ကျုပ်ဖိုးခွေးရိုးနှင့်မြို့ကြီးသူမမ

ကျုပ်ဖိုးခွေးရိုးတို့ရွာလေးကဖျာပုံမြို့ကနေစက်တပ်လှေနဲ့သွားရင်(၇)နာရီလောက်သွားရတဲ့ရွာလေးပါ။ကျုပ်တို့ရွာကလူတွေကလယ်လုပ်ငန်းကိုလုပ်ကိုင်ကြတဲ့သူရှိသလို၊ငါးရှာ ဖားရှာစားရတဲ့ဘောက်သမားတွေလည်းများပါတယ်။…..ရွာကအိမ်ခြေတစ်ရာကျော် လောက်ရှိတယ်။

ကျုပ်တို့ရွာမှာမူလတန်းကျောင်းလေးတစ်ကျောင်းတော့ကောင်းကောင်းရှိတယ်။ ဒါတောင်အဖွဲ့အစည်းတစ်ခုကနေ cyclone shelter ဆိုပြီးဆောက်ပေးသွားတာပါ။ ရွာမှာကြီးကြီးမားမားအဆောက်အဦးဆိုလိုအဲ့ဒီအဆောက်အဦးတစ်ခုပဲရှိပါတယ်။ ကြွားတယ်လို့တော့မထင်လိုက်ပါနဲ့နော်။

ဆင်းရဲတယ်လို့တော့မပြောချင်ပါဘူး။ဘာဖြစ်လို့လဲဆိုတော့ကျုပ်တို့ရွာကလူတွေကပေါများပါတယ်။ကလေးတွေကိုပြောတာပါ။ရွာမှာအိမ်တစ်အိမ်ကိုမရှိဘူးဆိုရင်ကလေး အနည်းဆုံး(၄)ယောက်၊အများဆုံးကတော့…အင်း…(၁၅)ယောက်လောက်ရှိမယ်လို့ထင်တာပါပဲ။ဒါကကျုပ်တို့ရွာအတွက်အပေါများဆုံးရတနာတွေပေါ့ဗျာ။

ရွာမှာမူလတန်းကျောင်းထိပဲကျောင်းကရှိတော့လေးတန်းအောင်ရင်တစ်ခြားရွာတွေကို ကျောင်းသွားတက်ဖို့အတွက်အရမ်းကိုခက်ခဲလှပါတယ်။ဒါကြောင့်အများစုကလေးတန်း ပြီးတာနဲ့ကျောင်းထွက်လိုက်ရတော့ကျုပ်တို့ရွာမှာဘွဲ့ရဆိုလို့ဝေးလာဝေး…..၁၀..တန်း အောင်တဲ့သူတောင်တစ်ယောက်ပဲရှိတယ်။ဒါတောင်မိဘတွေကမအူပင်မှာကျောင်း သွားထား၊သိန်း(၈၀)လောက်အကုန်ခံမှအောင်ခဲ့တာပါ။ဘယ်မှာလဲ..အခမဲ့ပညာရေး…ဘယ်မှာလဲ လူ့အခွင့်အရေး…ဒါကျုပ်တို့နိုင်ငံရဲ့ကောင်းမွန်လှတဲ့ပညာရေးစနစ်လေ။

ကျုပ်တို့လိုလက်လှုပ်မှပါးစပ်လှုပ်ရတဲ့လူတွေအတွက်ကတော့အတန်းပညာရေးဆိုတာ ဝေလာ…ဝေး…တစ်နေ့စားဖို့အတွက်ကိုရုန်းကန်လှုပ်ရှားနေရတာနဲ့သား၊သမီးတွေလည်းကျောင်းမထားနိုင်ပါဘူး...ဒီလိုနဲ့ပဲလူ့ဘ၀သံသရာမှာဇိမ်ခံစရာမရှိတော့…..ရှိတဲ့စည်းဇိမ်လေးကိုယူလိုက်တာ..ဟောတစ်ယောက်…ဟောတစ်ယောက်ဆို………အား..ပါး..ပါး…တစ်ရွာလုံးများလိုက်တဲ့ကလေးတွေ…

ကျုပ်လည်းပြောမိပြောရာပြောနေတာနဲ့မြို့ကြီးသူမမအကြောင်းပြောဖို့ကိုမရောက်တော့ဘူး။

တစ်နေ့ကျုပ်တို့ရွာကိုမြို့ကြီးသူမမတွေရောက်လာပါတယ်ဗျာ။…သူတို့ကကျုပ်တို့ရွာမှာ ပညာပေးအမြင်ဖွင့်သင်တန်းလာပေးတာပေါ့ဗျာ….ဘာတဲ့…သင်တန်းနာမည်က ”တာဝန်သိနိုင်ငံသားနှင့်တာဝန်ခံယူမှုရှိသောအုပ်ချုပ်မှုစနစ်”ကျုပ်အရမ်း သဘောကျတဲ့ ခေါင်းစဉ်ပါဗျာ။ဒါပေမဲ့မြို့ကြီးသူကိုကို၊မမတွေကစကားလုံးကြီးတွေနဲ့ထည့်သွားတာ သိပ်တော့လည်းနားမလည်ဘူးဗျ။…ဒါပေမဲ့ဗဟုသုတတော့ရလိုက်ပါတယ်၊….ဖွဲ့စည်းပုံအခြေခံဥပဒေနဲ့ သမ္မတ မိန့်ခွန်းတွေလည်းပြောပြရှင်းပြပါသေးတယ်။

ဒီအဖွဲ့ထဲမှာပါတဲ့မြို့ကြီးသူမမတစ်ယောက်ကကျုပ်တို့ရွာကိုတော်တော်သဘောကျနေတာနဲ့တူပါတယ်။ဘာလို့လဲဆိုတော့ကလေးတွေပေါလွန်းအားကြီးလို့လေ။မြို့ကြီးသူမမတွေပြောသံကို…ကျုပ်နားစွန်၊နားဖျားကြားလိုက်တာကတော့…ဘာတဲ့..ကျုပ်တို့ရွာကအမျိုးသမီးတွေကိုသားဆက်ခြားနည်းတွေသင်ပေးချင်တယ်၊သားကြောဖြတ်တာတို့၊ပစ္စည်းထည့်တာတွေလုပ်ပေးချင်တယ်တဲ့…..ကျုပ်တို့လည်း၊ကျုပ်တို့ရွာကအမျိုးသမီးတွေကိုအဲ့ဒီလိုမျိုးတွေ…..အခွင့်အရေးရရင်တော့……….လုပ်ပေးချင်တာပေါ့ဗျာ။ဒါပေမဲ့ကျုပ်တို့ရွာကိုအဖွဲ့အစည်းတွေလည်းမလာကြဘူး။…စရိတ်မျှပေးကျန်းမာရေးဆိုတဲ့ကျေးလက်ကျန်းမာရေးဆေးပေးခန်းတွေလည်းမရှိပါဘူးဗျာ။…….အထင်တော့မသေးလိုက်နဲ့……ကျုပ်တို့ရွာမှာ….အပ်ပုန်းဆရာဝန်တော့ရှိသဗျို့။ မြို့မှာမိချောင်းတွေ့ချင်ရင်တိရိစ္ဆာန်ရုံတို့၊မိချောင်းမွေးမြူရေးကန်တို့မှာပိုက်ဆံပေးပြီး သွားကြည့်ရတာ…ကျုပ်တို့ရွာမှာမိချောင်းများပေါလို့….ကလေးတွေတောင်ရေထဲမဆင်းခိုင်း ရဲပါဘူး…အဲ့ဒီလောက်ကိုနေချင်စရာကောင်းတဲ့ကျုပ်တို့ရွာလေးပါ။…..မြို့ကြီးသူမမ တွေများ…နုချက်…ရေသောက်မှားလို့ဝမ်းသွားသေးတယ်…ကျုပ်တို့များ…..မြစ်၊ချောင်း ရေကိုဒီတိုင်းသောက်တာတောင်ဘာမှမဖြစ်ပါဘူး။…….မြို့ကလူတွေလို့ရေသန့်ဖိုးပိုက်ဆံလည်းမကုန်ဘူးပေါ့ဗျာ..မြို့မှာလို့အိမ်သာတွေဘာတွေပိုက်ဆံအကုန်ခံပြီးဆောက်နေ စရာမလိုပါဘူး…ကျုပ်တို့ချောင်းထဲဒီတိုင်းသွားလိုက်တာပဲ…ဒီလောက်ဖွံ့ဖြိုးတိုးတက်နေတဲ့ကျုပ်တို့တိုင်းပြည်ပါ။

ကျုပ်တို့သမ္မတကြီးကတော့…….ဆင်းရဲမွဲတေမှုလျှော့ချရေးတို့၊NDP(National Development Plan အမျိုးသားဖွံ့ဖြိုးတိုးတက်ရေးစီမံကိန်း)၊တို့တော့ပြောနေပါတယ်။ ကျုပ်တို့လည်း VDP (Village Development Plan ကျေးရွာဖွံ့ဖြိုးတိုးတက်ရေးစီမံကိန်း) ကောင်းကောင်းလေးတော့ဆွဲထားအုံးမှပဲ..ပြောလို့မရဘူးလေ..ကျုပ်တို့ရွာလေးနောင်လာမဲ့နှစ်ပေါင်း(၁၀)နှစ်အတွင်း(ပြောင်းပြေးခံရမလား…ရေနပ်ဆိပ်ကမ်းတွေဆောက် လွန်းအားကြီးလို့…အော်..ဖွဟဲ့..လွဲပါစေ…)ဖွံဖြိုးတိုးတက်တဲ့ရွာလေးတစ်ရွာဖြစ်မလာ ဘူးလို့ဘယ်ပြောလို့ရမလဲ။ အော်..မြို့ကြီးသူမမအကြောင်းကပျောက်ပျောက်သွားတယ်…မြို့ကြီးသူမမများ….တော်တော်ကိုအပါတယ်။မြို့မှာလည်းနေတယ်ပြောသေးတယ်။ကျုပ်တို့ရွာကိုလာရင်ဘယ် မှတ်တိုင်မှာဆင်းရမလဲတဲ့…ကျုပ်ကလိုင်းကောင်နဲ့လာဆိုတော့၊တစ်ကောင်ဘယ် လောက်လဲတဲ့..…ရွှံကလည်းကြောက်..…မြွေကလည်းကြောက်သေးတယ်ဗျာ…ဒါနဲ့ များဖွံ့ဖြိုးရေးလုပ်ငန်းတွေလိုက်လုပ်နေသေးတယ်။ဘာပဲဖြစ်ဖြစ်မြို့ကြီးသူမမတွေကချစ်ဖို့တော့ကောင်းပါတယ်ဗျာ။ကျုပ်တို့လိုကျေးလက်နေပြည်သူလူထုတွေအတွက်အသိ ပညာတွေပေး၊လိုအပ်တာတွေကူညီ၊လူငယ်သင်တန်းတွေလုပ်ဆိုတော့ကျုပ်တို့လည်း နဲနဲတော့ဗဟုသုတလေးရတာပေါ့ဗျာ။

ကျုပ်တို့ရွာကနေမြို့ကြီးသူမမများသင်တန်းပြီးပြန်သွားတော့ကျုပ်တို့ကလွမ်းပြီးကျန်နေခဲ့တာပေါ့………အော်..ဘယ်သောအခါမှပြန်လည်ဆုံတွေ့ရအုံးမှာလည်းမြို့ကြီးသူမမ ရယ်။

ဆုထက်ဝေ (1.8.2012 - 10:19 pm)