အသွင်ပြောင်းကျောင်း

ဂရက်ဂ်ျ ဂရင်းသည် မစ်ချီဂန်ပြည်နယ်၊ ကလင်တန်မြို့၊ ကလင်တန်ဒေးလ်အထက်တန်းကျောင်းမှ ကျောင်းအုပ် ဆရာကြီးတစ်ယောက်ဖြစ်သည်။ CNN blog post ထဲတွင် သူက “အသွင်ပြောင်းကျောင်းဖြင့် ကျောင်းသားတိုင်း အောင်မြင်ရေး” ဆိုသည့်ဆောင်းပါးကို သူ့အမြင်ကဏ္ဍအနေဖြင့် ရေးသားခဲ့သည်။
ထိုဆောင်းပါးအပေါ် ဝေဖန်ချက် ၅၀၀ ခန့်နှင့် ဆိုရှယ်မီဒီယာသို့ ထောင်နှင့်ချီပြီး ရှယ်ယာလုပ်ခြင်းခံရသည်။ ဂရင်းက သူ့အားမေးထားသည့် မေးခွန်း များကို ပြန်လည်ဖြေကြားထားခြင်းဖြစ်သည်။ ဤနေရာတွင် အသွင်ပြောင်းကျောင်းဆိုသည်မှာ (flipped school) ကို ဆိုလိုခြင်းဖြစ်ပါသည်။
ဆရာက အသွင်ပြောင်းကျောင်းအကြောင်းမှာ ဆရာတွေနေရာကို ဗီဒီယိုတွေနဲ့ အစားထိုးတော့မယ်လို့ ပြောထားတယ်။ အသွင်ပြောင်းကျောင်းတွေမှာ ဆရာတွေအစား ဗီဒီယိုတွေနဲ့ အစားထိုးပြီး စောင့်ကြည့် မယ်ဆိုတာ ဖြစ်နိုင်ပါ့မလား။
အသွင်ပြောင်းကျောင်းနဲ့ ပတ်သက်ပြီး အများကြီး ဝိုင်းဝေဖန်ကြပါတယ်။ ဆရာတွေနေရာမှာ ဗီဒီယိုတွေနဲ့ အစားထိုး တော့မယ်ဆိုတာကို မေးခွန်းတွေလည်း ထုတ်လာကြတယ်။ အသွင်ပြောင်းကျောင်းဆိုကတည်းက အစဉ်အလာ ကျောင်းမဟုတ်ဘူးလေ။ ဆရာတွေရဲ့ အခန်းကဏ္ဍဆိုတာ သူတို့အပေါ်မှာတည်တယ်။
အတန်းချိန်အတွင်းမှာ စာသင်စရာကို မလိုတော့ဘူး။  ကျောင်းသားတွေကို ဘာတွေလိုအပ်နေသလဲ၊ ဘာတွေလုပ်ပေးရမလဲဆိုတာပဲ စိတ် ထဲထည့်ထားရမှာ။ သင်ကြားဖို့မဟုတ်ဘူး။ သင်ယူဖို့ အဆင်ပြေ အချောမွေ့ဆုံးဖြစ်အောင် ကြံဆောင်နေရမှာ။ တစ်ဦးချင်းစီရဲ့ လိုအပ်ချက်ကို ဖြည့်ဆည်းပေးနိုင်အောင် စီစဉ်ရမှာပါ။
သင်ကြားခြင်းဆိုတာကို လူတွေက ဘက်စုံကျွမ်းကျင်တတ်မြောက်သွားခြင်းလို့ နားလည်ထားကြတာ။ တစ်နည်း ပြောရရင်  နယ်ပယ်တစ်ရပ်ရပ်မှာ ကျွမ်းကျင်စွာတတ်မြောက်သွားစေရန် ဆောင်ရွက်ပေးခြင်းလို့ နားလည်ထား ကြတယ်။ ဆရာဆိုတာက အများထက်ပိုပြီး အဲဒီအကြောင်းအရာ တစ်ခုခု၊ ဘာသာရပ်တစ်ခုခုမှာ သူများတွေထက် ပိုပြီးကျွမ်းကျင်သူတွေလို့လည်း သတ်မှတ်ထားကြတယ်။
ဆရာတစ်ယောက်ကို တစ်လိုင်းသွား အနေနဲ့ သတ်မှတ်ထားတာ မမှန်ကန်ဘူး။  သင်္ချာဆရာတစ်ယောက်ဖြစ်ပေမယ့် သမိုင်းထဲက ပြည်တွင်းစစ်အကြောင်း စိတ်ဝင်စားချင်ရင်လည်း စိတ်ဝင်စားနေလိမ့်မယ်။ သူ စိတ်ဝင်စားတာကို အားလပ်ချိန်မှာ လေ့လာကောင်းလေ့လာမယ်ပေါ့။
သူစိတ်ဝင်စားပြီး လေ့လာခဲ့တဲ့ ပြည်တွင်းစစ်အကြောင်းကို ဗီဒီယို ရုပ်သံကတစ်ဆင့် မှတ်တမ်းတင်ထားပြီး သင်ခန်းစာအဖြစ် သူ့အမြင်တွေကို ပို့ချလို့ မရနိုင်ဘူးလား။
သင်္ချာသင်တယ်ဆိုတာချင်းအတူတူ ဆရာတစ်ယောက်က ကဲကုလသင်္ချာမှာ ကျွမ်းကျင်မယ်၊ အခြားဆရာ တစ်ယောက်က ဂျီဩမေတြီမှာ ကျွမ်းကျင်ကောင်း ကျွမ်းကျင်လိမ့်မယ်။ ဒါဆိုရင် ဆရာတစ်ယောက်ရဲ့ အမြင်နဲ့ အသင်တွေကို အခြားဆရာတစ်ယောက်ရဲ့ အမြင်အသင်တွေနဲ့ လဲလှယ်ပြီး မသိစေသင့်ဘူးလား။ ဒီလို အပြန်အလှန် သင်ကြားပို့ချချက်တွေကို တစ်ပတ်မှာ ၇ ရက်၊ တစ်ရက်မှာ ၂၄ နာရီလုံးလုံး ကြိုက်တဲ့အချိန်မှာ လေ့လာ သင်ယူနိုင်တယ်ဆိုရင် ပိုကောင်းတာပေါ့။ ကျောင်းသားတွေပဲမဟုတ်ပါဘူး။ မိဘတွေရော၊ သင်ယူချင်သူတိုင်းပါ အွန်လိုင်းပညာရေးဟာ အသင့်လျော်ဆုံးဖြစ် မယ်ထင်ပါတယ်။

ဆရာတို့ပြောတဲ့ အသွင်ပြောင်းကျောင်းပုံစံက အစဉ်အလာကျောင်းပုံစံကို ဘယ်လိုများ ပြောင်းလဲပစ်မှာလဲ
အစဉ်အလာကျောင်းဆိုတာတွေမှာ ကျွန်တော်တို့ကျောင်းသားတွေ ကျောင်းပြင်ပထွက်ရဖို့ အတော်လေး ခက်ခဲကြတယ်။ အိမ်စာတွေပေးလိုက်ရင်လည်း သူတို့မှာ မလုပ်လာရတဲ့ ဆင်ခြေတွေအများကြီး ပေးလိမ့်မယ်။
အထူးသဖြင့် ကျောင်းပြန်ရင် အလုပ်ခွင်ဝင်နေရလို့ဆိုတာတွေ၊ မိဘတွေ ပြန်မရောက်သေးလို့ ကလေးဝိုင်းထိန်းနေရ တယ်ဆိုတာ ပြောလိမ့်မယ်။ ဘယ်ဟာက အဓိက၊ ဘယ်ဟာက သာမညဆိုတာ သူတို့ မခွဲခြားနိုင်တော့ သူတို့ကို အပြစ်တင်လို့လည်း မရဘူး။ အခုကျွန်တော်တို့တီထွင်ထားတဲ့ အသွင်ပြောင်းကျောင်းပုံစံက အဲဒီလို ဆင်ခြေမျိုးတွေ ပေးလို့ကိုမရအောင် ပြင်ဆင်ထားတယ်။ မိဘတွေကို ကူညီနေရလို့ဆိုတဲ့ အများဆုံးအကြောင်းပြချက်ကို အဆင်ပြေ အောင်စီစဉ်ထားတယ်။
ဗီဒီယိုသင်ခန်းစာဆိုတာ အတန်းပြင်ပမှာလည်း လေ့လာနိုင်တယ်။ စာသင်ခန်းထဲမှာ ကျောင်းသားတစ်ဦးချင်းက ကိုယ်သင်ချင်တဲ့ဆရာနဲ့၊ ကိုယ်သင်ချင်တဲ့ အကြောင်းအရာတွေကို လွတ်လပ်စွာလေ့လာခွင့်ဟာ အသွင်ပြောင်း ကျောင်းရဲ့ အနှစ်သာရပဲ။
လေ့လာနေချိန်မှာ သူ့ကို နှောင့်ယှက်မယ့်ဆရာလည်း မလိုတော့ဘူး။ အွန်လိုင်းမှာလေ့လာ၊ သိချင်တာကို အွန်လိုင်း မှာပဲမေးပြီး ဆွေးနွေးနိုင်တော့ ဆရာရဲ့ အခန်းကဏ္ဍက ပျောက်သလိုတော့ ဖြစ်သွားနိုင်တယ်။ သူတို့ကိုယ်ပိုင် ရွေးချယ်ခွင့် လုပ်ပိုင်ခွင့်တွေကိုပဲ အဆုံးအဖြတ်ပေးဖို့လိုလိမ့်မယ်။ ကျောင်းမတက်လို့လည်း ဆရာသင်ထားတာကို လွတ်သွားတယ်ဆိုတာမျိုး မရှိတော့ဘူး။
ပညာရေးမှာ ကိုယ်ပိုင်လေ့လာခွင့်ဆိုတာ ကျောင်းသားတစ်ယောက်အတွက် ကိုယ့်ကိုယ်ကို ယုံကြည်အားကိုးစိတ်တွေ လည်း ပိုမိုရရှိစေနိုင်ပါတယ်။ အချို့ကျောင်းသားတွေဆိုရင် အိမ်မှာ မိဘတွေကပါ သူတို့ကျောင်းသင်ခန်းစာ ဗီဒီယိုပို့ချချက်တွေကို ဝိုင်းကြည့်ကြတယ်လို့ပြောလာတယ်။ အရင်က ကိုယ့်ကလေးအိမ်စာပါလာတယ် ဆိုရင်တောင် စိတ်မဝင်စားကြတဲ့ မိဘတွေ ပါဝင်လာတယ်ဆိုတာက တိုးတက်မှုတစ်ခုပဲ။
အသွင်ပြောင်းတယ်ဆိုတာ ကျောင်းသား ချည်းသက်သက် ပြောင်းလဲလို့ရတာ မဟုတ်ပါဘူး။ စနစ်ပြောင်းရင် ကျွဲကူးရေပါ အားလုံး လိုက်ပြောင်းရပါတယ်။


ဆရာတို့ ပညာရေးက ထမင်းအသင့်ခွံ့ ကျွေးသလိုများ ဖြစ်နေမလား။ အိမ်စာတွေကို နည်းပညာ အထောက်အကူနဲ့ လုပ်ခိုင်းလိုက်တာက ခူးခပ်ပေးထားသလိုများ ဖြစ်နေမလား
နည်းပညာတိုးတက်လာတာကြောင့် မိုဘိုင်း ပစ္စည်းတွေကို လူတိုင်း နေ့စဉ်ဘ၀မှာ မရှိ မဖြစ်၊ မသုံးမဖြစ်အနေနဲ့ သုံးစွဲလာကြတယ်။  ဒီပစ္စည်းတွေကို ပညာရေးလမ်းကြောင်းမှာလည်း ပြောင်းလဲအသုံးပြုဖို့၊ သုံးနိုင်အောင် စီစဉ်ပေးဖို့ လိုလာတယ်။
အသွင်ပြောင်းပညာရေးမှာ နည်းပညာနဲ့ အဲဒီနည်းပညာကို အထောက်အကူ ပြုနိုင်တဲ့ application တွေကိုပါ အသုံးပြု တတ်ဖို့လိုတယ်။ ယခင်နဲ့ ယခုလုံးဝ ပြောင်းလဲသွားလိမ့်မယ်။ ကျောင်းသားတစ်ယောက်အတွက် အသွင်ပြောင်းပညာရေးမှာ လိုအပ်ချက်ဟာ ကွန်ပျူတာနဲ့ အင်တာနက်ကို ကောင်းမွန်ကျင်လည်စွာ အသုံးပြုနိုင်သူ ဖြစ်ဖို့လိုတယ်။
ယနေ့ခေတ်ပညာရေးဟာ ပူးပေါင်းလုပ်ဆောင်မှရလာတာတွေရှိတယ်။ အလားတူ လုပ်ငန်းခွင်တွေမှာလည်း ပူးပေါင်း ဆောင်ရွက်မှုတွေဟာ အရေးပါလာတယ်။  အမှန်တကယ် လက်တွေ့ဘ၀နဲ့ နီးစပ်တဲ့ ပူးပေါင်းဆောင်ရွက်မှုတွေ ရှိလာလေ အနာဂတ် အလုပ်အကိုင်အခွင့်အလမ်းအတွက် ပိုပြီး ပွင့်လာလေပဲ။


လူတိုင်းစမတ်ဖုန်း မသုံးနိုင်ရင်ဘယ်လိုလုပ်မလဲ
စမတ်ဖုန်းလောက်ကတော့ သုံးမှကိုဖြစ်မယ်။ အသွင်ပြောင်းပညာရေးမှာ ပြုပြင်ပြောင်းလဲမှုကို ဖော်ဆောင်ပေးနိုင်တဲ့ တစ်ခုခုကိုတော့ ဆောင်မှရမယ်။ ကျွန်တော်တို့က ဗီဒီယိုသင်ခန်းစာတွေကို ကြည့်ချင်တာ၊ နားထောင် လေ့လာချင်တာဆိုတော့ သူ့ကိုကြည့်နိုင်၊ ရနိုင်တဲ့ တစ်ခုခုကိုတော့ သုံးမှရမယ်။
အင်တာနက်ကို ဘယ်သူတွေ ဘယ်လောက်အထိ သုံးနိုင်သလဲဆိုတဲ့ အပေါ်မှာမူတည်ပြီး လေ့လာမှု ကွာခြားသွားနိုင်တယ်။ လက်ရှိ အသွင်ပြောင်း ပညာရေးအတွက် ကျောင်းသား ၈၂ ရာခိုင် နှုန်းလောက် ကျောင်းပြင်ပ ပညာရေးအနေနဲ့ လေ့လာနေကြတယ်။ သူတို့ စမတ်ဖုန်းတွေကနေ လေ့လာကြတယ်။
အင်တာနက်ကို ရှိတဲ့အိမ်တွေ၊ ဆိုင်တွေမှာသွားလေ့လာကြတယ်။ ဆရာ တွေက ဘယ်သူဟာ ဘယ် site ကို ဘယ်နှကြိမ်ဝင်ကြည့်ပြီးတော့၊ ဘယ်လိုတုံ့ပြန်မှုတွေပေးတယ်ဆိုတဲ့ အပေါ် မှာမူတည်ပြီး သတ်မှတ်ချက်တစ်ခုခုပေးသင့်တယ်။ ဘယ်နည်းနဲ့လာလာ သူတို့လာပြီး သင်ယူတာ အကျိုးအမြတ် ရှိနိုင်ပါတယ်။
ခုဆိုရင် စမတ်ဖုန်းတစ်လုံး အသုံးပြုရနှုန်းဟာ တစ်လမှ ဒေါ်လာ ၅၀ ဝန်း ကျင်လောက်ပဲရှိတော့တာ။ မတတ်နိုင်ဘူး ဆိုတဲ့သူတွေ laptop ထက် စမတ်ဖုန်းတွေကိုတော့ ပိုပြီးအသုံးပြုနိုင်စွမ်းရှိလာကြတယ်။ သုံးနိုင်အောင်တော့ ကြိုးစားဖို့လို တယ်။


အသွင်ပြောင်းပညာရေးစနစ်က ကျောင်းသားတစ်ယောက်ချင်း၊ ဒေသချင်း၊ သင်ယူမှုပုံစံ၊ မသန်စွမ်းသူ တွေအတွက် ပညာရေး၊ အသက်အရွယ်အုပ်စုအလိုက် ပြုပြင်ပြောင်းလဲမှုတွေပေးနိုင်လိမ့်မယ်လို့ ထင်ပါသလား
လူတိုင်းအတွက်ပညာရေးတော့ ဖြစ်မလာနိုင်သေးဘူး။ ဒါပေမယ့် ရွေးချယ်ခွင့်တွေ ရှိလာမယ်။ ကျွန်တော်တို့ဟာ တစ်ခုခုကို ယခုလိုအချိန်ကတည်းက မပြောင်းဘူးဆိုရင် ကျွန်တော်တို့ကလေးတွေကို ဆုံးရှုံးမှုတွေနဲ့ ပိုပြီး ရင်ဆိုင်ရအောင် လုပ်ပေးနေသလိုဖြစ်လိမ့်မယ်။
အသွင်ပြောင်းကျောင်းက လေ့လာရေးကို ပြောင်းလဲမှာ။ လေ့လာချင်တဲ့အချိန်မှာ ကိုယ်လေ့လာသင်ယူချင်တဲ့ သင်ကြားသူနဲ့ လေ့လာနိုင်အောင် စီစဉ်ပေးထားတာပဲ။  ပညာရေးမှာ ချဉ်းကပ်မှုအသွင်သစ်ပေါ့။
ရလဒ်တွေက ကောင်းတယ်။ ပြည်နယ် အဆင့်စာမေးပွဲတွေမှာ အသွင်ပြောင်းစနစ်ကြောင့် တိုးတက်လာမှုတွေ တွေ့ရတယ်။ အဆင့်တွေတက်လာတယ်။ ကျောင်းကိုလာပြီး သင်ယူကြတဲ့ပုံစံတွေပြောင်းသွားတယ်။  ဘာပြောပြော အလုပ်မဖြစ်တော့တဲ့ ပညာရေးစနစ်နေရာမှာ စနစ်သစ်တစ်ခုခုနဲ့ အစားထိုးကြည့်လိုက်ရတာ အမြတ်ပဲ။
ကျွန်တော်ထင်ပါတယ် ပညာရေးစနစ်ဟောင်းနဲ့ အသွင်ပြောင်းပညာရေးမှာ ပြောစရာတွေ၊ ဝေဖန်စရာတွေ အများကြီးရှိနေဦးမှာပဲ။ ဝေဖန်မှ ပြန်လေ့လာသုံးသပ်ပြီး တိုးတက်အောင်လုပ်နိုင်မှာဆိုတော့ များများဝေဖန်လေ ပိုကြိုက်ပါတယ်။
Ref: Answers to your ‘flip school’ questions, by Greg Green, Special to CNN.