို့ တက်မြောက်ထားသည့် ပညာရပ်များကို နေရာမှန်၊ နည်းမှန်၊ လမ်းမှန် အသုံးချခွင့် မရကြသည့်အတွက် ပညာရှင်များမှာ မသွေးဘဲထားသော ဓားများကဲ့သို့ တုံးသွားရသည်ချည်း ဖြစ်သည်။
၁၉၈၈ ခုနှစ်နောက်ပိုင်း ပြိုကျပျက်စီးသွားသော ပညာရေးစနစ်ကြောင့် မျိုးဆက်သစ် လူငယ်များမှာ ကိုယ့်ခြေထောက်ပေါ် ကိုယ်ရပ်၍ ကိုယ့်အရည်အသွေးကို ကိုယ့်ဘာသာ မြှင့်တင်ကြရသည်။
တချို့သော လူငယ်များက နိုင်ငံရပ်ခြားသို့ ထွက်ခွာ၍လည်းကောင်း၊ တချို့က ပြည်တွင်း၌ပင် ရသည့်နည်းလမ်းကို အသုံးပြု၍ လည်းကောင်း ၎င်းတို့၏ ပညာဆာငတ်မှုကို ဖြစ်သလို ဖြေရှင်းကြရသည်။
ထိုကဲ့သို့ ပညာငတ်မွတ်ပြီး အရည်အသွေးမြှင့်တင်လိုသည့် လူငယ်များကို အကြောင်းပြုကာ တတိယအင်အားစု ဟု ခေါ်တွင်သည့် ခေတ်ပညာတတ် လူတွင်ကျယ်များ ပေါ်ပေါက်လာခဲ့သည်။
၎င်းတို့သည် လူမှုဖွံ့ဖြိုးရေး အမည်ခံသော်လည်း တိုင်းပြည်ကို ကုစားရေးအတွက် ဆေးမဖြစ်ဘဲ ဘေးဖြစ်လာနေသည်၊တိုင်းပြည် ဖွံ့ဖြိုးတိုးတက်ရေးကို လုပ်ဆောင်ခြင်းထက် ခြစားကာ အပေါက် ဗရပွဖြစ်နေသော အစိုးရယန္တယားကို လိုက်လံ ဖာထေးရင်း ဗျူရိုကရက်များ မွေးထုတ်ရေးကိုသာ ဦးတည်လာသည်။
အဆိုးရွားဆုံးမှာ ဒီမိုကရေစီအရေးအတွက် ဘဝများရင်းထားရသည့် နိုင်ငံရေးအကျဉ်းသားများ၊ မိဝေး၊ ဘဝေး၊ တိုင်းပြည်နှင့် ဝေးကွာသည့်အရပ်တွင် နေနေရသည့် ဒုက္ခသည်များ၊ ပြည်ပရောက် ဒီမိုကရေစီအရေး လှုပ်ရှားသူများ၏ အနေအထားကို လျစ်လျူရှုနေခြင်းပင်။ ထိုအချက်က အမျိုးသား ရင်ကြားစေ့ရေးအတွက် ဆူးညှောင့်ခလုတ် ဖြစ်နေပေသည်။
ဖွံ့ဖြိုးရေး၊ ပညာရေး၊ သဘာဝပတ်ဝန်းကျင် စသည်ဖြင့် NGO အမည်အမျိုးမျိုး တပ်ကာ နိုင်ငံရေးကိစ္စများတွင် ဝင်ရောက် မွှေနှောက် နေကြသည်။ ထိုင်းနိုင်ငံ ဘန်ကောက်မြို့တွင်ရှိသည့် အနောက်နိုင်ငံ သံတမန်အသိုင်းအဝန်းများ ကြားတွင်လည်း ၎င်း တတိယ အင်အားစုများက ဝင်ရောက် ချယ်လှယ်လျက် ရှိသည်။
ထိုကဲ့သို့သော အရေးကိစ္စများကို ဒေါ်အောင်ဆန်းစုကြည် အပါအဝင် တိုင်းရင်းသားခေါင်းဆောင်များ၊ ဒီမိုကရေစီ အရေးကို အမှန်တကယ် လိုလားသူများ၊ တိုင်းပြည်အတွက် အမှန်တကယ် စေတနာရှိသူများ သိရန်လိုအပ်သည်။
ရှေ့တန်းရောက် နိုင်ငံရေးသမားကြီးများ အနေဖြင့် ပြည်တွင်း နိုင်ငံရေးတိုးတက်မှုများအတွက် စေတနာထား အာရုံစိုက်ကာ ဇောင်းပေး လုပ်ကိုင်နေရသည်ကို အပြည့်အဝ နားလည်ပါသည်။
သို့သော် ဧရာဝတီအနေဖြင့် နှိုးဆော်လိုသည်မှာ လူထုအကျိုးကို ကိုယ်ကျိုးမဖက် ဆောင်ရွက်နေသည့် နိုင်ငံရေးသမား၊ လူမှုရေး လုပ်ဆောင်နေသူများ အနေဖြင့် ပြည်တွင်းတွင်သာ မနေဘဲ ပြည်ပသို့ထွက်ကာ လေ့လာစေချင်သည်၊ ပြည်ပ နိုင်ငံ များတွင် မြန်မာပြည်အခြေအနေမှန်ကို လူသိများလာရန် လှုံ့ဆော် စေချင်သည်၊ ပြည်တွင်းကွန်ယက်သာ မကဘဲ ပြည်ပရှိ ကွန်ယက်များနှင့် ချိတ်ဆက်၍ အားယူစေချင်သည်၊ မိမိတို့၏ ကျိုးစားအားထုတ်မှုများကို နိုင်ငံတကာ သံတမန် အသိုင်းအဝန်း က သိရှိစေရန် ချပြစေချင်သည်။
အစိုးရအနေဖြင့်လည်း အတိုက်အခံများအား ပြည်ပခရီး သွားလာခွင့် ကန့်သတ်ထားသည်ကို ပယ်ဖျက်ပေးစေလိုသည်။
ပြည်တွင်းရှိ အတိုက်အခံများ အနေနှင့် ပြည်ပသို့ထွက်လာမည် ဆိုလျှင်လည်း နိုင်ငံတကာ အခင်းအကျင်းကို နားလည်ပြီး မိမိ တင်ပြဆွေးနွေးမည့် အကြောင်းအရာကို တဘက်က လေးစား လက်ခံလာစေရန် ပြောဆိုနိုင်သူများ ဖြစ်ရမည်။ လူကြီး များသာမကဘဲ ပြောရေးဆိုခွင့်ပြုနိုင်မည့် အခြေအနေ ရှိသော လူငယ်မျိုးဆက်သစ်များကို မွေးထုတ်ကာ အရည်အသွေးများ မြှင့်တင်ပေးသင့်သည်။
အဆိုပါ ကိစ္စရပ်များကို အရေးပေါ်ကိုင်တွယ် ဖြေရှင်းဖို့ လိုအပ်သည်။ ထိုသို့မဟုတ်ပါက မြန်မာပြည် ဒီမိုကရေစီ လှုပ်ရှားမှု ခါးပြတ်ချိနဲ့ သွားလိမ့်မည် ဟူ၍သာ ဧရာဝတီက တင်ပြလိုပါသည်။

အကောင်းဆုံး ဦးနှောက်တွေရှိတဲ့ နိုင်ငံသာ အောင်မြင်မည်

တရုတ်လုပ် ကုန်ပစ္စည်းများနဲ့ အိန္ဒိယ အခြေစိုက် ၀န်ဆောင်မှု လုပ်ငန်းတွေကြောင့် အမေရိကန် ပြည်ထောင်စုအဖို့ စိုးရိမ်သောကတွေ ဖြစ်လာရသည်။ အထူးသဖြင့် talent ခေါ် ပင်ကိုယ်အစွမ်းအစ ပြိုင်ဆိုင်မှုမှာ တရုတ်၊ အိန္ဒိယနဲ့ အခြားနိုင်ငံတွေ ရှေ့တက်လာနေတာကို စိုးရိမ်ခြင်း ဖြစ်သည်။
နာဆာသိပ္ပံပညာရှင် ရောဘတ် ဟမင်လ်တန် က "တရုတ်၊ အိန္ဒိယ၊ ရုရှားနဲ့ တူရကီ တို့လို ဈေးကွက် ဖွံ့ဖြိုးလာတဲ့ နိုင်ငံတွေကနေ ကမ္ဘာ့အတော်ဆုံး သိပ္ပံနဲ့ အင်ဂျင်နီယာ ကျောင်းသားတွေ နေ့စဉ် အများကြီး ထွက်လာတယ်။ ကလေးမွေးနှုန်း လျော့နည်းတဲ့ အနောက်နိုင်ငံတွေမှာတော့ ပင်ကိုယ် 'ဇ' ရှိတဲ့ လူငယ်အရေအတွက် ကျဆင်းလာနေတယ်" ဟု ယေးလ်တက္ကသိုလ်မှာ မကြာခင်က ပြောခဲ့သည်။
တကယ်လို့ အမေရိကအနေနှင့် အကောင်းဆုံး ဦးနှောက်တွေ၊ စမတ်အကျဆုံး သိပ္ပံပညာရှင်နဲ့ အင်ဂျင်နီယာတွေကို ဆက်ပြီးး စွဲဆောင်စည်းရုံးထားဖို့ဆိုရင်၊ ၄င်းရဲ့ ခေတ်မမှီတော့တဲ့ လူဝင်မှုကြီးကြပ်ရေး ပေါ်လစီတွေ ပြောင်းလဲဖို့နဲ့ အခြားက ရွှေ့ပြောင်းလာသူတွေကို ကောင်းကောင်း ဆက်ဆံဖို့ လိုမည်ဟုလည်း ပြောခဲ့သည်။
အမေရိကန် အခက်၊ အခြားနိုင်ငံတွေအတွက် အချက်
တရုတ်၊ အိန္ဒိယ၊ တောင်ကိုရီးယားနဲ့ အခြား စီးပွားရေးတိုးတက်လာတဲ့ နိုင်ငံတွေရဲ့ ကျောင်းသားတွေက အမေရိကန် တက္ကသိုလ်တွေမှာ ပညာသင်ယူပြီး၊ သိပ္ပံနဲ့ အင်ဂျင်နီယာ ပညာရပ်တွေမှာ ထိပ်ဆုံးနေရာကို ယူလာကြသည်။ နောက် ပညာသင်ပြီး အမေရိကမှာ အခြေမချဘဲ၊ သူတို့ ဇာတိနိုင်ငံတွေ ပြန်သွားကြသည်။
အဲဒီ ကျောင်းသားတွေကို ဩစတြေးလျ၊ ကနေဒါ၊ ဗြိတိန် တို့က လုပ်ငန်းရှင်တွေက အခွင့်အလမ်းတွေပေးပြီး ခေါ်ယူသိမ်းသွင်းနေသည်။ ဒါကြောင့် မကြာခင်က အမေရိကန် အိုင်တီနဲ့ ကွန်ပျူတာလုပ်ငန်းရှင်တွေက သမ္မတ အိုဘားမားကို အလားတူ အခွင့်အရေးမျိုးတွေ ပေးပြီး၊ ပညာရှင်တွေ ထိန်းထားဖို့ တောင်းဆိုလာကြသည်။
လွန်ခဲ့တဲ့ ဆယ်စုနှစ်နှစ်ခုမှာ အမေရိကန် တက္ကသိုလ်တွေက ချီးမြှင့်တဲ့ သိပ္ပံနဲ့ အင်ဂျင်နီယာ PhD ဘွဲ့တွေကို ရရှိတဲ့ နိုင်ငံရပ်ခြား ကျောင်းသား အရေအတွက်က ပျမ်းမျှ ၂၇ ရာခိုင်နှုန်း ရှိသည်။ ၂၀၀၉ ခုနှစ်ကျတော့ ၃၇ ရာခိုင်နှုန်း အထိ တက်လာသည်။ လက်ရှိ အမေရိကန် သိပ္ပံနဲ့ အင်ဂျင်နီယာ လုပ်ငန်းတွေမှာ လုပ်ကိုင်နေသူ သုံးပုံတစ်ပုံကျော်က ပြည်ပကနေ ယာယီ ဗီဇာနဲ့ နေသူတွေ ဖြစ်သည်။
နိုင်ငံရပ်ခြားကနေ ရွှေ့ပြောင်းလာတဲ့ ကျွမ်းကျင်ပညာရှင်တွေက အမေရိကန်စီးပွားရေးကို အများကြီး အကျိုးပြုခဲ့သည်။ ကမ္ဘာကျော် Intel ကုမ္ပဏီကို တည်ထောင်သူဆိုရင် ဟန်ဂေရီ နိုင်ငံသား ဖြစ်သည်။ Google ကို ပူးတွဲတည်ထောင်သူက ရုရှားကနေ ရွှေ့ပြောင်းလာသူဖြစ်သည်။ နောက် အဲဒီလို အမေရိကကို ရွှေ့ပြောင်းလာတဲ့ ပညာရှင်တွေက အမေရိကမှာ မွေးဖွားတဲ့ ပညာရှင်တွေထက် အကယ်ဒမစ် စာတမ်းတွေ ပိုမို ရေးသားထုတ်ဝေနိုင်ကြသည်။
အခု အဲဒီအခြေအနေတွေ ပျောက်ကုန်မယ့် သဘောရှိသည်။ ၂၀၀၉ ခုနှစ် Gallup စစ်တမ်းအရ အမေရိကမှာ ပညာလာသင်နေတဲ့ ၁၄၈ နိုင်ငံက ကျောင်းသားတွေအနက် ၉ ရာခိုင်နှုန်းပဲ အမေရိကမှာ ရေရှည် အလုပ်လုပ်ဖို့ ရှိသည်။ ၁၉ ရာခိုင်နှုန်းက ကနေဒါကို ဦးစားပေး ရွေးချယ်ကြသည်ဟု ဆိုသည်။
၂၀၀၂ ခုနှစ် အမေရိကမှာ သိပ္ပံပညာရပ်ဆိုင်ရာ ဒေါက်တာဘွဲ့ ရရှိတဲ့ နိုင်ငံခြားသားတွေအနက် ၂၂ ရာခိုင်နှုန်းက သူတို့ တိုင်းပြည်ကို ဘွဲ့ရပြီးတာနဲ့ ချက်ချင်းပြန်သွားခဲ့သည်။ ၂၀၀၈ ခုနှစ်မှာ နောက်ထပ် ၁၈ ရာခိုင်နှုန်း ပြန်သွားကြသည်။ ၂၀၀၇ ခုနှစ် အမေရိကန် တက္ကသိုလ်တွေကနေ အင်ဂျင်နီယာ ဒေါက်တာဘွဲ့ ရရှိသူ ပြည်ပကျောင်းသားတွေအနက် ၃၇ ရာခိုင်နှုန်းက သူ့တို့်တိုင်းပြည်ကို ချက်ချင်းပြန်သွားခဲ့သည်။
လက်ရှိအခြေအနေအရ အမေရိကအနေနှင့် အကောင်းဆုံး ဦးနှောက်တွေကို ထိန်းမထားနိုင် ဖြစ်နေသည်။ အခု ပီကင်း တက္ကသိုလ်က အမေရိကန် MIT ထက်သာလွန်ဖို့ ကမ္ဘာ့အကောင်းဆုံး ဦးနှောက်တွေကို စီမံကိန်းချ ၀ယ်ယူနေသည်။ သုတေသန လုပ်ခွင့်တွေ ပေးလာသည်။ အလားတူ ဩစတြေးလျနဲ့ ကနေဒါတို့ကလည်း ဦးနှောက်ကောင်းတွေ ဈေးကြီးကြီး ပေးဝယ်နေသည်။
ရေရှည် ဂလိုဘယ်စီးပွားရေး ပြိုင်ပွဲမှာ အကောင်းဆုံး ဦးနှောက်တွေ သိမ်းပိုက်ထားနိုင်တဲ့ နိုင်ငံက အနိုင်ရဖို့ ရှိသည်။

သတို့သမီးလောင်း အများကြီး အလိုရှိသည်

ကမ္ဘာ့လူဦးရေဟာ သန်း ၇ ထောင်ကို ရောက်လုရောက်ခင်ပါ။ လိင် အချိုးအစား မမျှတဘဲ ရှိနေရတဲ့ အနေအထားဟာ အလားအလာ မကောင်းလှတဲ့ - လူပျိုကြီးတို့ရဲ့ နိုင်ငံတော်များ - ပေါ်ထွန်းလာနေပြီး သတို့သမီးလောင်းအတွက် အကြိတ်အနယ် ယှဉ်ပြိုင်ရတော့မယ့် ခေတ်ကို ရောက်ပါတော့မယ်။
ပြင်သစ် လူဦးရေဆိုင်ရာ ကျွမ်းကျင်သူ Christophe Guilmoto ကတော့ ဒီအကျိုးဆက်ဟာ အိန္ဒိယ၊ တရုတ်နိုင်ငံတို့ရဲ့ လိင်ရွေးချယ်ပြီး ကလေးယူခြင်း၊ ကိုယ်ဝန် ဖျက်ချခြင်းကြောင့်များ ဖြစ်နိုင်သလားလို့ မေးခွန်းထုတ်ပါတယ်။ သူက - ဒေသအလိုက် (ပုလ္လိင်) ပုရိသများ အလွန်အမင်း ပေါများနေခြင်း - လို့ ကင်ပွန်းတပ်တယ်။
လာမယ့် အနှစ် ၅၀ အတွင်းမှာ အရွယ်ရောက် အမျိုးသမီးများ ရှားပါးလာနေမှု၊ မလုံလောက်မှုတို့ကြောင့် ရာသီဥတု ပြောင်းလဲမှုလိုပဲ သက်ရောက်မှုတွေ အကြီးအကျယ် ရှိနေလိမ့်မယ်လို့လည်း လူဦးရေပညာရှင်များက ခန့်မှန်းထားကြပါတယ်။
ဒီ သတိပေးချက်များနောက်ကွယ်က စာရင်းဇယား၊ အချက်အလက်တွေကလည်း မယုံကြည်နိုင်ဖွယ်ရာပါ။

သတို့သမီးလောင်း အများကြီး အလိုရှိသည်

သဘာဝတရားကတော့ ဇီဝမျှခြေအတွက် လိင်အချိုးအစားကို မွေးဖွားလာတဲ့ (ယောက်ျားလေး ၁၀၄-၁၀၆ အတွက် - မိန်းကလေး အယောက် ၁၀၀) အချိုးထားရှိတယ်။ ဒီ ကျဉ်းမြောင်းလှတဲ့ အချိုးကနေ နည်းနည်းလောက် သွေဖီတာကိုတောင် ပုံမှန်မဟုတ်တဲ့ သဘာဝနဲ့ ဆန့်ကျင်ဖက် လုပ်ရပ်တွေကြောင့် ဖြစ်ရတယ်လို့ ပြောနိုင်ပါတယ်။
အကွာအဝေးကလည်း ပိုလို့သာ ကျယ်ပြန့်လို့ လာနေတာပါ။ တောင်ကောကေဆပ်ဒေသ (အဇာဘိုင်ဂျန်၊ ဂျော်ဂျီယာနဲ့ အာမေးနီးယား) နယ်တွေမှာ  ၁၁၅ - ၁၀၀ အချိုးထက်ကို ကျော်လွန်နေပါပြီ။ ဆာဘီးယားနဲ့ ဘော့စနီယားဒေသတွေမှာလည်း ဒီလိုအခြေအနေပါ။
နိုဘယ်ဆုရ အိန္ဒိယစီးပွားရေး ပညာရှင် အမာတရာဆင်းရဲ့ စာတမ်းနဲ့အတူ ၁၉၉၀ လောက်ကတည်းက ဒီ အချိုးမမျှတမှုကို ဖော်ထုတ်ခဲ့ကြတယ်။ နာမည်ကျော် ခေါင်းစဉ်ကတော့ - အမျိုးသမီး သန်း ၁၀၀ ကျော် ပျောက်ဆုံး နေပြီဗျို့ - ဖြစ်ပါတယ်။
လူဦးရေ ပညာရှင်များကတော့ အခုအခါမှာ သန်း ၁၆၀ ကျော် လိုအပ်နေပြီလို့ ဆိုပါတယ်။ သားယောက်ျားလေးများသာ ရလိုမှု၊ မျိုးပွားနှုန်း ကျဆင်းနေမှုတို့ အပါအ၀င် ပိုလို့ စိုးရိမ်ဖွယ်ရာ -မမွေးဖွားမီ ကတည်းက လိင်ရွေးချယ်နိုင်စွမ်း နည်းပညာ အောင်မြင်နေမှုတို့ကြောင့် ဖြစ်ရတယ်လို့ ဆိုကြပါတယ်။
အိန္ဒိယမှာ နှစ်စဉ် မိန်းကလေးဖြစ်မယ့် သန္ဓေသားလောင်း သန်း တ၀က်လောက်လောက်ဟာ ဖျက်ဆီးခံနေရတယ်လို့ ဗြိတိသျှ Lancet ဆေးပညာဂျာနယ်က ဆိုပါတယ်။
"အယင်ကဆိုရင် ဆိုနိုဂရမ် (အာထရာဆောင်း) ရိုက်ဖို့အတွက် ရွာသားတွေဟာ မြို့ကိုသွားမှဖြစ်တာ။ ဒီကနေ့မှာတော့ သားယောက်ျားလေး လိုချင်တဲ့သူတွေအတွက် ဆိုနိုဂရမ်ရိုက်တဲ့ သူတွေဟာ ရွာတွေကို ဆင်းနေကြပြီလေ။" အန္ဒိယ လူဦးရေ ဖောင်ဒေးရှင်းက Poonam Muttreja က ပြောခဲ့သည်။
နောင် ၁၀ နှစ်အတွင်းမှာ အိန္ဒိယနှင့် တရုတ်ပြည်မှာ ကျား-မ မွေးနှုန်း အချိုးအစားဟာ ပုံမှန်ရောက်တယ် ဆိုရင်တောင်မှ နောင် ဆယ်စုနှစ် များစွာ ကြာတဲ့အထိ ဒီတိုင်းပြည်က ပုရိသ ယောက်ျားများစွာတို့ဟာ - အိမ်ထောင်ပြုမှုအတွက် သတိုးသမီးလောင်းကို ယှဉ်ပြိုင် ရှာဖွေရတဲ့ ဒုက္ခ - ကနေ လွတ်မြောက်ဖွယ်ရာ မရှိသေးဘူးလို့ Guilmoto က ရှင်းပြထားပါတယ်။
" ဒီပုရိသယောက်ျားများစွာတို့ဟာ အရွယ်လွန်မှသာ အာဝါဟ၊ ၀ိဝါဟ မင်္ဂလာတရားကို ဆင်နွှဲနိုင်ဖွယ်ရာ ရှိနေပါတယ်။ ဒီလိုအိမ်ထောင်ပြုမှု မမျှမတ ဖြစ်နေတဲ့ အခြေအနေဆိုးဟာလည်း ယောက်ျားဘသား လူပျိုသိုးကြီးများ အဆမတန် တိုးပွား များပြားလာဖွယ်ရာ ဖြစ်နေပါပြီ။ အထူးသဖြင့် ယောက်ျားလေးတိုင်း အိမ်ထောင်ပြုတဲ့ဓလေ့ ရှိတဲ့ တိုင်းပြည်တွေအတွက်တော့ အရေးကြီးလှတဲ့ အပြောင်းအလဲ တရပ်ပါပဲ။" ပညာရှင်က ဆိုခဲ့ပါသည်။
ဒီအပြောင်းအလဲကြောင့် အကျိုးဆက် ဘာတွေဖြစ်လာနိုင်သလဲ ဆိုတာကိုတော့ ဆွေးနွေး ငြင်းခုန်နေကြတုန်းပါ။ ပြောင်းပြန်ဖြစ်လာမယ့် အနေအထားကတော့ မရှိဘူးလို့ အားလုံးက သဘောတူ ထားကြပါတယ်။
ခင်ပွန်းယောက်ျား တစ်ဦးထက်မက ယူခြင်းဓလေ့နှင့် လိင်ခရီးသွားတိုးရစ်လုပ်ငန်းတွေ ကျယ်ပြန့်လာဖွယ်ရာ ရှိနေပြန်ပါတယ်။ အချို့ကတော့ သဘာဝ တရားရဲ့ ကံဆိုးမိုးမှောင်ကျမှု တစ်ခုခုဖြစ်လာမယ်။ အဲဒါကတော့ ပုရိသ ယောက်ျားသားများ ပိုလျှံနေတဲ့ လူ့အဖွဲ့အစည်းအတွင်းမှာ လိင်ပိုင်းဆိုင်ရာ စော်ကားမှုတွေ၊ အကြမ်းဖက်မှုတွေ၊ ပဋိပက္ခတွေဟာ ပုံမှန် အခြေအနေတွေ ဖြစ်လာမယ်လို့ ဟောကိန်းထုတ်ပြန်ပါတယ်။
လွန်ခဲ့တဲ့ နှစ်ပေါင်းများစွာတုန်းက နိုင်ငံရေး သိပ္ပံပညာရှင်တွေ ဖြစ်ကြတဲ့ Valerie Hudson နဲ့ Andrea den Boer တို့ကလည်း အကြီးအကျယ်ကို သတိပေး နှိုးဆော်စာ ထုတ်ခဲ့ကြဖူးပါတယ်။ ယောက်ျားသား၊ လူပျိုကြီးများ အလွန်အမင်း ပေါများကြွယ်ဝနေတဲ့ အာရှတိုက်ဟာ အနောက်နိုင်ငံတွေအတွက် စစ်ရေးအရ လုံခြုံရေးကိုပါ ခြိမ်းခြောက်နေပြီဆိုတဲ့ စာတမ်းပါ။
" ကျား-မ လိင်အချိုးအစား မညီမမျှဖြစ်နေတာကို အာဏာရှင်နိုင်ငံတွေက ကောင်းကောင်း အသုံးချတတ်ပါတယ်။ ပြည်တွင်းမှာ အကြမ်းဖက် နှိမ်နှင်းရာမှာ သုံးရင်လည်း  သုံးမယ်။ ဒါမှမဟုတ်ရင် ပြည်ပမှာ ကိုလိုနီ နယ်ချဲ့ စစ်ပွဲတွေအတွက် တင်ပို့မယ်။"
သိပ္ပံမဂ္ဂဇင်းရဲ့ သတင်းထောက် တစ်ဦးလည်းဖြစ် မကြာသေးခင်က ထုတ်ဝေခဲ့တဲ့  - သဘာဝမကျတဲ့ ရွေးချယ်မှု - စာအုပ်ရေးသူလည်းဖြစ်တဲ့ Mara Hvistendahl ကတော့ တကယ့် စစ်ပွဲတွေ ဖြစ်လာဖို့ရာဆိုတာ မသေချာပါဘူးလို့ ပြောပြန်တယ်။ ကျား-မ ဂျန်ဒါ အချိုးအစား အတော့်ကို မမျှတပေမယ့် အိန္ဒိယဟာ အကြီးဆုံး ဒီမိုကရေစီ တိုင်းပြည် မဟုတ်လား။
ဒါပေမဲ့ ဖြစ်နိုင်ချေ အလားအလာတွေကိုတော့ သဘောတူပါတယ်တဲ့။
"သမိုင်းကြောင်းအရ မိန်းမသား လူဦးရေထက် ယောက်ျားဘသားတွေ ပိုများပြားလာတဲ့ လူ့အဖွဲ့အစည်းတွေဆိုတာက နေချင်စဖွယ် နေရာတော့ မဟုတ်ချေဘူး။" Hvistendahl က ထောက်ပြထားသည်။
"မကြာခဏဆိုသလိုပဲ တည်ငြိမ်မှု ကင်းမဲ့နေတတ်ပါတယ်။ အခါအားလျော်စွာ အကြမ်းဖက်မှုတွေလည်း ရှိနေတတ်တယ်။" အိန္ဒိယနှင့် တရုတ်နိုင်ငံများက ခေါင်းများ၏ ဂျန်ဒါ မမျှတမှုကြောင့် လူ့အဖွဲ့အစည်းအပေါ်မှာ ခြိမ်းခြောက်မှုတွေရှိနေတယ်လို့ ပြောကြားခဲ့တာကို သူမက ဖြည့်စွက်ပြောခဲ့တာပါ။
UN အေဂျင်စီများကလည်း အမျိုးသမီး ရှားပါးမှုကြောင့် လိင်ကုန်ကူးမှု တိုးပွား လာနေခြင်းနှင့် အိမ်ထောင်ထိမ်းမြားရန် ရွှေ့ပြောင်းနေထိုင်ခြင်းတို့ ဆက်စပ်ပုံကို သတိပေးထားသည်။
"ဒေတာတွေကတော့ ရှားပါးနေတုန်းပါ။" ကုလသမဂ္ဂ  လူဦးရေ ရန်ပုံငွေအဖွဲ့မှ အာရှ ပစိဖိတ်ဒါရိုက်တာဖြစ်သူ Nobuko Horibe က ဆိုပါသည်။ " လက်ထပ်ထိမ်းမြား အိမ်ထောင်ပြုမှု ရှားပါးလာနေခြင်းကြောင့် ဒီဖြစ်ရပ်တွေ ဖြစ်လာနိုင်ပါတယ်။ သေသေချာချာတော့ လေ့လာကြရပါဦးမယ်။"
လိင် အချိုးအစား မမျှမတဖြစ်နေမှုအပေါ်မှာတော့ အားလုံးက အာရုံစိုက်လာကြရပါပြီ။ အဖြေကတော့ ရှာလို့ မရကြသေးပါဘူး။
လိင်ရွေးချယ်ပြီး ကိုယ်ဝန်ဖျက်ချမှုဟာ တရုတ်မှာကော အိန္ဒိယမှာပါ တရားမ၀င်ဖြစ်ပါတယ်။ ဒါပေမယ့် ဥပဒေ သက်ရောက်မှုကတော့ အင်မတန်မှ အခက်အခဲ ရှိနေဆဲပါ။
ပြဿနာရဲ့ အဖြေကတော့ မရှိသေးပါဘူးလို့ Gilmoto က ၀န်ခံပြောဆိုပါတယ်။ ပထမဆုံးလုပ်ရမယ့် အချက်ကတော့ လူသိရှင်ကြား လူထုအကြားမှာ ထုတ်ဖော် ကြေညာဖို့ပါ။ ဖွံ့ဖြိုးဆဲ နိုင်ငံတွေမှာတင်လည်း မဟုတ်ပါဘူး။
"အရှေ့ဥရောပနိုင်ငံတွေက လူထုဟာဆိုရင်လည်း ဘာတွေဖြစ်နေမှန်းကို သိကြတာမဟုတ်ဘူး။" သူက သတိပေးထားသည်။

ရန်ကုန်မြို့ တော်ခန်းမ မနေ့ ညကဗုန်းပေါက်ကွဲမှုနဲ့ မင်္ဂလာတောင်ညွှန့် တိုက်ပြိုသတင်း(ပုံနှင့်တကွ)

                  အောက်တိုဘာ ၂၉ ရက် ည ၉ နာရီ ၂၅ မိနစ်တွင် မင်္ဂလာတောင်ညွန့်မြို့နယ် ၉၆ လမ်းအတွင်းရှိ လေးခန်းတွဲ နှစ်ထပ်တိုက်ဟောင်းတလုံး၏ နောက်ဖေး ဘယ်ဘက်တခြမ်း ပြိုကျမှုကြောင့် လူတဦး သေဆုံးပြီး တဦး ဒဏ်ရာရရှိသွားသည်။

                                                              ရန်ကုန်မြို့ တော်ခန်းမ မနေ့ ည ဗုံးကွဲ

                 ယနေ့ည ၉ နာရီကျော်ခန့်မှာ ရန်ကုန် မြို့တော်ခန်းမအနီး ဒုတိယအကြိမ်မြောက် ဗုံးထပ်မံပေါက်ကွဲပါတယ်။ မြို့တော်ခန်းမရဲ့ဆင်ဝင်နားမှာ ပေါက်တာဖြစ်ပြီး ပေါက်ကွဲတဲ့အသံ တော်တော်ကျယ်တဲ့အတွက် မီးခိုးလုံးတွေ ထွက်လာတာကိုပါမြင်ရတယ်လို့ ဟေမာနွေလ ခရစ်ယာန်ဘုရားကျောင်းနေရာမှနေ ရပ်ကြည့်နေတဲ့ မျက်မြင် တွေ့ရှိသူတဦးက ဆိုပါတယ်။ ပထမတလုံးက ည ၇ နာရီကျော်ခန့်မှာ ပေါက်သွားတာဖြစ်ပြီး ပေါက်ကွဲတဲ့အသံ သိပ်မကျယ်ဘူးလို့ သိရပါတယ်။ အခုအချိန်မှာတော့ မြို့ တော်ခန်းမအနီးတဝိုက်ကို လုံခြုံရေးတွေလည်း ပိုမို တိုးမြှင့်ချထားတယ်လို့ မျက်မြင်တွေ့ရှိသူတဦးက ဘားမားဗီဂျေသို့ ပြောဆိုခဲ့ပါတယ်။

              ဒေါက်တာလွဏ်းဆွေမှကူးယူဖော်ပြသည်

ဂါရ၀ပါ အဖေ

ဂါရ၀ပါ အဖေ

by Thida သီတာ on Monday, October 31, 2011 at 3:40am

၁၉၉၁ အောက်တိုဘာ ၃၁

အိမ်အပေါ်ကနေလှမ်းကြည့်လိုက်တော့ နှင်းဖွေးဖွေးကြားမှာ ကိုအေးချမ်းနိုင် (အဲ့ဒီအချိန်က သီတာ့ရဲ့  လက်တွဲဖေါ်) နဲ့ အတူ သီတာ့အဖေ နှစ်ယောက်သား လမ်းလျောက်လာကြတယ်.. အယ် အယ် အယ် --  အဖေ .. အဖေရယ် ၀မ်းသာလိုက်တာ ကိုယ့်မျက်လုံးတောင် ကိုယ် မယုံနိုင်လို့  ပွတ်တောင် ပွတ်ကြည့်မိတယ်..

ဟုတ်ပါတယ် .. အဖေမှ အဖေ အစစ်ရယ်.. ကြည့်ပါဦး..  အဖေက အကျီအဖြူ (လက်တို) မှာ အညိုအစင်းသေးသေးလေးလိုလို နဲ့  -- ပုဆိုး အညိုကွက်လေးနဲ့  .. အကျီလက်တို အနွေးအကျီလဲ မပါ.. နောက် ပုဆိုးကြီးနဲ့  ဆိုတော့ .... ဒီလောက် နှင်းတွေ ကြားထဲမှာ အဖေ အရမ်းအေးနေတော့မှာပေါ့ .. ကိုအေးချမ်းကြီးကလဲ အဖေ့ကို သူ့ ကုတ်အကျီ ပေးဝတ်လိုက်တာ မဟုတ်ဘူး.. တကတဲမှပဲ ...

အဲ .. ဒါပေမယ့် အဖေက ဘယ်လို ဒီ ဆွီဒင်ကို ရောက်လာတာလဲ .. ကိုအေးချမ်းက သီတာ့ကို surprise လုပ်တာလား... ဖြစ်တော့ မဖြစ်နိုင်ပါဘူးလေ.. အရမ်းကို ၀မ်းသာလုံးဆို့ ပြီး အဖေတို့  ၀င်လာမယ့် အခန်းတံခါးဖွင့်လိုက်တော့ အပေါက်ဝမှာ ရပ်နေတာက ..... ကိုအေးချမ်းနဲ့  ဂျာမဏီကလာလည်တဲ့ မြန်မာဦးလေးကြီးတယောက်ရယ်...

သူတို့ တွေကို တွန်းပီး အနောက်တွေကို ကျီးကန်းတောင်မှောက် လိုက်ကြည့် ပြီးတော့ အဖေကောလို့  ဆိုတော့ ကိုအေးချမ်းကြီး ကြောင်သွားတယ်.. ပြီးတော့

အမ် ဘာတွေ မေးနေတာလဲတဲ့..
ခုနက ကိုအေးချမ်းနဲ့  တူတူ လမ်းလျောက်လာတာလေဆိုတော့ သူနဲ့  လျောက်လာတာ ဒီဦးပါတဲ့.. ဘေးက ဦးလေးကို လက်ညှိုး ထိုးပြတယ်..
အာ ဟုတ်ပါဘူး... ကိုအေးချမ်းနဲ့  အဖေ လမ်းတူတူ လျောက်လာကြတာပါ..  အနွေးအကျီမပါလို့ အဖေ အေးနေမှာစိုးလို့  အခု အပြင် ကမန်းကတန်း ထွက်ကြိုတာဆိုတော့ ...
သီတာ့ အဖေ့ကို အရမ်းသတိရပီး မြင်ချင်တာတွေ လျောက်မြင်နေတာ နေမယ်ဆိုပီး ကိုအေးချမ်းက သီတာ့ခေါင်းလေးကို ပွတ်ပီး  နှစ်သိမ့်ပေးရှာတယ်..

ရင်ထဲ အရမ်းဝမ်းနည်းသွားတယ်.. အရမ်းဟာတာတာကြီး ဖြစ်သွားတယ်..
ဒါပေမယ့် ဒီဦးလေးကြီးကို သီတာက ဘာလို့  အဖေဆိုပီး တွေ့ ရတာလဲ..
ကုတ်အကျီ ဘောင်းဘီနဲ့ လူကြီးကို ဘာလို့  ရှပ်အကျီတို ပုဆိုးနဲ့  တွေ့ ရတာလဲ..
မစဉ်းစားတတ်တော့ပါဘူး..
ကိုအေးချမ်းပြောသလို အဖေအရွယ်ဦးလေးကို တွေ့ တော့ အဖေကိုချစ်တဲ့သမီးတယောက်အနေနဲ့  သမီးကိုချစ်တဲ့အဖေကို သတိရသွား တာနေမှာ..

သြော် -- သတိမရပဲ ရှိပါ့မလား အဖေရယ်.. အဖေ့သမီး အဖေနဲ့  မတွေ့ တာ အိမ်နဲ့  အဆက်အသွယ်မရှိတာ ၃ နှစ်တောင် ကျော်နေပီပဲ .. တရက်မှ မမေ့ပါဘူး .. အမြဲ သတိရတယ်အဖေ.. အဖေလဲ သမီးကို သတိရနေမယ်ဆိုတာ သိနေတယ်အဖေရေ....

- - - - - -- -
၁၉၈၈  နိုဝင်ဘာလ

သုံးရောင်ခြယ် အဖွဲ့ ဝင် - NLD လူငယ်က ကိုလေးကိုမိုးမြတ်သူက အန်တီနဲ့  စည်းရုံးရေးခရီးစဉ်တခု (ကချင်ပြည်နယ်ထင်တယ်)  သွားဘို့  လုပ်နေတယ်... ကင်မရာ ကျန်ခဲ့တယ်လို့  လှမ်းပြောလို့့ အဖေက ဘူတာကြီးမှာ သွားလိုက်ပေးတယ်..... မီးရထားကလည်း ထွက်ခါနီး ကင်မရာလဲ ပေးပီးလို့ ပြန်မယ်အလုပ် အလှည့်မှာ မထင်မှတ်တဲ့ သူတယောက်က်ို တွေ့ လိုက်ရလို့  အံသြ ၀မ်းသာ ပူပင် စိတ်တွေနဲ့ အတူ အဲ့ဒီသူနား ကပ်သွားပြီး "အိမ်ခဏလောက် လာခဲ့ပါဦး" လို့  သွားပြောတယ်..

အိမ်ပြန်ရောက်ကတည်းက အဖေက တံခါးမကြီး-အိမ်နောက်ဖေး- ပြုတင်းပေါက်တွေအားလုံးပိတ် - နောက် မောင်လေးနဲ့  သီတာတို့  ၂ယောက်ကိုလဲ အိမ်ထဲမှာပဲ နေကြဘို့  ပြောတယ်.. မီးတွေကိုလဲ မှိတ်ထားတယ်...  ခြံဝကိုလဲ တကြည့်ကြည့်နဲ့  .. သူတို့ ကြည့်ရတာ တယောက်ယောက်ကို စိုးရိမ်စွာနဲ့  မျှော်နေပုံပါပဲ ..

ည ၁၀ နာရီလောက်ကျတော့ အိမ်တံခါးမကြီးဆီက တံခါးခေါက်သံတိုးတိုးလေးနဲ့ အတူ တံခါးဖွင့်သံတိုးတိုးလေး.. အဖေ အမေနဲ့ အတူ လူတယောက် ကိုကြီး အခန်းထဲ ၀င်သွားတာ တွေ့ လိုက်တယ်..  ဒါနဲ့  အခန်းထဲ လိုက်ကြည့်လိုက်တော့ ....

စက်တင်ဘာ လဆန်း အာဏာမသိမ်းခင်ထဲက ယုံကြည်ချက်တခုကြောင့် အပြင်ထွက်သွားတဲ့ သွားဆရာဝန် ဖြစ်ခါနီး ကိုကြီး (ဆရာကြီး ဦးအောင်သန်း ဆေးခန်း ထိုင်နေပြီ) ကို တွေ့ လိုက်ရတယ်.. သူက နယ်စပ်ကနေ ရန်ကုန်ကို ကိစ္စတခုနဲ့ တိုးတိုးတိတ်တိတ်  ပြန်ရောက် လာရင်း သူ့ ညီ (ကိုလေး) သွားမယ့်ခရီးစဉ်အကြောင်း သိပြီး ဘူတာကြီးမှာ တိတ်တိတ်လေး သွားနုတ်ဆက်တုံး အဖေနဲ့  တွေ့ သွားတာ .....

မတွေ့ တာ ၃ လ နီးပါးလောက် ရှိနေပီး ဘယ်ရောက်နေမှန်းမသိလို့  စိတ်ပူနေချိန်မှာ အခုလို သက်ရှိထင်ရှားတွေ့ လိုက်ရတော့ မိသားစု တွေအားလုံး ကိုကြီးကို ဖက်ပီး မျက်ရည်တွေ တိတ်တိတ်လေးကျကြတယ် .. တကယ်ကို ဘယ်သူမှ မသိအောင် တိတ်တိတ်လေး ကျခဲ့ ကြရတာပါ.. တအောင့်နေတော့  ကိုကြီးက ဟိုဘက်က အခြေအနေတွေ ပြောပြတယ်..

တကယ်က စက်တင်ဘာ ကိုကြီးတို့  ထွက်သွားကတည်းက လိုက်ချင်လို့  ပြောပေမယ့် ကိုကြီးတို့  ကိုအေးချမ်းတို့ က ဘဘော မတူကြ ဘူး.. လမ်းကြောင်းလဲ မသိ နောက် ဘယ်ရောက်မယ် ဘယ်လိုဖြစ်မယ် မသိသေးချိန်မှာ မိန်းကလေးတယောက် ပါလာရင် ပို နှောင့်နှေး မယ်ဆိုလို့ ဆိုတဲ့ အကြောင်းပြချက်ကြောင့် နေခဲ့ရတာ..

အခုတော့ သူငယ်ချင်းတချို့ လဲ ထွက်သွားကြပီ - တချို့ တွေ အင်းစိန်ရောက်နေကြပီ -- သီတာလဲ တက္ကသိုလ်ကျောင်းသူတချို့ နဲ့  တခြား ကျောင်းသားတွေနည်းတူ ကိုကြီးတို့ ရှိတဲ့နေရာ သွားဘို့  စီစဉ်နေကြောင်းပြောပြတော့ တားမရတဲ့အဆုံး -- လမ်းကြောင်း သိနေ ပီးသား သူနဲ့  လိုက်ခဲ့ဘို့  ကိုကြီးက ခွင့်ပြုလိုက်တယ်...

ဒီ ခွင့်ပြုချက်လဲ ရရော လုပ်စရာရှိတာတွေ လှုပ်ရှားလိုက်တယ်..
အဖေနဲ့  အမေကို ပြောပြဘို့ ပါ..
သီတာ့အဖေနဲ့  အမေက သားသမီးတွေကို အတိုင်းအတာ တခုထိ လွတ်လပ်ခွင့်ပေးထားတယ်.. မောင်နှမ ပေါင်းနဲ့  ပွင့်လင်းကြတယ်.. အဖေနဲ့  အမေ အမြဲပြောတဲ့ စကားရှိတယ်..

မရှိရင် တောင်း ကျွေးမယ် .. တောင်းလို့ မရရင် အန် ကျွေးမယ်.. ဘယ်တော့မှ မခိုးရဘူးတဲ့..
မလိမ်ရဘူး မညာရဘူး -- အဆိုးဆုံးအနေနဲ့  လူသတ်မှုဖြစ်လာရင်တောင် မလိမ် မညာပဲ အမှန်အတိုင်းပြောရမယ်..  ပြသနာတွေကို မိဘတွေက ရှေ့ ကနေ ကာကွယ်ပေးမယ်တဲ့..

ဒီလို ပြုစုပျိုးထောင်မှုအောက်မှာ ကြီးပြင်းလာတာဆိုတော့ အခုကိစ္စမှာလဲ မိဘတွေကို ပြောပြီးမှ ထွက်သွားဘို့  ဆုံးဖြတ်တာပါ...

ဇွန် ဇူလိုင် သြဂုတ်လ ကာလတွေတုံးကဆိုရင်လဲ မိုးလင်းတာနဲ့  အိမ်ကထွက်သွားပီး စာစောင်တွေ ပိုစတာတွေ သွားသွားဖြန့် နေ - ရန်ကုန်ဆေးရုံကြီးမှာ သွားဝိုင်းလုပ်နေတဲ့ သားသမီးတွေ အိမ်မှာလုပ်ထားတဲ့ လက်စ လက်နတွေကို အမြဲ သိမ်းထားပေးနေကျ... မိုးလင်းရင် အဲ့ဒီလို ပြန့် ကျဲနေတာတွေ ထားခဲ့ကြပီး ညကျ အိမ်ပြန်ရောက်ရင် အဲ့ဒါတွေ အားလုံးက လက်စ ဖျောက်ပြီးနေဘီ ..

အိမ်က ဗိုလ်ချုပ်လမ်းမှာဆိုတော့ ဆန္ဒပြတာတွေက မိုးလင်းတာနဲ့  တွေ့ နေရတယ်.. အိမ်ရှေ့ က ဆန္ဒပြသူတွေကို ရေ လက်ကိုင်ပုဝါ အစားအစာတွေ ဝေ -- ဇူလိုင်လ ပဲခူးက ကျောင်းသားတွေ အိမ်ရှေ့ မှာတင် အပစ်ခံရတော့ ဒီကျောင်းသာတွေကို ပေးပုန်းတယ်.. ဆေး ကုပေး.. နောက် နယ်စပ်သွားမယ်ဆိုပီး ငှက်ဖျားမိလို့  ပြန်လာတဲ့ သားသမီးတွေရဲ့  သူငယ်ချင်းတွေကိုလဲ အိမ်မှာဆေးကုပေး ဖွက် ပေး... သားသမီးတွေ အရေးအခင်းထဲ ၀င်ပါတာကို မတားတဲ့အပြင် အခုလို အားပေးခဲ့တဲ့ ကျေးဇူးရှင် မိဘတွေပါ...

-- အဖေ- အမေ့  (အမေ့ကို ဖက်ပြီးပြောလိုက်တော့ အမေ့ ဆိုတဲ့အသံလေး ဖြစ်သွားတယ်) ..
သမီးလဲ ကိုကြီးလိုပဲ အပြင် သွားတော့ မယ်..

တအိမ်လုံးမှာ တယောက်အသက်ရှူသံ တယောက်ကြားနေရလောက်အောင် ဆိတ်ငြိမ်နေချိန်မှာ အဲ့ဒီသီတာ့အသံ တိုးတိုးလေးက တော်တော် ကျယ်သွားတယ်လို့  ကိုယ့်ဘာသာ ခံစားလိုက်ရတယ်..

သားသမီးတွေရဲ့  လုပ်ဆောင်ချက်တွေကို တစိုက်မတ်မတ် ပံ့ပိုးပေးနေတဲ့ အဖေနဲ့ အမေတို့ ရဲ့ မျက်နှာ မကောင်း ဖြစ်သွားပေမယ့် မတား ရှာပါဘူး...

အများအတွက် ကောင်းတာလုပ်တာပဲ ဆက်လုပ်ပါ -- ဘယ်ပဲ ရောက်ရောက် ဘုရား တရား မမေ့ပါနဲ့ တဲ့ ...

ဘယ်မိဘကမှ အနာဂါတ်မပြောနဲ့  ဘယ်ရောက်လို့  ဘယ်ပေါက်မှန်းမသိတဲ့နေရာ ဘယ်သားသမီးကိုမှ သူတို့  မျက်စေ့အောက်က အပျောက်ခံပြီး သွားစေချင်မှာ မဟုတ်ပါဘူး... အထူးသဖြင့် ကျောင်းပြီးခါနီး တက္ကသိုလ် ကျောင်းသား/သူတွေလေ..

အဖေကိုယ်တိုင်က အစိုးရ၀န်ထမ်း အင်းစိန်ထောင် ထောင်မှုးကြီးဆိုတော့ ယုံကြည်ချက်ကြောင့် ထောင်ထဲ ရောက်လာနေတဲ့သူတွေ ဘယ်လို ဒုက္ခရာက်ရတယ်ဆိုတာကိုလဲ သိနေတယ် -- သွားခွင့်မပြုရင်လဲ သားသမီးတွေဒီလို တက်ကြွနေပုံနဲ့  တနေ့ မဟုတ် တနေ့  သူ့ အလုပ်မှာ ပြန်ဆုံကြရမယ်ဆိုတာ သိနေပုံရတယ် - သားသမီးတွေ လုပ်နေတာကလဲ အများအတွက် မှန်တဲ့ဘက်က လုပ်နေတာမို့  မတားတာပဲ နေမှာပါ..

အဲ ပြောရင်းဆိုရင်း မတော်တဆ အိမ်မှာ ကိုကြီးကိုတွေ့ သွားရင် အိမ်ကသူတွေလဲ နွယ်ကုန်မယ် -- ကိုယ်သွားရမယ့်ကိစ္စလဲ ပျက်သွားမှာ စိုးတာကြောင့် အိမ်ကနေ အမြန်ခွာပြီး တနေရာရာမှာပုန်းဘို့ တိုင်ပင်ဖြစ်ကြတယ်.. ကာဖျူး ရှိတော့ မနက်အစောကြီး ၅ နာရီလောက် အိမ်က ထွက်မယ်အလုပ် ဘုရားခန်းထဲမှာ အဖေနဲ့ အမေ တရားထိုင်နေတာ တွေ့ ရတယ်....

သားသမီးတွေရဲ့ သွားလမ်းဖြောင့်လို့  လုပ်ဆောင်ချက်တွေ အောင်မြင်ပါစေကြောင်း ရင်မချိပေမယ့် ဖြေသိမ့်ပြီး ကုသိုလ်တွေ လုပ်ပေး နေကြတာထင်ပါရဲ့.

သီတာတို့  အသံကြားတော့ တရားထိုင်နေတာ ဖြုတ်ပြီး သားသမီးတွေဘက် လှည့်လာကြတယ်...

အဖေနဲ့  အမေကို ကန်တော့ရင်း...
သမီး ပြန်လာမှာပါ - အများဆုံး ကြာ ၆ လ ပဲလို့  ပြောတော့ ...

အမေက အံလေး ကြိတ်ထားတယ်..
ပြီးတော့ အမှန်တရားလုပ်နေတဲ့ သားသမီးတွေ အတွက် ဂုဏ်ယူတယ်.. အိမ်ကို ဘာမှ စိတ်မပူနဲ့ တဲ့ (စိတ်မပူနဲ့ သာ ပြောရှာတာပါ.. ကိုလေးက ဇွန်လောက်က စပြီး တလ တခေါကလောက်ပဲ အိမ်ပြန်လာတာမို့  စိတ်ပူလို့  လင်မယား နှစ်ယောက် ပြောနေတာတွေ သီတာ ကြားတာပေါ့ . အခု ကိုကြီးနဲ့  သီတာ သွားမယ်ဆိုတော့ ၁၀ တန်းကျောင်းသား မောင်လေးနဲ့  သူတို့ တွေ ၃ ယောက်ပဲ ကျန်ခဲ့မှာ.. ဘယ် မပူလို့ ရမလဲ.. ဒီလောက်တောင် ကိုယ်အပူ မြိုသိပ်ပြီး သားသမီးတွေကို ချစ်တတ်တဲ့မိဘ နှစ်ပါး -- ကိုယ်သာ မိဘနေရာမှာဆို ဒီလို ရင်ဆိုင်နိုင်ပါ့မလားပဲ )

အဖေကတော့ သားတို့  သမီးတို့  ဘုရား တရား မမေ့ကြနဲ့ ဆိုပြီး သစ်ကနက်သားနဲ့ ထုထားတဲ့ ဘုရားတဆူ ကိုကြီးလက်ထဲ ထဲ့ ပေး တယ်.. ပြီးတော့ သီတာတို့ မောင်နှမတယောက်စီအတွက် သစ်ကနက်နဲ့  ထုထားတဲ့ ရှင်သီဝလိ  တဆူစီကို ပုလင်းသေးသေး လေးထဲ ထဲ့ပီး ဒါလေးကို အဆောင် ယူသွားတဲ့ .. ဒါ အန္တရာယ်ကင်းရှင်းပါစေကြောင်း အဖေနဲ့  အမေနဲ့  တညလုံး ဘုရားစာတွေ ရွတ်ထားတာတဲ့ .. ပန်းပေါင်းဆီ ထဲ့ထားတယ်တဲ့.. (ပန်းသတင်း လေညှင်းဆောင် မွှေးပျံ့ အောင် နမိတ်ပေလားပဲ)

အဖေပေးလိုက်တဲ့ အဲ့ဒီအဆောင်လေးကို ယူပြီး ပုန်းမယ့် ဂိုဒေါင်ထဲ ထွက်ခဲ့ကြတယ်..

 -----
၂၀၁၁ အောက်တိုဘာ ၃၁


ဒီနေ့ ဆိုရင် အဖေ ဆုံးသွားတာ အနှစ် ၂၀ ရှိသွားပါပြီလား...

• အဖေဆုံးချိန်မှာ အကို ၂ ယောက်က ယုံကြည်ချက်ကြောင့် မော်စကိုမှာ ..

• ၁၉၈၉ ကိုကြီးနဲ့  ကိုလေး အန်တီ့ခြံထဲမှာ အဖမ်းခံရပြီးကတည်းက အဖေလဲ စစ်ဧည့်ရိပ်သာကို ခဏခဏ အဖိတ်ခံခဲ့ရတယ်တဲ့..

• နောက် အိမ်မှာရှိကြောင်း အရင်က သူ့ တပည့်တွေဆီမှာ တနေ့  လက်မှတ် ၃ ခါ ထိုးရတယ်တဲ့ ..

• သီတာ့ကိုလဲ ပြန်ခေါ်ဘို့  ခဏခဏ ချိန်းခြောက်ခံရလို့  ယုံကြည်ချက်ကြောင့်လုပ်နေတဲ့သူကို ပြန်မခေါ်ရက်လို့  အမွေပြတ် စွန့် လွှတ်ကြောင်း သတင်းစာထဲ ထဲ့လိုက်ရတယ်တဲ့.... (ပါပီမ ဇတ်ကားက သီတာ့ ကာရိုက်တာ တချို့ ပါနေပါတယ်)

• အဖေဆုံးပီးတော့ ပိုင်ဆိုင်မှုတွေကို အေးဓမြအတိုက်ခံလိုက်ရချိန်မှာ အမေနဲ့ မောင်လေးတို့ ခမျာ အဖေ့သူငယ်ချင်း စခန်းမှုး တယောက်အိမ်မှာ သွားကပ်နေခဲ့ရတယ်တဲ့..

• ၁၀ တန်းကျောင်းသားမောင်လေးကလဲ အသက်ကလဲ ငယ်.. အိမ်မှာကလဲ အငယ်ဆုံးဆိုတော့ ဘာမှ မလုပ်တတ်--  ဒါနဲ့ Video အောက်စက်လေးပြ  ရရာအလုပ်တွေလုပ်ပြီး အမေ့ကို စောင့်ရှောက် -- အကိုတွေအတွက် ထောင်ဝင်စာ ရှာပေးတယ်တဲ့ ...

• အမေကတော့ အဖေဆုံးသွားပြီဆိုတာ မော်စကိုက သား၂ ယောက်ကို မပြောရက်လို့  အကျဉ်းဦးစီးက အဖေ့သူငယ်ချင်းတွေကို ပိတ်ထားတယ်တဲ့..

• ကိုကြီးထောင်က လွတ်လာတဲ့နေ့ က အမေကသူတို့ နေတဲ့ စခန်းမှုးအိမ် ခေါ်သွားတော့ ညနေကျတော့ ကိုကြီးက ဒီအချိန် အဖေ ရုံးဆင်းပြီ အိမ်ပြန်ကြရအောင်အမေဆိုတော့မှ --- အိမ် မရှိတော့ဘူး.. အဖေ မရှိတော့ဘူး.. ဆိုတာ သိလိုက်ရလို့  ဘယ်လို ဘယ်ဝါ ဖြစ်သွားမှန်းမသိတော့ပဲ ဘာကို စိတ်ဆိုးရမှန်း မသိတော့ဘဲ အမေ့ကို ၃ - ၄ လ လောက် စကား မပြောတော့ဘူးတဲ့..

ခေါင်းအေးအေးထားပီး ပြန်စဉ်းစားတော့မှ မောင်လေးရှာပေးတဲ့ပိုက်ဆံလေး ခြစ်ခြုတ်ပီး သား၂ ယောက်ကို တထောင်ဆီ အနိုင်နိုင် လာတွေ့ ရချိန်မှာ အခြေအနေကို ဘာမှ မသိတော့  .. အမေကလဲ လာရင် ဘာမှ ပါမလာဘူး  -- နောက်တခေါက် ထောင်ဝင်စာလာတွေ့ ရင် ငပိကြော်လေး ယူခဲ့ပါလားလို့  ယောဂီ အမေကြီးကို ပြောမိခဲ့တာတွေ.. အဖေကလဲ စာတိုလေးတောင် မရေးပေးလိုက်ဘူးလို့  ပြောမိခဲ့တာတွေကို နောင်တရပြီး အမေ့ကို ပိုသနားသွားတယ်တဲ့.....

တရက်မှာ အမေ့ကို သွားကန်တော့တော့ သားအမိတွေ ဘာမှမပြောကြပဲ မျက်ရည် ကျကြသတဲ့အဖေ ..

• သွားဆရာဝန်ဖြစ်ခါနီး လူငယ်တယောက်ဟာ ယုံကြည်ချက်ကြောင့် ထောင်ကလွတ်တော့ ညစောင့်အလုပ်လုပ် ဘ၀ကို သုညမပြောနဲ့  အနုတ်က ပြန်စရင်း အခုချိန်မှာတော့ အမေ နဲ့  မောင်လေးကို ကိုကြီးက ပြန် ဂရုစိုက်နေဘီ အဖေရေ...

• ကိုလေးကတော့ မော်စကိုမှာ ၁၂ နှစ်လောက် နေခဲ့ရပီး အခုတော့ လုံခြုံတဲ့တနေရာ ရောက်နေပါဘီ.. အဖေ မပူနဲ့ တော့နော်..

• မောင်လေးကလဲ သားလေး ၂ ယောက်နဲ့  အမေနားက မခွာပါတဲ့ ...

သမီးကတော့ အဖေဆုံးတယ်ဆိုတာ ၁၉၉၂ နှစ်ကုန်ကျမှ သိရတာပါ..

အဖေ့ နောက်ဆုံးခရီးစဉ် သား သမီး တွေ မမီပေမယ့် အဖေပျိုးထောင်ခဲ့တဲ့စိတ်ဓါတ်နဲ့  အများအတွက်လုပ်နေတာတွေကို အဖေ ဂုဏ်ယူနေမယ်ဆိုတာ သမီးသိပါတယ်.. အဲ့ဒါတွေကိုပဲ ကုသိုလ်လို့  မှတ်ယူပြီး အဖေ့အတွက် အမျှပေးဝေပါတယ်..

မိမိကိုယ်တိုင်သာမက သားသမီးတွေကို အများကောင်းကျိုးအတွက် ဆောင်ရွက်တတ်အောင် ပဲ့ပြင်ပေးခဲ့တဲ့အတွက် အဖေ ကောင်းရာ ဘ၀ ရောက်နေပြီဆိုတာ သမီး ယုံကြည်ထားပါတယ်..

အဖေ ဘယ်လို ဘာ့ကြောင့် ဆုံးတယ်ဆိုတာ သေချာ မသိပေမယ့် အကျီအဖြူ (လက်တို) မှာ အညိုအစင်းသေးသေးလေး -  ပုဆိုး အညို ကွက်လေးနဲ့  အဖေ့ရဲ့ နောက်ဆုံးခရီးစဉ်ဟာ အင်မတန်စည်တယ်လို့  ကြားရလို့  ဂုဏ်ယူမိတယ်အဖေ..

သမီးတို့ တွေ ငွေကြေး မချမ်းသာချင်နေမယ်... မေတ္တာ ချမ်းသာတယ်.. မေတ္တာစစ်မှန်ရင် ရောင်ပြန်ဟပ်တယ်ဆိုတာ အဖေ့ ဈာပန က သက်သေ ပြလိုက်တယ်အဖေ...

မိသားစုကိစ္စတွေကို မစဉ်းစားမိအောင်နေပေမယ့် ဒီနေ့ ကတော့ အဖေဆုံးတာ အနှစ် ၂၀ ပြည့်မှာ အဖေ့ကို မှတ်မှတ်ရရ ဂါရ၀ ပြုချင်တာကြောင့် ဒီ page ရဲ့  ပထမဦးဆုံး ဆောင်းပါးလေးနဲ့  ကန်တော့ပါရစေအဖေ...

အဖေဆုံးမခဲ့တဲ့အတိုင်း အများအတွက်လုပ်ရဲတဲ့ အမှန်တရားအတွက် ရပ်တည်ရဲတဲ့ သမီးကောင်းတယောက်ဖြစ်အောင် ဆက်ပြီး ကျိုးစားမယ်လို့  သမီး ကတိပေးပါတယ်အဖေ...

အဝေးတနေရာကနေပဲ--- လက်ဆယ်ဖြာ ယှက်ကာမိုးပြီး  ဂါရ၀ပါ ထာဝရပါ အဖေ ...


(ဒီဆောင်းပါးနဲ့ အတူ

• ဗမာပြည်ထဲမှာ ရှိနေတဲ့ အမေအိုကြီးကိုလဲ ကန်တော့ပါတယ်..

• ဘ၀ကို အနုတ်ကပြန်စခဲ့တဲ့ ကိုကြီးကိုလဲ ကျေးဇူးတင် လေးစားပါတယ်...

• မော်စကိုမှာ ဆယ်စုနှစ်တခုကျော် ပေးဆပ်ခဲ့ပြီး အခုချိန်ထိ အများအတွက် စိတ်ဓါတ်မကုန်သေးတဲ့ ကိုလေးကိုလဲ ချီးကျူးလေးစား မိပါတယ်..

• ပညာရေးအပျက်ခံသွားရပြီး ၁၆နှစ်အရွယ်ထဲက လောကဓံကို ခါးစည်းခံပြီး အကို အမတွေကိုယ်စား မိဘကို ပြုစုခဲ့တဲ့ မောင်လေးကိုလဲ ၀မ်းနည်း ဂုဏ်ယူစွာနဲ့  ကျေးဇူးတင်ပါရစေ...

• နောက် ယုံကြည်ချက်ကြောင့် အကျဉ်းချခံနေရတဲ့သူတွေနဲ့  သူတို့ မိသားစုတွေအားလုံးကိုလဲ လေးစားစွာနဲ့  ဂုဏ်ပြုပါတယ်)

http://www.facebook.com/thida.fanpage မှာ အခုလို ဆောင်းပါးတွေ ထပ်ရေးပါ့မယ်..
အဖေပေးလိုက်တဲ့ သစ်ကနက်သားဘုရား
ပန်းပေါင်းဆီနဲ့ စိမ်ထားတဲ့ ရှင်သီဝလိကိုယ်တော်

မျိုးဆက်သစ် ကိုးရီးယားလူငယ်တွေရဲ့ အမြင်သစ်၊ အတွေးသစ် ရေးသူ- လူထုစိန်ဝင်း

လွန်ခဲ့တဲ့ ၅၅ နှစ်က ဒီ စက်တင်ဘာထဲမှာ အမေရိကန်စစ်ဗိုလ်ချုပ်ကြီး မက်အာသာဟာ ကုလသမဂ္ဂ ဆိုင်းဘုတ် တပ်ဆင်ထားတဲ့ အမေရိကန် စစ်သားဦးရေ ၇၀၀၀၀ ကို ခေါင်းဆောင်ပြီး တောင်ကိုးရီးယားနိုင်ငံ အင်ချုံ ဆိပ်ကမ်းမြို့ကလေးထဲ ၀င်ရောက်လာခဲ့ပါတယ်။

အင်ချုံမြို့ကတဆင့် မက်အာသာရဲ့ တပ်တွေက တောင်ကိုးရီးယားနိုင်ငံ ပိုင်နက်ထဲကို ကီလိုမီတာ ၃၀၀ လောက်ထိ ၀င်ရောက်သိမ်းပိုက်ထားတဲ့ မြောက်ကိုးရီးယားတပ်များရဲ့ နောက်ပိုင်းကို ၀င်ရောက်တိုက်ခိုက်နိုင်ခဲ့ကြ ပါတယ်။ ရှေ့နောက်ညှပ်ပိတ် အ၀ိုင်းခံရတော့မယ့် အန္တရာယ်က လွတ်မြောက်အောင် မြောက်ကိုးရီးယား တပ်များကို ၂ ပတ်အတွင်း ဆုတ်ခွါသွားခဲ့ကြတယ်။ စစ်ကြီး ပြီးသွားတော့ အင်ချုံမြို့မှာ မက်အာသာရဲ့ ဧရာမ ရုပ်ထုကြီးတခု စိုက်ထူ ထားခဲ့ကြတယ်။ စစ်ပြီးခေတ် သမိုင်းစာအုပ်တွေထဲမှာလဲ ဗိုလ်ချုပ်ကြီး မက်အာသာကို ကယ်တင်ရှင်ကြီးအဖြစ် ရေးသားဂုဏ်ပြုခဲ့ကြပါတယ်။
၅၅ နှစ်ကြာ အပြီးမှာတော့ မက်အာသာ အင်ချုံကို ၀င်ရောက်လာတဲ့နေ့ကို ကြေကွဲဖွယ်ရာ နေ့ကြီး တနေ့အဖြစ် မျိုးဆက်သစ် ကိုးရီးယားလူငယ်တွေက ယူဆလာကြတယ်။ အဲဒိနေ့ အထိမ်းအမှတ်အဖြစ် ကိုးရီးယားလူငယ်တွေက မက်အာသာရဲ့ ရုပ်ထုကြီးရှေ့မှာ ဆန္ဒပြခဲ့ကြပြီး မက်အာသာရဲ့ ရုပ်ထုကြီးကို ဖယ်ရှားပစ်ဖို့ တောင်းဆိုခဲ့ကြတယ်။ သူတို့က မက်အာသာဟာ ကိုးရီးယားလူမျိုးတို့ရဲ့ ကယ်တင်ရှင်မဟုတ်ဘဲ အမေရိကန်တို့ရဲ့ စစ်ပွဲကြီးကို ကိုးရီးယားလူမျိုးများရဲ့ အသက်နဲ့ စတေးပြီး တိုက်ခိုက်ပေးခဲ့တဲ့ စစ်သွေးဆာနေသူ တဦးသာ ဖြစ်တယ်လို့ ပြောဆိုခဲ့ကြတယ်။
"မက်အာသာဟာ ကိုးရီးယားနိုင်ငံကို ၂ ပိုင်းခွဲပစ်ခဲ့တဲ့သူ၊ ဒီလို ကွဲပြားနေမှုကြီးကို ထာဝရဖြစ်အောင် ဆောင်ရွက်ခဲ့သူဖြစ်တယ်"
ဆန္ဒပြသူများထဲက ခေါင်းဆောင်တဦးဖြစ်သူ ဟန်ဆင်ဆပ် ဆိုသူ လူငယ်က ပြောကြားခဲ့တဲ့ စကား ဖြစ်ပါတယ်။
ဒီလူငယ်ရဲ့ စကားဟာ ကိုးရီးယားစစ်ပွဲကြီး ပြီးဆုံးသွားတဲ့ နောက်မှ မွေးဖွားခဲ့ကြတဲ့ အသက် ၃၀၊ ၄၀ လူလတ်ပိုင်း အတော်များများရဲ့ စိတ်မှာ ကိန်းအောင်းနေတဲ့ အမြင်ဖြစ်ပါတယ်။ ဒီမိုကရေစီခေတ် ကိုးရီးယား လူငယ်တွေက ကိုးရီးယားစစ်ပွဲကြီးနဲ့ ကိုးရီးယားနှစ်ပိုင်း ကွဲသွားရမှုဟာ ဆိုဗီယက်နဲ့ အမေရိကန်တို့ရဲ့ စစ်အေးတိုက်ပွဲ နယ်ပယ်လုမှုကြီးရဲ့ ရလဒ်ဖြစ်တယ်လို့ သုံးသပ်လာကြပါတယ်။
ဒါတင်မက မြောက်ကိုးရီးယားနိုင်ငံကိုလည်း သမိုင်းစာအုပ်ဟောင်းတွေထဲကလို ကျူးကျော်ရေးသမား မိစ္ဆာကောင်တွေအဖြစ် မမြင်ကြတော့ဘဲ အမေရိကန်ရဲ့ ဗိုလ်ကျလွှမ်းမိုးမှုကို ရဲရဲဝံ့ဝံ့ အံတုခဲ့တဲ့ သူရဲကောင်းတွေ အဖြစ် မြင်လာတာတွေ အထိ ရှိလာပါတယ်။
လွန်ခဲ့တဲ့ ဆယ်စုနှစ် နှစ်ခုလောက် ကတည်းက ကိုးရီးယားမှာ ဆစ်ဂမန်ရီးတို့လို၊ ပတ်ချုံဟီးတို့လို စစ်အာဏာရှင်တွေ နိဂုံးချုပ်သွားတာနဲ့အတူ သမိုင်းအမြင်သစ်တွေ ပေါ်ထွန်းလာခဲ့တာ ဖြစ်ပါတယ်။ ကိုးရီးယားတွေသာ မဟုတ်သေးပါဘူး။ အမေရိကန်လူမျိုး ပါမောက္ခ Burce Cumings က သူရေးခဲ့တဲ့ "The Origins of the Korean War" ဆိုတဲ့ စာအုပ်မှာ ကိုးရီးယားစစ်ပွဲကြီးရဲ့ လက်သည် တရားခံအစစ်ဟာ ဆိုဗီယက်နဲ့ အမေရိကန်တို့ ဖြစ်တယ်။ သူတို့က ကင်အီဆွန်းကို စစ်ပွဲကို စတိုက်အောင် ဆွပေးခဲ့ကြတာ ဖြစ်တယ်လို့ ရေးသားခဲ့ပါတယ်။
ဒီအယူအဆ ဒီသုံးသပ်ချက်ကို လက်ခံသဘောကျသူတွေ တော်တော်များများ ရှိခဲ့ပါတယ်။ တောင်ကိုးရီးယားသမတ Roh Moo Hyun ကိုယ်တိုင်က ကိုးရီးယားသမိုင်းသစ်ကို ပြန်ရေးကြဖို့ နှိုးဆော်တိုက်တွန်းမှုတွေ ပြုလုပ်ခဲ့ပါတယ်။
သမိုင်းပညာရှင်သစ်တွေကလည်း ကိုးရီးယားစစ်ပွဲကို သမိုင်းစာအုပ်ဟောင်းတွေထဲကလို ကောင်းမှုနဲ့ မကောင်းမှုတို့ရဲ့ တိုက်ပွဲအဖြစ် မမြင်ကြတော့ဘဲ ကိုးရီးယားလူမျိုး ညီနောင်ချင်း တိုက်ခိုက်ကြတဲ့ ကြေကွဲစရာ အဖြစ်ဆိုးကြီး တခုအနေနဲ့ သုံးသပ်လာခဲ့ကြပါတယ်။ သူတို့က မြောက်ကိုးရီးယားကို အဏုမြူဗုံးကြဲပြီး တိုက်ခိုက်ဖို့အထိ ကြံရွယ်ခဲ့တဲ့ မက်အာသာရဲ့ လုပ်ရပ်များကိုလည်း ရှုတ်ချခဲ့ကြပါတယ်။
"ကွန်မြူနစ်ဝါဒအပေါ်မှာ အနိုင်ယူဖို့အတွက် မက်အာသာဟာ ကိုးရီးယားလူမျိုးတွေရဲ့ အသက်ပေါင်း များစွာကို စတေးဖို့ ကြံရွယ်ခဲ့တယ်"
ဒီအမြင်ဟာ လူလတ်ပိုင်း ကိုးရီးယားနိုင်ငံရေး သုတေသီများနဲ့ သမိုင်းပညာရှင်များရဲ့ သုံးသပ်ချက်သစ် အမြင်သစ်များပဲ ဖြစ်ပါတယ်။ ဒီအမြင်ကို လူကြီးပိုင်း သက်ကြီးရွယ်အိုပိုင်းတွေက လက်မခံနိုင်ကြပါဘူး။ သူတို့က မက်အာသာရဲ့ ရုပ်တုကြီးကို ဖယ်ရှားမပစ်ဖို့ ကန့်ကွက်ကြပါတယ်။
သက်ကြီးရွယ်အိုတွေက မနှစ်မြို့နိုင် ဖြစ်ပေမယ့် အမြင်သစ် သမိုင်းသစ်တွေကတော့ ဖြည်းဖြည်းချင်း အင်အားပိုပိုပြီး ကောင်းလာနေပါတယ်။
ဒီနေ့ ရှေ့တန်းရောက်နေတဲ့ မြောက်ကိုးရီးယား နျူးကလီးယား လက်နက်ကိစ္စမှာလည်း အမေရိကန်က တင်းတင်းမာမာ ဆောက်ရွက်ချင်ပေမယ့် တောင်ကိုးရီးယားအစိုးရက သဘောမတူခဲ့ပါဘူး။ သူတို့က မြောက်ကိုးရီးယားဘက်ကို စားနပ်ရိက္ခာနဲ့ စွမ်းအင်အကူအညီများ ပေးဖို့ ကမ်းလှမ်းမှုတွေ လုပ်ခဲ့ပါတယ်။ အခြေအနေ အရပ်ရပ်ကို ခြုံပြီးပြောမယ်ဆိုရင် ဒီမိုကရေစီခေတ် ကိုးရီးယားလူမျိုးတွေက သမိုင်းကို အသစ်ပြန် ရေးကြဖို့သာ ဆန္ဒရှိနေကြပြီး၊ ကိုးရီးယားလူမျိုးချင်း သွေးစည်းညီညွတ်ရေးကိုသာ လိုချင်နေကြပြီဆိုတာ သိသာထင်ရှားနေပြီလို့ ပြောနိုင်မှာ ဖြစ်ပါတယ်။ ။

လူထုစိန်ဝင်း
{လူထုစိန်ဝင်းရဲ့ ဆင်းရဲခြင်းထောင်ချောက်- အက်ဆေးများ စာအုပ်မှ ကူးယူတာ ဖြစ်ပါတယ်။ ဒီစာအုပ်မှာ ပါတဲ့ အက်ဆေးတွေဟာ ၀င်းဇော်၊ လူထုစိန်ဝင်း အမည်များနဲ့ Bi weekly eleven ဂျာနယ်မှာ ပါခဲ့တာတွေကို နှစ်ကာလများ စာအုပ်တိုက်က ၂၀၀၉ မေလမှာ ပထမအကြိမ် ထုတ်ဝေခဲ့ခြင်း ဖြစ်ပါတယ်။}

မြန်မာအခေါ်ခံရဖို့ မထိုက်တန်တဲ့သူတွေ ရေးသူ- လူထုစိန်ဝင်း

[အင်တာနက်ကနေ ရဲဘော်တယောက်က အီးမေလ်ပို့လို့ ကြိုက်တာနဲ့ မာယာမှာ ကောက်တင်လိုက်တာ ဖြစ်ပါတယ်။ မူရင်းစာစောင်၊ ဂျာနယ်၊ စာအုပ်နံမည် ရှာတွေ့ရင် ဖြည့်စွက်တင်ပြပေးပါမယ်။ ဒီဆောင်းပါးကို ပြန်ရိုက်ပြီး ပို့ပေး၊ တင်ပေးသူများကိုလည်း ကျေးဇူးတင်ပါတယ်။]


ဖေဖော်ဝါရီ ၂၃ ရက်နေ့က ကျောင်းသူဟောင်း သုံးယောက် ရောက်လာတယ်။ တစ်ယောက်က တိုကျိုက၊ တစ်ယောက်က တိုင်ပေ က၊ နောက်တစ်ယောက်ကတော့ တိုင်ပေမှာ လေး၊ ငါး၊ ခြောက်နှစ် သွားနေပြီးမှ ရန်ကုန်ပြန်လာနေသူ ဖြစ်တယ်။ တိုင်ပေကတစ်ယောက် ကတော့ တရုတ်နှစ်သစ်ကူးအချိန် ရောက်တိုင်း ပြန်လာနေကျဖြစ်ပေမယ့် ဂျပန်ကတစ်ယောက်ကတော့ ထွက်သွားပြီးကတည်းက အခုမှပထမဆုံး အကြိမ်ပြန်တွေ့ရတာ ဖြစ်တယ်။

ဗမာစကားပီသတဲ့လူတွေ

သုံးယောက်သားချိန်းပြီး အတူရောက်လာကြတာဆိုတော့ စကား တွေပြောလို့ မကုန်အောင်ဖြစ်နေကြ တယ်။ အဲဒီလိုစကားပြောကြရင်းက တစ်ခုသတိထားလိုက်မိတယ်။ ဂျပန် ကလာတဲ့ တပည့်မက ဗမာစကားကို ဘာသံမှမ၀ဲဘဲ ပီပီသသကြီးပြောနေတဲ့အချက် ဖြစ်တယ်။ အခုတလော ရေဒီယိုကနေကြားကြားနေရတဲ့ ဂျပန်ရောက်ဗမာတွေရဲ့စကားပြောသံတွေ ဟာ ဂျပန်သံဝဲ၀ဲ နေကြတာတွေ့ရတယ်။ စကားပြောရင်းနောက်ဆုံး စကားလုံးကျရင် အသံကိုသံရှည်ဆွဲ သွားပြီးမှ ရုတ်တရက် ရပ်ပစ်လိုက်ကြတယ်။ ဂျပန်စကားပြောနေကျမို့ နေမှာပဲလို့မှတ်ထင်နေတယ်။ ဟောအခု တစ်ယောက်ကတော့ ဘာသံမှမ၀ဲဘဲ ဗမာစကားကို ဗမာလိုပဲပီပီသသကြီး ကိုပြောနေလိုက်တာ အံ့သြတောင် သွားရတယ်။ တကယ်တော့ သူက ဗမာတောင်မဟုတ်ပါဘူး။ လားရှိုး ဇာတိ မြန်မာပြည်ပေါက် တရုတ်မလေးပါ။ စက်မှုတက္ကသိုလ်က ဗိသု ကာဘွဲ့ရပြီး ၁၉၈၈ ခုနှစ် မတိုင်မီက တည်းက ဂျပန်ကို ထွက်သွားတာဖြစ် ပါတယ်။ အခုရောက်လာတဲ့ သုံးယောက်စလုံး တရုတ်မလေးတွေပါ။ တိုင်ပေမှာနေသူကလည်း ဟိုမှာ နှစ်ပေါင်းနှစ်ဆယ်ကျော်ပါပြီ။ ဘာသံမှ မ၀ဲပါဘူး။

ဗမာစကားမပီသတဲ့ဗမာတွေ

အသံမ၀ဲရုံတင်မဟုတ်ဘူး။ သူ က မြန်မာပြည်ကိုလည်း ချစ်ပါ တယ်။ နှစ်ကူးချိန်ရောက်တိုင်း တစ်နှစ်တစ်ခေါက် ရောက်အောင်ပြန်ပါ တယ်။ ရောက်တာနဲ့သူ့ဇာတိ ဇီးကုန်း ကိုပြန်ပြီး ငယ်စဉ်က ဆရာသမား တွေကိုလိုက်လံ တွေ့ဆုံပြီးကန်တော့ ပါတယ်။ ဘုန်းကြီးကျောင်းတွေ ဘာတွေကိုလည်း လှူဒါန်းမှုတွေ လုပ်ပါတယ်။ သူက တိုင်ပေကအဆင့်မြင့် နိုင်ငံတကာဟိုတယ်ကြီးတစ်ခုမှာ မန်နေဂျာအဆင့် ရာထူးရထားပါတယ်။ ဒါပေမဲ့ သူများတကာတွေလို မိဘဆွေမျိုးတွေပါခေါ်ပြီး ဟိုမှာမနေပါ ဘူး။ တစ်ယောက်တည်းပဲ နေပါတယ်။ သူတို့တစ်တွေလို နှစ်ပေါင်းနှစ်ဆယ်၊ အစိတ်နိုင်ငံခြားသွားနေတဲ့ မြန်မာပြည်ပေါက် တရုတ်မလေးတွေက ဗမာ စကားပီပီသသပြောပြီး မြန်မာပြည် ကို ချစ်နေကြပေမယ့် လွန်ခဲ့တဲ့လေး ငါးနှစ်ကမှ နိုင်ငံခြားရောက်သွားတဲ့ ဗမာစစ်စစ်တွေက ဗမာစကားကိုနိုင်ငံခြားသံဝဲပြီး ပြောနေကြတာကိုတော့ ဘယ်လိုမှနားမလည်နိုင်တာ အမှန်ပါပဲ။

မြန်မာပြည်နဲ့မတန်ဘူးတဲ့

တချို့များ ဗမာစကားကို နိုင်ငံခြားသံဝဲပြီး ပြောရုံတောင်မကပါဘူး။ သူတို့တတ်ထားတဲ့ ပညာတွေဟာ မြန်မာပြည်နဲ့ မတန်အောင် မြင့်နေတဲ့ အတွက် ပြန်လာလည်းအချည်းနှီးပဲ လို့တောင်ပြောတတ်ကြသေးတယ်။ တတ်ထားတဲ့ပညာနဲ့ လူသားတွေကို အကျိုးပြုနေဖို့ပဲလိုတယ်။ ဘယ်နိုင်ငံသားဖြစ်ရမယ်ဆိုတဲ့ ကျဉ်းမြောင်းတဲ့ အမြင်မျိုးမထားသင့်ဘူး။ ဂလိုဘယ်လိုက်ဇေးရှင်းခေတ်မှာ ဂလိုဘယ် အ မြင်ရှိဖို့ လိုတယ်။ ဟိုနိုင်ငံသား၊ ဒီနိုင်ငံသားဆိုတဲ့ သတ်မှတ်ချက်တွေဟာ ခေတ်နဲ့ မညီတော့ဘူး။ လူသားအားလုံးဟာ ကမ္ဘာသူ၊ ကမ္ဘာသားတွေပဲ လို့ ကြည့်တတ်မြင်တတ်ရမယ်လို့လည်း ပြောလေ့ရှိကြတယ်။ အရှက် မရှိလို့ မျက်နှာပြောင်တိုက်ပြီးပြောနေ ကြတာပါ။ ကိုယ့်ရပ်ကိုယ့်ရွာကကိုယ့် ဆွေမျိုးအသိုင်းအ၀ိုင်းကိုတောင် အကျိုးပြုချင်တဲ့ စေတနာမရှိတဲ့သူမျိုးက ကမ္ဘာ့ လူသားတွေကို အကျိုးပြုမယ်လို့ ပြောနေတာကိုဘယ်သူက ယုံမှာလဲ။

သူများတွေပါ အမြီးပြတ်စေချင်လို့

လူပုဂ္ဂိုလ်တစ်ဦးတစ်ယောက် ချင်း ကိုယ်နေချင်ရာနေ၊ ကိုယ်လုပ်ချင်တာလုပ်၊ ကိုယ့်အပူမဟုတ်လို့ ဘာမှပြောစရာမရှိပါဘူး။ ဒါပေမဲ့ ကိုယ့်ဟာကိုယ် အမြီးပြတ်တာကို ဆိတ်ဆိတ်မနေဘဲ သူများတွေပါ အမြီးလိုက်ဖြတ်ဖို့ တောင်ပြောမြောက်ပြော လျောက်ပြောနေတာတွေတော့ သည်း မခံနိုင်ဘူး။ ဒါပေမဲ့ တော်ပါသေးတယ်။ အဲဒီလို အမြီးပြတ်တွေက လက်တစ်ဆုပ်စာလောက်သာရှိလို့။ နိုင်ငံခြားရောက် မြန်မာလူငယ်တွေ အများစုကတော့ သူတို့လိုမဟုတ်ကြ ဘူး။ ကြိုးစားပမ်းစားအလုပ်တွေ လုပ်ပြီး မိဘတွေကိုကျေးဇူးဆပ်နေ ကြရှာတာပါ။ တချို့များ အလုပ်နှစ် မျိုးပြောင်းပြီး တစ်နေ့ကို ၁၆ နာရီ လောက်အထိကို လုပ်ကြရရှာတာ။ တချို့ကျတော့လည်း အလုပ်တစ်ဖက်လုပ်ရင်းနဲ့ ကျောင်းတက်ပညာ သင်လိုက်ကြသေးတယ်။ ဒီကြားထဲ ကတောင် မိဘတွေဆီလစဉ်မပျက်မကွက် လှမ်းပြီးကန်တော့နေကြတာ ချီးကျူးစရာကောင်းလှတယ်။

တွံတေးသိန်းတန်ကြိုက်ကြလွန်းလို့

အနှစ်နှစ်ဆယ်၊ အစိတ် နိုင်ငံခြားသွားမယ့်သူတွေကို အင်္ဂလိပ် စကားပြောသင်တဲ့ ဆရာလုပ်ခဲ့တာဆို တော့ ကမ္ဘာ့နိုင်ငံအတော်များများမှာ ကျောင်းသူကျောင်းသားတွေထောင် နဲ့ချီပြီးရှိနေကြပါတယ်။ မြန်မာပြည် ဟာ သူတို့ပညာနဲ့မထိုက်တန်သေးလို့ ပြန်မလာဘူးလို့ ပြောတဲ့သူ ကိုယ့်ကျောင်းသူကျောင်းသားထဲက လေး ငါးယောက်ထက်မပိုပါဘူး။ အများစုက မြန်မာပြည်ကို လွမ်းတသသနဲ့ နေနေကြတာချည်းပါ။ တွံတေးသိန်းတန်နဲ့ ဟင်္သာတထွန်းရင် သီချင်းခွေတွေဆို ကိုယ်ကသာနားမထောင်တာ တပည့်တွေမှာလို့ ခဏခဏ၀ယ်ပို့နေ ရတယ်။ တချို့များ ကြံကြံဖန်ဖန် ကျောက်ငရုတ်ဆုံနဲ့ လဲမှို့ခေါင်းအုံး တောင်မှာလို့ပို့ရတယ်။ အမေရိကန် မှာ မွေးပြီး ဟိုမှာပဲကြီးတဲ့ တစ်ဦးတည်းသော မြေးယောက်ျားလေးက တောင်မြန်မာပြည်ကအချဉ်ထုပ်တွေ နဲ့ လက်ဖက်သုပ်ကိုသိပ်ကြိုက်တာ။ ''များများနဲ့မြန်မြန်ပို့ပါဖိုးဖိုး'' လို့ဖုန်း ဆက်တိုင်းပြောလေ့ရှိပါတယ်။

သူတို့ပြန်လာကြမှာပါ

အဖေဗမာ၊ အမေဗမာဆိုတော့ မြေးကလေးရဲ့ကိုယ်ထဲမှာ စီးဆင်းနေတဲ့သွေးတွေက ဗမာ့သွေးတွေချည်း မဟုတ်လား။ ဇာတိသွေးဆိုတာ ပျောက်ခဲပါတယ်။ ဗမာသွေးမနှော တဲ့ တပည့်မလေးတွေတောင် မြန်မာ့ မြေမှာမွေး၊ မြန်မာ့လေကိုရှူ၊ မြန်မာ့ ရေကိုသောက်ပြီး မြန်မာ့ဆန်ကိုစားခဲ့ ကြတာ ဖြစ်လေတော့ မြန်မာပြည်ကိုပဲ လွမ်းတသသဖြစ်နေကြတာပါ။ အခွင့်သာတိုင်း မြန်မာပြည်ကိုပြန်လာ ကြပါတယ်။ ကိုယ့်နိုင်ငံအပြင်ထွက် ပြီး နိုင်ငံစုံရောက်ဖူးလေလေ မြန်မာ ပြည်လောက်နေချင်စရာကောင်းတဲ့ ပျော်စရာကောင်းတဲ့နိုင်ငံမရှိဘူးဆိုတာ သိလေလေဖြစ်တာကြောင့် တစ်နေ့မှာ သူတို့ပြန်လာကြမှာပါ။ မြန်မာပြည်ဟာ သူတို့ပညာနဲ့ မထိုက်တန်သေးဘူးဆိုတဲ့ လူတွေကိုလည်းစကား တစ်ခွန်းပြောချင်ပါတယ်။ သူတို့ရဲ့ စိတ်ဓာတ်မျိုးတွေဟာ မြန်မာလူမျိုး ဖြစ်ဖို့ထိုက်တန်တဲ့ အဆင့်မဟုတ်ဘူး ဆိုတာပဲဖြစ်ပါတယ်။

အနတ္တကို ဦးထိပ်ထား

မြန်မာလူမျိုးဖြစ်ဖို့ဆိုတာ လွယ်တယ်ထင်သလား။ ဗြဟ္မစိုရ်တရားနဲ့ ဟီရိသြတပ္ပတရားတွေကို နားလည် သဘောပေါက်ပြီး လိုက်နာကျင့်သုံး မှ မြန်မာလူမျိုးစစ်တာ။ နိုင်ငံခြားမှာ ဘယ်လောက်အကြာကြီးနေနေ ဒီတရားတွေကို လိုက်နာကျင့်ကြံနေသရွေ့မြန်မာလူမျိုးလို့ ခေါ်နိုင်တယ်။ ဒီ တရားတွေကို လုံးဝပစ်ပယ်ပြီး 'ဘယ်သူသေသေငတေမာပြီးရော' ဆိုတဲ့ စိတ်ဓာတ်မျိုးထားသူဆိုရင်တော့ မြန်မာနိုင်ငံတွင်းမှာနေလည်း မြန်မာလူ မျိုးလို့ အခေါ်ခံရဖို့ မထိုက်တန်ပါဘူး။ မြန်မာစိတ်၊ မြန်မာစရိုက်ရဲ့ အနှစ် သာရက 'အတ္တ' ကိုပယ်ခွာခြင်းဖြစ်တယ်။ ဗုဒ္ဓဆုံးမခဲ့တဲ့ 'အနတ္တ' တရား ကိုဦးထိပ်ထားကြတယ်။ ''ဘယ်သူ သေသေ ငတေမာပြီးရော'' စိတ်က 'အတ္တ' လွန်ကဲမှုဖြစ်တယ်။ လူအများ ဘာဖြစ်ဖြစ် 'ငါ' ကောင်းစားဖို့သာ အဓိကဆိုတဲ့စိတ်ဖြစ်တယ်။ ဒီလူမျိုး တွေက မျောက်ပြဆန်တောင်းလုပ်တာမျိုးကိုလည်း ရှက်ရကောင်းမှန်း မသိဘူး၊ကြောက်ရကောင်းမှန်းလည်း မသိဘူး။ မေတ္တာ၊ကရုဏာ၊ စေတနာ ဆိုတာတွေလည်းနားမလည်ပါဘူး။ ဒီလူမျိုးတွေဟာ မြန်မာလို့အခေါ် ခံရဖို့ မထိုက်တန်သူတွေပါ။

လူတို့၏စိုးမိုးရာဂဏန်းများ

>>> ၁ ဂဏန်းသမားများ
>>> မည်သည့်လတွင်မဆို ၁၊ ၁၀၊ ၁၉၊ ၂၈ ရက် မွေးသူများကို ၁ ဂဏန်းသမားများဟု
>>> ခေါ်သည်။ ၁ ဂဏန်းပိုင်ရှင်များက အချစ် မေတ္တာဟူသည် နှလုံးသားနှင့်ဦးနှောက်
>>> ပေါင်းစပ်ဆုံး ဖြတ်ရသော အချင်းအရာ ဖြစ်သည်ဟု ယူဆကြသည်။ ဘ၀အဖေါ်ကို
>>> ရွေးချယ် သောအခါ ဦးနှောက်၏ ဆုံးဖြတ်ချက်ကို ထည့်သွင်း စဉ်းစားလေ့ရှိသည်။
>>> မိမိအပေါ် နားလည်ခွင့်လွှတ်၍ ပံ့ပိုးကူညီ ခြင်းရှိသူကို ရွေးချယ်တတ်သည်။
>>> ကံခေသည်မှာ အချစ်ဆုံးနှင့် ကွေကွင်းရတတ်ပြီး ချစ်သူက တစ်ယောက်၊
>>> လက်ထပ်ရသူက တစ်ဦး ဖြစ်တတ်သည်။ အသက် ၁၆ မှ ၂၂ နှစ်ကြား မေတ္တာ ကံခေ၍ ၂၂
>>> ကျော်မှ ရင့်ကျက်သော နှလုံးသားဖြင့် ခိုင်မြဲသောချစ်ခြင်းမေတ္တာ
>>> ပိုင်ဆိုင်ခွင့်ရှိမည်။
>>>
>>> ၂ ဂဏန်းသမားများ
>>> မည်သည့်လတွင်မဆို ၂၊ ၁၁၊ ၂၀၊ ၂၉ ရက်မွေးသူများကို ၂ ဂဏန်းသမားများ
>>> ဟုခေါ်သည်။ အချစ်နှင့်အမှန်းကြား နယ်နိမိတ်သည်
>>> မျဉ်းကြောင်းငယ်လေးမျှသာဖြစ်မည်။ ချစ်မိ၊ တွယ်တာ မိပြီဆိုက
>>> အရာရာပေးဆပ်တတ်ပြီး မုန်းပြီဆိုက လှည့် မကြည့်။ အလွန်ချစ်တတ်သလို အငြိုး
>>> အတေး ကြီးတတ်သည်။ မေတ္တာတရားနှင့် ချစ်ခြင်းအပေါ် အလေးအနက်ထား၍ ဘ၀အဖေါ်
>>> ရွေးချယ်လင့်ကစား ဂုဏ်၊ ငွေကြေးတို့ကို အဓိကထားသည်ဟု အများမှ အထင်လွဲ
>>> ခြင်းခံရ တတ်သည်။ အသက် ၂၅ နှစ်မတိုင်မီ သူတစ်ပါး ကတိစကားများ အပေါ်
>>> ယုံစားမိ၍ စိတ်သောက ခံစားရတတ်သည်။ အချစ်ဦးနှင့် ဆုံဆည်းကိန်း
>>> မရှိသော်လည်း အချစ်ဆုံးသူနှင့် လက်တွဲရမည်။
>>>
>>> ၃ ဂဏန်းသမားများ
>>> မည်သည့်လတွင်မဆို ၃၊ ၁၂၊ ၂၁၊ ၃၀ ရက် မွေးသူများကို ၂ ဂဏန်းသမား
>>> များဟုခေါ်သည်။ မျက်နှာပွင့်၍ လူချစ်လူခင် ပေါများမည်။ ချစ်သူရည်းစား
>>> တစ်ဦးမကရှိမည်။ သူတစ်ပါး အပေါ် အနိုင်ယူ ဗိုလ်ကျရမှ ကျေနပ်သူများ
>>> ဖြစ်ပေရာ အချစ်စိတ်နှင့် ခံယူမူမှာ ဆိုးနွဲ့ သမျှကို နားလည်
>>> ခွင့်လွှတ်သောသူ၊ အနိုင်ယူ ရမည့်သူကို ရွေးချယ်တတ်သည်။ နှလုံးသားကို
>>> ဦးစားပေး၍ ဆုံးဖြတ်ပြီးမှ မှားယွင်းသလို ပြန်ခံစားတတ်သည်။
>>> နောက်ဆုံးတွင်ကား အရင်ဆုံး ချစ်သူအပေါ် စိတ်ပြန်လည်သွားမည်။ တစ်ဦးကို
>>> အသည်းနှလုံး ပုံပေး၍ ချစ်တတ်သလို တစ်ပြိုင်တည်း အခြားသူ တစ်ဦးအပေါ်
>>> ချစ်နိုင်စွမ်း ရှိသည်။ နှလုံးသားအပေါ် ဦးစားပေး လွန်းသူဖြစ်သည်။
>>>
>>> ၄ ဂဏန်းသမားများ
>>> မည်သည့်လတွင်မဆို ၄၊ ၁၃၊ ၂၂၊ ၃၁ ရက်နေ့ မွေးသူများကို ၄ ကဏန်းသမားများ
>>> ဟုခေါ်သည်။ အစွဲအလမ်းကြီးခြင်း၊ တစ်ဖက်စွန်း ကျလွန်းခြင်းကြောင့်
>>> နှလုံးသားရေးရာ စိတ်သောက ကြုံရတတ်သည်။ ဂုဏ်အနိမ့်အမြင့် မတူသူများ အနက်
>>> နိမ့်ကျသူကို ဦးစားပေး ရွေးချယ်၍ အလိုလိုက် အကြိုက်ဆောင်ကာ
>>> ဘ၀မြှင့်တင်ပေးကာမှ မိမိ၏အသည်းကို ခွဲသွားခြင်း ခံရတတ်သည်။
>>> စိတ်လှုပ်ရှားမူနှင့် ဆန်းသစ်သော အတွေ့အကြုံများကို လိုလားသော
>>> နှလုံးသားကို ပိုင်ဆိုင်သည်။ သို့သော် ဦးနှောက်နှင့် နှလုံးသားအကြား
>>> အမြဲတွေဝေ ဒွိဟဖြစ်ကာ မေတ္တာရေးရာ တွင်စိတ်ဓါတ် တက်လွယ်၊ ကျလွယ်သည်။
>>> ဖြောင့်မှန်ရိုးသာ၍ မိမိကြောင့် တစ်ပါးသူ စိတ်ချမ်းမြေ့
>>> အေးချမ်းရခြင်းကို လိုလားသူဖြစ်သည်။ ပေးဆပ် အနစ်နာ ခံသည်။
>>>
>>> ၅ ဂဏန်းသမားများ
>>> မည်သည့်လတွင်မဆို ၅၊ ၁၄၊ ၂၃ ရက်မွေးသူများကို ၅ ဂဏန်းသမားများ ဟုခေါ်သည်။
>>> တွေဝေ ဒွိဟဖြစ်တတ်သော သဘော သဘာဝရှိသော်လည်း စိတ်ဓါတ် အလွန်ခိုင်မြဲသည်။
>>> အလွယ်တကူ ဆုံးဖြတ်ရွေးချယ်လေ့မရှိ။ မိမိအပေါ် တလေးတစားနှင့် တန်ဖိုးထားသူ၊
>>> တစ်စုံတစ်ရာ အထောက် အကူပြုပံ့ပိုးနိုင်သူကို ရွေးချယ်တတ်သည်။
>>> အရွေးရခက်အောင် အခွင့်အရေး နှစ်မျိုး ကြုံလာပါက နှလုံးသား၏
>>> တောင်းဆိုမူအပေါ် ရဲဝံ့ပြတ်သားစွာ အလေးပေးမည့် သူဖြစ်သည်။ မိမိနှင့် အသက်
>>> အရွယ်၊ ၀န်းကျင်ဇာတိ သဘာဝမတူ ကွာခြားသူများနှင့် မေတ္တာမျှတတ်သည်။
>>> ချစ်သူနှင့် ခွဲခွာရလေ သံယောဇဉ် ပြင်းထန်လေဖြစ်သည်။ အလွန်စိတ်ကူးယဉ်
>>> ဆန်သော နှလုံးသားဖြစ်သည်။
>>>
>>> ၆ ဂဏန်း သမားများ
>>> မည်သည့်လတွင်မဆို ၆၊ ၁၅၊ ၂၄ ရက်မွေးသူများကို ၆ ဂဏန်းသမားများဟု ခေါ်သည်။
>>> သံယောဇဉ်ကြီး၍ ခိုင်မာသော မေတ္တာတရားနှင့် မိမိက ချစ်ရသူအပေါ်
>>> အမြဲစိတ်ချမ်းသာအောင် ဖြည့်ဆည်းပေးရမည်ဟူသော အယူအဆရှိသည်။ ချစ်ခဲ၍
>>> အချစ်မြဲသည်။ မိသားစု အသိုင်းအ၀ိုင်း မတူညီသူကို ရွေးချယ်၍ အားလုံးနှင့်
>>> ဆန့်ကျင်ရန် ၀န်မလေး။ အပျော်သဘော စိတ်ကစားခြင်း မရှိဘဲ သစ္စာ တရားရှိမှ
>>> အချစ်မေတ္တာသည် ပြီးပြည့်စုံသည်ဟု ယူဆထား သူဖြစ်သည်။ သို့သော်
>>> သူတစ်ပါးအပေါ် မိမိပေးဆပ်သလောက် ထပ်တူ ပြန်ကောင်း သူရရန် ခဲယဉ်းပေသည်။
>>> အချစ် မေတ္တာထက် တစ်စတစ်စ ရစ်နွယ်လာသော သံယောဇဉ်ကို နှစ်သက်သူဖြစ်သည်။
>>>
>>> ၇ ဂဏန်းသမားများ
>>> မည်သည့်လတွင်မဆို ၇၊ ၁၆၊ ၂၅ ရက်မွေးသူများကို ၇ ဂဏန်းသမားများဟု ခေါ်သည်။
>>> အခိုင်အမာ ဆုံးဖြတ်၍ လေးလေးနက်နက် ချစ်တတ်သည့် အလွန်အေးချမ်းမြင့်မြတ်သော
>>> မေတ္တာပိုင်ရှင် ဖြစ်သည်။ တစ်ပါးသူအပေါ် လွန်လွန်ကဲကဲ စာနာနားလည်တတ်ည်။
>>> အချစ်အတွက် အရာရာ ရင်ဆိုင်ဆန့်ကျင် တိုက်ခိုက်ရန် ၀န်မလေးသော်လည်း
>>> အချစ်ကိုဖွင့်ဟ ပြောဆိုရန် အလွန်ရှက် သဖြင့် မချစ်တတ် သောသူဟူ၍
>>> အထင်မှားခံရတတ်သည်။ မိမိအား နားလည်မူ ရှိသူကိုဦးစားပေး ရွေးချယ်သင့်သည်။
>>> အလွန်စန်းပွင့် သော်လည်း ချစ်သူများရန် ၀န်လေးသည် ဘ၀လမ်းကြောင်းတွင်
>>> မွေးရပ်၊ ဘာသာ၊ ဓလေ့ ထုံးစံမတူသူများနှင့် မေတ္တာမျှ ရတတ်သည်။
>>>
>>> ၈ ဂဏန်းသမားများ
>>> မည်သည့်လတွင်မဆို ၈၊ ၁၇၊ ၂၆ ရက်မွေးသူများကို ၈ ဂဏန်းသမားများဟုခေါ်သည်။
>>> အရာရာတွင် ထိန်းချုပ်နိုင်သောစိတ်ရှိသလောက် မေတ္တာတရားတွင်
>>> ထိန်းချုပ်နိုင်ခြင်းမရှိ။ ချစ်သူကို အလိုလိုက်လွန်း၊
>>> ဦးစားပေးလွန်းသဖြင့် စိတ်သောက ခံစားရတတ်သည်။ ချစ်သူကို အရာရာပြည့်စုံ
>>> စေလိုသဖြင့် ပေးဆပ်တတ်သော သဘာဝကြောင့် မိမိနှလုံးသားကို ခုတုံးလုပ်ခြင်း
>>> မျိုးပင် ခံရတတ်သည်။ သီးသန့် အေးချမ်းစွာနေတတ်ပြီး
>>> မနာလိုဝန်တိုခြင်းကင်းသော ကြီးမြတ်သည့် နှလုံးသားအား ပိုင်ဆိုင်သည်။
>>> မိမိကိုယ်မိမိ အထီးကျန်ဆန်ကာ အားငယ် နေတတ်သော ခံစားချက်ရှိသည်။ သူတစ်ပါး
>>> ပစ်ပယ်ထားသူကို စာနာစိတ် အပြည့်နှင့် မေတ္တာ ထားတတ်သည်။
>>>
>>>
>>> ၉ ဂဏန်းသမားများ
>>> မည်သည့်လတွင်မဆို ၉၊ ၁၈၊ ၂၇ ရက်မွေးသူများကို ၉ ဂဏန်း သမားများဟုခေါ်သည်။
>>> အလွန်အချစ်ခံလိုသည်။ မိမိ အပေါ် အေးအေးချမ်းချမ်း သိမ်သိမ်မွေ့မွေ့
>>> နူးညံ့စွာ အလေးပေး ဆက်ဆံသူအား လိုလားသည်။ အချစ်အတွက် ဘာမဆို ပေးဆပ်ရဲသည်။
>>> အလွန်မျက်နှာများ၍ ရည်းစား မှိုလိုပေါက်အောင် အပြိုင်ထားလင့်ကစား
>>> အိမ်ထောင်ရေးရာတွင် အချစ်ဆုံးနှင့် လွဲချော်၍ နီးစပ်မူ အရှိဆုံးသူနှင့်
>>> ဆုံဆည်းရတတ်သည်။ မည်မျှဆိုးသော အိမ်ထောင်ဖက်ဖြစ်စေ အိမ်ထောင် တစ်ဆက်တည်း
>>> မြဲစေရန် အစဉ်ကြိုးပမ်းလေ့ရှိသည်။ အပြင်ပန်းအရ ကြမ်းတမ်းခက်ထန် သည်ဟု
>>> ထင်ရလင့်ကစား အတွင်းစိတ်နူးညံ့၍ အပေးသမားသာဖြစ်သည်။

မိန်းကလေးတွေအတွက် အကြံဥာဏ်(၁၄)ချက်

(၁) စာဖတ်ဝါသနာရှိပါစေ
(၂) အဆင့်အတန်းရှိပါစေ
(၃) ဘဝထဲကအလှတွေကို ရှာဖွေတတ်ပါစေ
(၄) အတွေးအခေါ်ကောင်းသူတွေနဲ့ မိတ်ဆွေဖွဲ့တတ်ပါစေ
(၅) အနှစ်သာရမရှိတဲ့ ရုပ်ရှင်ကားတွေကို ဝေးဝေးရှောင်နိုင်ပါစေ
(၆) သည်းခံခွင့်လွှတ်တတ်ဖို့ သင်ယူနိုင်ပါစေ
(၇) ကျန်းမာတဲ့စိတ်နှလုံး မွေးမြူနိုင်ပါစေ
(၈) လှပတင့်တယ်ခြင်းက သင်ရဲ့ရင်းနှီးမြှပ်နှံမှုဖြစ်ပါစေ
(၉) ဘယ်ယောက်ျားကိုမှအားမကိုးတဲ့ ကိုယ့်ကိုယ်ကိုရှင်သန်နိုင်သူ ဖြစ်ပါစေ
(၁ဝ) ငွေရေးကြေးရေး စီမံခန့်ခွဲတတ်အောင် သင်ယူနိုင်ပါစေ
(၁၁) အချစ်နဲ့ အိမ်ထောင်ရေး အတူတကွပူးတွဲနေပါစေ
(၁၂) ယောက်ျားတွေနဲ့ တန်းတူညီမျှ ရင်ဘောင်တန်းနိုင်ပါစေ
(၁၃) သင့်စိတ်ကူးအိပ်မက်ကို ကူညီအကောင်အထည်ဖော်ပေးမယ့် ယောက်ျားကိုရှာယူနိုင်ပါစေ
(၁၄) နုပျိုခြင်းကို စွန့်လွှတ်ရသည့်တိုင် အပြုံးကိုချိတ်ဆွဲထားနိုင်ပါစေ  

                                                                                                      (နိုင်းနိုင်း စနေ)

မြန်မာမျိုးဆက်လူငယ်တွေ သိသင့်တဲ့ ပုဂ္ဂိုလ်များ

MYMC ပရိတ်သတ်ကြီးများအားလုံး မင်္ဂလာအပေါင်းနဲ့ ပြည့်စုံကြပါစေရှင်။ ကျွန်မတို့ Knowledge101 အစီအစဉ်လေး ပြုလုပ်ပေးဖို့ အချိန်ကျ ရောက်လာပြန်ပါပြီ။ ဒီတစ်ပတ်အတွက် တင်ဆက်ပေးဖို့ ရွေးထားတဲ့ သူကတော့ ဗိုလ်ချုပ်အောင်ဆန်း ပဲဖြစ်ပါတယ်။ ဖေဖေါ်ဝါရီ ၁၃ ဆိုရင် နိုင်ငံရဲ့အထိပ်အမြတ် ခေါင်းဆောင်တစ်ယောက်၊ သေတဲ့အထိ နိုင်ငံ၊ တိုင်းပြည်နဲ့ လူမျိုးအတွက် တည်တည်တံ့တံ့ ရပ်တည်ပေးခဲ့ပြီး လွတ်လပ်ရေးရအောင် ကြိုးပမ်းပေးသွားတဲ့ ကျွန်ုပ်တို့နိုင်ငံရဲ့ ခေါင်းဆောင် ဗိုလ်ချုပ်အောင်ဆန်းရဲ့ မွေးနေ့ကို ကျရောက်လာတော့မှာ ဖြစ်ပါတယ်။  ကျွန်မတို့လို လူငယ်တွေအနေနဲ့ ဗိုလ်ချုပ်အောင်ဆန်းဆိုတာ နိုင်ငံအတွက် စွမ်းစွမ်းတမံ အကျိုးဆောင်ပေးခဲ့တဲ့ ကမ္ဘာ့သမိုင်းဝင် လူပုဂ္ဂိုလ်တစ်ယောက်အနေနဲ့ သိသင့်သိထိုက်တယ် ထင်တဲ့အတွက် ပုဂ္ဂိုလ်ရေး၊ နိုင်ငံရေးတစ်စုံတစ်ရာ မပါဝင်ဘဲ အမှတ်တရ ဂုဏ်ပြုတဲ့အနေနဲ့သာ ကျွန်မတို့ MYMC ကနေ ဗိုလ်ချုပ်ရဲ့ သမိုင်းနဲ့ သူရဲ့ရဲရင့်စွာ လုပ်ဆောင်ခဲ့ပုံများကို ဂုဏ်ယူစွာ တင်ပြပေးမှာဖြစ်ပါတယ်။။   အမှားတစ်စုံတစ်ရာ ရှိခဲ့တယ်ဆိုရင်လည်း နားလည်ခွင့်လွှတ်ပေးမယ်လို့ မျှော်လင့်ပါတယ်ရှင်။ ကဲ.. ဒါဆို ဗိုလ်ချုပ်ရဲ့ ငယ်ဘ၀အကြောင်းကနေ စလိုက်ရအောင်နော်။


အောင်ဆန်းဇာနည်
ဖေဖေါ်ဝါရီ ဆယ်သုံးဟာ
ဗိုလ်ချုပ်မွေးနေ့ပါ၊
တစ်ထောင့်ကိုးရာ တစ်ဆယ်ငါး
ရှေ့နေ ဦးဖာသား၊
ဇာတိ နတ်မောက် မကွေးခရိုင်
သိကြများခုတိုင်၊
ကြံ့ကြံ့ခိုင်တဲ့ ဇာနည်ဘွား
မိခင်ဒေါ်စုသား၊
တစ်ထောင့်ကိုးရာ လေးဆယ့်ခွန်
ပြောင်းကြွ တမလွန်၊
မျက်ရည်ဖြိုင်လို့ ဘ၀င်ညှိုး
ဇူလိုင် တစ်ဆယ့်ကိုး၊
ပြည်ထောင်လွတ်ရေး ကြိုးပမ်းအောင်
ပြည်ချစ်ဒို့ခေါင်းဆောင်၊
ဆိုရှယ်လစ်ဘောင်လမ်းစဉ်များ
ဗိုလ်ချုပ်ချမှတ်သွား၊
ပြည်ထောင်စုရဲ့ ကျေးဇူးရှင်
ဗိုလ်ချုပ်တို့ဖခင်၊
ကောင်းစေချင်တဲ့ မှာစကား
ငါတို့ မမေ့အား။

မွေးဖွားရာအချိန်နှင့် ဇာတိ

မြန်မာနိုင်ငံကိုချစ်တဲ့ မျိုးချစ်သူရဲကောင်း၊ တော်လှန်ရေးတွေမှာ အဆက်မပြတ် ပါဝင်ခဲ့တဲ့ နိုင်ငံရေးကောင်း သမားတစ်ဦး ဖြစ်တယ် ဗိုလ်ချုပ် အောင်ဆန်းကို ၁၉၁၅ ခုနှစ် ဖေဖေါ်ဝါရီ ၁၃ ရက်နေ့က  အလယ်ပိုင်း၊ မကွေးခရိုင်၊ နတ်မောက်မြို့မှာ မွေးဖွားခဲ့ပါတယ်။ သူရဲ့ဖခင်ကတော့ ရှေ့နေဦးဖာ ဖြစ်ပြီး မွေးမိခင်ကတော့ ဒေါ်ခင်စု ဖြစ်ပါတယ်။ သူမွေးဖွားတဲ့ အချိန်မှာ ပထမ ကမ္ဘာစစ်ကြီးရဲ့ ဒုတိယနှစ် ထဲကို ရောက်နေ ပြီးတော့ ဂျာမနီက ရေငုပ် သင်္ဘောများနဲ့ ဗြိတိသျှ ရေတပ်ကို အကြီးအကျယ် ဒုက္ခပေးနေတဲ့ အချိန် လည်းဖြစ်ပါတယ်။ အဲ့ဒီနှစ် ဖေဖေါ်ဝါရီ ၁၃ ရက်နေ့၊ မြန်မာခုနှစ်အရ ၁၂၇၆ ခုနှစ် တပေါင်းလဆန်း တစ်ရက် စနေနေ့ မနက်ပိုင်းမှာ ဗိုလ်ချုပ်အောင်ဆန်းကို မွေးဖွားလာခဲ့ပါတယ်။ နက္ခတ်ဗေဒင်ဆရာကြီး ကီရို ဟောပြောချက်အရ ဖေဖေါ်ဝါရီ ၁၃ ရက်နေ့မွေးဖွားသူတို့က တိုင်းပြည်တစ်ပြည်ရဲ့ အစိုးရထီးနန်းကို ဖြိုဖျက်နိုင်စွမ်းသူများကို မွေးဖွားတဲ့ဇာတာလို့ ဟောခဲ့ပါသေးတယ်။

အမည်နာမနှင့် မွေးချင်းမောင်နှမ

ဇာတာအရ မှည့်ထားတဲ့ နာမည်ကတော့ မောင်ထိန်လင်းဖြစ်ပါတယ်။ ဒါပေမယ့် သူ့ကို ဘယ်သူကမှ ထိန်လင်းလို့ ခေါ်လေ့ခေါ်ထမရှိဘဲ သူ့အကို ကိုအောင်သန်းရဲ့ နာမည်နဲ့ လိုက်အောင် မှည့်ထားတဲ့ မောင်အောင်ဆန်း လို့သာ ခေါ်ကြတော့တယ်။ နောက်ပိုင်း ဒို့ဗမာ အစည်းအရုံးကို ၀င်ရောက်တဲ့အခါ သခင်အောင်ဆန်း ဖြစ်လာခဲ့တယ်။ သခင် အောင်ဆန်းရဲ့ ဂျပန်အမည်ကတော့ အိုမိုဒါမွန်ဂျီ ဖြစ်ပါတယ်။ အဲ့ဒီနောက် ထိုင်းနိုင်ငံ ဗန်ကောက် ရဲဘော် သုံးကျိပ်ဝင်များ ဗိုလ်အမည်ခံရာကနေ ဗိုလ်တေဇဖြစ်လာခဲ့တယ်။ နောက်ဆုံးကတော့ တိုင်းပြည်နဲ့ လူမျိုးအတွက် နိုင်ငံရေးဆောင်ရွက်တဲ့ နေရာမှာတော့ ဗိုလ်ချုပ်အောင်ဆန်းအမည်နဲ့ ထင်ရှားခဲ့ပါတယ်။ ဗိုလ်ချုပ်အောင်ဆန်းမှာ သူအပါအ၀င် မွေးချင်းမောင်နှမ ၈ ယောက်ရှိပါတယ်။ သူတို့တွေကတော့
1) မခင်ညွှန့် (လယ်ဝန်ကတော်) ကွယ်လွန်
2) မ၀က် (အိပ်ထောင်မပြု) ကွယ်လွန်
3) မောင်ဘ၀င်း ဘီအေ-ဘီအက်စ်စီ (ဗိုလ်ချုပ်နဲ့ အတူလုပ်ကြံခံရ)
4) မရွှေမှန် (ငယ်စဉ်ကကွယ်လွန်)
5) မောင်နေအောင် (အမိန်တော်အရရှေ့နေ ကွယ်လွန်)
6) ခုနှစ်လသား အမွှာနှစ်ယောက် (ပုခက်တွင်း ကွယ်လွန်)
7) ဦးအောင်သန်း (ဘီအေ) (မကွေးအရှေ့မြောက်ပိုင်း လွှတ်တော်အမတ်) ကွယ်လွန်
8) ဗိုလ်ချုပ်အောင်ဆန်း တို့ဖြစ်ပါတယ်။

ငယ်ဘ၀အကျဉ်းချုပ်

ဗိုလ်ချုပ်မွေးဖွားတုန်းက သိပ်မထူးဆန်းပေမယ့် ထိုင်နိုင်ထနိုင်တဲ့ ကလေးဘ၀ကစပြီး ထူးခြားခဲ့တယ်လို့ သိရပါတယ်။ တော်တော်လည်း ဂွကျသူဖြစ်ခဲ့ပါတယ်။ ဗိုလ်ချုပ် ငယ်ငယ်တုန်းက တော်တော်နဲ့ စကား မပြောတာကြောင့် လူကြီးမိဘများက ဆွံ့အ နေသလားဆိုပြီး စိုးရိမ် ကြောင့်ကြခဲ့ရပါတယ်။ ဗိုလ်ချုပ်က ငယ်ငယ် တုန်းက ချူချာတဲ့အပြင် အစားလည်းကြူးပြီး အမဲသား ငါးကို  အလွန်ကြိုက်ပါတယ်။ ငယ်ငယ်တုန်းက မိခင်နဲ့ ဈေးဝယ်လိုက်သွားရင်း အမဲသားစိမ်းမြင်တာနဲ့ အတင်းလုစားမယ်လုပ်တယ်လို့ သူရဲ့မိခင်က ပြောခဲ့ပါတယ်။ ဒါ့အပြင် ယဉ်ကျေးတဲ့သူတွေကို အမြင်မကြည်ဖြစ်ပြီး အဲ့လိုလူတွေကြားထဲမှာ သိပ်လည်းနေသားမကျခဲ့ပါဘူး။ ဗိုလ်ချုပ်နေချင်တဲ့ပုံစံက လူရိုင်းပြီး ကြမ်းတမ်းခက်ထန်ပေမယ့် တည်ကြည်ပြီး လွတ်လပ်သန်စွမ်းတဲ့ ပုံစံမျိုးဖြစ်ပါတယ်။ ဗိုလ်ချုပ်ငယ်ငယ်တုန်းက အတီးအမှုတ်၊ အကအခုန် အတော် ၀ါသနာပါခဲ့တယ်။ အထူးသဖြင့် ဆိုင်းတီး တာကို အတော်ဝါသနာ ပါတယ်လို့ ပြောကြပါတယ်။ စားပွဲဖြစ်ဖြစ်၊ ခေါက်စရာတွေ့ရင် လက်ကွဲတဲ့အထိ အမြဲတမ်း ခေါက်နေလေ့ ရှိပါတယ်။ များသော အားဖြင့် ဣနြေ္ဒကြီးပြီး ချောင်တချောင် မှာကပ်ပြီး မှိုင်ကာ စဉ်းစားနေလေ့ရှိပြီး ကစားခုန်စား သိပ်လုပ်လေ့လုပ်ထ မရှိပေမယ့် ကစားတဲ့အခါ ကြမ်းတမ်းပြီး ကြမ်းတမ်းတဲ့ ကစားနည်းကိုမှ နှစ်သက်တတ်ပါတယ်။ မျက်နှာလို မျက်နှာရနဲ့ အထက်လူကြီးတွေကို တိုင်တောခြင်းကို ငယ်ငယ်ကတည်းက အထူးစက်ဆုပ် ရွံ့မုန်းခဲ့သူဖြစ်တယ်။

ကျောင်းသားဘ၀

ဗိုလ်ချုပ်အောင်ဆန်းရဲ့ မိဘနှစ်ပါးလုံးမှာ ဥာဏ်ရည်ထက်မြတ်သောသူတွေ ဖြစ်ကြပါတယ်။ ဗိုလ်ချုပ်ရဲ့ဖခင်က ရှေ့နေစာမေးပွဲမှာ ဗမာပြည်တပြည်လုံး တတိယစွဲခဲ့ပါတယ်။ အကိုများ၊ ၀မ်းကွဲညီအစ်ကိုများ နဲ့ ဦးလေးတွေကလည်း သူတို့ရဲ့ ကျောင်းစာမေးပွဲမှာ ထိပ်တန်းကျကျ အောင်မြင်ခဲ့ကြသူချည်းပါပဲ။ ဗိုလ်ချုပ်ရဲ့မိဘ များကလည်း ပညာရေးကို အထူးလိုလားကြတဲ့အတွက် ဗိုလ်ချုပ်ရဲ့ အစ်ကိုတွေကိုငါးနှစ်သား အရွယ်ကစပြီး ကျောင်းထားခဲ့ကြသည်။ ဗိုလ်ချုပ်ကတော့ အငယ်ဆုံးဖြစ်ပြီး အလိုလိုက် ထားတာကြောင့် အသက် ၈နှစ်ရောက်မှ ကျောင်းစနေ ဖြစ်ခဲ့ပါတယ်။။ ဒါတောင် အစ်ကိုက ရှင်ပြုတာအားကျပြီး ရှင်ပြုချင်လို့ ကျောင်းနေခဲ့တယ်လို့ ဆိုပါတယ်။။ ကျောင်းတက်တော့လည်း အတန်းကျောင်း တက်ခဲ့ရတာကြောင့် စာသင်နှစ် ၄ နှစ်တည်းနဲ့ ၁၀တန်း အောင်မြင် ခဲ့ပါတယ်။။ အင်္ဂလိပ်-မြန်မာ သတ္တမတန်းစာမေးပွဲမှာ ဗမာတစ်နိုင်ငံလုံး န၀မစွဲခဲ့ပြီး အထက်တန်း စကေားလားရှစ် ရခဲ့ပါတယ်။ ဗုဒ္ဓဘာသာ ကျောင်းနဲ့ အမျိုးသားကျောင်းများမှာလည်း ပထမစွဲခဲ့ပြီး ဦးရွှေခိုဆုကို ရရှိခဲ့ပါတယ်။

အထက်တန်းပညာရေးကို နတ်မောက်နဲ့ ရေနံချောင်းတို့မှာ သင်ယူပြီးနောက် ရန်ကုန် တက္ကသိုလ်မှာ ၆ နှစ်ခွဲလောက်နေခဲ့ပြီး အင်္ဂလိပ်စာပေ၊ ခေတ်သစ်သမိုင်းနဲ့ နိုင်ငံရေးသိပ္ပံတို့ကိုလည်း သင်ယူခဲ့ပါသေးတယ်။။ နိုင်ငံရေးစိတ်သန်မှုကြောင့် ကျောင်းစာများကို မလေ့လာနိုင်တဲ့အတွက် (ဘီ-အေ) အတန်းအထိ အောင်ယုံသာအောင်ခဲ့ပြီး (ဘီ-အေ) အထက်တန်းနှစ်တွင် ကျောင်းသားသပိတ် ခေါင်းဆောင်တစ်ဦး ဖြစ်တဲ့အတွက် အလုပ်ရှုပ်သဖြင့် (ဘီ-အေ) စာမေးပွဲကို တစ်နှစ်မဖြေဘဲ နေခဲ့ရပါသေးတယ်။ အဲ့ဒီနောက် (ဘီ-အယ်လ်) အတန်းကိုတက်တဲ့ အချိန်မှာတော့ အတန်းလည်းမှန်မှန်မတက်၊ စာအုပ်လည်းမရှိ၊ မှတ်စုလည်းမထား၊ စာလည်းမကြည့်၊ သူစိတ်သန်ရာ နိုင်ငံရေးကိုသာ လိုက်စားခဲ့တာကြောင့် (ဘီ-အယ်လ်) ပထမနှစ်စာမေးပွဲကို ကျရှုံးခဲ့ပါတယ်။ အဲ့ဒါက ဗိုလ်ချုပ်ဘ၀တွင် ပထမဆုံးနှင့် နောက်ဆုံးကျရှုံးခြင်းလည်း ဖြစ်ပါတယ်။ ဒါပေမယ့် ဥပဒေရာဇ၀င် ပထမမေးခွန်းမှာတော့ ဗိုလ်ချုပ်က ပထမရခဲ့ပါတယ်။ ဒုတိယ (ဘီ-အယ်လ်) နှစ်မှာတော့ နှစ်စေ့အောင် ကျောင်းမနေတော့ပါ။ အကြောင်းအရင်းကတော့ ဥရောပတိုက်မှာ မြူးနစ်စာချုပ် မချုပ်ဆိုမီ စစ်ဖြစ်မလို ဖြစ်နေတဲ့ခြေအနေနဲ့ ဗမာပြည်မှာလည်း အထိကရုန်း အခြေအနေတွေကြောင့် တိုင်းပြည်အတွက် ထိထိရောက်ရောက် လုပ်ကိုင်နိုင်ဖို့အတွက် နှစ်ဝက်မှာကျောင်းထွက်ပြီး သခင်ဘ၀သို့ ကူးပြောင်းခဲ့ပါတော့တယ်။

နိုင်ငံအတွက်လှုပ်ရှားခဲ့မှုများ

ဗိုလ်ချုပ်ဟာ ရန်ကုန်တက္ကသိုလ်ရဲ့ ကျောင်းသားသမဂ္ဂတွင် အမှုဆောင်အဖွဲ့ဝင်အဖြစ် ရွေးချယ်ခြင်းခံခဲ့ရပြီး အဲ့ဒီအဖွဲ့ကထုတ်ဝေတဲ့ အိုးဝေမဂ္ဂဇင်းမှာ အယ်ဒီတာ အဖြစ် ပါဝင်ခဲ့ပါတယ်။ ၁၉၃၆ခုနှစ် ဖေဖေါ်ဝါရီလမှာ တက္ကသိုလ်အုပ်ချုပ်ရေး အရာရှိကြီး တစ်ဦးကို ရည်ညွှန်းထားတဲ့ ဆောင်းပါးဖြစ်တဲ့ ငရဲခွေးကြီး လွတ်နေသည် ဆိုတဲ့ ဆောင်းပါးကို အမည်မဖော်ပြခဲ့တဲ့အတွက် ကိုနု (သခင်နု)နှင့် အတူတကွ တက္ကသိုလ်မှ ထုတ်ပယ်ခြင်းကို ခံခဲ့ရပါတယ်။ အဲ့ဒီနောက် သမိုင်းမှာ ကျောင်းသားသပိတ်ဆိုပြီး ဖြစ်လာခဲ့ပြီး နောက်ပိုင်းမှာတော့ ကျောင်းကထုတ်တဲ့ အမိန့်ကို ပြန်လည်ရုတ်သိမ်း ခဲ့ရတယ်။ ၁၉၃၈ ခုနှစ်မှာ ဗိုလ်ချုပ်အောင်ဆန်းဟာ ရန်ကုန်တက္ကသိုလ် ကျောင်းသား သမဂ္ဂနဲ့ ကျောင်းသားသပိတ် မန္တလေးကို ကူးစက်ပြီး နောက်ပိုင်းဖွဲ့စည်းထားတဲ့ မြန်မာနိုင်ငံလုံးဆိုင်ရာ ကျောင်းသားသမဂ္ဂ နှစ်ရပ်လုံးမှာ ဥက္ကဌအဖြစ် ရွေးချယ်ခြင်း ခံခဲ့ရပါသေးတယ်။ အဲ့ဒီနှစ်မှာပဲ အစိုးရက သူ့ကို ရန်ကုန်တက္ကသိုလ် အက်ဥပဒေပြင်ဆင်ရေး ကော်မတီမှာ ကျောင်းသားကိုယ်စားလှယ်အဖြစ် ရွေးချယ်ခဲ့ပါတယ်။ ၁၉၃၈ ခုနှစ် အောက်တိုဘာတွင် ဗိုလ်ချုပ်အောင်ဆန်းသည် ကျောင်းသားနိုင်ငံရေးမှ အမျိုးသားရေးသို့ ကူးပြောင်းခဲ့ပြီး ဗြိတိသျှဆန့်ကျင်ရေးသမားနှင့် ယုံကြည်မှုပြင်းထန်တဲ့ နယ်ချဲ့ဆန့်ကျင်ရေးသမားတစ်ယောက် ဖြစ်လာခဲ့ပါတော့တယ်။ ဒို့ဗမာအစည်းအရုံး ၀င်တစ်ဦး ဖြစ်လာသောအခါတွင် သခင်တစ်ဦးပါဖြစ်လာခဲ့ပါတယ်။ အသင်းကြီးကို ၁၉၃၀ ခုနှစ် မေတွင် ဖွဲ့စည်း တည်ထောင်ခဲ့ပြီး ဗိုလ်ချုပ်အောင်ဆန်းသည် အသင်းကြီး၏ အထွေထွေ အတွင်းရေးမှုးအဖြစ် ၁၉၄၀ ခုနှစ် ဩဂုတ်လအထိ ဆောင်ရွက်ခဲ့ပါတယ်။ အဲဒီတာဝန်ကို ထမ်းဆောင်နေစဉ် ၁၃၀၀ ပြည့် အရေးတော်ပုံလို့ လူသိများသည့် နိုင်ငံတဝန်း သပိတ်ပွဲများကို လှုံ့ဆော် ဦးဆောင်ခဲ့ပါတယ်။

ဗမာ့ထွက်ရပ်ဂိုဏ်းကြီးကို ထူထောင်ရာမှာလည်း ပါဝင်ခဲ့ပြီး အဲဒီအဖွဲ့ကြီးက ဒို့ဗမာအစည်းအရုံး၊ မြန်မာနိုင်ငံ ကျောင်းသားသမဂ္ဂ၊ နိုင်ငံရေး နိုးကြားသော ရဟန်းများ၊ ဒေါက်တာဘမော်၏ ဆင်းရဲသားပါတီတို့ကို မဟာမိတ် ပြုထားခြင်းဖြစ်ပြီး ဗိုလ်ချုပ်က အဲဒီမဟာမိတ်အဖွဲ့ရဲ့ အတွင်းရေးမှုး ဖြစ်လာခဲ့ပါတယ်။ မကြာခင်မှာပဲ ဗိုလ်ချုပ်က ပြည်သူ့တော်လှန်ရေးပါတီကို ထူထောင်ရာမှာ ပါဝင်ခဲ့ပါသေးတယ်။ ဒုတိယကမ္ဘာစစ် ပြီးနောက်ပိုင်းမှာ အဲဒီအဖွဲ့ကို ဆိုရှယ်လစ်ပါတီဟု ပြန်လည်အမည်ပေးခဲ့ပါတယ်။ ဗိုလ်ချုပ်အောင်ဆန်းသည် ၁၉၄၀ ခုနှစ် မတ်လမှာတော့ အိန္ဒိယနိုင်ငံ ရမ်ဂါတွင် ကျင်းပသော အိန္ဒိယ အမျိုးသားလွှတ်တော် စည်းဝေးပွဲသို့ တက်ရောက်ခဲ့ပေမယ့် အစိုးရက ဗြိတိသျှတို့ကို သခင်တို့က တော်လှန်ပုန်ကန်ရန် ကြိုးပမ်းအားထုတ်မှုဖြင့် ဗိုလ်ချုပ်အောင်ဆန်းကို ဖမ်းဝရမ်း ထုတ်ပြန်ခဲ့တဲ့အတွက် မြန်မာနိုင်ငံတွင်း လှည့်လည်ပုန်းရှောင်နေခဲ့ရပြီး နောက်ဆုံးမှာတော့ နိုင်ငံရပ်ခြားကို ပြေးခဲ့ရပါတယ်။ စစချင်းမှာ ဗိုလ်ချုပ်ကတရုတ်ပြည်သို့သွားပြီး ကွန်မြူနစ်တရုတ်များထံ အကူအညီတောင်းရန် ရည်ရွယ်သော်လည်း ဂျပန်စစ်တပ်မှ ပြည်သိမ်းတပ်များက သူ့ကိုအမွိုင်မြို့တွင် ကြားဖြတ်တားဆီးပြီး ဂျပန်ပြည်သို့သာသွားရန် တိုက်တွန်းခဲ့ပါတယ်။

၁၉၄၅ ခုနှစ် ဖေဖေါ်ဝါရီမှာတော့ ဗိုလ်ချုပ်အောင်ဆန်း ဂျပန်ကနေ မြန်မာနိုင်ငံကို ပြန်လာခဲ့ပြီး ဖူမီမာရိုကိုနိုး အစိုးရဆီက လက်နက်နဲ့ ငွေကြေးထောက်ပံမယ်ဆိုတဲ့ ကတိရလာခဲ့ပါတယ်။ အဲ့ဒီနောက် စစ်သင်တန်းတက်ဖို့ ရဲဘော်သုံးကျိတ် အဖွဲ့ဝင်တွေနဲ့ ဂျပန်ပြည်ကို ခဏပြည်လည် ထွက်ခွာသွားခဲ့ပါတယ်။ ၁၉၄၂ ခုနှစ် မတ်လမှာ မြန်မာနိုင်ငံရဲ့မြို့တော် ရန်ကုန်ဟာ ဂျပန်တို့ လက်အောက်သို့ ကျရောက် သွားခဲ့ပါတယ်။ ၁၉၄၃ ခုနှစ် ဩဂုတ် ၁ ရက်နေ့မှာ ဂျပန်တို့က မြန်မာနိုင်ငံအား အတုအယောင် ရွှေရည်စိမ်လွတ်လပ်ရေးကို ကြေညာပေးခဲ့ပါတယ်။ ဗိုလ်ချုပ်အောင်ဆန်းကို စစ်ဝန်ကြီးအဖြစ် ခန့်အပ်ပြီး ဗိုလ်ချုပ်ရဲ့တပ်မတော်ကိုလည်း ဗမာ့အမျိုးသားတပ်မတော် (ဘီအင်အေ)ဟု ပြောင်းလဲခေါ်ဝေါ်ခဲ့ပေမယ့် ဂျပန်တို့နဲ့ပူးပေါင်းမှုကတော့ ကြာကြာတော့မခံလိုက်ပါဘူး။ ဗိုလ်ချုပ်အောင်ဆန်းဟာ ဂျပန်များပြောတယ့် လွတ်လပ်ရေးဆိုတာကို သံသယဝင်လာတဲ့အပြင် ဗမာလူမျိုးများအပေါ် ဆက်ဆံသည့် ဆက်ဆံရေး ကိုလည်း မနှစ်မြို့ခဲ့ပါဘူး။ ဂျပန်တပ်များ မဝင်ရောက်မီကပင် ဖက်ဆစ်တို့၏ အန္တရာယ်ကို ကြိုတင် သတိပေးခဲ့တဲ့ ကွန်မြူနစ်ခေါင်းဆောင်များဖြစ်တဲ့ သခင်သန်းထွန်း၊ သခင်စိုးတို့၏ အကူအညီနဲ့ ဗိုလ်ချုပ်အောင်ဆန်းသည် ဂျပန်များအား တိုက်ထုတ်ရန် အိန္ဒိယပြည်ရှိ ဗြိတိသျှအာဏာပိုင်များနှင့် တိတ်တဆိတ် ဆက်သွယ်ခဲ့ပြီး လျှို့ဝှက်အစီအစဉ်များကို ရေးဆွဲခဲ့ကာ ၁၉၄၅ ခုနှစ် မတ်လ ၂၇ ရက်တွင် ဘီအင်အေတပ်ကို ဦးဆောင်ပြီး ဂျပန်ကျူးကျော်သူများကို မဟာမိတ်တို့နဲ့ ပူးပေါင်းပြီး တိုက်ထုတ်ခဲ့ပါတော့တယ်။ ဒါကြောင့် မတ်လ ၂၇ ရက်နေ့ကို တော်လှန်ရေးနေ့ဟု သတ်မှတ်ခဲ့ပြီး နောက်ပိုင်းတွင် စစ်အစိုးရမှ တပ်မတော်နေ့လို့ ပြောင်းလဲခေါ်ဝေါ်ခဲ့ပါတယ်။

ဗိုလ်ချုပ်အောင်ဆန်ုးရဲ့မိသားစု

ဗိုလ်ချုပ်ဟာ ကာကွယ်ရေးဝန်ကြီးအဖြစ် တာဝန်ထမ်းဆောင်နေစဉ် ၁၉၄၂ ခုနှစ် မှာ ဒေါ်ခင်ကြည်နှင့် လက်ထပ်ခဲ့ပြီး အောင်ဆန်းဦး၊ အောင်ဆန်းလင်း၊ အောင်ဆန်းစုကြည်စတဲ့ သား(၂)ယောက်၊ သမီး(၁)ယောက် ရခဲ့ပါတယ်။ အဲ့ဒီအချိန်မှာပဲ ဒေါ်ခင်ကြည်ရဲ့ ညီမကတော့ ကွန်မြူနစ် ခေါင်းဆောင် သခင်သန်းထွန်းနဲ့ လက်ထပ်ခဲ့ပါတယ်။ ဗိုလ်ချုပ်ရဲ့သားအကြီးဆုံး ဦးအောင်ဆန်းဦးက အမေရိကန်နိုင်ငံတွင် အလုပ်လုပ်လျက်ရှိပြီး ဒုတိယမြောက်သား အောင်ဆန်းလင်းကတော့  ၈ နှစ်သား အရွယ်မှာ ခြံထဲကရေကန်မှာ ရေနစ်သေဆုံးခဲ့ပါတယ်။ ဗိုလ်ချုပ်အောင်ဆန်းရဲ့ အငယ်ဆုံး သမီး ဒေါ်အောင်ဆန်းစုကြည် ကတော့ အခုအခါ အမျိုးသား ဒီမိုကရေစီ အဖွဲ့ချုပ်ကို ဦးဆောင်လျှက်ရှိပါတယ်။

ဗိုလ်ချုပ်အောင်ဆန်း လက်ထပ်မင်္ဂလာကို Snap Shot ဂျာနယ်မှာ ဖော်ပြခဲ့တာကို အောက်ကပုံတွေ မှာ Click နှိပ်ပြီး ဖတ်နိုင်ပါတယ်

ဗိုလ်ချုပ်အောင်ဆန်းနှင့် စာပေ

ဗိုလ်ချုပ်က ဘာသာရေးဆိုင်ရာ စာပေများကို ရေးသားခဲ့ရုံသာမက ဘာသာရေးနဲ့သက်ဆိုင်တဲ့ အလုပ်တွေကိုလည်း လုပ်ခဲ့ပါသေးတယ်။ ၁၉၃၅ခုနှစ် ဂန္ဓလောက မဂ္ဂဇင်း ဧပြီလထုတ်မှာ ဗိုလ်ချုပ်အောင်ဆန်းဟာ မြန်မာပြည်သူပြည်သား အများစု သက်ဝင်ယုံကြည်တဲ့ ဗုဒ္ဓဘာသာနဲ့ ပတ်သက်ပြီး Burma and Buddhism ဆိုတဲ့ခေါင်းစဉ်နဲ့ ဆောင်းပါးတပုဒ် ရေးသားခဲ့ပါတယ်။ အသက် (၂၀)အရွယ်မှာ ‘ဗုဒ္ဓဘာသာ၏ အနှစ်သာရမှာ ဝေဖန်ဆန်းစစ်၍ လက်တွေ့ ကျင့်သုံးနည်း' ဆိုတဲ့ဆောင်းပါးကို အင်္ဂလိပ်ဘာသာနဲ့ ရေးသားခဲ့ပါသေးတယ်။ စာပေနဲ့ပတ်သက်ပြီး အညာသားလေး ဆိုတဲ့ ကလောင်နာမည်နဲ့ သူရိယ မဂ္ဂဇင်းမှာ စာရေးသားခဲ့ပါတယ်။ ဗိုလ်ချုပ်အောင်ဆန်းဟာ တိုင်းပြည်ရဲ့အရေး ကောင်းကျိုးကို လိုလားတာကြာင့် နိုင်ငံရေးခေါင်းဆောင်၊ စစ်ရေးခေါင်းဆောင် လုပ်နေရပေမယ့် တကယ်တမ်းက စာရေးဆရာတစ်ယောက် ဖြစ်ချင်တာလို့ သိရပါတယ်။ ၁၉၄၇ခုနှစ် မေလ (၃၀)ရက်နေ့က ကိုယ့်မင်းကိုယ့်ချင်း လမ်းရှိ ဖဆပလဌာနချုပ်မှာ ပြုလုပ်ခဲ့တဲ့ သတင်းစာ ဆရာများ အစည်းအဝေးမှာ ဗိုလ်ချုပ်က ‘လွတ်လပ်ရေးရတဲ့ အချိန်အထိတော့ ကျုပ် နိုင်ငံရေး လုပ်ရအုံးမှာဘဲ၊ လွတ်လပ်ရေးရပြီးလို့ ပါတီတိုက်ပွဲတွေ ဖြစ်တဲ့အချိန်မှာ ကျုပ်က မပါချင်ဘူး။ ဘေးဖယ်နေမယ်။ သူများတွေလုပ်တာ ထိုင်ကြည့်ပြီး စာအုပ်ရေးမယ်’ ဆိုပြီး သူဖြစ်ချင်တာကို ပွင့်ပွင့်လင်းလင်းပြောခဲ့သေးတယ်။

ဗိုလ်ချုပ်မကွယ်လွန်ခင်အထိ နိုင်ငံရေး၊ ပညာရေး၊ စစ်ရေး၊ လောကီရေးရာများနဲ့ ပတ်သက်တဲ့ ဆောင်းပါးတွေ တော်တော်များများကို ရေးသားခဲ့ပါတယ်။ ဗိုလ်ချုပ်ရေးသားခဲ့တဲ့ စာတွေကလည်း ဖတ်ရင် တိကျရှင်းလင်းပြီး ပေါ်ပေါ်လွင်လွင် ဖြစ်အောင် ရေးသားထားတာ တွေ့ရပါတယ်။ ဗိုလ်ချုပ်က ‘တကမ္ဘာ လုံးဟာ ယခုအခါ ခေတ်ပြောင်းနေတဲ့ အချိန်အခါကြီး ဖြစ်တယ်။ ကျွန်တော်တို့လည်း ကမ္ဘာကြီးနဲ့အတူ ခေတ်နောက်မကျအောင် လိုက်ကြစို့။ ကမ္ဘာ့ဇာတ်ခုံ ကြီးမှာ ကမ္ဘာ့တေးသံ လိုက်၍ ကနိုင်တဲ့ ဗမာပြည်ကြီး ဖြစ်အောင် ဖန်တီးပြုပြင်ကြစို့။ ဗမာပြည်ကြီးကို လွတ်လပ်ပြီး တိုးတက်ထွန်းကားတဲ့ တိုင်းပြည်ဖြစ်အောင် ကြံဆောင် ကြိုးစားကြစို့။ ကျွန်တော်တို့ အားလုံး စစ်သားရော၊ နိုင်ငံရေးသမားရော၊ စာရေးဆရာရော၊ သတင်းစာ ဆရာရော၊ ဗမာတမျိုးသားလုံး ယခုပြောတဲ့အတိုင်း ခေတ်ပြောင်း အလုပ်ကို တူပြိုင်ပြိုင် လုပ်ကိုင်ကြပါစို့’ လို့ ပြောကြားခဲ့ပါတယ်။  ဗိုလ်ချုပ်အောင်ဆန်းဟာ အနိုင်မခံဆိုတဲ့ ကဗျာကိုလည်း ၁၉၃၆ ခုနှစ် အိုးဝေမဂ္ဂဇင်းရဲ့ အတွဲ ၆ အမှတ် ၁ တွင် ရေးသား ခဲ့ပါ သေးတယ်။

[ဗိုလ်ချုပ်အောင်ဆန်း စာပေလက်ရာကိုဖတ်ရန်]

အနိုင်မခံ
ငါ့အား ဖုံးလွှမ်းထားသော လကွယ်သန်းခေါင်
ဤအမှောင်အတွင်းမှနေ၍ အနိုင်မခံ အရှုံးမပေးတတ်သော
ငါ၏စိတ်ဓါတ်ကို ဖန်တီးပေးသည် နတ်သိကြားတို့အား ငါ ကျေးဇူးတင်၏။
လောကဓံတရားတို့၏ ရက်စက်ကြမ်းကြုတ်သော လက်ခုပ်တွင်းသိုပ
ကျရောက်နေရငြားသော်လည်း ငါကား မတုန်လှုပ် မငိုကြွေး
ကံတရား၏ ရိုက်ပုတ်ခြင်း ဒါဏ်ချက်တို့ကြောင့်
ငါ၏ ဦးခေါင်းသည် သွေးသံတို့ဖြင့် ရဲရဲနီ၏ ညွတ်ကား မညွတ်
ဤလောဘဒေါသတို့ ကြီးစိုးရာဌာန၏ အခြားမဲ့၌ကား
သေခြင်းတရားသည် ငံ့လင့်လျက်ရှိ၏။
သို့သော် ငါ့အားမတုန်လှုပ်သည်ကိုတွေ့ရအံ့။
နောင်ကိုလည်း ဘယ်တော့မှ မကြောက်သည်ကို တွေ့ရအံ့။
သုဂတိသို့ သွားရာတံခါးဝသည် မည်မျှ ကျဉ်းမြောင်းသည်ဖြစ်စေ
ယမမင်း၏ ခွေးရေပုရပိုက်၌ ငါ့အပြစ်တို့ကို မည်မျှပင် များစွာ
မှတ်သားထားသည်ဖြစ်စေ ငါကားဂရုမပြု
ငါသာလျှင် ငါ့ကံ၏ အရှင်သခင်ဖြစ်၍
ငါသာလျှင် ငါ့စိတ်၏ အကြီးအကဲဖြစ်သတည်း။

(ဗိုလ်ချုပ်အောင်ဆန်း)

ဗိုလ်ချုပ်အောင်ဆန်းနှင့် အနုပညာ

ဗိုလ်ချုပ်နဲ့ ပက်သက်ပြီးတော့ စာရေးဆရာကြီး ဒဂုန်တာရာက သူ့ရဲ့ ‘ရုပ်ပုံလွှာ’ အဖွဲ့အနွဲ့မှာ ဗိုလ်ချုပ်အောင်ဆန်း အကြောင်းကို ‘အောင်ဆန်း (သို့မဟုတ်) အရိုင်း’ ဆိုတဲ့ခေါင်းစဉ်နဲ့ တင်စားရေးသားခဲ့ပါသေးတယ်။ ဆရာဒဂုန် တာရာက သူ၏ ရုပ်ပုံလွှာအဖွဲ့မှာ ဗိုလ်ချုပ်ဟာ မြန်မာပြည် လွတ်လပ်ရေး အကြောင်းကိုသာ အမြဲစဉ်းစားနေတတ် ပြီး ကျန်သည့်အရာတွေကို ဂရုမစိုက်ဘဲ နေတတ်ပုံ၊ လူရိုင်းတဦးလိုပဲ ဆက်ဆံရခက်ပြီး ဂွတီးဂွကျ ဘယ်လောက် နိုင်ပုံ၊ သူ ယုံကြည်ရာကို တစိုက်မက်မက်နှင့် တဇွတ်ထိုး လုပ်တတ်ပုံ၊ ဒါပေမယ့် သူ့မှာ အနုပညာဓာတ်ခံရှိပုံ စသည်တို့ကို လှလှပပလေး တင်စားရေးဖွဲ့ခဲ့ပါတယ်။ အဲ့ဒီ့ရုပ်ပုံလွှာ အဖွဲ့အနွဲ့ကိုဖတ်ပြီး ဗိုလ်ချုပ်အောင်ဆန်းက ‘ကိုဌေးမြိုင် ပြောသလောက်လည်း ငါမရိုင်းသေးပါဘူးကွာ’ လို့ သူ့ရဲ့ကိုယ်ရံတော် ဗိုလ်ထွန်းလှကို ရယ်မောပြီး ပြောခဲ့ဖူးပါတယ်။  ဒါ့အပြင် ဗိုလ်ချုပ်က နိုင်ငံရေးအလုပ်တွေကြောင့် မအားလပ်နိုင်ပေမယ့် အလင်္ကာကျော်စွာ မြို့မငြိမ်းရဲ့ သီချင်းတွေကို ကြိုက်နှစ်သက်ပြီး ညည်းတွားနေတတ် သေးတယ်လို့လည်း ပြောကြပါတယ်။ ဗိုလ်ချုပ်က ‘ဗမာအက၊ ဗမာဂီတ တွေဟာ ဟိုဘက်က လှည့်လာတာတွေရှိတယ်။ ဒါတွေကို စုံစမ်းရမယ်။ အာရှတိုက်သားတွေ တဦးနဲ့တဦး ဘယ်လို ဆက်စပ်မှု ရှိတယ်ဆိုတာ လေ့လာရမယ်၊ ကျွန်တော်လည်း အနုပညာသမားပါဗျာ’ လို့လည်း ပြောကြားခဲ့ဖူးပါတယ်။ ဗိုလ်ချုပ်မှာလည်း အနုပညာနဲ့ပတ်သက်ပြီး ခံစားတတ် ဂုဏ်ယူတတ်တဲ့ စိတ်ကလေး ကိန်းအောင်းနေခဲ့သေးတာကို တွေ့မြင်နိုင်ပါတယ်။

ဗိုလ်ချုပ်အောင်ဆန်း ဓာတ်ပုံအချို့

နောက်ဆုံးနေ့ရက်များ

၁၉၄၇ ခုနှစ် ဇန်နဝါရီ ၂၇ ရက်မှာ ဗိုလ်ချုပ်အောင်ဆန်းနဲ့ ဗြိတိသျှဝန်ကြီးချုပ် ကလီမင့်အက်တလီတို့ဟာ လန်ဒန်မြို့မှာ တစ်နှစ်အတွင်း မြန်မာ့ လွတ်လပ်ရေးကို ပေးရမည်ဖြစ်ကြောင်း သဘောတူစာချုပ် ချုပ်ဆိုခဲ့ကြခြင်းပါတယ်။ လူအချို့က ဗိုလ်ချုပ်ကို ကရင်လူမျိုးတို့အား ဗြိတိသျှတို့အပေါ်တွင် သစ္စာရှိမှု၊ ဂျပန်နှင့် ဘီအိုင်အေတပ်များကို ပြန်လည်တိုက်ခိုက်မှုတို့ကို အကြောင်းပြုနှိပ်ကွပ်ခဲ့တာနဲ့ပတ်သက်ပြီး တာဝန်ရှိသည်ဟု ယူဆခဲ့ကြပါတယ်။ စစ်အတွင်းတုန်းက သူကြီးတစ်ဦးကို ကွက်မျက်မှုနှင့် အရေးယူရန်လည်း ကြိုးစားအားထုတ်ခဲ့ပါသေးတယ်။ ၁၉၄၇ ခုနှစ် ဖေဖော်ဝါရီ ၁၂ ရက်မှာ ဗိုလ်ချုပ်အောင်ဆန်းဟာ အခြားတိုင်းရင်းသားခေါင်းဆောင်များနှင့်အတူ ပင်လုံညီလာခံ တွင် စည်းလုံးညီညွတ်ရေး ဖော်ဆောင်သည့် သက်သေအဖြစ် ပင်လုံစာချုပ်ကို လက်မှတ် ရေးထိုးခဲ့ပါတယ်။ ဧပြီမှာ ဖဆပလက တိုင်းပြုပြည်ပြု လွှတ်တော် ရွေးကောက်ပွဲကြီးတွင် နေရာ ၂၀၂ နေရာအနက် ၁၉၆ နေရာကို ရရှိ အနိုင်ယူခဲ့ပြီးတော့ ဇူလိုင်လမှာတော့ ဗိုလ်ချုပ်အောင်ဆန်းဟာ မြန်မာနိုင်ငံ ပြန်လည် ထူထောင်ရေးအတွက် ဆွေးနွေးပွဲများကို ရန်ကုန်မှာရှိတဲ့ `ဆိုရန်တာဗီလာ´မှာ ကျင်းပခဲ့ပါတယ်။ လွတ်လပ်ရေးမရမီ လအနည်းငယ် အလိုမှာတော့  ၁၉၄၇ ခုနှစ် ဇူလိုင် ၁၉ ရက်တွင် ဗိုလ်ချုပ်အောင်ဆန်းနှင့် အတူ သူရဲ့အစ်ကိုဦးဘဝင်း အပါအဝင် အသစ်ဖွဲ့စည်းထားသော ကက်ဘိနက်ဝန်ကြီး ခြောက်ဦးတို့နှင့်အတူ လုပ်ကြံသတ်ဖြတ်ခံခဲ့ရပါတယ်။ လုပ်ကြံမှုက သူ့ရဲ့ ပြိုင်ဘက်ဖြစ်သူ ဂဠုန်ဦးစောရဲ့ လက်ချက်လို့ယူဆရတဲ့အပြင် ဦးစောရဲ့ တရားခွင်စစ်ဆေးချက်များမှာလည်း သံသယဖြစ်စရာများ တွေ့ရှိခဲ့ရပါတယ်။ ဗိုလ်ချုပ်အောင်ဆန်း လုပ်ကြံခံခဲ့ရပေမယ့် လွှတ်တော်ဥက္ကဌအဖြစ် တာဝန် ထမ်းဆောင်နေတဲ့ဦးနုက တိုင်းပြည်လွတ်လပ်ရေး ကြိုးပမ်းမှုများကို အရှိန် မပျက် ဆက်လက် ထမ်းဆောင်ခဲ့တဲ့အတွက် ၁၉၄၈ ခုနှစ် ဇန်နဝါရီလ ၄ ရက်တွင် မြန်မာနိုင်ငံ လွတ်လပ်ရေး ရရှိခဲ့ပါတယ်။ ဗိုလ်ချုပ်ဟာ မြန်မာနိုင်ငံ လွတ်လပ်ရေးရဖို့အတွက် စွမ်းစွမ်းတမံ ဆောင်ရွက်ခဲ့ပေမယ့်လည်း လွတ်လပ် ရေးရဲ့ အရသာကိုတော့ ခံစားခွင့် မရလိုက်ပါဘူး။

BBC ကတင်ဆက်တဲ့ Who Really Killed Aung San ဆိုတဲ့ ဗိုလ်ချူပ်အောင်ဆန်း လုပ်ကြံခံရတာကို ပြန်လည်ရှင်းပြ တင်ဆက်ထားတဲ့ Video ပါ

ဗိုလ်ချုပ်အောင်ဆန်း၏ဘ၀ဖြစ်စဉ်နေ့စွဲများ

၁၉၁၅။    ။ ဖေဖေါ်ဝါရီလ ၁၃ ရက်၊ ၁၂၇၆ တပေါင်းလဆန်း ၁ ရက် စနေနေ့တွင် မကွေးတိုင်း နတ်မောက်မြို့၌ဖွားမြင်သည်။ ဗေဒင်ဆရာက ဇာတာတွင် ထိန်လင်းဟု အမည်ရေးသောလည်း အကိုဖြစ်သူ အောင်သန်းနှင့်လိုက်ဖက်အောင် အောင်ဆန်းဟုခေါ်တွင်ခဲ့သည်။

၁၉၂၂။    ။ အသက် ၇ နှစ်တွင် နတ်မောက်မြို့ ဆရာတော် ဦးသောဘိတထံတွင် ကျောင်းနေခဲ့သည်။

၁၉၂၈။    ။ ရေနံချောင်းအမျိုးသားအထက်တန်းကျောင်ိးသို့ ပြောင်းနေခဲ့သည်။

၁၉၃၀။    ။ သတ္တမတန်းအောင်ကာ ဦးရွှေရိုးစကောလားရှစ်ရသည်။ တစ်လ ၁၀ဖြင့် သုံးနှစ်စာ စကောလားရှစ်ရခဲ့သည်။

၁၉၃၂။    ။ ရေနံချောင်း အမျိုးသားအထက်တန်းကျောင်းမှ အထက်တန်းအောင်ကာ ရန်ကုန်တက္တသိုလ်ရောက်သည်။

၁၉၃၄။    ။ ဥပစာတန်းအောင်သည် (စာမေးပွဲခုံအမှတ် ၂၃၁)။ တကသ အမှုဆောင်ရွေးကောက်ပွဲရှုံးနိမ့်ခဲ့သည်။

၁၉၃၅-၃၆။      ။ တကသအမှုဆောင်ရွေးကောက်ပွဲဝင်ရာ အရွေးခံရသည်။ အိုးမဝေမဂ္ဂဇင်း အယ်ဒီတာအဖြစ်ဆောင်ရွက်သည်။ ထိုသို့ ဆောင်ရွက်စဉ် အိုးဝေမဂ္ဂဇင်း၌ "ခွေးသရမ်းကြီးလွတ်နေသည်" (Hell Hound At Large) ဆောင်းပါးရေးသူကို ထုတ်ဖော်မပြောသဖြင့် တက္ကသိုလ်မှ ထုတ်ပယ်ခံရသည်။

၁၉၃၆။    ။ တကသ ဒုဥက္ကဌရွေးချယ်ခံရသည်။ ရန်ကုန်မြို့ ဂျူဘာလီဟောခန်းမ၌ ကျင်းပသော ဗမာနိုင်ငံလုံးဆိုင်ရာ ကျောင်းသားများ ညီလာခံတွင် မိန့်ခွန်းပြောကြားသည်။

၁၉၃၇။    ။ အင်္ဂလိပ်စာပေ၊ ဥရောပရာဇ၀င်၊ နိုင်ငံရေးဗေဒ ဘာသာရပ်များဖြင့် ၀ိဇ္ဇာတန်း အောင်မြင်သည်။ ရန်ကုန်တက္ကသိုလ် ပဲခူးဆောင် သဟာရနှင့် စာဖတ်အသင်း ဥက္ကဌအဖြစ် ဆောင်ရွက်သည်။ ပဲခူးဆောင် အခန်းအမှတ် (၁၁၃)တွင် နေခဲ့သည်။

၁၉၃၇-၃၈။      ။ တကသဒဥက္ကဌအဖြစ်ဆောင်ရွက်ပြီး ဗမာနိုင်ငံလုံးဆိုင်ရာကျောင်းသားများသမဂ္ဂ ဥက္ကဌအဖြစ်လည်း ဆောင်ရွက်သည်။

၁၉၃၈။    ။ ဥပဒေသင်ကြားနေရာမှ၎င်း၊  ဗမာနိုင်ငံလုံးဆိုင်ရာ ကျောင်းသားများ သမဂ္ဂဥက္ကဌ နေရာမှ၎င်း နှုတ်ထွက်သည်။ အင်္ဂလိပ် ဘာသာဖြင့် ထုတ်ဝေသော နယူဘားမား သတင်းစာ အယ်ဒီတာအဖွဲ့တွင် ခေတ္တ၀င်ရောက် လုပ်ကိုင်သည်။ ပထမဦးဆုံး တက္ကသိုလ် ကျောင်းသား ကိုယ်စားလှယ် တက္ကသိုလ်ကောင်စီဝင်အဖြစ် တင်မြှောက်ခြင်းခံရသည်။ အောက်တိုဘာလတွင် သခင်ကိုယ်တော်မှိုင်း ဦးဆောင်သော တို့ဗမာအစည်းအရုံးသို့ ၀င်ရောက်သည်။

၁၉၃၈-၃၉။    ။ တကသဥက္ကဌအဖြစ် ဆောင်ရွက်သည်။

၁၉၃၉။    ။ ဇန်န၀ါရီလတွင် ရန်ကုန်အရေးတကြီး လုံခြုံရေးအက်ဥပဒေဖြင့် (၁၅)ရက် ဖမ်းဆီးထောင်ချခံရသည်။ ဖေဖော်ဝါရီ (၂၅)ရက်နေ့ သန်းခေါင်ကျော် ၂ နာရီခွဲတွင် ကျင်းပသော ဗမာနိုင်ငံလုံးဆိုင်ရာ ကျောင်းသားများသမဂ္ဂ အသင်းအလုပ် အမှုဆောင် အစည်းအဝေးသို့ တက်ရောက်သည်။ ဖေဖော်ဝါရီလ ၂၆ ရက် ညနေ ၅နာရီတွင် ဗမာပြည် နန်းရင်းဝန်၊ မြို့မိမြို့ဖ အဖွဲ့ဝင်လူကြီးများနှင့် ကျောင်းသား ခေါင်းဆောင်များ (ကျောင်းသားသပိတ် အရေးနှင့် စပ်လျဉ်း၍) တွေ့ဆုံဆွေးနွေးသည့် အစည်းအဝေးသို့ တက်ရောက်သည်။ ဧပြီ ၆ ရက်မှ ၉ ရက် အထိ ကျင်းပသော မော်လမြိုင်ညီလာခံတွင် အတွင်းရေးမှုးအဖြစ် တာဝန်ခံ ဆောင်ရွက်သည်။ သြဂုတ်လ ၁၃ရက်နေ့တွင် ရန်ကုန်ရေကျော်ရပ် တို့ဗမာအစည်းအရုံး တည်နေရာ၌ သခင်ဆောင်ဆန်း၊ သခင်လှဖေ၊ ကိုသိန်းဖေ၊ ကိုဗဟိန်း၊ မစ္စတာဒတ္တားတို့သည် တို့ဗမာအစည်းအရုံး အတွင်းတွင် ကွန်မြူနစ်အဖွဲ့လေးတရပ် စတင်ဖွဲ့စည်းသည်။ သြဂုတ်လ ၁၅ ရက်နေ့တွင် ရန်ကုန်အရှေ့ပိုင်း ၄၉လမ်း အိမ်နံပါတ် ၁၈၈တွင် ဗမာပြည် ကွန်မြူနစ်ပါတီကို လျှို့ဝှက်စွာတည်ထောင် ဖွဲ့စည်းပြီး သခင်အောင်ဆန်းက အထွေထွေ အတွင်းရေးမှုးအဖြစ် တာဝန်ယူခဲ့သည်။ စက်တင်ဘာ ၁ ရက်တွင် ဒေါက်တာဘမော်အိမ်၌ ကျင်းပသော အစည်းအဝေး၌ ထွက်ရပ်ဂိုဏ်း၏ အတွင်းရေးမှူးအဖြစ် တင်မြှောက်ခြင်း ခံရသည်။ နိုဝင်ဘာ ၁၈ ရက်ေ န့တွင် မြေအောက်တော်လှန်ရေး ဗဟိုအဖွဲ့ကို စတင်တည်ထောင်ကာ သခင်အောင်ဆန်းအား ပြည်ပခေါင်းဆောင်အဖြစ် တင်မြှောက်ကြသည်။ ၁၉၃၉ ဒီဇင်ဘာလမှ ၁၉၄၀ ဇန်န၀ါရီလ အတွင်း ဗမာတစ်ပြည်လုံးသို့ တရားလှည့်လည် ဟောပြောခဲ့သည်။

၁၉၄၀။    ။ မတ်လ ၂၂ရက်နေ့ အိန္ဒိယနိုင်ငံ ရမ်းဂါးမြို့တွင် ကျင်းပသော အိန္ဒိယအမျိုးသား ကွန်ဂရက်ညီလာခံသို့ သခင်သန်းထွန်း၊ သခင်ခင်အောင်၊ သခင်တင်မောင်၊ သခင်ဆင်ဂူပတား၊ ကိုထွန်းရှိန် (ဗိုလ်ရန်နိုင်)၊ ကိုဗဟိန်း တို့နှင့်အတူ တက်ရောက်ခဲ့ကာ မေလ ၅ရက်၌ ရန်ကုန်ပြန်ရောက်သည်။ ဇွန်လ ၂၉ ရက်တွက် ဟင်္သတခရိုင် ရာဇ၀တ်ဝန် မစ္စတာဇေးဗီးယားက ဇွန်လ ၁ရက်နေ့ ဇလွန်မြို့၌ ချင်းတောင် အကြောင်း ဟောပြမှုဖြင့် သခင်အောင်ဆန်းကိုဖမ်းရန် ၅ ကျပ်တန် ၀ရမ်းကို ထုတ်ခဲ့သည်။ သြဂုတ်လ ၈ ရက်နေ့တွင် သခင်လှမြိုင်နှင့်အတူ ဟိုင်လီအမည်ရှိ သင်္ဘောဖြင့် ဗမာပြည်မှ တရုတ်ပြည်သို့ လျှို့ဝှက်စွာ ထွက်ခွါခဲ့ကြသည်။ သြဂုတ်လ ၂၄ရက်နေ့တွင် တရုတ်ပြည် အမွိုင်သို့ ရောက်ရှိကာ ထိုမှတဆင့် နိုဝင်ဘာ ၁၂ရက်နေ့တွင် ဂျပန်ပြည် တိုကျိုမြို့သို့ ရောက်ရှိခဲ့သည်။

၁၉၄၁။    ။ မတ်လ ၃ရက်နေ့တွင် ဗမာပြည်သို့ပြန်လာပြီး မတ်လ ၉ ရက်နေ့၌ ရဲဘော်သုံးကျိပ်ထဲမှ ပထမအသုတ်လူငယ်တစ်စုကို တပါးတည်းခေါ်ယူပြီး ဂျပန်ပြည်သို့ လျို့ဝှက်စွာ ပြည်လည် ထွက်ခွာခဲ့သည်။ မတ်လ ၂၇ ရက်နေ့တွင် ဂျပန်ပြည်တိုကျိုမြို့သို့ ပြန်လည် ဆိုက်ရောက်ခဲ့သည်။ ထိုနှစ် နိုဝင်ဘာလ ၀ရမ်းပြေးနေစဉ် တက္ကသိုလ်အုပ်ချုပ်ရေးအဖွဲ့မှ နှုတ်ထွက်သည်။ ဒီဇင်ဘာ ၂၇၊ ၁၉၄၁​ စနေနေ့ည ၁ နာရီအချိန်တွင် ယိုးဒယား ပြည်ဘန်ကောက်မြို့ရှိ မျိုးချစ်ပုဂ္ဂိုလ်ကြီး ဦးလွန်းဖေ၏နေအိမ်တွင် ဘီအိုင်အေ ခေါ် ဗမာ့လွတ်လပ်ရေး တပ်မတော်ကို စတင်ဖွဲ့စည်းပြီး လက်မောင်းသွေး ဖောက်သောက်ကြသည်။


၁၉၄၂။    ။ ဇန်န၀ါရီ ၁ ရက်တွင် အင်္ဂလိပ်အစိုးရက သခင်အောင်ဆန်းကို ဘားမားလစ် (Burma List) ခေါ် အင်္ဂလိပ်အစိုးရ၏ ရန်သူတော် စာရင်းတွင် အမှတ်စဉ် ၂ အဖြစ် ကြေညာခဲ့သည်။ ဇူလိုင်လတွင် ဗိုလ်မှူးကြီးရာထူးဖြင့် ဗမာ့ကာကွယ်ရေး တပ်မတော် စစ်သေနာပတိအဖြစ် ဆောင်ရွက်သည်။ သြဂုတ်လ ၁ရက်တွင် ဘီအိုင်အေ ဗမာလွတ်လပ်ရေး တပ်မတော်မှ ဘီဒီအေ ဗမာ့ကာကွယ်ရေး တပ်မတော်အဖြစ်သို့ ပြောင်းလဲရာတွင် ဗိုလ်မှူးကြီးရာထူးဖြင့် ဘီဒီအေ တပ်မတော်၏ သေနာပတိ ဖြစ်လာသည်။ စက်တင်ဘာလ ၆ ရက်တွင် ဒေါ်ခင်ကြည်နှင့် လက်ထပ်သည်။ လက်ထပ်ပွဲတွင် ဆေးရုံ ယခုစစ်ရုံးချုပ်ပေါ်၌ပင် ကျင်းပသည်။ နိုဝင်ဘာလ ၈ရက်တွင် မြို့တော်ခန်းမ၌ ကျင်းပသော ခေတ်သစ်ဆရာ ဖြစ်သင်တန်းတွင် သေနင်္ဂဗျူဟာ စစ်ပညာအကြောင်း ဟောပြောသည်။


၁၉၄၃။    ။ မတ်လတွင် ဗိုလ်ချုပ်ရာထူးသို့ တိုးမြှင့်ခြင်းခံရသည်။ မတ်လ ၁၇ရက်တွင် ဒေါက်တာဘမော်နှင့် အတူဂျပန်ပြည် တိုကျိုမြို့သို့ ဖိတ်ကြားခြင်းခံရပြီး ၁၉၄၃ မတ် ၂၂ ရက်တွင် ဂျပန်အင်ပါယာ၏ ဘွဲ့ထူးဂုဏ်ထူးတံဆိပ် (order of the risingsun) ဖြင့် ချီးမြှင့်ခံရသည်။ သြဂုတ်လ ၁ရက်တွင် ဗမာ့တပ်မတော် စစ်ဦးစီး သေနာပတိ ရာထူးအပြင် စစ်ဝန်ကြီးအဖြစ် ဆောင်ရွက်သည်။ ဂျပန်အစိုးရ၏ (First Class Order of The Sacred Treadsure) ချီးမြှင့်ခြင်း ခံရသည်။ အောက်တိုဘာ ၂ ရက်တွင် ဦးဝိစာရကြေးရုပ်နှင့် ကျောက်တိုင်ဖွင့်ပွဲတွင် မိန့်ခွန်းပြောကြားသည်။

၁၉၄၄။    ။ သြဂုတ်လ ၄ရက်တွင် ဗိုလ်ချုပ်အောင်ဆန်း ခေါင်းဆောင်ပြီး ဖက်ဆစ်တိုက်ဖျက်ရေးနှင့် ပြည်သူ့လွတ်လပ်ရေး အဖွဲ့ချုပ်ကြီး (ဖဆပလ) ကို ပဲခူးမြို့ဗမာ့တပ်မတော် တိုင်း ၄ စခန်း၌ လျို့ဝှက်စွာ ဖွဲ့စည်းခဲ့သည်။ ထိုသို့ ဖွဲ့စည်းရာ၌ ဗိုလ်ချုပ်အောင်ဆန်ုးသည် ဖဆပလ ဗဟိုဦးစည်း အဖွဲ့တွင်၎င်း၊ ဖဆပလ ဗဟိုစစ်ကောင်စီတွင်၎င်း၊ စစ်ရေး ခေါင်းဆောင်အဖြစ် တင်မြှောက်ခြင်းခံရသည်။ သြဂုတ်လ ၂၃ရက် ဗုဒ္ဓဟူးနေ့တွင် ရန်ကုန်မြို့ ပတ်လမ်းနှင့် ဦးထွန်းမြင့် လမ်းထောင့်ရှိ စစ်ဝန်ကြီး ဗိုလ်ချုပ်အောင်ဆန်း၏ နေအိမ်၌ ဗမာ့တပ်မတော် ဗမာပြည် ကွန်မြူနစ်ပါတီနှင့် ပြည့်သူ့အရေးတော်ပုံ ပါတီတို့ ပါဝင်ဖွဲ့စည်းသော ဖက်ဆစ်တိုက်ဖျက်ရေး ပြည်သူ့လွတ်လပ်ရေး အဖွဲ့ချုပ်ကို ပြည်လည်ဖွဲ့စည်းသည်. စက်တင်ဘာ ၃ ရက်တွင် ဗိုလ်မှူးကြီး စောကြာဒိုး၊ ဗိုလ်ကြီး စောစံဘိုးသင်၊ ဗိုလ်မှူးရဲထွက်၊ ဗိုလ်ချုပ်ကတော် ဒေါ်ခင်ကြည့် နှင့်အတူ မြောင်းမြမြို့သို့ ရောက်လာကြသည်။ စက်တင်ဘာ ၇ရက်တွင် ဗိုလ်မှူးကြီးစောကြာဒိုး၊ ဗိုလ်ကြီးစောစံဘိုးသင်၊ ဒုဗိုလ် သိန်းဆွေ၊ ဗိုလ်မှူးကြီး ဇေယျ၊ ဗိုလ်မှူးရဲထွက်တို့နှင့်အတူ ပုသိမ်ခရိုင် ကန်ကြီးထောင့်ရွာသို့ ခရီးထွက်ကြသည်။


၁၉၄၅။    ။ မတ်လ ၁၇ ရက်တွင် ရန်သူကို တိုက်ခိုက်ရန်အတွက် တပ်မတော်ကို ဦးဆောင်ပြီး စစ်မြေပြင် ထွက်ခဲ့သည်။ မတ်လ ၂၇ ရက်နေ့တွင် ဖက်စစ်ဂျပန်များကို စတင်တော်လှန်သည်။ မေလ ၆ ရက်တွင် ဗိုလ်ချုပ်စလင်းနှင့် ပထမဦးဆုံးအကြိမ် တွေ့ဆုံသည်။ ဇွန် ၂၀ ရက်တွင် အင်္ဂလိပ်စစ်သင်္ဘော ကမ်ဘာလင် (H.M.S Cumberland) ပေါ်၌ အခြား နိုင်ငံရေး ခေါင်းဆောင်များနှင့်အတူ ဘုရင်ခံ ဆာဒေါ်မန်စမစ်နှင့် တွေ့ဆုံဆွေးနွေသည်။ သြဂုတ်လ ၁၉ ရက် နေသူရိန် အစည်းအဝေးတွင် မိန့်ခွန်းပြောကြားသည်။ သြဂုတ်လ ၂၉ ရက် မြို့တော်ခန်းမ၌ ကျင်းပသည့် အရှေ့အနောက်အသင်း (East And West Association) တွင် အင်္ဂလိပ်ဘာသာဖြင့် ဟောပြောခဲ့သည်။ စက်တင်ဘာလ ၄ ရက်တွင် အရှေ့တောင်အာရှဆိုင်ရာ သေနာပတိ လော့မောင်ဘက်တန်နှင့် ဗမာ့တပ်မတော် ဆက်လက် တည်တံ့ရေးအတွက် ဆွေးနွေးရန် သခင်သန်းထွန်း၊ ဗိုလ်လင်္ကျာ၊ ဗိုလ်နေ၀င်း၊ ဦးဘဖေတို့နှင့်အတူ သီဟိုကျွန်း ဂန္ဓီမြို့သို့ သွားသည်။


၁၉၄၆။    ။ ဇန်န၀ါရီ ၂၀ရက်တွင် ရွှေတိဂုံအလယ် ပစ္စယံ၌ ကျင်းပသော နိုင်ငံလုံးဆိုင်ရာ ဖဆပလ ညီလာခံတွင် ဖဆပလ ဥက္ကဌအဖြစ် တင်မြောက်ခံရသည်။ မတ်လ ၄ ရက်တွင် သခင်မြ၊ ဟင်္သာတဦးမြ၊ ဦးအောင်စံဖေတို့နှင့်အတူ ရန်ကုန်မှ ရခိုင်သို့ ခရီးထွက်သည်။ မတ်လ ၆ ရက်တွင် တောင်ကုတ်ေ ရာက်သည်။ မတ်လ ၇ ရက်တွင် တောင်ကုတ်၌ တရားဟောသည်။ မတ်လ ၁၀ ရက်တွင် စစ်တွေကိုရောက်ပြီး၊ မတ်လ ၁၁ရက်နေ့၌ စစ်တွေမြို့တွင် တရားဟောသည်။ မတ်လ ၂၆ ရက်တွင် စထရင်း ဟော်တယ်၌ အိန္ဒိယခေါင်းဆောင် ပဏ္ဍစ်နေရူးနှင့် ၃နာရီကြာ ဆွေးနွေးသည်။ မေလ ၂၈ ရက် ညနေ၄ နာရီ အချိန်၌ ပြည်သူ့ရဲဘော်တပ်ဖွဲ့ အားလုံးကို လောင်းဝစ် လမ်းဌာနချုပ် အဖွဲ့တည်ရာ ဌာန၌ သြ၀ါဒမိန့်ခွန်း ပေးသည်။ စက်တင်ဘာ ၂၆ ရက်တွင် ဘုရင်ခံ၏ အမှူဆောင် ကောင်စီ၌ ဒုသဘာပတိ အဖြစ် ရာထူးလက်ခံပြီး အစိုးရအဖွဲ့ အသစ်ကိုဖွဲ့သည်။ နိုဝင်ဘာလ ၂ ရက် မြစ်ကြီးနားရှိ တိုင်းရင်းသား ကချင်စစ်တပ်ကို စစ်ဆေးသည်။ နိုဝင်ဘာလ ၁၄ ရက်မှ နိုဝင်ဘာလ ၃၀ ရက်နေ့အထိ အထက်ဗမာပြည်သို့ ခရီးထွက်သည်။ ဒီဇင်ဘာလ ၂၃ ရက်နေ့တွင် ကယားပြည်နယ် လွယ်ကော်မြို့၌ ကျင်းပသည့် ကရင်အမျိုးအသား နှစ်သစ်ကူးပွဲတော်သို့ တက်ရောက်သည်။ ဒီဇင်ဘာလ ၂၄ ရက် နံနက်တွင် တောင်ကြီးမြို့ ညောင်ရွှေဟော၌ စော်ဘွားများနှင့် ပထမဆုံးအကြိမ်ဆွေးနွေးသည်။

၁၉၄၇။    ။ ဇန်န၀ါရီ ၂ရက်တွင် သခင်မြ၊ ဦးတင်ထွတ်တို့နှင့် အတူ ဘိလပ်သို့ သွားသည်။ ဇန်န၀ါရီ ၅ ရက်နေ့ ညနေ ၅ နာရီ ၁၀ မိနစ်အချိန်တွင် ဒေလီရေဒီယိုမှ ဗမာပြည်သို့ ဟူသော မှာကြားချက် မိန့်ခွန်းကို အသံလွှင့်သည်။ အာရှညီညွတ်ရေးသို့  ဟူသော ဗိုလ်ချုပ်အသံသွင်း မိန့်ခွန်းကိုလည်း ထိုနေ့ည ၈ နာရီခွဲအချိန်တွင် ဒေလီရေဒီယိုမှ အသံလွှင့်သည်။ ဇန်န၀ါရီလ ၁၃ ရက်တွင် ဗိုလ်ချုပ်အောင်ဆန်း ဦးဆောင်သော ကိုယ်စားလှယ်အဖွဲ့နှင့် ဗြိတိသျှဝန်ကြီးချုပ် အက်တလီ ခေါင်းဆောင်သော ဗြိတိသျှကိုယ်စားလှယ် အဖွဲ့တို့ ဆွေးနွေးပွဲကို လန်ဒန်မြို့အမှတ် ၁၀ ဒေါင်းနင်းလမ်းရှိ ဗြိတိသျှ ၀န်ကြီးချုပ်ဂေဟာ၌ ကျင်းပသည်။ ဇန်န၀ါရီ ၂၈ ရက်တွင် အောင်ဆန်း အက်တလီစာချုပ်အား လက်မှတ်ထိုးသည်။ ဖေဖော်ဝါရီလ ၂ ရက်နေ့ ရန်ကုန် ပြန်ရောက်သည်။ ဖေဖော်ဝါရီ ၈ ရက်နေ့ ရှမ်းပြည်တောင်ပိုင်း ပင်လုံမြို့သို့ သွားရောက်သည်။ ဖေဖော်ဝါရီ ၁၂ ရက်နေ့ ပင်လုံစာချုပ် လက်မှတ် ရေးထိုးသည်။ ဖေဖော်ဝါရီလ ၂၈ ရက်နေ့ မြို့တော်ခန်းမတွင် ကျင်းပသော မြို့တော်ဝန်၏ ဧည့်ခံပွဲ၌ မိန့်ခွန်းပြောကြားသည်။ မတ်လ ၁၀ ရက်နေ့တွင် ဗမာပြည် အင်္ဂလိပ် ကုန်သည်ကြီးများ အသင်း နှစ်ပတ်လည်နေ့တွင် မိန့်ခွန်းပြောကြားသည်။ မတ်လ ၁၅ ရက်မှ မတ်လ ၁၇ ရက်နေ့အထိ လေကြောင်းခရီးဖြင့် မြိတ်၊ ထားဝယ်၊ မော်လမြိုင်မြို့များသို့ ခရီးထွက်သည်။ မတ်လ ၁၇ရက်နေ့ ညနေ၄နာရီအချိန်တွင် မော်လမြိုင်မြို့ ဘုရင်မပန်းခြံတွင် မိန့်ခွန်းပြောကြားသည်။ မတ်လ ၂၀ ရက်နေ့တွင် ကျောက်ဆည်နှင့် မန္တလေးမြို့များတွင် တရားဟောသည်။

1947 ခုနှစ် ဗိုလ်ချုပ်အောင်ဆန်း အင်္ဂလန်သို့သွားစဉ်ြှဗိတိသျှ ၀န်ကြီးချုပ် အက်တလီနှင့် Video မှတ်တမ်း

မတ်လ ၂၁ စစ်ကိုင်းမြို့တွင် တရားဟောသည်။ မတ် ၂၃ ရက် ညောင်ဦးမြို့တွင် တရားဟောသည်။ မတ်လ ၂၄ ရက် မကွေးမြို့တွင် တရားဟောသည်။ မတ်လ ၂၅ ရက် တွင် နတ်မောက်မြို့တွင် တရားဟောသည်။ မတ်လ ၂၇ ရက် အာလံ (အောင်လံ) တွင် တရားဟောသည်။ ထိုနေ့တွင်ပင် ရန်ကုန် ပြန်ရောက်သည်။ ဧပြီလ ၁ ရက်တွင် လေယာဉ်ဖြင့် စစ်တွေသို့ ခရီးထွက်သည်။ ထိုညနေတွင် ရေတပ်မတော်မှ စစ်သင်္ဘောဖြင့် မြေပုံမြို့သို့ ခရီးဆက်သည်။ ဧပြီလ ၂ ရက်နေ့တွင် စစ်တွေမှ ရန်ကုန်သို့ လေယာဉ်ဖြင့် ပြန်လာသည်။ ဧပြီလ ၄ ရက်တွင် အုတ်တွင်း တောင်ငူ ပျဉ်းမနားမြို့များတွင် တရားဟောသည်။ ဧပြီလ ၅ ရက်တွင် ပျော်ဘွယ်၊ တပ်ကုန်း၊ ရမည်းသင်းမြို့များတွင် တရားဟောသည်။ ဧပြီလ ၉ ရက်နေ့ ညနေ ၆ နာရီတွင် ဇနီးဖြစ်သူ ဒေါ်ခင်ကြည်နှင့် အတူ မဲရုံများသို့ လိုက်လံစစ်ဆေးသည်။ ရွေးကောက်ပွဲ ကျင်းပရာတွင် ဗိုလ်ချုပ်ဦးဆောင်သော ဖဆပလ အဖွဲ့သည် မဲအပြတ်အသတ်ဖြင့် အနိုင်ရရှိသည်။ ဧပြီလ ၁၂ ရက်နေ့ နေလယ် ၂ နာရီတွင် ဗီယက်နမ် နိုင်ငံကိုယ်စားလှယ် ပါမောက္ခ ရန်ပင်လော့နှင့် တွေ့ဆုံသည်။ ဧပြီလ ၁၇ရက် နေ့လည် ၁ နာရီတွင် ကန်တော်ကြီးစောင်း အိုရီယန့်ကလပ်၌ ယိုးဒယား အစိုးရနှင့် ဗီယက်နမ်အစိုးရ ကိုယ်စားလှယ်တော်များ ဧည့်ခံပွဲ တက်ရောက်ပြီး မိန့်ခွန်းပြောကြားသည်။ ဧပြီလ ၁၈ ရက်နေ့တွင် နှစ်သစ်ကူး မိန့်ခွန်းပြောကြားသည်။ ဧပြီလ ၂၈ရက်နေ့ မန္တလေးသို့ လာသည်။

ဗိုလ်ချုပ်အသံနဲ့ ရှားရှားပါးပါးမိန့်ခွန်းကို အောက်မှာ နားဆင်နိုင်ပါတယ်။ နားဆင်ဖို့ Play ကိုနှိပ်ပါ။

ကြိုက်လို့ သိမ်းထာချင်သူတွေအတွက် Speech 1 - ifile | Speech 2 - ifile

မေလ ၄ ရက်နေ့တွင် ဗိုလ်ချုပ်နေအိမ်၌ ဖဆပလ ကိုယ်စားလှယ်များ ဆိုရှယ်လစ် ကိုယ်စားလှယ်များ၊ ပရသဖ ကိုယ်စားလှယ်များနှင့် တွေ့ဆုံဆွေးနွေးပြီး နယ်များတွင် ပြည်သူ့ရဲဘော်နှင့် ဆိုရှယ်လစ်များ မသင့်တင့်သည့် ကိစ္စများဖြေရှင်းပေးသည်။ မေလ ၆ ရက်နေ့ည ၈နာရီတွင် ပြည်လမ်း ပဲခူးကလပ်၌ မျက်နှာဖြူ ကုန်သည်ကြီးများ နှင့် ဆွေးနွေးသည်။ မေလ ၈ ရက်နေ့ ညနေ ၄ နာရီအချိန်တွင် ပသျူးအစိုးရ ကိုယ်စားလှယ်များဖြစ်သည့် ဒေါက်တာ ဘဟာနုဒင်နှင့် မစ္စတာ ဂျာဇန်ဇူလေမန်တို့ကို လက်ဖက်ရည်ပွဲနှင့် ဧည့်ခံသည်။ မေလ ၁၀ရက်နေ့ ညနေ ၃နာရီအချိန်တွင် သတင်းစာဆရာများကို အရေးပေါ် အစည်းအဝေးခေါ်ယူပြီး ဦးဘဖေကို ၀န်ကြီးအဖွဲ့မှ ထုတ်ပယ်သည့်ကိစ္စနှင့် စပ်လျဉ်းပြီး ရှင်းလင်း တင်ပြသည်။ မေလ ၁၂ရက်နေ့ည ၈နာရီတွင် အမေရိကန် သံအမတ် မစ္စတာ ပက်ကာ၏ နေအိမ်တွင် ကျင်းပသည့် ညစာစားပွဲသို့ တက်ရောက်သည်။ မေလ ၁၇ ရက်နေ့တွင် ယိုးဒယားဘုရင်ရဲ့ ဆွေတော်မျိုးတော်ဖြစ်သော မင်းသမီး ချန်ဘောနှင့် သမီးတော အာစီ မင်းသမီးတို့ကို တာဝါလိန်းနေအိမ်၌ ညစာဖြင့် ဧည့်ခံကျွေးမွေးသည်။ မေလ ၁၉ ရက်နေ့တွင် ဖဆပလ ပဏာမ ညီလာခံ ကျင်းပသည်။ မေလ ၂၅ ရက်နေ့တွင် ဗြိတိသျှရေတပ်မှ စစ်သင်္ဘော H.M.S FALE (ယခုစစ်ရေယာဉ် မေယု) အား ရေတပ်လက်ထောက် ဗိုလ်ချုပ် မစ်ချယ်က လွဲပြောင်းပေးသည်ကို အဆိုပါ သင်္ဘောပေါ်၌ပင် လက်ခံသည်။ မေလ ၃၀ ရက်နေ့တွင် သတင်းစာ ကွန့်ဖရန့်ပြုလုပ်သည်။ ဇွန်လ ၁၆ရက်နေ့တွင် တိုင်းပြုပြည်ပြု လွှတ်တော် အစည်းအဝေး၌ အခြေခံဥပဒေနှင့် ပတ်သတ်သည့် လမ်းညွှန်ပြဌာန်းချက်ကို တင်သွင်းသည်။ ဇူလိုင်လ ၇ ရက်နေ့တွင် ဗမာပြည်ရှိ အိန္ဒိယ ငဋိညာဉ်ခံ ၀န်ထမ်းများ (I.C.S) နှင့် တွေ့ဆုံ ဆွေးနွေးသည်။ ဇူလိုင်လ ၁၃ရက် တနင်္ဂနွေနေ့ မြို့တော်ခန်းမမှနေပြီး လူထုသို့ မိန့်ခွန်းပြောကြားသည်။ ထိုမိန့်ခွန်းသည် နောက်ဆုံး ပြောကြားခဲ့သော မိန့်ခွန်းဖြစ်သည်။ ဇူလိုင်လ ၁၉ ရက် စနေနေ့ နံနက် ၁၀ နာရီ ၃၇ မိနစ်အချိန်တွင် မသမာသူလူတစ်စု၏ လုပ်ကြံမှုကြောင့် ကျဆုံးခဲ့သည်။

Written By : Nunki, ^AnGel^
Edited By : Illusion, ^AnGel^
Published By : Alinyaung, Lucifer

မှတ်ချက် - ဒီထဲမှာ အသုံးပြုထားတဲ့ တစ်ချို့အချက်အလက်များ၊ အသံများ၊ ဗီဒီယို ဖိုင်တွေဟာ Google မှတဆင့် သက်ဆိုင်ရာ ဆိုဒ်များဆီက သုံးထားတာဖြစ်ပါတယ်။ သက်သက် တစ်ခုချင်းဆီ Credit ပေးဖို့ Site တွေများပြားတာကော၊ မမှတ်မိတာတွေကောကြောင့် အကုန်လုံး စုပြီး ဒီမှပဲ ရေးလိုက်တာ နားလည်ပေးမယ်လို့ ယုံကြည်ပါတယ်။ အဆင်မပြေလို့ သက်သက်ဆီ တင်ပေးစေချင်ပါက Site နာမည်တွေနဲ့ Link ကို အောက်မှာ Comment ကျေးဇူးပြုပြီး ရေးပေးခဲ့ပါ။ ဒီပို့်စ်အတွက် အသုံးပြုခဲ့သော Resources များရဲ့ မူလပိုင်ရှင် Admin များ၊ Blogger များအားလုံးကို အထူးကျေးဇူးတင်ပါကြောင်း

************************************************************************************

(Craton) MYMC ပရိသတ်ကြီးအားလုံး မင်္ဂလာပါခင်ဗျာ။ ကျွန်တော်တို့ MYMC ကနေ တင်ဆက်ပေးနေကျ အသစ်အသစ်အစီအစဉ်များထဲက တစ်ခုဖြစ်တဲ့  Knowledge101 ဆိုတဲ့အစီအစဉ်လေး တင်ဆက်ပေးဖို့အချိန် ရောက်လာပြန်ပြီနော်။ လိုအပ်ချက်တွေ ရှိနေသေးတဲ့ ဒီအစီအစဉ်လေးကို အမြဲတမ်းအားပေး နားဆင်ဝေဖန်ပေးကြတဲ့ ပရိသတ်ကြီးကို ကျွန်တော်တို့ MYMC ၀ိုင်းတော်သားတွေက အထူးပဲကျေးဇူးတင်ရှိပါတယ်။ လူငယ်တွေမှ လူငယ်တွေအတွက်ဆိုပြီး တင်ဆက်ပေးနေတဲ့ MYMC ရဲ့ ဆောင်ပုဒ်လေးနဲ့အတူ ဒီတစ်ပတ်မှာလည်း ကျော်ကြားလူသိများပြီး လူငယ်တွေသိသင့်သိထိုက် လေးစားဖို့ကောင်းတဲ့ ပုဂ္ဂိုလ်တစ်ဦးရဲ့အကြောင်းကို တင်ဆက်ပေးပါအုံးမယ်။ ဒီတစ်ပတ်မှာတော့ မြန်မာနိုင်ငံမှာ မသိသူမရှိတဲ့အပြင် အနုပညာရော၊ စာပေ၊ ဂီတ၊ ရုပ်ရှင်ပိုင်းတွေမှာ တကယ့်ကိုဂုဏ်ယူလေးစား အားကျလောက်တဲ့ ဘဘဦးသုခရဲ့ အကြောင်းလေးကို MYMC ပရိသတ်တွေအတွက် တင်ဆက်ပေးသွားမှာဖြစ်ပါတယ်။ လူအများက လေးစားပြီးကြည်ညိုရတဲ့ ဘဘဦးသုခရဲ့အကြောင်းလေးကို ကျွန်တော်တို့လို နောင်လာနောင်သား လူငယ်တွေအတွက် ကျွန်တော်တို့ MYMC ကနေပြီး သိသလောက် တတ်သလောက်နဲ့ ဗဟုသုတ မှတ်သားဖွယ်ရာအဖြစ် တင်ဆက်ပေးသွားမှာမို့ လိုအပ်ချက်များနဲ့ အမှားအယွင်းလေးများရှိခဲ့ရင်လည်း နားလည် ခွင့်လွတ်ပေးပါလို့ ကြိုပြီးမေတ္တာရပ်ခံပါတယ်။ ဒီနေ့တော့ကျွန်တော် DJ-Craton နဲ့အတူ DJ-C4, DJ-Amedeo တို့ကနေဒီအစီအစဉ်လေးရဲ့ Presenter များအဖြစ်တင်ဆက်ပေးသွားမှာ ဖြစ်ပါတယ်။ ကဲဒါဆိုပထမဦးဆုံး ဘဘဦးသုခရဲ့ ကိုယ်ရေးအကျဉ်းလေးနဲ့ အစပြုလိုက်ရအောင်နော်။

ကိုယ်ရေးအကျဉ်း

(αмє∂єσ) ဘဘဦးသုခကို လွန်ခဲ့တဲ့ ၁၉၁၀ ပြည့်နှစ်၊ ဇန်န၀ါရီလ ၁၄ ရက်နေ့ (မြန်မာလို ၁၂၇၁ ခုနှစ်၊ တပို့တွဲလဆန်း ၅ ရက်နေ့၊ သောကြာ)နေ့မှာ ဖခင်ဦးစံခိုင်နဲ့ မိခင်ဒေါ်မျှင်တို့မှ လောကထဲကို မွေးဖွားပေးခဲ့ပါတယ်။ ဘဘရဲ့မွေးရပ်ဇာတိကတော့ ကျိုက်လတ်အပိုင် စာဖြူစုကျေးရွာပဲဖြစ်ပါတယ်။ ဖခင်ဦးစံခိုင်ဟာ စာဖြူစုကျေးရွာရဲ့ ရွာသူကြီးဖြစ်တယ်လို့လည်း မှတ်သားရပါတယ်။ ဘဘဦးသုခဟာ မွေးချင်း ၄ ယောက်ရှိတဲ့ အထဲက အကြီးဆုံးသား ဖြစ်ပြီးတော့ ငယ်နာမည်ကတော့ မောင်သိန်းဖြစ်ပါတယ်။ မောင်သိန်း(ခေါ်) ဘဘဦးသုခရဲ့ငယ်ဘ၀လေးကတော့ စာဖြူစုကျေးရွာလေးမှာပဲ ဖြတ်သန်းခဲ့ပြီး အလယ်တန်းကိုတော့ ကျိုက်လတ်မြို့ အမျိုးသားကျောင်းကနေ ၁၉၂၆ ခုနှစ်မှာ အောင်မြင်ခဲ့တာဖြစ်ပါတယ်။ အထက်တန်းပညာ သင်ယူဖို့အတွက် ဖျာပုံအမျိုးသားကျောင်းကို ၁၉၂၇ ခုနှစ်မှာပြောင်းရွေ့ပြီး ပညာဆည်းပူးခဲ့ပါတယ်။ အလယ်တန်းကျောင်းသားဘ၀ကတည်းက စတင်ပြီး ကဗျာ၊ ရတုများကိုရေးသားလာခဲ့တဲ့ ဘဘဦးသုခ(ခေါ်) မောင်သိန်းဟာ အထက်တန်းကျောင်းသားဘ၀ကို ရောက်တဲ့အခါမှာတော့ ၀တ္တုများကိုရေးသားဖို့ စိတ်သန်လာခဲ့ပါတယ်။ ၉ တန်းကျောင်းသားဘ၀မှာပဲ ကျောင်းကနေထွက်ပြီး ရန်ကုန်မြို့ကိုထွက်ခွာလာခဲ့ကာ ဖခင်ဦးစံခိုင်တည်ထောင်ထားတဲ့ အာဇာနည်ဂျာနယ်တိုက်မှာ ၀င်ရောက်လုပ်ကိုင်ခဲ့ပါတယ်။ ဒါပေမယ့် ဂျာနယ်တိုက် ပိတ်လိုက်ရတဲ့အချိန်မှာတော့ ကျိုက်လတ်မြို့ကိုပဲပြန်ခဲ့ပြီး ကျိုက်လတ်မြို့မှာရှိတဲ့ ကျိုက်လတ်ဦးဘမူ တည်ထောင်ထားတဲ့ အမျိုးသားကျောင်းမှာ မြန်မာစာပြဆရာအဖြစ် ၀င်ရောက်လုပ်ကိုင်ခဲ့ပါတယ်။ အဲ့ဒီလိုလုပ်ဆောင်နေစဉ်မှာပဲ အမျိုးသားနေ့ အောင်ပွဲနေ့တွေမှာ ကျောင်းရဲ့ပဒေသာကပွဲတွေအတွက် စာမူများရေးသားပေးခြင်း၊ ဇာတ်လမ်းများရေးသားခြင်းတွေအပြင် ကိုယ်တိုင်ပါဝင် သရုပ်ဆောင်ကာ ပြဇာတ်ဒါရိုက်တာလည်း လုပ်ဆောင်ခဲ့ပါသေးတယ်။

ရေးသားခဲ့သောစာအုပ်စာပေများနှင့်ကလောင်အမည်များ

(C4) ဘဘဦးသုခဟာ ကျောင်းသားဘ၀ အရွယ်ကတည်းက စာပေရေးသားခြင်းကို ၀ါသနာကြီးခဲ့တဲ့သူ တစ်ယောက်လည်းဖြစ်ပါတယ်။ သူရေးသားခဲ့တဲ့ သုတ၊ရသစာပေတွေဟာ ရေတွက်လို့မရအောင် ဒုနဲ့ဒေးရှိနေပါတယ်။ အဲဒီထဲကမှ ထင်ရှားကျော်ကြားတဲ့ စာပေတွေကို လက်လှမ်းမှီသလောက် MYMC ပရိသတ်ကြီးကို ပြောပြပေးချင်ပါတယ်။ ၁၉၂၉ ခုနှစ်မှာ စိန်သိန်းတန်ဆိုတဲ့ ကလောင်နာမည်နဲ့ စံပယ်ပွင့်ဝတ္တုကို စတင်ရေးသားခဲ့ပါတယ်။ အဲ့ဒီဝတ္တုလေးဟာ က၀ိမျက်မှန်မဂ္ဂဇင်းမှာ ပုံနှိပ်ဖော်ပြခံရပြီး စာမူခအနေနဲ့ ငွေကျပ် ၁၀ အပြင် မဂ္ဂဇင်း ၆ လဆုကိုလည်း ရရှိခဲ့ပါတယ်။ ၁၉၃၀ ပြည့်နှစ်မှာတော့ ရွင်ပျော်ပျော်စာပေတိုက် ၀တ္တုပြိုင်ပွဲမှာ မောင်သိန်းမောင်ဆိုတဲ့ ကလောင်အမည်နဲ့ မိန်းမသားဆိုတဲ့ ၀တ္တုကိုဝင်ရောက် ယှဉ်ပြိုင်ခဲ့တဲ့အခါမှာ ရွေးချယ်ခံခဲ့ရပါတယ်။ ဘဘဦးသုခဟာ သုတရသစာပေတွေအပြင် လောကီလောကုတ္တရာဆိုင်ရာ စာပေများကိုလည်းရေးသားခဲ့ပါသေးတယ် ။ ဘာသာရေးစာပေ ရေးသားခြင်းတွေကိုတော့ ၁၉၃၂ ခုနှစ် ဘဘအသက် ၂၃ နှစ်အရွယ်မှာ စတင်ပြီးရေးသားခဲ့တာဖြစ်ပါတယ်။ အစပိုင်းမှာတော့ ဘဘဦးသုခဟာ သူလေ့လာမှတ်သားခဲ့ဖူးတဲ့ လောကီလောကုတ္တရာ မှတ်စုမှတ်ရာများကို ပြန်လည်ပြီးစာမူပြုစု ရေးသားခဲ့တာဖြစ်ပါတယ်။ နောက်ပိုင်းမှာတော့ ထိုမှတ်စုများကိုစုဆောင်းပြီး သုခမှတ်စုဆိုတဲ့ စာအုပ်လေးကိုထုတ်ဝေခဲ့ပါတယ်။ ၁၉၃၄ ခုနှစ် ရောက်တဲ့အချိန်မှာတော့ ရွင်ပျော်ပျော်ဆိုတဲ့ စာပေတိုက်နာမည်နဲ့ လိုက်ဖက်အောင် သုခဆိုတဲ့ ကလောင်အမည်လေးကို ပြောင်းလဲသုံးစွဲကာ ၀တ္တုများကို ရေးသားခဲ့ပါတော့တယ်။ သုခဆိုတဲ့ ကလောင်အမည်ကို ခံယူပြီးသွားတဲ့နောက်ပိုင်းမှာတော့ ဘဘရေးတဲ့စာအုပ်တွေရဲ့အဆုံးမှာ ဆုတောင်းလေးတွေ ထည့်လေ့ရှိတယ်လို့လည်း မှတ်သားရပါတယ်။ အဲ့ဒီနောက်ပိုင်းကစပြီး ရွင်ပျော်ပျော်စာပေတိုက်အတွက် လုံးချင်းဝတ္တုငယ်လေးများကို ရေးသားပေးခဲ့ပြီး မိုက်မိတယ်ဆိုတဲ့ လုံးချင်းဝတ္တုကိုလည်း ထုတ်ဝေနိုင်ခဲ့တဲ့အထိ စာပေဘက်မှာ အောင်မြင်မှုရရှိခဲ့ပါတယ်။ ဒါ့အပြင်ဘဘရဲ့ထင်ရှားကျော်ကြားတဲ့ စာအုပ်စာပေပေါင်းများစွာလည်းရှိခဲ့ပါတယ်။ လောကနိတိ၊ ကံကံ၏အကျိုး၊ သုတရသဓမ္မစာစုံ၊ စိတ်ဆိုသောစိတ်ကဲ့သို့သော စာပေကောင်းတွေဟာ ဘဘရဲ့ထင်ရှားတဲ့ စာအုပ်စာပေတွေပဲဖြစ်ပါတယ်။

ဒီဆောင်းဟေမန် (MyanmarEbooks.com) | ဂုဏ်ရည်မတူလို့လား (weenyinthit.com)

ရုပ်ရှင်ဇာတ်ညွန်းနှင့်ပြဇာတ်များရေးသားခြင်း

(αмє∂єσ) ဘဘဦးသုခရဲ့ စာပေများဟာ လူ့ဘ၀နဲ့လူ့သဘာဝကို ဖော်ပြရေးသားတဲ့နေရာမှာ နာမည်ရလာတာနဲ့အမျှ ၁၉၃၈ ခုနှစ်မှာတော့ ချစ်အမျှရုပ်ရှင်ဇာတ်ကားကို ဇာတ်ညွန်း ရေးသားပေးရာကနေ အစပြုပြီး ရုပ်ရှင်ဇာတ်ညွန်းရေးသားတဲ့ဘက်ကို ကူးပြောင်းလာခဲ့ပါတယ်။ ဂျပန်ခေတ်လို့အများကသိကြတဲ့ ၁၉၄၂ ခုနှစ် ဂျပန်တွေအုပ်စိုးတဲ့အချိန်မှာလည်း ပြဇာတ်များကိုကိုယ်တိုင်ရေးသားခဲ့ကာ ကန်တော်မိတ်ရုံမှာ ဂုဏ်ဆိုတဲ့ပြဇာတ်၊ ဂျိုတီရုံမှာ မေတ္တာနှင့်သစ္စာဆိုတဲ့ပြဇာတ်၊ မြိုင်ရုံမှာတော့ ဘဘရဲ့နာမည်ကြီးတဲ့ သြော်မိန်းမ သြော်ယောင်္ကျားပြဇာတ်၊ သြော်.. လောကဆိုတဲ့ပြဇာတ်တွေကို ရုံသွင်းတင်ဆက်ကပြခဲ့တာ အောင်မြင်မှုရရှိခဲ့ပါတယ်။ ဘဘဦးသုခဟာ လူမူရေးအသင်းအဖွဲ့တွေမှာလည်း တက်တက်ကြွကြွပါဝင် လုပ်ဆောင်ခဲ့ပါသေးတယ်။ စာရေးစာရာအသင်းရံပုံငွေအတွက် ၀ိဇယပြဇာတ်၊ ပေါဦးပြဇာတ်တွေမှာလည်း ဒါရိုက်တာလုပ်ပြီးကိုယ်တိုင်ပါဝင် သရုပ်ဆောင်ခဲ့ကာ ရံပုံငွေရှာဖွေပေးခဲ့ပါတယ်။ ဘဘရေးသားခဲ့တဲ့ မောင်ဖေငယ်ဆိုတဲ့ပြဇာတ်ဟာလည်း လူကြိုက်များခဲ့ပါတယ်။ နောက်ပိုင်းမှာတော့ ကာဌေးရုံမှာ ချစ်တော့ချစ်တယ်ပြဇာတ်၊ ၀သုန်ဤမြေပြဇာတ်၊ ၀င်းဝင်းရုံမှာ ကိုယ်ကြိုက်တာကိုယ်လုပ်ပြဇာတ်၊ ဇော်ရုံမှာ သားတိုးရုပ်ရည်ပြဇာတ်တွေကို ကိုယ်တိုင်အဓိကနေရာကနေ သရုပ်ဆောင်တင်ဆက်ကပြခဲ့ပါတယ်။

ရုပ်ရှင်လောကသို့ဝင်ရောက်ခြင်း

(Craton) ဘဘဦးသုခဟာ ၁၉၄၈ ခုနှစ်မှာ ရုပ်ရှင်ဒါရိုက်တာအဖြစ် ပထမဦးဆုံး ချစ်အနုမြူဆိုတဲ့ဇာတ်ကားကို စတင်ရိုက်ကူးခဲ့ပါတယ်။ ထိုဇာတ်ကားမှစတင်ကာ ဘဘရဲ့ ပြောင်မြောက်လှတဲ့ ရိုက်ကူးချက်တွေကြောင့် စာရေးဆရာအသင်းကနေပြီးတော့ ဂုဏ်ထူးဆောင်ရွှေတံဆိပ်ဆုကို ပေးအပ်ချီးမြင့်ခဲ့ပါတယ်။ ဘဘရဲ့သုခ၀တ္တုတိုပေါင်းချုပ် စာအုပ်ကိုလည်း ၁၉၅၁ ခုနှစ်မှာစတင်ထုတ်ဝေခဲ့ပြီး ၁၉၅၅၊ ၁၉၆၆၊ ၁၉၇၈ နဲ့ ၁၉၈၈ ခုနှစ်တွေမှာ ပြန်လည်ထုတ်ဝေပုံနှိပ်ရတဲ့ အထိအောင်မြင်ခဲ့ပါတယ်။ ၁၉၅၄ ခုနှစ်ကရိုက်ကူးတဲ့ သြော်မိန်းမ ဇာတ်ကားမှစတင်ကာ မြန်မာရုပ်ရှင် အကယ်ဒမီဆုတစ်ခုဖြစ်တဲ့ ဒါရိုက်တာဆုကို ဘဘဦးသုခက ပထမဦးဆုံးချီးမြင့်ခံခဲ့ရပါတယ်။ အဲ့ဒီနောက်ပိုင်းမှာတော့ ဘ၀သံသရာ ဇာတ်ကားကို ၁၉၅၆ ခုနှစ်မှာရိုက်ကူးခဲ့ပြီး ဒုတိယအကြိမ်အဖြစ် ဒါရိုက်တာ ဆုကိုထပ်မံရရှိခဲ့ပြန်ပါတယ်။ ၁၉၅၇ ခုနှစ်မှ ၁၉၆၇ ခုနှစ် အတွင်းတွေမှာတော့ ဘဘဦးသုခဟာ စာပေနဲ့ရုပ်ရှင်နယ်ပယ်မှာပဲ ကျင်လည်လှုပ်ရှားခဲ့ပါတယ်။ အဲ့ဒီအချိန်တွေမှာလည်း အလွန်မှနာမည်ကြီးတဲ့ ရဟန်းစားရသောဆွမ်းတစ်နပ်၊ တစ်ပါးသီလ ဆိုတဲ့ရုပ်ရှင်ကားတွေကိုလည်း ရိုက်ကူးခဲ့ပါတယ်။ရုပ်မြင်သံကြားဇာတ်လမ်း များစွာကိုလည်းရိုက်ကူးခဲ့တယ်လို့ မှတ်သားရပါတယ်။ နောက်ပိုင်းဘဘဦးသုခရရှိခဲ့တဲ့ အကယ်ဒမီဒါရိုက်တာ ဆုတွေကိုပြောရမယ်ဆိုရင် ၁၉၆၈ ခုနှစ်မှာ စကားပြောသော နှလုံးသားဇာတ်ကား၊ ၁၉၇၀ ခုနှစ်မှာ ကျွန်မမှာမိန်းမသားဇာတ်ကား၊ ၁၉၇၃ ခုနှစ်မှာ ဘယ်သူပြိုင်လို့လှပါတော့နိုင်ဇာတ်ကား၊ ၁၉၇၅ ခုနှစ်မှာ ရွှေချည်ငွေချည်တန်းပါလို့ဇာတ်ကား စတဲ့ဇာတ်ကားတွေနဲ့ အကယ်ဒမီဒါရိုက်တာဆုပေါင်း ၆ ခုကိုဘဘပိုင်ဆိုင်ခဲ့ပါတယ်။

ဘဘဦးသုခရိုက်ကူးခဲ့တဲ့ နာမည်ကြီးဇာတ်လမ်းတစ်ခုဖြစ်ပြီး စာရိတ္တ၊ ဘာသာရေးနဲ့ လူ့ကျင့်ဝတ်တွေကို ထင်ဟပ်ပြတဲ့ ရဟန်းစားရသောဆွမ်းတစ်နပ် ရုပ်ရှင်ဖြစ်ပါတယ်။

ဘွဲ့ထူးဂုဏ်ထူးများ

(C4) ဘဘဦးသုခဟာ အနုပညာမှာရော စာပေလောကနယ်ပယ်မှာပါ စိတ်ကောကိုယ်ပါ ပါဝင်လှုပ်ရှားခဲ့တဲ့အတွက် ဘွဲ့ထူးဂုဏ်ထူးပေါင်းများလည်း ပေးအပ်ချီးမြင့်ခြင်းကိုခံခဲ့ရပါတယ်။ မြန်မာ့ရုပ်ရှင်ထူးချွန်ဆု အကောင်းဆုံး ဒါရိုက်တာဆု ၆ ခုအပြင် ၁၉၅၈ ခုနှစ်မှာ အလင်္ကာကျော်စွာဘွဲ့၊ ၁၉၆၀ ပြည့်နှစ်မှာ ရုပ်ရှင်ဝါသနာအိုးများ၏ သူရသာတီရုပ်တု၊ ၁၉၉၄ ခုနှစ်မှာ မဟာသဒ္ဓမ္မဇောတိကဓဇဘွဲ့၊ ၁၉၉၄ ခုနှစ်မှာပဲ ပခုက္ကူဦးအုံးဖေ တစ်သက်တာစာပေဆု၊ ၁၉၉၇ ခုနှစ်မှာ အာဆီယံစာပေဆု၊ ၁၉၉၉ ခုနှစ်မှာ ကျေးဇူးသစ္စာ မြတ်ဘဏ္ဏာဂုဏ်ပြုဆု၊ ၂၀၀၀ပြည့်နှစ်မှာ လူမူထူးချွန်(ပထမအဆင့်)၊ ၂၀၀၀ ပြည့်နှစ်မှာပဲ ဂုဏ်ထူးဆောင်စာပေပါရဂူဘွဲ့ Ph.D ၊ ၂၀၀၅ ခုနှစ်မှာ ဓမ္မဗိမာန် တစ်သက်တာ စာပေဆုတွေကို ထိုက်ထိုက်တန်တန်ရရှိခဲ့ပါတယ်။ ၁၉၈၃ ခုနှစ် နောက်ပိုင်းတွေမှစပြီး ဘဘဟာ ရန်ကုန်တိုင်း ကျောင်းထိုင်ဘုန်းကြီး သင်တန်းကျောင်းနဲ့ တက္ကသိုလ်ဆရာလောင်း မွမ်းမံသင်တန်းတွေမှာလည်း စကားပြောဟောနည်းပညာ၊ တရားဟောပြောနည်းပညာတွေကို သင်ကြားပို့ချခဲ့တယ်လို့ သိရပါတယ်။ ၁၉၉၄ ခုနှစ်မှာလည်း ရာမာခရစ္စနာ၏သုတပုံပြင်များ စာအုပ်ကိုထုတ်ဝေခဲ့ပါတယ်။ အဲ့ဒီနှစ်ဇန်န၀ါရီလ ၄ ရက်နေ့လွတ်လပ်ရေးနေ့မှာပဲ ဘဘဟာ မဟာသဒ္ဓမ္မဇောတိက ဘွဲ့တံဆိပ်ကိုချီးမြှင့်ခြင်းခံခဲ့ရပါတယ်။ ၁၉၉၅ ခုနှစ် နောက်ပိုင်း တွေမှာလည်း ဘဘရဲ့တရားတော်နဲ့ ပတ်သတ်တဲ့စာအုပ်စာပေတွေ သုတရသစာအုပ်တွေဟာ ဆက်တိုက်ထွက်ရှိလာခဲ့ပါတယ်။ဘဘဦးသုခရဲ့ ဘ၀သက်တမ်းတစ်လျှောက်မှာ လူသားတွေအတွက် အကျိုးရှိမဲ့စာအုပ်စာပေ အများအပြားကိုရေးသားခဲ့ပြီး ၂၀၀၁ ခုနှစ်၊ အောက်တိုဘာလ ၂၆ ရက်နေ့မှာတော့ရန်ကုန်တက္ကသိုလ်ကနေပြီး ဂုဏ်ထူးဆောင်စာပေပါရဂူ ဘွဲ့ကိုအပ်နှင်းပေးအပ်ခဲ့ပါတယ်။

အမေများနေ့

(Craton) ဘဘဦးသုခဟာ အမေများနေ့ကိုမြန်မာနိုင်ငံမှာ စတင်ကျင်းပရန်တိုက်တွန်းခဲ့သူလည်းဖြစ်ပါတယ်။အမေဆိုတာ ကြီးကျယ်မြင့်မြတ်သူတစ်ဦးဖြစ်ကြောင်းကို ဟောပြောပွဲတွေ၊ စာအုပ်စာပေတွေ၊ သူရိုက်တဲ့ ရုပ်ရှင်တွေကနေတစ်ဆင့် လူငယ်ထုရဲ့အတွေးထဲကို ကျေးဇူးသိတတ်စေတဲ့ အသိတွေရောက်အောင် လှုံ့ဆော်ပေးခဲ့တဲ့သူလည်း ဖြစ်ပါတယ်။ အမေ စာအုပ်ကိုလည်း ရေးသားခဲ့ပါသေးတယ်။ အမေဆိုတာ ဘယ်လိုကြီးမြတ်ကြောင်းကိုသိစေဖို့အတွက် ဘဘဟာ စာပေဟောပြောပွဲတိုင်းမှာ အမေနဲ့ပက်သက်တဲ့ အကြောင်းအရာ တစ်ခုခုကိုတော့ ဟောပြောတတ်စမြဲပါ။ အမေများနေ့အတွက် ကျင်းပတဲ့ စာပေဟောပြောပွဲတစ်ခုမှာတော့ ဘဘဟာ အမေတွေကို ဂုဏ်ပြုတဲ့ စာပိုဒ်လေးတစ်ပုဒ်ကို ရွတ်ဆိုပေးခဲ့ပါတယ်။ “ကမ္ဘာကြီး ကမ္ဘာကြီးကို အာဒံနဲ့ဧဝကပဲ စတယ်လို့ပြောပြော... ဗြဟ္မာကြီးလေးဦးက စတယ်ပဲပြောပြော... သူတို့ထဲမှာ အမေဆိုတဲ့ ဣတ္ထိလိင်ပါလာလို့သာ ကမ္ဘာကြီးကအဆက်မပြတ်ဘဲနဲ့ ဒီနေ့အထိကျနော်တို့အထိ သားစဉ်မြေးဆက်တွေ ဖြစ်လာတယ်မဟုတ်လားအမေ... အမေမှန်သမျှ ဘာသာခြားလူမျိုးခြားရယ်လို့  ကျွန်တော့်စိတ်ထဲမှာမရှိဘူးအမေ... သားသည်အမေတစ်ယောက်ဟာ အမေပါပဲအမေ... သူကယုတ်ညံ့လို့... သူကလူမျိုးခြားမို့လို့... သူက ဘယ်ဘာသာမို့လို့ မဟုတ်ပါဘူးအမေ မဟုတ်ပါဘူး ကျွန်တော်မြင်တာဖြင့် ကျွန်တော်ပြောဦးမယ် ကျွန်တော်လွန်သွားမလား... မလွန်ပါဘူးအမေ ကျွန်တော်စဉ်းစားထားပြီးမှ ပြောတာပါ အမေမှန်ရင်လေ အမေနားနဲ့မနာဖဝါးနဲ့နာ ပြောလိုက်ပါရစေတော့... အမေဟာ  ကျွန်တော့်လက်ထက်ထဲမှာ ကျွန်တော့်မျက်စိအောက်မှာပဲ မိန်းမရွှင်ဖြစ်နေပါစေ...... အမေဟာ အမေပါပဲ။” ဒီစာစုတိုကလေးဟာ လူထုကြားမှာ အလွန်ပဲနာမည်ကြီးခဲ့ပြီးတော့ အမေနဲ့ပက်သက်တဲ့သီချင်းတွေမှာတောင် ထည့်သွင်းအသုံးပြုခဲ့ကြပါတယ်။

အဖွဲ့အစည်းများ

(αмє∂єσ) ဘဘဦးသုခဟာ ဘ၀သက်တမ်းတစ်လျှောက်လုံး အဖွဲ့ပေါင်းများစွာမှာ ပါဝင်လှုပ်ရှားခဲ့ပါတယ်။ ဘဘရဲ့လူသားတွေအပေါ် အကျိုးပြုမူတွေဟာလည်း ပြောပြလို့ မကုန်နိုင်အောင် အများကြီးရှိနေပါသေးတယ်။ ဘဘဦးသုခ ပါဝင်ဦးဆောင်ခဲ့တဲ့ အဖွဲ့အစည်းလေးတွေကို အကျဉ်းချုပ် ပြောပြရမယ်ဆိုရင် ပထမဦးဆုံး ဗုဒ္ဓဘာသာ ကလျာဏယုဝအသင်း၊ အများက၀ိုင်အမ်ဘီအေလို့ သိကြတဲ့အသင်းလေးကနေ စရမှာဖြစ်ပါတယ်။ ၀ိုင်အမ်ဘီအေမှာ ဘဘဟာ နာယကနေရာကနေ ဦးစီးဦးဆောင်ပါဝင်ခဲ့ပါတယ်။ တိ-နိစာအုပ်စာပေ အနုပညာနှင့် မော်ကွန်းနာယကအဖွဲ့မှာလည်း နာယကဖြစ်ခဲ့ပါသေးတယ်။ နောက်ပိုင်းမှာတော့ ဘဘဟာဘာသာရေးနဲ့ ပတ်သက်တဲ့အဖွဲ့အစည်း တော်တော်များများမှာလည်း နာယကနေရာကနေပြီး တက်တက်ကြွကြွပါဝင် လှုပ်ရှားခဲ့ပါတယ်။ ဒါ့အပြင်ရုပ်ရှင်မင်းသား ဦးကျော်သူဦးစီးတဲ့ နာရေးကူညီမှုအသင်း (ရန်ကုန်)မှာလည်း ဘဘဟာ နာယကနေရာကနေပါဝင် ဆောင်ရွက် ခဲ့ပါသေးတယ်။ ဒီနာရေးကူညီမှုအသင်း(ရန်ကုန်)ကို တည်ထောင်ရန် ဘဘဦးသုခကအကြံဥာဏ် စတင်ရရှိခဲ့တာဖြစ်ပြီး ဘဘဦးသုခရဲ့အိပ်မက်နဲ့ မန္တလေးပြဟ္မာစိုရ် အသင်းကြီးရဲ့လမ်းပြမူတို့ပေါင်းပြီး ရန်ကုန်မြို့နာရေးကူညီမှုအသင်းကြီးကို ၂၀၀၁ ခုနှစ်ဇန်န၀ါရီလ ၁ ရက်နေ့မှာ လူအများရဲ့ မတည်ငွေနဲ့ စတင်တည်ထောင်ခဲ့ကြပါတယ်။

နောက်ဆုံးခရီး

(C4) ဒီလိုမျိုး အောင်မြင်ကျော်ကြားပြီး လူထုအတွက် အကျိုးပြုခဲ့ရုံသာမက ဘာသာသာသနာအတွက်ပါ တန်ဖိုးမဖြတ်နိုင်အောင် လေးစားအတုဖွယ်ကောင်းတဲ့ စာရေးဆရာ ဒါရိုက်တာကြီး ဘဘဦးသုခဟာ ၂၀၀၅ ခုနှစ်၊ ဒီဇင်ဘာ(၇)ရက်နေ့ ဗုဒ္ဓဟူးနေ့မနက် ၁၁း၃၀ နာရီအချိန်မှာ အမှတ်(၂) စစ်ဆေးရုံ၌ ကွယ်လွန်အနိစ္စ ရောက်ခဲ့ပါတယ်။ဘဘကွယ်လွန်သွားခဲ့ပေမယ့်လည်း မြ၀တီ၊ မြန်မာ့ရုပ်မြင်သံကြားတွေမှာ ဘဘရိုက်ကူးခဲ့တဲ့ ရုပ်ရှင်တွေ၊ ဇာတ်လမ်းတွေကိုလည်း မကြာခဏ ပြသပါတယ်။ ဘဘရဲ့နှစ် ၁၀၀ ပြည့်မွေးနေ့အထိမ်းအမှတ် အနေနဲ့လည်း အခမ်းအနားတွေ ကျင်းပခဲ့ပါသေးတယ်။ ဘဘဒီလောကကြီးမှာ မရှိတော့ပေမယ့်လည်း ဘဘရဲ့အနုပညာတွေ၊ စာပေတွေနဲ့ ဂုဏ်ထူးဆောင်မူတွေဟာ လူမျိုးနဲ့ဘာသာ သာသနာအတွက်ကို အခုချိန်ထိ တန်ဖိုးမဖြတ်နိုင်ဘဲ လူထုအတွက် မှတ်သားဖွယ် ကျန်ရစ်နေပါသေးတယ်။ ကဲ... ဒီလောက်ဆိုရင်တော့ ဒီတစ်ပတ် Knowledge 101 အတွက် ဘဘဦးသုခရဲ့ အကြောင်းလေးကို MYMCပရိသတ်ကြီး ကျေနပ်နိုင်လိမ့်မယ်လို့ ထင်ပါတယ်နော်။ တတ်သလောက် မှတ်သလောက်နဲ့ ရှာဖွေလို့ရသလောက်ကို ပြန်လည်ပြီး ဝေမျှပေးတာ ဖြစ်တဲ့အတွက် အမှားအယွင်းလေးများ ပါရှိခဲ့ရင်လည်း နားလည်ခွင့်လွှတ် ပေးနိုင်လိမ့်မယ်လို့ မျှော်လင့်ပါတယ်။ နောက်နောင်များမှာလည်း ထင်ရှားကျော်ကြားပြီး သိသင့်သိထိုက်တဲ့ ဘယ်သူဘယ်သူတွေရဲ့ အကြောင်းကိုတင်ဆက်ပေးဦးမလဲဆိုတာကို စောင့်မျှော်ကြည့်ကြပါဦးလို့ ပြောရင်းဒီတစ်ပတ်ရဲ့ Knowledge 101 အစီအစဉ်လေးကို ဒီမှာပဲ အဆုံးသတ်လိုက်တော့မယ်နော်။ MYMC ပရိသတ်များ အားလုံးကိုလည်း ဒီတစ်ပတ်အတွက် ဒီကနေပဲ နှုတ်ဆက်ခဲ့တယ်နော်။ See you........

************************************************************************

(Craton) MYMC ပရိသတ်ကြီး မင်္ဂလာပါခင်ဗျာ။ MYMC ရဲ့ အမြဲဆန်းသစ်နေတဲ့ အထူးအစီအစဉ်လေးတွေ ထဲကတစ်ခုဖြစ်တဲ့ Knowledge101 Program လေးတင်ဆက်ပေးဖို့ အချိန်ကျရောက်လို့လာပြန်ပါပြီ။ ဒီတစ်ပတ် Knowledge101 အတွက်ရွေးချယ်ထားတဲ့သူကတော့ မြန်မာကိုကမ္ဘာကသိအောင် စွမ်းဆောင်ပေးနိုင်ခဲ့သူ တစ်ဦးလည်းဖြစ်ပြီး ကမ္ဘာ့ငြိမ်းချမ်းရေးဗိသုကာကြီးလို့ ခေါ်ဝေါ်သမုတ်ခြင်းခံခဲ့ရတဲ့ တတိယမြောက် ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ် ဦးသန့်ပဲဖြစ်ပါတယ်။ ဦးသန့်လို့ဆိုလိုက်တာနဲ့ အလယ်တန်း ကမ္ဘာ့သမိုင်းဖတ်စာထဲက သင်ခန်းစာလေးတစ်ခုကို ပြေးပြီးအမှတ်ရမိပါတယ်။  အဲ့ဒီအချိန်လောက်ကစပြီး ကမ္ဘာ့ကုလသမဂ္ဂဆိုတဲ့ အဖွဲ့အစည်းကြီးနဲ့ ကျွန်တော်တို့ စတင်မိတ်ဆက်ခွင့်ရခဲ့ကြပြီး ဒီလိုအဖွဲ့အစည်းကြီးရဲ့ အမြင့်ဆုံးနေရာကနေ တာဝန်တွေကိုထမ်းဆောင်ခဲ့လို့ ကျွန်တော်တို့မြန်မာနိုင်ငံအတွက် ဂုဏ်ပြုစံတင်ထားရလောက်တဲ့ “ဦးသန့်” ဆိုတဲ့အမည်ကာရနဲ့ ကျွမ်းဝင်နှီးတင်းခဲ့ကြဖူးပါတယ်။ ဒါပေမယ့် တကယ်တမ်းကျတော့ ဦးသန့်ရဲ့အကြောင်းကို သေသေချာချာ တိတိကျကျသိတဲ့လူတွေထဲမှာ လူငယ်ပိုင်းက တော်တော်ကိုနည်းပါတယ်။ ဒါကြောင့်.. .ဦးသန့်ရဲ့လေးစားအတုယူစရာ ကောင်းလောက်တဲ့ လုပ်ဆောင်ချက်တွေ၊ ဖြောင့်မတ် မှန်ကန်တဲ့ဆုံးဖြတ်ချက်တွေ၊ ခေါင်းဆောင်ကောင်းတစ်ယောက် ရှိသင့်ရှိထိုက်တဲ့ အရည်အချင်းတွေအပါအဝင် ဦးသန့်ရဲ့အတ္ထုပ္ပတ္တိအကျဉ်းကိုပါ ကျွန်တော်တို့ MYMC က ပုဂ္ဂိုလ်ရေး၊ နိုင်ငံရေးတွေဘေးချိတ်ပြီး အသိပညာဖြန့်ဝေပေးသွားမှာပါ။ ဒီတစ်ပတ် တင်ဆက်ပေးသွားမယ့် Presenter တွေကတော့ ကျွန်တော် DJ Craton နဲ့အတူ .. DJ DollFace နဲ့ DJ Kyway Yote Lay တို့ပဲဖြစ်ပါတယ်။ ဒီအစီအစဉ်လေးကိုလည်း MYMC ပရိသတ်တွေ ကြိုက်နှစ်သက်လိမ့်မယ်လို့ မျှော်လင့်ပါတယ်ဗျာ။ ကဲ.. မကြွေရုပ်လေးကနေပဲ ဦးသန့်ရဲ့ ငယ်ဘဝအကြောင်းလေးနဲ့ စလိုက်ပါဦး။

Biography/ ငယ်စဉ်ဘဝ

(Kyway Yote Lay) ဟုတ်ကဲ့... ဦးသန့်ရဲ့အကြောင်းကို စပြီးတော့ပြောရမယ်ဆိုရင် သူ့ရဲ့ငယ်ဘဝလေးကို တစ်ချက်ကြည့်ကြမယ်နော်။ ဦးသန့်ကို ဖခင်ဦးဖိုးနှစ်နဲ့ မိခင်ဒေါ်နန်းသောင်တို့က ၁၉၀၉ ခုနှစ် ဇန်နဝါရီလ ၂၂ရက်နေ့မှာ ဧရာဝတီတိုင်း ပန်းတနော်မြို့မှာမွေးဖွားခဲ့ပါတယ်။ ပန်းတနော်ဇာတိဖြစ်တဲ့အတွက် နောင်အခါမှာ ဦးသန့်ကို “ပန်းတနော်ဦးသန့်” လို့ ခေါ်တွင်ကြပါတယ်။ ဦးသန့်ရဲ့မိဘတွေဟာ အောင်မြင်တဲ့ မြေပိုင်ရှင်နဲ့ ဆန်ကုန်သည်တွေဖြစ်ကြပါတယ်။ ဖခင်ဦးဖိုးနှစ်က မွတ်စလင်နဲ့ ဗုဒ္ဓဘာသာသွေးနှောတဲ့မျိုးရိုးက ဆင်းသက်လာတဲ့သူဖြစ်ပြီးတော့ ရန်ကုန်မြို့မှာ သူရိယသတင်းစာကို ထူထောင်ခဲ့ပါတယ်။ မြန်မာနိုင်ငံသုတေသနအသင်းကို တည်ထောင်ရာမှာလည်း အဖွဲ့ဝင်တစ်ယောက်အဖြစ် ပါဝင်ခဲ့ပါတယ်။ ဖခင်ကွယ်လွန်စဉ်တုန်းက ဦးသန့်ဟာ အသက်၁၄နှစ်သား သာရှိပါသေးတယ်။ အမွေဆက်ခံမှု အရှုပ်အရှင်းတွေကြောင့် မိခင်ဒေါ်နန်းသောင်နဲ့ ကလေး၎ယောက်ဟာ စီးပွားရေး အကြပ်အတည်း ပေါင်းများစွာနဲ့ ရင်ဆိုင်ခဲ့ရပါတော့တယ်။

ဦးသန့်ဟာ ငယ်စဉ်က ပန်းတနော်အထက်တန်းကျောင်းမှာ ပညာသင်ကြားခဲ့ပြီးတော့ ရန်ကုန်တက္ကသိုလ်မှာ သမိုင်းဘာသာရပ်ကို ဆက်ပြီးသင်ယူခဲ့ပါတယ်။ တက္ကသိုလ်ပြီးသွားတော့ ပန်းတနော်အမျိုးသားကျောင်းမှာ ကျောင်းဆရာ လုပ်ဖို့ပြန်လာခဲ့ပါတယ်။ အသက် ၂၅နှစ်မှာ အဲ့ဒီကျောင်းရဲ့ ကျောင်းအုပ်ဖြစ်လာခဲ့ပါတယ်။ အဲ့ဒီအချိန်မှာ အနီးအနားမှာရှိတဲ့ မအူပင်မြို့မှာ နေထိုင်ပြီး ပညာအုပ်ဖြစ်တဲ့ (နောင်တစ်ချိန်မှာ မြန်မာနိုင်ငံရဲ့ ဝန်ကြီးချုပ်ဖြစ်လာမယ့်) ဦးနုနဲ့ ခင်မင်ရင်းနှီးခဲ့ပါတယ်။ ကဲ.. DollFace က ဆက်ပြောပေးပါဦးနော်။


(DollFace) ဟုတ်ကဲ့..။ ဦးသန့်ဟာ အင်္ဂလိပ်၊ မြန်မာ ၂ ဘာသာနဲ့ ထုတ်ဝေတဲ့ “ဂန္တလောက” မဂ္ဂဇင်းရဲ့ ဘာသာပြန်ပြိုင်ပွဲမှာ ၄ ကြိမ်တိုင်တိုင် ပထမဆုရရှိခဲ့သူ ဖြစ်ပါတယ်။ ဦးသန့်ရဲ့ ပထမဆုံးစာမူဟာ အင်္ဂလိပ်လို ရေးသားထားတဲ့ စာမူဖြစ်ပြီး အသက် ၁၅ နှစ်အရွယ်မှာ ပုံနှိပ်ဖော်ပြခံခဲ့ရတာဖြစ်ပါတယ်။ မြို့ပြပုံပြင်များ၊ နိုင်ငံပေါင်းချုပ်အသင်းကြီး ကျောင်းသုံးစာအုပ်၊ ဗမာသစ်နှင့် ပညာသစ်၊ ပြည်တော်သာခရီး (၃ အုပ်တွဲ) စတဲ့ စာအုပ်တွေကို ရေးသားခဲ့သလို နိုင်ငံရေးဝေဖန်ချက်၊ စာပေ ဝေဖန်ချက်တွေ အပါအဝင် ပညာရေး၊ လူမှုရေးဆိုင်ရာ ဆောင်းပါးတွေကို သီလဝ၊ မောင်သန့်၊ ဦးသန့် ဆိုတဲ့ ကလောင်အမည်တွေနဲ့ ရေးသားခဲ့ပါတယ်။ စာပေဝေဖန်ရေး နိုင်ငံရေးဝေဖန်ချက်တွေကို ရေးသားတဲ့အခါ သူ့ရဲ့အယူအဆတွေကို ပွင့်ပွင့်လင်းလင်း ရေးသားခဲ့သလို သူ့ရဲ့အတွေးအခေါ် အယူအဆတွေကလည်း ခေတ်မီတာကို တွေ့ရပါတယ်။

ပြည်သူ့ဝန်ထမ်းဘဝ

(DollFace) လွတ်လပ်ရေးရခါစ မြန်မာနိုင်ငံမှာ ဦးနုဝန်ကြီးချုပ်ဖြစ်လာတဲ့အခါမှာ ဦးသန့်ကိုရန်ကုန်ကိုခေါ်ပြီး ၁၉၄၈ခုနှစ်မှာ အသံလွှင့်ဌာန ညွှန်ကြားရေးမှူးအဖြစ် တာဝန်ပေးအပ်ခဲ့ပါတယ်ရှင်။ အဲ့ဒီနောက်ပိုင်း ၁၉၅၃ ခုနှစ်မှာ မြန်မာနိုင်ငံသတင်းနဲ့ ပြန်ကြားရေးဌာနအတွင်းဝန် ဖြစ်လာခဲ့ပါတယ်။ ၁၉၅၁ ခုနှစ်ကနေ ၁၉၅၇ ခုနှစ်အထိ ၀န်ကြီးချုပ်ရဲ့ အတွင်းရေးမှူးအဖြစ် တာဝန်ထမ်းဆောင်ခဲ့ပြီး ဦးနုအတွက် မိန့်ခွန်းတွေရေးသားပေးတာ၊ နိုင်ငံခြားခရီးစဉ်တွေ စီစဉ်ပေးတာ၊ နိုင်ငံခြားဧည့်သည်တော်တွေကို လက်ခံတွေ့ဆုံပေးတာ စသဖြင့်ဆောင်ရွက်ခဲ့ရင်းနဲ့ ဦးနုရဲ့ အယုံကြည်ရဆုံးပုဂ္ဂိုလ် ဖြစ်ခဲ့ပါတယ်။ နိုင်ငံတကာ conference အများအပြားကိုတက်ရောက်ခဲ့ပြီး ၁၉၅၅ ခုနှစ်က အင်ဒိုနီးရှားနိုင်ငံ ဘန်ဒေါင်းမြို့မှာကျင်းပတဲ့ “ဘက်မလိုက်လှုပ်ရှားမှု” ကို မွေးဖွားပေးခဲ့တဲ့ ပထမအကြိမ် အာရှ-အာဖရိက နိုင်ငံများဆိုင်ရာ ညီလာခံမှာ အတွင်းရေးမှူး အဖြစ်ဆောင်ရွက်ခဲ့ပါတယ်။

(Craton) နောက်ပိုင်းမှာ အမြဲတမ်း ဖြောင့်ဖြောင့်မှန်မှန်လုပ်တတ်ပြီး မှန်တယ်ထင်ရင် အလျှော့မပေးတတ်တဲ့ ဦးသန့်နဲ့ တိုင်းပြည်ခေါင်းဆောင်ဦးနုတုိ့ မသင့်မမြတ်ဖြစ်လာတာကနေစပြီး ၁၉၅၇ခုနှစ်မှာ ဦးသန့်ကို ကုလသမဂ္ဂဆိုင်ရာ မြန်မာသံအမတ်ကြီးအဖြစ်ခန့်အပ်လိုက်ပြီးတော့ တာဝန်ထမ်းဆောင်ဖို့ New York ကိုစေလွှတ်ခဲ့ပါတယ်။ ၁၉၅၇ ခုနှစ်ကနေ ၁၉၆၁ ခုနှစ်အထိ ဦးသန့်ဟာ မြန်မာနိုင်ငံရဲ့ ကုလသမဂ္ဂ အမြဲတမ်းကိုယ်စားလှယ်အဖြစ်သာမက တစ်ချိန်တည်းမှာပဲ ယာယီကုလသမဂ္ဂအတွင်းရေးမှူးချုပ် တာဝန်ကိုပါ ပူးတွဲထမ်းဆောင်ခဲ့ရပါတယ်။ ၁၉၆၀ ခုနှစ်မှာ မြန်မာအစိုးရက ဦးသန့်ကို “ပြည်ထောင်စုစည်သူသင်္ဂဟ ပြန်တမ်း” အရ “မဟာသရေစည်သူဘွဲ့” နဲ့ ဗိုလ်ရာထူးကို ပေးအပ်ခဲ့ပါတယ်။ ကဲ.. ကျွန်တော်ကပဲ ကုလသမဂ္ဂအဖွဲ့ဝင်ထဲကို ဦးသန့် တဖြည်းဖြည်းဝင်ရောက်လာပုံကို အနည်းငယ်ဆက်ပြောသွားပါမယ်။

ကုလသမဂ္ဂအထွေထွေအတွင်းရေးမှူးချုပ် (ဆောင်ရွက်ချက်များ)

(Craton) ဦးသန့်ဟာ ကုလသမဂ္ဂ အထွေထွေအတွင်းရေးမှူးချုပ်ရာထူးကို အာရှနိုင်ငံတွေထဲမှာ ပထမဦးဆုံးရရှိခဲ့တဲ့သူပါ။ ၁၉၆၁ ခုနှစ် နိုဝင်ဘာလ ၃ ရက်နေ့ကစတင်ပြီး အထွေထွေအတွင်းရေးမှူးချုပ် ဒက်ဂ် ဟမ်းမားရှိုးလ်ဒ် (Dag Hammarskjöld) ရဲ့ မကုန်ဆုံးသေးတဲ့သက်တမ်းကို ဖြည့်ဆည်းဖို့ အထွေထွေညီလာခံမှာ လုံခြုံရေးကောင်စီရဲ့ ထောက်ခံချက်နဲ့ ယာယီအထွေထွေ အတွင်းရေးမှူးအဖြစ် ခန့်အပ်ခံရပါတယ်။ အဲ့ဒီနောက် ၁၉၆၂ ခုနှစ် ဒီဇင်ဘာ ၃၀ ရက်နေ့ အထွေထွေညီလာခံကနေ ကုလသမဂ္ဂ အထွေထွေအတွင်းရေးမှူးချုပ်အဖြစ် ၁၉၆၆ခုနှစ် နိုဝင်ဘာ ၃ ရက်နေ့ သက်တမ်းအထိ ခန့်အပ်ခြင်းခံရပါတယ်။ သူ့ရဲ့ပထမသက်တမ်းအတွင်းမှာ ဦးသန့်ဟာ ကျူးဘားဒုံးပျံပြဿနာ (Cuban Missile Crisis) ကိုဖြေရှင်းရာမှာ ပါဝင်စေ့စပ်ပေးခဲ့ပြီး ကွန်ဂိုပြည်တွင်းစစ်ကို ပြီးဆုံးအောင် ကိုင်တွယ်ဖြေရှင်း ပေးနိုင်ခဲ့တဲ့အတွက်ကြောင့် ကမ္ဘာက အသိအမှတ်ပြုခြင်းကိုခံခဲ့ရပါတယ်။ ဆက်လက်ပြီးတော့ ဦးသန့်ရဲ့ ဒုတိယရာထူး သက်တမ်းအကြောင်းလေးကို မကြွေရုပ်လေးကပဲ တင်ဆက်ပေးပါဦးမယ်။

ကျူးဘားဒုံးပျံပြဿနာအားဖြေရှင်းပြီးသည့်နောက် ဦးသန့် သတင်းမီဒီယာအား ပြောကြားစဉ်

(Kyway Yote Lay) ဟုတ်ကဲ့ပါရှင်။ ၁၉၆၆ ခုနှစ် ဒီဇင်ဘာ ၂ ရက်နေ့မှာ လုံခြုံရေးကောင်စီရဲ့ တညီတညွတ်တည်း ထောက်ခံမှုနဲ့ ကုလသမဂ္ဂအတွင်းရေးမှူးချုပ် ဒုတိယသက်တမ်းအဖြစ် သူ အငြိမ်စားယူမယ့် ၁၉၇၁ ခုနှစ် ဒီဇင်ဘာ ၃၁ ရက်နေ့အထိ ခန့်အပ်ခြင်းခံရပါတယ်။ ဒီဒုတိယသက်တမ်းအတွင်းမှာ ဦးသန့်ဟာ အလုပ်တွေအများကြီးလုပ်ခဲ့ပါတယ်။ အထူးသဖြင့် ကုလသမဂ္ဂအဖွဲ့အစည်းအတွင်းကို အာရှနဲ့ အာဖရိက,က နိုင်ငံတော်တော်များများ ဝင်ရောက်နိုင်ရေးကိစ္စတွေ၊ တောင်အာဖရိက အသားအရောင်ခွဲခြားမှု ဆန့်ကျင်ရေးတွေ၊ ၁၉၆၂ ခုနှစ်မှာ ယီမင်အရေးနဲ့ ၁၉၆၈ ခုနှစ်မှာ ဘာရိန်းအရေး၊ ၁၉၆၇ ခုနှစ်မှာ အာရပ်-အစ္စရေးခြောက်ရက်စစ်ပွဲ၊ ပရာ့ဂ်နွေဦးတော်လှန်ရေး (Prague Spring) နဲ့ ချက်ကိုစလိုဗက်ကီးယားကို ဆိုဗီယက်ကျူးကျော်မှုအရေးအခင်း၊ ဗီယက်နမ်စစ်၊ ၁၉၇၁ ခုနှစ်က ဘင်္ဂလားဒေ့ရ်ှနိုင်ငံကို လွတ်လပ်ရေးရရှိစေမယ့် အိန္ဒိယ-ပါကစ္စတန်စစ်ပွဲ စတာတွေကို အေးငြိမ်းအောင် ဖြေရှင်းပေးနိုင်ခဲ့ပါတယ်။ ၁၉၆၂ ခုနှစ် အမေရိကန်-ဆိုဗီယက် စစ်အေးတိုက်ပွဲမှာတုန်းက သမ္မတနှစ်ဦးအကြား ဦးသန့်ဟာ “တတိယ ဘာသာစကားအသစ်” ကိုအသုံးချ၊ “တွေ့ဆုံအဖြေရှာရေး” ကိုအခြေခံပြီး စေ့စပ်ဆောင်ရွက်ပေးခဲ့တဲ့အတွက် ဆိုဗီယက်တို့က ဒုံးကျည်စခန်းတွေကို ရုပ်သိမ်းသွားပြီး အမေရိကန်တွေက ကျူးဘားကို ပိတ်ဆို့မှုတွေကို ရုပ်သိမ်းပေးခဲ့ပါတယ်။


ဒီအရေးအခင်းတွေအားလုံးဟာ ငြိမ်းချမ်းရေးကို ထိပါးစေနိုင်တဲ့အပြင် စစ်ဖြစ်ကြမယ့်အရေးတွေဖြစ်ပြီး ဦးသန့်ရဲ့လိမ္မာပါးနပ်စွာ ကြားဝင်စေ့စပ်ပေးမှုတွေကြောင့်သာ စစ်ကိုရှောင်လွှဲနိုင်ခဲ့တာဖြစ်ပါတယ်။ အောက်စဖို့ဒ်တက္ကသိုလ်က ၂ဝ ရာစုရဲ့ အထင်ကရပုဂ္ဂိုလ်များအကြောင်း စုစည်းထုတ်ဝေထားတဲ့ Who's Who in the 20th Century စာအုပ်မှာ ဦးသန့်ရဲ့အကြောင်းပါဝင်ပြီး နိုင်ငံတကာအရေးအခင်းတွေကို မတုန်မလှုပ်ဘဲ တည်တည်ငြိမ်ငြိမ် ဖြေရှင်းနိုင်ခဲ့သူဖြစ်တယ်လို့ အတ္ထုပ္ပတ္တိအကျဉ်းရဲ့ အစမှာ ဆိုထားပါတယ်။ တကယ်လည်း ဦးသန့်က သူ့လက်ထက်မှာ ဖြစ်ပေါ်ခဲ့တဲ့ အရေးအခင်းပေါင်းမြောက်များစွာကို အောင်အောင်မြင်မြင် ဖြေရှင်းနိုင်ခဲ့သူဖြစ်ပါတယ်ရှင်။


(Craton) ဟုတ်ကဲ့။ ဦးသန့်ဟာ UFO ယာဉ်ပျံတွေကိစ္စနဲ့ ပတ်သက်လို့ စိတ်ဝင်တစားလေ့လာခဲ့သလို ၁၉၆၇ ခုနှစ်မှာ အမေရိကန်လူမျိုး ရူပဗေဒပညာရှင် ဒေါက်တာ James E. McDonald ကို UFO နဲ့ပတ်သက်ပြီး ကုလသမဂ္ဂမှာ စကားပြောနိုင်ဖို့ စီစဉ်ပေးခဲ့ဖူးပါတယ်။ ၁၉၇၁ ခုနှစ် ဇန်နဝါရီ ၂၃ ရက်နေ့မှာတော့ ဦးသန့်က သူဟာဘယ်အကြောင်းပြချက်နဲ့မှ တတိယသက်တမ်း အထွေထွေအတွင်းရေးမှူးချုပ်အဖြစ် ဆက်လက်လုပ်ကိုင်နိုင်တော့မှာ မဟုတ်ဘူးလို့ ပြတ်ပြတ်သားသား ပြောဆိုလိုက်ပါတယ်။ အဲ့ဒီတော့ လုံခြုံရေးကောင်စီကလည်း ဦးသန့်နေရာမှာ ဆက်ခံမယ့်သူကို သီတင်းပတ်ပေါက်များစွာ အပူတပြင်းလိုက်ရှာရတော့တာပေါ့။ နောက်ဆုံးမှာတော့ ကွတ်ရ်ထ် ဝါးလ်ဒ်ဟိုင်းမ် (Kurt Waldheim) ကို ရွေးချယ်လိုက်ပါတယ်။ ဦးသန့်က သူ့နောက်ဆုံး တာဝန်သက်တမ်းမကုန်ဆုံးမီ ၁၀ရက်အလိုမှာပဲ Kurt ကို တာဝန်ဝတ္တရားတွေအားလုံး လွှဲအပ်ပေးခဲ့ပါတယ်။ ဦးသန့်အငြိမ်းစားယူသွားတာနဲ့ ပတ်သက်ပြီး New York Times သတင်းစာရဲ့ ၁၉၇၁ ခုနှစ် ဒီဇင်ဘာ ၂၇ ရက်နေ့ အယ်ဒီတာ့အာဘော်မှာလည်း The Liberation of U Thant ဆိုတဲ့ခေါင်းစဉ်နဲ့ တခမ်းတနား ဂုဏ်ပြုရေးသားဖော်ပြခဲ့ပါတယ်။ တာဝန်ထမ်းဆောင်နေစဉ် ကာလအတွင်းမှာ ဦးသန့်ဟာ Palisade နဲ့ Douglas Avenues လမ်းကြား၊ ၂၃၂ လမ်းအနီးမှာရှိတဲ့ ၄.၇၅ ဧကလောက်ကျယ်တဲ့ Riverdale, Bronx ခြံမှာ နေထိုင်ခဲ့ပါတယ်။

နောက်ဆုံးနေ့ရက်နှင့် မိသားစု

(DollFace) ၁၉၇၄ ခုနှစ် နိုဝင်ဘာလ ၂၅ ရက်နေ့မှာတော့ ဦးသန့်ဟာ အဆုတ်ကင်ဆာနဲ့ New York မှာပဲ ဆုံးပါးသွားခဲ့ပါတယ်။ ဦးသန့်ရဲ့ဆန္ဒအရ သူ့ရဲ့ရုပ်အလောင်းကို ရန်ကုန်ကိုပြန်ပို့ပေးခဲ့ပါတယ်။ ဒီဇင်ဘာလ ၅ ရက်နေ့ ဦးသန့်ရုပ်အလောင်းကို မြေမချခင် အများပြည်သူ နောက်ဆုံးဂါရဝ ပြုနိုင်ဖုိ့အတွက် ရန်ကုန်မြို့ ကျိုက္ကဆံကွင်းမှာ ပြသထားပါတယ်။ အဲ့ဒီမှာပဲ တသီးတသန့်မြှုပ်နှံဖို့ဆိုပြီး ကျောင်းသားနဲ့ပြည်သူတချို့က ဦးသန့်ရုပ်အလောင်းကို လုယူသွားပြီး ရန်ကုန်တက္ကသိုလ် ကျောင်းသားသမဂ္ဂနေရာဟောင်းမှာ မြှုပ်နှံသဂြိုလ်လိုက်ကြပါတယ်။ ဒီဇင်ဘာလ ၅ ရက်နေ့ကနေ ၁၁ ရက်နေ့အတွင်း ကျောင်းသားတွေကပဲ ယာယီဦးသန့်ဗိမ္မာန်ပြုလုပ်လိုက်ကြပါတယ်။ အဲ့ဒီကစလို့ အဓိကရုဏ်းတွေ ဖြစ်ပွားခဲ့ပြီး ဒီဇင်ဘာလ ၁၁ ရက်နေ့ မနက်လင်းအားကြီးချိန်မှာ အစိုးရက ကျောင်းဝင်းထဲဝင်ရောက်ပြီး ဦးသန့်ရုပ်အလောင်းကို ပြန်လည်ယူဆောင်သွားပြန်ပါတယ်။ နောက်ဆုံးမှာတော့ ဦးသန့်ကို ရွှေတိဂုံစေတီတော် ခြေရင်းမှာ မြှုပ်နှံပေးလိုက်ပါတယ်။ အဲ့ဒီအချိန်တုန်းက လူထုအုံကြွမှုကိုပဲ “ဦးသန့်အရေးအခင်း” လို့ ခေါ်တွင်ပါတယ်။

ဦးသန့်ရဲ့ မိသားစုနဲ့ပတ်သက်ပြီး ပြောရမယ်ဆိုရင်... ဦးသန့်ဟာ ဒေါ်သိန်းတင်နဲ့ ထိမ်းမြားလက်ထပ်ခဲ့ပြီးတော့သမီးတစ်ဦး၊ မြေး ၄ဦးနဲ့၊ မြစ် ၃ဦး ထွန်းကားခဲ့ပါတယ်။ ဦးသန့်ရဲ့ တစ်ဦးတည်းသော မြေးယောက်ျားဖြစ်တဲ့ ဦးသန်းမြင့်ဟာ သမိုင်းပညာရှင်တစ်ယောက်ဖြစ်ပြီးတော့ ကုလသမဂ္ဂ နိုင်ငံရေးဆိုင်ရာဌာနမှာ ဝါရင့်ဝန်ထမ်းတစ်းဦးဖြစ်ပါတယ်။ The River of Lost Footsteps စာအုပ်ကိုလည်း ဦးသန်းမြင့်က ရေးသားထုတ်ဝေခဲ့ပါသေးတယ်ရှင်။

အတွေ့အကြုံ၊ အမြင်နှင့် ဂုဏ်ပြုမှုများ

(Kyway Yote Lay) ဦးသန့်ရဲ့ အတွေ့အကြုံတွေနဲ့ပတ်သက်ပြီး  သူပါဝင်ဖြေရှင်းခဲ့ရတဲ့ အရေးအခင်းတွေအကြောင်းကို ရေးသားထားတဲ့ "View From the UN" ဆိုတဲ့စာအုပ်ကို American Publishing House က ပုံနှိပ်ထုတ်ဝေခဲ့ပါတယ်။ ဒီလိုဖြေရှင်းရတဲ့အခါ နိုင်ငံတကာခေါင်းဆောင်တွေကို တာဝန်အရ ချဉ်းကပ်တာမျိုးတွေအပြင် အပြန်အလှန် ခင်မင်မှုတွေနဲ့လည်း ချဉ်းကပ်ရတာတွေရှိပါတယ်။ ဒီကြားထဲက ထူးခြားတဲ့ တိုက်ဆိုင်မှုတွေ ရှိခဲ့ပုံတွေကိုလည်း စာအုပ်ထဲမှာ ရေးသားထားပါတယ်။ ၁၉၆၆ ခုနှစ် စက်တင်ဘာ ၂၆ ရက်နေ့မှာ ဦးသန့်ကို နိုင်ငံတကာ ချစ်ကြည်ရေးနားလည်မှုရရှိရေး ကြိုးပမ်းချက်အတွက် နေရူးဆုပေးအပ်ခဲ့ပြီး ဆုနဲ့အတူပါရှိတဲ့ အိန္ဒိယငွေ ရူပီး တစ်သိန်းကို ဦးသန့်က ကုလသမဂ္ဂ နိုင်ငံတကာဆိုင်ရာ ကျောင်းရန်ပုံငွေကို လှူဒါန်းခဲ့ပါတယ်။ မာရှယ်တီးတိုးကပေးအပ်တဲ့ ယူဂိုဆလဗ်တံခွန်ဘွဲ့တံဆိပ်အပြင် နိုင်ငံတကာက ပေးအပ်တဲ့ ဂုဏ်ထူးဆောင်ပါရဂူဘွဲ့ပေါင်း ၁၇ ဘွဲ့ ရရှိခဲ့ပါတယ်။ ကမ္ဘာ့ငြိမ်းချမ်းရေး နိုဘယ်လ်ဆုပေးအပ်ဖို့တောင် လျာထားခြင်းခံခဲ့ရပါတယ်။ မြန်မာပြည်ကပေးအပ်တဲ့ ဘွဲ့ထူးတွေကတော့ ဝဏ္ဏကျော်ထင်၊ သီရိပျံချီ၊ စည်သူဘွဲ့နဲ့ မဟာသရေစည်သူဘွဲ့တွေဖြစ်ပါတယ်။

(DollFace) ဟုတ်ကဲ့။ ဦးသန့်ရဲ့အသက် ၁၀၀ ပြည့်အထိမ်းအမှတ်မွေးနေ့ပွဲမှာတော့  လက်ရှိ ကုလသမဂ္ဂ အထွေထွေ အတွင်းရေးမှူးချုပ် မစ္စတာဘန်ကီမွန်းကလည်း ဂုဏ်ပြုသ၀ဏ်လွှာတစ်စောင် ပေးပို့ခဲ့ပါတယ်။ မစ္စတာဘန်ကီမွန်းရဲ့သ၀ဏ်လွှာမှာ ဦးသန့်ဟာ ရှေ့က အထွေထွေအတွင်းရေးမှူးချုပ်ဟောင်း ဒက်ဂ် ဟမ်းမားရှိုး ကွယ်လွန်ပြီးနောက် သူ့သက်တမ်းကာလအတွင်း ကမ္ဘာ့ပြဿနာတွေကို ထိထိရောက်ရောက် ကိုင်တွယ်ဖြေရှင်းနိုင်ခဲ့တဲ့ အထွေထွေအတွင်းရေးမှူးချုပ်တာဝန်ကို ကျေပွန်ခဲ့သူတဦးဖြစ်ကြောင်း၊ ဦးသန့်ဟာ တစ်ခုတည်းသော ကမ္ဘာ့မိသားစုဖြစ်ရေးနဲ့ ကမ္ဘာ့မိသားစုကြီးရဲ့ ငြိမ်းချမ်းဖွံ့ဖြိုးရေးအတွက်ဆိုတဲ့ ဦးတည်ချက်နဲ့ လုပ်ကိုင်ဆောင်ရွက်သွားသူ ဖြစ်ကြောင်း ဂုဏ်ပြုပြောဆိုထားပါတယ်။ ဦးသန့်နဲ့ပတ်သက်ပြီး အထွေထွေအတွင်းရေးမှူးချုပ်ဟောင်း တစ်ဦးဖြစ်သူ ကိုဖီအာနန်ကလည်း ဦးသန့်ဟာ ကျန်းမာရေး၊ ပညာရေး၊ သဘာဝပတ်ဝန်းကျင် ထိန်းသိမ်းကာကွယ်ရေး၊ ဆင်းရဲမွဲတေမှု တိုက်ဖျက်ရေးစတဲ့  ကုလသမဂ္ဂ ဖွံ့ဖြိုးရေးအစီအစဉ်တွေကို ထဲထဲဝင်ဝင် ပါဝင်ဆောင်ရွက်သွားသူဖြစ်ကြောင်း ၂၀၀၃ ခုနှစ်ကပြောကြားတဲ့ မိန့်ခွန်းတခုမှာ ထည့်သွင်းပြောကြားခဲ့ဖူးပါတယ်။


(Craton) ဦးသန့်ကို ဂုဏ်ပြုတဲ့အနေနဲ့ U Thant Peace Award ဆိုတဲ့ ငြိမ်းချမ်းရေးဆုကိုတီထွင်ပြီး နှစ်စဉ်ချီးမြှင့်လာခဲ့ပါတယ်။ မလေးရှားနိုင်ငံ၊ ကွာလာလမ်ပူမြို့တော်ရဲ့ သံရုံလမ်းကိုလည်း Jalan U Thant (ဦးသန့်လမ်း) ဆိုပြီးတော့ ဦးသန့်ကိုဂုဏ်ပြုတဲ့အနေနဲ့ နာမည်ပေးထားပါတယ်။ ကုလသမဂ္ဂရုံးချုပ်ရဲ့ အရှေ့ဘက် မျက်နှာချင်းဆိုင်မြစ်မှာရှိတဲ့ Belmont Island ဆိုတဲ့ကျွန်းငယ်လေးကိုလည်း U Thant Island ဆိုပြီး ပြောင်းလဲခေါ်တွင်ခဲ့ပါတယ်။ ဂျပန်နိုင်ငံမှာဆိုလို့ရှိရင်လည်း တိုကျိုမြို့ရဲ့ United Nations University (UNU) ဌာနချုပ်မှာ “U Thant Honorary Lecture Series” ဆိုတဲ့ သင်ခန်းစာတွေကို ပုံမှန်သင်ကြားပေးနေပါတယ်။ အဲ့ဒီအပြင် အဲ့ဒီဌာနချုပ်က Conference ခန်းမကြီးကိုလည်း ဦးသန့်အမည်နဲ့ပဲ မှည့်ခေါ်ထားပါတယ်။ အဲ့ဒါတွေအပြင် United Nations International School မှာ U Thant Scholar ဆိုတဲ့ပညာသင်ဆုကိုတောင် ပေးအပ်ချီးမြှင့်ပါတယ်။

Quotes

(Craton) ကဲ.. နောက်ဆုံးအနေနဲ့ ဦးသန့်ရဲ့ မှတ်သားဖွယ်ရာ မိန့်မြွက်စကားတွေထဲကတချို့ကို MYMC ပရိသတ်တွေအားလုံးပဲ သိရအောင် ကျွန်တော်က ရွေးထုတ်ပြီးဖတ်ပြပေးသွားပါမယ်။

"Every human being, of whatever origin, of whatever station, deserves respect. We must each respect others even as we respect ourselves."
(လူတိုင်းဟာ ဘယ်အနွယ်ဘယ်အဖွားကပဲ ဆင်းသက်လာပါစေ... လေးစားသမှုနဲ့တော့ ထိုက်တန်ကြတာချည်းပါ။ ကျွန်တော်တို့ ကိုယ့်ကိုယ်ကိုယ် လေးစားသမှုထားသလိုမျိုး လူတိုင်းအပေါ် တူညီစွာဆက်ဆံကြရမယ်။)

"Wars begin in the minds of men, and in those minds, love and compassion would have built the defenses of peace."
(စစ်ပွဲတွေဟာ လူသားတွေရဲ့စိတ်သန္တန်ထဲမှာ အစပြုတာပါ။ အဲ့ဒီစိတ်တွေထဲမှာပဲ လူသားတို့ရဲ့ ချစ်ခြင်းမေတ္တာ၊ ကိုယ်ချင်းစာနာမှုတရားတွေကသာ ငြိမ်းချမ်းရေးကို တကယ် ကာကွယ်စောင့်ရှောက်သွားမှာပါ။)