ချစ်လွန်းလို အမုန်းခံ ပြောမိသူ

ကျနော်ချစ်တဲ့ တို့ မြန်မာလူမျိုးတွေကို စိတ်ပျက်မိပါတယ်။ ကုလားကို ဆဲနည်းပေါင်းစုံနဲ့ ၀ိုင်းပြီးသြဘာပေးနေတာကို လုံးဝ လုံးဝ မကြိုက်ပါ။ ကုလားဆိုရင် အရောင်မျိုးစုံရှိတာပါဘဲ။ အခုလို အချိန်မှာ တိုင်းပြည်အတွက် Capacity Building and Development လုပ်ဖို့ ကြိုးစားရမယ်အချိန်ကာလပါ။ ရွှေမြန်မာတို့ရဲ့ မျိုးချစ်စိတ်တွေကို အကျိုးမရှိတဲ့ နေရာတွေမှာ အသုံးမပြုပါနဲ့။ ဒါဟာ ကျွန်စိတ်ပါဘဲ။ ဆဲတာကလည်း ကျွန်စကားပါဘဲ။ ကုလားကိုတော့ ဆဲနေကြတယ်။ ကုလားတွေ ထူးချွန်ထက်မြက် ထင်ရှားကျော်စောနေတာတော့ မမြင်နိုင်တာ ၀မ်းနည်းစရာပါ။ သေချာစဉ်းစာကြည့်စေချင်တယ်။
အချက်တွေများစွာနဲ့ ပြောပြပါမယ်။
၁) မြန်မာတို့ နေ့တိုင်း ကိုးကွယ်နေတဲ့ ရှင်တော် ဂေါတမမြတ်စွာဘုရားလည်း အိန္ဒိယပြည်က မင်းမျိုးမင်းနွယ် ကုလားပါဘဲ။
၂) ကိုယ်ထီးကိုယ်နန်းနဲ့ နေလာခဲ့တဲ့ မြန်မာနိုင်ငံကို အနိုင်ယူတိုက်ခိုက်နိုင်တာကလဲ အနောက်ဘက်က အင်္ဂလိပ်လို့ ခေါ်တဲ့ ကုလားဖြူပါဘဲ။
၃) သိပ္ပံပညာနဲ့ လက်နက်နည်းပညာတွေကို တီတွင်ကြံဆနိုင်တာလဲ ကုလားတွေပါဘဲ။
၎) နိုင်ငံရေးအယူဝါဒ ကို စတင်ဖော်ထုတ်တာလဲ ကုလားတွေပါဘဲ။
၅) ငွေကြေးအရင်းအနှီးနဲ့ စီးပွားရေးအင်ပါယာ အင်အားတောင့်တင်းတာလဲ အနောက်က ကုလားတွေပါဘဲ။
၆) နိုင်ငံတကာကလက်ခံသုံးစွဲနေတဲ့ အဓိကဘာသာစကားကလည်း ကုလားဖြူ အင်္ဂလိပ်စကားပါဘဲ။
၇) အားကစားဘက်မှာ ထူးချွန်တာလဲ ကုလားမဲတွေဘဲ။
၈) ဖောင်ဒေရှင်းနဲ့ အန်ဂျီလ်အိုတွေ တည်ထောင်ပြီး လူသားအကျိုးပြုလုပ်ငန်းတွေ လုပ်နေတာလဲ ကုလားတွေပါဘဲ။
၉) နောက်ဆုံး ကုန်ကုန်ပြောရရင် သတင်းအချက်အလက်၊ ဆက်သွယ်ရေးနဲ့ အင်တာနက်၊ တီဗွီအောက်စက်တွေကလည်း ကုလားတွေရဲ့ တီတွင်မှု ရလဒ်ပါဘဲ။

ကဲ ဘာများ ပြောချင်လဲ ကိုရွှေမြန်မာတို့၊ သင်တိုင်းပြည်အတွက် ဘာများတိုးတက်အောင် လုပ်ပေးခဲ့ပြီးပြီးလဲ။

အနီးစပ်ဆုံးကြည်ရမယ်ဆိုရင် အာဆီယံကိုကြည်လိုက်ရင်

- မလေးကုလားတွေလည်း မြန်မာထက်သာနေတယ်။
- အင်ဒိုကုလားတွေလည်း မြန်မာထက် လျင်နေတယ်။
- စင်ကာပူ ကုလားတွေလည်း မြန်မာထက် ပညာပိုတတ်နေတယ်။
- ဘရူးနိုင် ကုလားတွေလည်း မြန်မာထက် ပို ချမ်းသာနေတယ်။

ကုလားကို ဆဲနည်းပေါင်းစုံနဲ့ ဆဲလည်း ကုလားက ဘာမှဖြစ်သွားတာမဟုတ်ဘူး။ သူတို့ကတောင် တို့ရွှေမြန်မာတွေကို ဘာများပြန်ပြောမလဲသိလား ? လင်းစမ်းပါဦး။

ပြောမှ ကတော့ (မြန်မာတွေ ခေါင်းမသုံးတတ်လို သူတို့နိုင်ငံမတိုးတက်တာ။ ဒါကမြန်မာတွေရဲ့ အသုံးမကျတဲ့ အားနည်းချက်ကြီး။)

ဒီလို ပြောလို့ ဒေါသနဲ့ ပြန်တိုက်ခိုက်မယ်။ သတ်မယ်။ဖြတ်မယ်။ နောက်တော့ မအေလိုးကုလား၊စောက်ကုလားဆဲမယ် ဆိုရင် ဒါဟာ ကျွန်စိတ်ဖြစ်တယ်။ သခင်စိတ်မဟုတ်ဘူး။
နောက်ဆုံးအနေနဲ့ ပြောချင်တာက ကျနော်ရဲ့နိုင်ငံကို တိုးတက်စေချင်တယ်။ ချမ်းသာစေချင်တယ်။ ရွှေမြန်မာများ ဒီလိုလုပ်နေမယ်ဆိုရင် တို့အမျိုးသားခေါင်းဆောင်ကြီး ကိုအောင်ဆန်းနဲ့ သွေးချွေးနဲ့ ရင်းပြီး တိုင်းပြည်အတွက် ကြိုးပမ်းခဲ့တဲ့ လူမျိုးဘာသာမရွေး အညတရသူရဲကောင်းတွေရဲ့ မျက်နှာကို  အိုးမဲမသုတ်ပါနဲ့လို ပြောလိုပါတယ်။





ဒီလိုပြောရတဲ့အတွက် အားလုံးရဲ့ အကျိုးအပြင် တိုင်းပြည်ကောင်းမယ်ဆိုရင် ကျနော် အမုန်းခံပြီး ပြောနေ ရေးနေ သရော်နေရတာပါ။



မောင်လူငယ်
မြန်မာပြည်ကြီး တိုးတက်စေလိုသူ

သွေးကို သွေးနဲ့ ဆေးလို့ မရ၊ လူသတ်ဝါဒ ဆန့်ကျင်ကြ

သွေးကို သွေးနဲ့ ဆေးလို့ မရ၊ လူသတ်ဝါဒ ဆန့်ကျင်ကြ

(“ရွှေသမင် ဘယ်က ထွက်၊ သိန်းစိန်တာက ထွက်” ဆောင်းပါးရဲ့ အဆက်)

ဇော်ဝင်း (၈၈ ကျောင်းသားဟောင်း)

စစ်အစိုးရ၊ ကြံ့ဖွတ်အစိုးရဟာ လူမျိုးရေး အဓိကရုဏ်းတွေကို လှုံ့ဆော်ပေးနေတယ်။ သတင်းစာထဲမှာ “မွတ်ဆလင်ကုလားများက ရခိုင်အမျိုးသမီးအား ရည်ရွယ်ချက်ရှိရှိဖြင့် ရက်စက်ယုတ်မာ” ဆိုတဲ့ လူမျိုးရေး သွေးထိုးလှုံ့ဆော်တဲ့ စာသားကို ပြောင် ထည့်ရေးခဲ့တယ်။ သတိထား စဉ်းစားကြည့်ပါ။ သေသေချာချာ ဖတ်ကြည့်ပါ။ ဒီစကားဟာ ဘာရည်ရွယ်ချက်နဲ့ ရေးသလဲဆိုတာကို။ မတော်တဆ မှားပြီး ရေးတာ မဟုတ်ပါဘူး။ သတင်းစာတွေမှာရော၊ ရုပ်မြင်သံကြားတွေမှာရော ဒီအတိုင်း အားလုံးကြေညာ ရေးသားသွားတာပါ။ တခုတည်းမှာ ရေးရင်၊ ပြောရင် တယောက်ယောက်က မှားပြီး မတော်တဆ ရေးတယ်၊ ကြေညာတယ်လို့ ယူဆလို့ ရပါတယ်။ အားလုံးမှာ တခုတည်းသော၊ တထပ်တည်းသော စာသားနဲ့ ကြေညာသွားတယ်ဆိုတာကို ကြည့်ရင် အထက်လူကြီးဆီကနေ ဒီအတိုင်း ၏၊ သည် မရွေး ဖတ်ရမယ်၊ ရေးရမယ်ဆိုတဲ့ အမိန့်နဲ့လာတဲ့ သတင်းဖြစ်ကြောင်း ထင်ရှားပါတယ်။ သတင်းစာ၊ ရုပ်မြင်သံကြားဌာနတွေနဲ့ နီးစပ်သူတွေ ကောင်းကောင်းသိပါတယ်။ မနီးစပ်သူတွေလည်း ဆက်စပ် စဉ်းစားလို့ ရပါတယ်။

လူတွေက ဆန္ဒပြကြ၊ ဆူကြတော့မှ အမှားပြင်ဆင်ချက် ပြန်ထည့်ပါတယ်။ အမှားပြင်ဆင်ချက် ထည့်တာကလည်း ကုလားဆိုတဲ့ အသုံးကို ပြည်တွင်းနေ အစ္စလာမ်ဘာသာ ကိုးကွယ်သူဆိုပြီး ပြင်ပေးတာပါ။ တကယ်တမ်း စကားလုံးထက် အရေးပါတဲ့ အနှစ်သာရဖြစ်တဲ့ သွေးထိုးလှုံ့ဆော်တဲ့ အရေးအသားနဲ့ ပတ်သက်ပြီး ဘာမှ ပြင်ဆင်မပေးပါဘူး။ ဒါတွေ အားလုံးဟာ ကစားနေတာပါ။ ဟိုဘက်လှည့် မြှောက်ပေး၊ ဒီဘက်လှည့် မြှောက်ပေးလုပ်နေတာပါ။ တင်းလိုက် လျှော့လိုက်၊ ခြောက်လိုက် ချော့လိုက် လုပ်နေတာပါ။

“သမ္မတရုံးရဲ့ ညွှန်ကြားရေးမှူးချုပ် ဗိုလ်မှူးဇော်ဌေးဟာ ဖေ့စ်ဘုတ် (ဖဘ) မှာ မှူးဇော် ဆိုတဲ့ နာမည်နဲ့ အဓိကရုဏ်းတွေ ကြီးထွားလာအောင် မြှောက်ပေးနေပါတယ်။ ဖဘမှာရှိတဲ့ မွတ်ဆလင်ဆန့်ကျင်ရေး သွေးထိုးလှုံ့ဆော်မှုတွေကို ကြည့်လိုက်တိုင်းမှာ အရင်းအမြစ်ဟာ မှူးဇော်ဆီက လာတာက အများစုလိုလို ဖြစ်နေတာတွေ့ရပါတယ်။ သမ္မတရုံးရဲ့ ညွှန်ကြားရေးမှူး ဆိုတာဟာ ဒါမျိုးကို အထက်ညွှန်ကြားချက်မပါဘဲ ရေးလို့မရပါဘူး။ ဒါတွေဟာ အထက်ညွှန်ကြားချက်နဲ့ လုပ်နေတာပါ။ ပိုပြီး တိတိကျကျ ပြောရရင် သမ္မတဦးသိန်းစိန်ရဲ့ ညွှန်ကြားချက် ဒါမှမဟုတ် စစ်အာဏာရှင်ခေါင်းဆောင် ဦးသန်းရွှေရဲ့ ညွှန်ကြားချက် ဒါမှမဟုတ် ကာ/လုံအဖွဲ့ရဲ့ ညွှန်ကြားချက်နဲ့ လုပ်နေတာပါ။ သူ့ဖဘကို သွားကြည့်ကြပါ။”

စောစောက စာသားကို စဉ်းစားကြည့်ပါ။ မွတ်ဆလင်ကုလားများက ရခိုင်အမျိုးသမီးအား ရည်ရွယ်ချက်ရှိရှိဖြင့် ရက်စက်ယုတ်မာဆိုတဲ့ စကားကို တွေ့ရမြင်ရတော့ ဘယ်လိုခံစားကြရမလဲဆိုတာ။ ရခိုင်၊ မြန်မာ တိုင်းရင်းသားလူမျိုးပေါင်းစုံရဲ့ စိတ်ထဲမှာ မခံချင်စိတ်၊ နာကျည်းခံပြင်းစိတ်၊ ဒေါသစိတ်ဖြစ်ကြရမှာပါ။ ဒီလိုဖြစ်အောင် တမင်ဆွပေးတာပါ။ (ကျနော် မြန်မာလူမျိုးစစ်စစ်ပါ၊ ဘာသွေးမှ တစက်မှ မရောပါ) မိန်းကလေးတယောက်ကို ရက်ရက်စက်စက် ယုတ်ယုတ်မာမာ သတ်ဖြတ်တာမျိုးကို ဘယ်သူမှ မကြိုက်ပါဘူး။ လူမဆန်တဲ့ သိပ်မိုက်ရိုင်းတဲ့ လူသတ်မှုကြီးတခုကို ယဉ်ကျေးတဲ့လူ ဘယ်သူမဆို လက်မခံတာ သဘာဝကျပါတယ်။ ဒါပေမယ့် အစ္စလာမ်ဘာသာဝင်တွေဘက်ကရော ဘယ်လိုခံစားရမလဲ။ စဉ်းစားကြည့်ပါ။ မွတ်ဆလင်တွေ၊ ကုလားတွေဟာ ရည်ရွယ်ချက်ချက်ရှိရှိနဲ့ ရက်စက်ယုတ်မာတယ်လို့ သတင်းစာပါ စာသားက စွပ်စွဲထားတာ အထင်အရှားပါ။ ဝါးလုံးရှည်နဲ့ သိမ်းကျုံးပြီး မွတ်ဆလင်အားလုံး လူယုတ်မာ၊ မွတ်ဆလင်အားလုံး မုဒိမ်းကောင်ဖြစ်အောင် ပြောတာကို ဘယ်သူမှ ခံချင်ကြမှာ မဟုတ်ပါဘူး။ ဒီစာသားတွေဟာ လူမျိုးရေး အဓိကရုဏ်းတွေကို လှုံ့ဆော်ပေးတဲ့ စာသားတွေပါ။ ဒီစာသားတွေကို အစိုးရက ရေးတာဟာ လူမျိုးရေး သွေးထိုးလှုံ့ဆော်တာပါလို့ ပြီးခဲ့တဲ့ ဆောင်းပါးမှာ ကျနော်က ထောက်ပြတော့ တချို့ ရခိုင်အမျိုးသားတွေကပါ မကျေမနပ်ဖြစ်ပြီး ဆဲကြတာကို တွေ့ရပါတယ်။ ခေါင်းအေးအေးထားပြီး စဉ်းစားကြပါ။ အစိုးရက ဒီစာသားတွေ ရေးတာဟာ အစိုးရက ရခိုင်ဘက်က နာလို့ ရေးတာမဟုတ်ပါဘူး။ ရခိုင်တွေနဲ့ မွတ်ဆလင်တွေကို ရန်တိုက်ပေးနေတာပါ။ ရခိုင်တွေရော၊ မွတ်ဆလင်တွေပါ သွေးချောင်းစီးအောင် လုပ်နေတာပါ။ စစ်အာဏာရှင်စနစ်ကို ပိုမိုကြံ့ခိုင်အောင် အင်္ဂတေနဲ့ မွမ်းမံရာမှာ အဲဒီအင်္ဂတေကို ရခိုင်၊ မွတ်ဆလင်တွေရဲ့ သွေးနဲ့ ဖျော်ဖို့ ကြံစည်နေတာပါ။ ရခိုင်တွေ သွေးချောင်းစီးအောင်ရေးတဲ့ စာသားကို ရခိုင်ဘက်ကနေ ရေးတယ်လို့ ထင်ရင်တော့ အမှားကြီးမှားပါလိမ့်မယ်။

မသီတာထွေးကို မုဒိန်းကျင့် သတ်ဖြတ်တဲ့ လူတွေဟာ လူသတ်သမားတွေ၊ လူယုတ်မာတွေပဲ။ ဒီလူတွေကို ထိထိရောက်ရောက် အရေးယူ အပြစ်ပေးရမှာပဲ။ ရိုးမသစ္စာ ကားပေါ်က လူတွေကို သတ်တဲ့ လူတွေဟာလည်း လူသတ်သမားတွေ၊ အစွန်းရောက်တွေပဲ။ အဲဒီလူတွေကိုလည်း ဖော်ထုတ် အရေးယူရမှာပဲ။ အဲဒီ့ထက် အဆတသိန်း ယုတ်မာတဲ့ လူတွေကတော့ အစိုးရသတင်းစာ၊ အစိုးရရုပ်မြင်သံကြားနဲ့ အများသုံး အင်တာနက်ကနေ လူတွေ သတ်အောင်၊ ဖြတ်အောင် သွေးထိုးလှုံ့ဆော်ပေးနေတဲ့သူတွေပဲ။ ဒီသွေးထိုးလှုံ့ဆော်သူတွေဟာ တယောက်တလေမှ ကိုယ်ထိလက်ရောက် သတ်ချင်မှ သတ်ဖူးမယ်။ ဒါပေမယ့် အခုသတ်ဖြတ် သေကြေမှုတွေအားလုံး သူတို့ လက်ချက်ကြောင့်၊ သူတို့ ပယောဂကြောင့်လို့ ဆိုလို့ရတယ်။

အရင်တုန်းကလည်း ကျနော်တို့ နိုင်ငံမှာ နိုင်ငံရေး လှုပ်လှုပ်ရှားရှားရှိတိုင်း ကုလား-ဗမာအဓိကရုဏ်း ဖန်တီးပြီး အာရုံပြောင်းတတ်တာ လုပ်ရိုးလုပ်စဉ် အစဉ်အလာပါ။ ၈၈ အရေးအခင်ကြီးတုန်းကလည်း ခေါင်းဖြတ်သတ်တဲ့ လူသတ်မှုတွေ ပေါ်ပေါက်လာအောင် ဗိုလ်ချုပ်ခင်ညွန့်ရဲ့ စစ်ထောက်လှမ်းရေးကပဲ နောက်ကွယ်ကနေ ဖန်တီးခဲ့တာပါ။ အဲဒီဖန်တီးမှုတွေမှာ ထောက်လှမ်းရေးနဲ့ သတင်းပေးတွေကနေ နောက်ကွယ်ကနေ ဒလျှိုဒလန်အဖြစ် ပါဝင်ပြီး သွေးထိုးလှုံ့ဆော်ကြ၊ ကောလဟလ ဖြန့်ချိကြတဲ့ နည်းတွေနဲ့ လုပ်တာပါ။ မသိမသာ စပေး၊ လုပ်ပေးပြီး တကယ်တန်း အဓိကရုဏ်းတွေ ကြီးထွားလာတဲ့အခါ ဒလျှိုဒလန်တွေက ကိုယ်ယောင်ဖျောက် ရှောင်ထွက်သွားတတ်ကြပါတယ်။ ဒီတော့ အဲသလို သွေးထိုးလှုံ့ဆော်မှုတွေ လုပ်တဲ့အခါ လက်ဆုပ်လက်ကိုင် ပြစရာ သက်သေရှာရ ခက်တတ်ပါတယ်။ ဘယ်သတင်းထောက်မှလည်း ဒါမျိုးသတင်းတွေနောက်ကို လိုက်ပြီး မစုံစမ်းရဲကြပါဘူး။

ဒါပေမယ့် အခုကိစ္စမှာတော့ သူတို့ဘက်က သိပ်ရဲတင်းပြီး သိပ်ပြောင်ကျကျ လုပ်လာတဲ့အတွက် လက်သည်ကို ကျနော်တို့ လက်ပူးလက်ကြပ် ထုတ်ပြလို့ ရလာပါပြီ။ ပြီးခဲ့တဲ့ ဆောင်းပါးမှာ ဖော်ပြခဲ့သလိုပဲ သမ္မတရုံးရဲ့ ညွှန်ကြားရေးမှူးချုပ် ဗိုလ်မှူးဇော်ဌေးဟာ ဖေ့စ်ဘုတ် (ဖဘ) မှာ မှူးဇော် ဆိုတဲ့ နာမည်နဲ့ အဓိကရုဏ်းတွေ ကြီးထွားလာအောင် မြှောက်ပေးနေပါတယ်။ ဖဘမှာရှိတဲ့ မွတ်ဆလင်ဆန့်ကျင်ရေး သွေးထိုးလှုံ့ဆော်မှုတွေကို ကြည့်လိုက်တိုင်းမှာ အရင်းအမြစ်ဟာ မှူးဇော်ဆီက လာတာက အများစုလိုလို ဖြစ်နေတာတွေ့ရပါတယ်။ သမ္မတရုံးရဲ့ ညွှန်ကြားရေးမှူး ဆိုတာဟာ ဒါမျိုးကို အထက်ညွှန်ကြားချက်မပါဘဲ ရေးလို့မရပါဘူး။ ဒါတွေဟာ အထက်ညွှန်ကြားချက်နဲ့ လုပ်နေတာပါ။ ပိုပြီး တိတိကျကျ ပြောရရင် သမ္မတဦးသိန်းစိန်ရဲ့ ညွှန်ကြားချက် ဒါမှမဟုတ် စစ်အာဏာရှင်ခေါင်းဆောင် ဦးသန်းရွှေရဲ့ ညွှန်ကြားချက် ဒါမှမဟုတ် ကာ/လုံအဖွဲ့ရဲ့ ညွှန်ကြားချက်နဲ့ လုပ်နေတာပါ။ သူ့ဖဘကို သွားကြည့်ကြပါ။ ထပ်ပြီး ကြော်ငြာပေးလိုက်ပါဦးမယ်။

https://www.facebook.com/hmuu.zaw

သွားကြည့်ကြပါ။ ဖတ်ကြည့်ကြပါ။ ပြည်ပကနေ အင်တာနက်ကို မြန်မြန်ဆန်ဆန် သုံးခွင့်ရကြသူတွေအနေနဲ့ သူရေးထားသမျှကို ပြန်မဖျက်ခင် screen shot ယူပြီး သိမ်းထားပေးကြပါလို့လည်း မေတ္တာရပ်ခံပါရစေ။ ဒီလူဟာ လူမျိုးရေးအဓိကရုဏ်းကို သွေးထိုးလှုံ့ဆော်မှုနဲ့ တရားစွဲဆို အပြစ်ပေးရမယ့်သူပါ။ အခုသေတဲ့ လူသတ်မှုတွေ၊ မီးရှို့မှုတွေနဲ့ ဖြစ်လတ္တံ့၊ လာလတ္တံ့သော အမှုတွေအတွက် သူ့မှာ အလွန်ကြီးကြီးမားမား တာဝန်ရှိပါတယ်။ သူ့ကို တရားစွဲနိုင်အောင်လည်း ဆက်ပြီး ကြိုးစားပါမယ်။ တခြားသူများကိုလည်း ကြိုးစားကြဖို့ တိုက်တွန်းချင်ပါတယ်။

“လူအများအပြားရဲ့အရေး လူအများအပြားရဲ့ ကံကြမ္မာကို ဆုံးဖြတ်မယ့်အရေးမှာ ကိုယ့်အထင်၊ ကိုယ့်အသိလောက်နဲ့ လွယ်လွယ် ပြောဖို့မသင့်ဘူး။ အရင်ကလည်း နိုင်ငံရေးသမား အဆက်ဆက်ဟာ ရိုဟင်ဂျာကို ကိုယ့်အကျိုးစီးပွားအတွက် ကိုယ့်သဘောနဲ့ကိုယ် လိုသလို အသုံးချခဲ့လို့ အခုလို အရှုပ်အထွေးတွေ ပေါ်လာခဲ့၊ ကျန်နေခဲ့တာကို သတိရသင့်တယ်။ အခု ရိုဟင်ဂျာတွေကို မုန်းလှချည်ရဲ့ဆိုတဲ့ စစ်ဗိုလ်စစ်သားတွေထဲက ရဲမှူးခင်ရီ (အခု လဝကဝန်ကြီး) က ရိုဟင်ဂျာတွေကို ဘာပေးပါမယ်၊ ညာပေးပါမယ် ဆိုပြီး ကတိတွေ ဗရပွ ပေးပြီး ၂၀၁၀ မှာ မဲဆွယ်မဲဝယ်သွားခဲ့တာကိုလည်း သတိရသင့်ကြပါတယ်။”

ဒီဇော်ဌေး ဆိုတဲ့သူက ရိုဟင်ဂျာသွေးစည်းညီညွတ်ရေးဆိုတဲ့ အကြမ်းဖက်သမားတွေဟာ လက်နက်တွေနဲ့ နယ်စပ်ကို ဖြတ်ကျော်ပြီး ပြည်ပကနေ ကျူးကျော်နေပြီဆိုပြီး မမှန်သတင်းကို တွင်တွင် ဝါဒဖြန့်ချိခဲ့ပါတယ်။ အခုကိစ္စဟာ ဘာသာရေးပြဿနာ မဟုတ်တော့ဘူး၊ ပြည်ပကျူးကျော်မှုဆိုပြီး ပြောတယ်။ ဘယ်နေရာမှာများ စစ်တပ်နဲ့ ရိုဟင်ဂျာသွေးစည်းညီညွတ်ရေးတပ်တွေ အပြန်အလှန် ပစ်ခတ်တိုက်ပွဲဖြစ်နေသလဲ။ ပြောစမ်းပါ။ ဒီလောက်ဓာတ်ပုံတွေ တင်နေတဲ့ အထဲမှာ တပုံတလေ တင်လိုက်စမ်းပါ။ အမှန်တကယ် ဘင်္ဂလားဒေ့ရ်ှက လူတွေ ကျူးကျော်ဝင်လာနေပြီဆိုရင် ဘာလို့ ဘင်္ဂလားဒေ့ရ်ှနိုင်ငံကို တရားဝင် မကန့်ကွက်သလဲ။ ဘင်္ဂလားဒေ့ရ်ှနိုင်ငံက ကျူးကျော်နေပြီဆိုရင် သမ္မတ သိအောင် အကြောင်းမကြားဘူးလား။ ဒီည သမ္မတ ပြောသွားတဲ့ မိန့်ခွန်းထဲမှ ဘာမှ မပါပါလား။

ဒီည ဇွန်လ ၁၀ ရက်ညမှာပဲ သမ္မတက မိန့်ခွန်းပြောသွားပါတယ်။ ထူးထူးခြားခြားဘာမှ မပါပါဘူး။ ဒါပေမယ့် လူမျိုးရေး မုန်းတီးသတ်ဖြတ်မှုတွေ ဆက်မပြန့်ပွားဖို့ ပြောသွားတာဖြစ်တဲ့အတွက် ကောင်းပါတယ်။ ဒါပေမယ့် တခြားတဘက်မှာ သူ့ရဲ့ သမ္မတရုံး ညွှန်ကြားရေးမှူးက လူမျိုးရေး အဓိကရုဏ်းကို ဝါဒဖြန့် လှုံ့ဆော်နေတဲ့အတွက်၊ ဆက်လက် လှုံ့ဆော်နေဆဲ ဖြစ်တဲ့အတွက် အယုံရခက်ပါတယ်။ ရှေ့မှာ အကောင်းတွေ ပြောပြီး နောက်ကွယ်က မဟုတ်တရုတ် လုပ်နေတဲ့ အချက်ဟာ ယုံကြည်ထိုက်စရာ မရှိပါဘူး။ စောစောက ပြောသလို နိုင်ငံတော်သတင်းစာထဲကနေ သွေးထိုးလှုံ့ဆော်ခဲ့တဲ့ အချက်ကိုလည်း ထည့်မတွက်လို့ မရပါဘူး။ ဒါ့အပြင် ဖဘမှာ ရိုဟင်ဂျာတွေကို သတ်ကြဖြတ်ကြလို့ ပြောနေကြတဲ့သူတွေထဲမှာ စစ်ဗိုလ်စစ်သားတွေ အများဆုံးပါနေတာကလည်း သံသယဝင်စရာ အချက်ဖြစ်ပါတယ်။ စစ်အာဏာရှင်တွေကို အမြဲထောက်ခံပြီး ဒေါ်အောင်ဆန်းစုကြည်ကို အမြဲ မမှန်သတင်းတွေနဲ့ သိက္ခာချ စော်ကားတတ်တဲ့ http://www.myanmarexpress.net/ ဟာလည်း အခု အရေးအခင်းမှာ အဓိက သွေးထိုးလှုံ့ဆော်သူထဲက တဖွဲ့ ဖြစ်ပါတယ်။ ဗမာစစ်အာဏာရှင်တွေကို ဖက်ဆစ်တွေလို့ ပြောတာဟာ မုန်းလို့ သိက္ခာချဖို့ ပြောနေတာမဟုတ်ပါဘူး။ သူတို့မှာ ဖက်ဆစ်အတွေးအခေါ်၊ ဖက်ဆစ်လုပ်ရပ်တွေရှိလို့ ပြောတာပါ။ ကိုယ့်လူမျိုးကလွဲပြီး တခြားလူမျိုးကို လူမထင်တာဟာ ဖက်ဆစ်စရိုက်ပါ။ စစ်အာဏာရှင်တွေဟာ စစ်ဗိုလ်စစ်သားတွေကို အဲဒီမျက်ကန်းမျိုးချစ် စိတ်ဓာတ်ရိုက်သွင်းပေးထားပါတယ်။ ဒါ့ကြောင့် ဖဘပေါ်က လူမျိုးရေးလှုံ့ဆော်သူတွေထဲမှာ သူတို့တွေ အများအပြား ပါဝင်နေတာဖြစ်ပါတယ်။ ရခိုင်ကို ထိလို့ မခံချင်စိတ်ဖြစ်ပြီး ရိုဟင်ဂျာတွေကို သတ်ချင်ဖြတ်ချင်တဲ့ ရခိုင်တွေ အများအပြားလည်း ပါဝင်ပါတယ်။ အဲသလို ရိုးရိုးသားသား ရခိုင်လူမျိုးတွေကို ပြောချင်တာကတော့ ဒီလိုပြဿနာမျိုးကို လက်စားချေတဲ့နည်းနဲ့ ဖြေရှင်းရင် မပြေလည်ရုံသာမက ပိုဆိုးလာရုံပဲ ရှိတတ်တယ်ဆိုတဲ့ အချက်ပါ။

အခု ရခိုင်ပြည်နယ်ကို အရေးပေါ်အခြေအနေ ကြေညာလိုက်ပါတယ်။ အခြေခံဥပဒေ ပုဒ်မ ၄၁၂၊ ၄၁၃ တို့အရ ကြေညာလိုက်တာလို့ ဆိုပါတယ်။ ကာဖျူးမိန့်နဲ့တင် မနိုင်တော့လို့ အရေးပေါ်အခြေအနေ ကြေညာလိုက်တာလို့ ဆိုပါတယ်။ ခုလို ဘရုတ်ဘရက် ကာလကြီးမှာ အရေးပေါ်အခြေအနေ ကြေညာတာကို သိပ်အပြစ်တင်စရာ မရှိပေမယ့် ကာဖျူးအမိန့်လောက်နဲ့ နိုင်အောင် မထိန်းနိုင်ဘူးဆိုတာ ရှက်စရာပါ။ ယုံစရာလည်း မရှိပါဘူး။ သူတို့ ဒီလိုလုပ်တာ ရည်ရွယ်ချက် ရှိပါတယ်။ အခြေခံဥပဒေ အခန်း ၁၁ ကို ထုတ်သုံးပြတာပါ။ အခြေခံဥပဒေ အခန်း ၁၁ ဟာ အာဏာသိမ်းခွင့် ပါတဲ့ အခန်းပါ။ စစ်အာဏာရှင်စနစ်ကို အပီပြင်ဆုံး ဖော်ပြထားတဲ့ အခန်းပါ။ တနည်းအားဖြင့် ဒီနေ့ ဗမာပြည်ဟာ စစ်အာဏာရှင်စနစ် တရားဝင် ထူထောင်ထားတဲ့ နိုင်ငံဖြစ်နေတာဟာ အဲဒီ အခန်း ၁၁ ကြောင့်လို့ ဆိုနိုင်ပါတယ်။ အခုပြောတဲ့ ပုဒ်မ ၄၁၂၊ ၄၁၃ တို့ဟာ သမ္မတ တယောက်တည်းသဘောနဲ့ ထုတ်ပြန်လို့ရတဲ့ အမိန့်တွေ မဟုတ်ပါဘူး။ ကာ-လုံအဖွဲ့ရဲ့ သဘောတူညီချက်နဲ့သာ ထုတ်လို့ရတဲ့အမိန့် ဖြစ်ပါတယ်။ ဒါ့ကြောင့် ဒီအမိန့်တွေဟာ ကာ-လုံအဖွဲ့ရဲ့ ဘီလူးစွယ်ကို ထုတ်ပြတဲ့ အမိန့်လို့ ပြောရင်လည်း မမှားပါဘူး။ တနည်းအားဖြင့် ပြောရရင် ခေတ်ပြောင်း အိပ်မက်မက်ပြီး စိတ်ကူးယဉ်နေကြသူတွေ အလန့်တကြား ဖြစ်သွားအောင် ဘီလူးက အစွယ်ပြ ခြိမ်းခြောက်လိုက်တာ ဖြစ်ပါတယ်။ စောင့်နားထောင်ပါ။ ကြားလာရပါလိမ့်မယ်။ သမ္မတကြီးရဲ့ ပြုပြင်ပြောင်းလဲရေးတွေ မထိခိုက်ရအောင် တောင်းပွဲ တိုက်ပွဲတွေ ရပ်ကြပါလို့ ပြောသူတွေ ထပ်ပေါ်လာပါလိမ့်ဦးမယ်။ အာဏာသိမ်းမှာ ကြောက်လွန်းလို့ အလုပ်သမားတွေ အငတ်ခံကြပါလို့ ပြောတဲ့သူတွေ ထပ်ပေါ်လာပါလိမ့်ဦးမယ်။ ဒါပေမယ့် အဲဒီစိတ်ကူးယဉ် အိပ်မက်သမားတွေ သိထားဖို့အချက်က အခု ပုဒ်မ ၄၁၂၊ ၄၁၃ ထုတ်ပြန်ချက်အရ၊ ကျနော်တို့ဟာ ၂၀၀၈ အခြေခံဥပဒေနဲ့အညီ စစ်တပ်က အာဏာသိမ်းထားတဲ့ အခြေအနေအောက်မှာ အခုလက်ရှိကိုပဲ ရောက်နေတယ်ဆိုတဲ့ အချက်ပါ။

အခု ရခိုင်အရေးမှာ ရခိုင်ဘက်ကရော၊ မွတ်ဆလင်ဘက်ကရော သတ်ဟယ် ဖြတ်ဟယ် ကြွေးကြော်နေကြသူတွေ လှုံ့ဆော်နေကြသူတွေကို သတိပေးပါရစေ။ သွေးကို သွေးနဲ့ ဆေးကြောလို့ မသန့်စင်နိုင်ပါဘူး။ လူတွေကို သတ်လို့ ဖြတ်လို့ ဘာမှ အကျိုးမရှိပါဘူး။ လူတွေ သေကြ ကြေကြလို့ ဘာမှ အကျိုးမရှိပါဘူး။ ဘာသဘောနဲ့ သတ်ခိုင်းဖြတ်ခိုင်းနေကြတာလဲ။ ရခိုင်တွေ သေလို့ ဘာအကျိုးရှိမလဲ။ မွတ်ဆလင်တွေ သေလို့ရော ဘာအကျိုးရှိမလဲ။ ရခိုင်တွေရော၊ မွတ်ဆလင်တွေရောဟာ ခင်ဗျားတို့ ကျနော်တို့လိုပဲ မိသားစုနဲ့ သံယောဇဉ်နဲ့ ခံစားတတ်၊ ဝမ်းနည်းတတ်၊ ချစ်တတ်၊ မုန်းတတ်တဲ့ လူတွေပဲဆိုတာ သတိရပါ။ လူသတ်ဝါဒကို စွန့်လွှတ်ကြပါ။ လူသတ်ဝါဒ ကြွေးကြော်သူ၊ လှုံ့ဆော်သူ မှန်သမျှကို ရှုတ်ချကြပါ။ ဒီနေရာမှာ နိုင်ငံခြားကနေ မြှောက်ပေးနေတဲ့သူတွေကို အထူးသတိပေးချင် အပြစ်တင်ချင်ပါတယ်။ နိုင်ငံခြားကနေ နိုင်ငံရေးစကား မပြောကြနဲ့ဆိုတဲ့ စကားမျိုးကို ကျနော် ဘယ်တုန်းကမှ မပြောခဲ့ဖူးပါဘူး။ နိုင်ငံခြားကလူတွေမှာလည်း ပြောဆိုခွင့် စည်းရုံးခွင့် ရှိတယ်လို့ ယုံကြည်တဲ့အတွက် မပြောတာပါ။ ဒါပေမယ့် အခုကိစ္စမှာတော့ ပြောပါရစေ။ ကိုယ်က လွတ်ရာကျွတ်ရာမှာ ရောက်နေပြီး ရခိုင်တွေ မွတ်ဆလင်တွေကို သတ်ကြဖြတ်ကြအောင် မြှောက်ပေးနေကြသူတွေကို ပြင်းပြင်းထန်ထန် ကန့်ကွက်ပါတယ်။ ခင်ဗျားတို့ရေးတဲ့ စာလုံးတလုံးကြောင့် လူတယောက် ပိုသေသွားနိုင်တယ်ဆိုတာ မမေ့ပါနဲ့။ ခင်ဗျားတို့ ရေးတဲ့ စာလုံးတလုံးဟာ သွေးစွန်းတဲ့ စာလုံးဖြစ်သွားနိုင်ပါတယ်။

မွတ်ဆလင်ဘာသာဝင်တွေအနေနဲ့လည်း လူစုလူရုံးနဲ့ တိုက်ခိုက် မီးရှို့သတ်ဖြတ်မှုတွေ ရပ်တန်းက ရပ်ကြပါ။ ဂလဲ့စားချေလို့ အကျိုးမရှိပါဘူး။ ခင်ဗျားတို့က လူနည်းစုပါ။ နာချင်းနာရင် ခင်ဗျားတို့ဘက်က ပိုနာပါလိမ့်မယ်။ မူဆလင်တွေက အင်အားပိုများတဲ့ နေရာတွေလည်း ရှိပါလိမ့်မယ်။ အင်အားပိုများလို့ အနိုင်ရလိုက်ရင်လည်း ဘာမှအကျိုးမရှိပါဘူး။ ရခိုင်တွေအနေနဲ့လည်း လက်စားချေ တုန့်ပြန်တဲ့ လုပ်ရပ်တွေဟာ အလားတူပဲ အကျိုးမရှိဘူး ဆိုတာကို နားလည်ကြပါ။ လူသတ်တဲ့လူဟာ လူသတ်သမားပါပဲ။ ဘာအကြောင်းကြောင့်မှ လူတယောက်ကို ဥပဒေမဲ့ သတ်ဖြတ်ခွင့်မရှိပါဘူး။ လူသတ်တဲ့ လုပ်ရပ်မှန်သမျှကို ဆန့်ကျင်ကြပါ။ မီးရှို့ဖျက်ဆီးတဲ့ လုပ်ရပ်မှန်သမျှကို ဆန့်ကျင်ကြပါ။

ရိုဟင်ဂျာအရေးကို ကျနော် တခါမှာ မရေးဖူး၊ မပြောဖူးပါဘူး။ ရိုဟင်ဂျာအရေးကို တခါမှ မထောက်ခံဖူးသလို တခါမှလည်း မဆန့်ကျင်ဖူးပါဘူး။ ဘာ့ကြောင့် မပြောသလဲဆိုတော့ ကျနော့်မှာ ပြောရေးဆိုခွင့် (authority) ရှိတယ်လို့ မထင်လို့ပါ။ အခုတော့ ရိုဟင်ဂျာအရေးဟာ မပြောမဖြစ်တဲ့ အခြေအနေကို ရောက်လာပြီမို့ ကိုယ်ပြောခွင့်ရှိတယ် ထင်သလောက် ပြောပါမယ်။

“တစုံတခုကို အများဆန္ဒနဲ့အညီ၊ လူ့သိက္ခာ လူ့ကျင့်ဝတ်နဲ့အညီ ပြတ်ပြတ်သားသား ဆုံးဖြတ်ချက် မချနိုင်သေးခင်မှာတော့ ကိုယ့်နိုင်ငံထဲမှာ ရှိနေရင် လူမှန်သမျှကို လူလို ဆက်ဆံဖို့ လိုတယ်။ စစ်အစိုးရခေါင်းဆောင်တွေ၊ ဗိုလ်မှူးဇော်ဌေးလို လူတွေအနေနဲ့လည်း လူလို သိတတ်ကြဖို့ လိုပါတယ်။”

ရိုဟင်ဂျာကို နိုင်ငံသား ပေးသင့် မပေးသင့် ဆိုတာကို ဘယ်သူတဦးတယောက်မှ၊ တဦးတယောက်သဘောနဲ့ ဆုံးဖြတ်ခွင့် မရှိပါဘူး။ ကိုယ့်အမြင်ကို ကိုယ်ပြောတယ် ဆိုရင်ဖြင့် ပြောချင်ပြောပါ။ တဦးတယောက်သဘောနဲ့တော့ ဆုံးဖြတ်လို့ မရပါဘူး။ ၈၈ မျိုးဆက်ကျောင်းသားခေါင်းဆောင် ကိုကိုကြီးက ရိုဟင်ဂျာဟာ တိုင်းရင်းသားမဟုတ်ဘူးလို့ မကြာခင်ရက်ပိုင်းက ပြောသွားတာ ကြားလိုက်ပါတယ်။ ဒီလို ပဋိပက္ခကာလမျိုးမှာ ဒီစကားထွက်ပြောတာဟာ အမြော်အမြင်နည်းတယ်လို့ပဲ ဆိုချင်ပါတယ်။ ၂၀၁၅ မှာ ရွေးကောက်ပွဲ ဝင်ချင်လို့များ ကြိုပြီး မဲဆွယ်နေသလားလို့တောင် အထင်သေးစရာ ဖြစ်နေပါတယ်။ ရိုဟင်ဂျာကို နိုင်ငံသားအဖြစ် လက်ခံသင့် မခံသင့်ဆိုတာ ကိုကိုကြီးတင်မကဘူး၊ ဦးသိန်းစိန်တောင်မှ တယောက်တည်းသဘောနဲ့ ထင်တိုင်းပြောလို့ မရဘူး။ (ကျနော်လည်း ထင်ရာမြင်ရာ မပြောပါဘူး။ ကန့်လည်း မကန့်ကွက်ပါဘူး။ ထောက်လည်း မထောက်ခံပါဘူး။) ဒါပေမယ့် ရိုဟင်ဂျာလည်း လူတွေပါ။ သိန်းနဲ့ချီတဲ့ လူတွေပါ။ ဒီလိုလူတွေရဲ့အရေးကို နိုင်ငံရေးခေါင်းဆောင်တယောက်အနေနဲ့ ပေါ့ပေါ့တန်တန်နဲ့ လက်လွတ်စပယ် မပြောကောင်းဘူး။ ရိုဟင်ဂျာအရေးအတွက် ဆုံးဖြတ်ချက်ချမယ်ဆိုရင် သမိုင်းပညာရှင်တွေ၊ စာပေပညာရှင်တွေ၊ နိုင်ငံရေးသမား ကြီးငယ်တွေ၊ ရခိုင်လူမျိုး အကြီးအကဲတွေ၊ ရိုဟင်ဂျာအကြီးအကဲတွေ တခြားသက်ဆိုင်သူတွေအားလုံး အညီအညွတ်ဆွေးနွေး တိုင်ပင်တဲ့ နိုင်ငံရေး ညီလာခံကြီး ကျင်းပဖို့ လိုပါတယ်။ ဒေသခံ သာမန်ပြည်သူတွေရဲ့ ဆန္ဒခံယူပွဲ လုပ်ဖို့လိုရင် လုပ်ရပါမယ်။ ဒီ့ထက် ပိုလိုအပ်ရင် တနိုင်ငံလုံးဆန္ဒခံယူပွဲ လုပ်သင့်ရင် လုပ်ရပါလိမ့်မယ်။ လူအများအပြားရဲ့အရေး လူအများအပြားရဲ့ ကံကြမ္မာကို ဆုံးဖြတ်မယ့်အရေးမှာ ကိုယ့်အထင်၊ ကိုယ့်အသိလောက်နဲ့ လွယ်လွယ် ပြောဖို့မသင့်ဘူး။ အရင်ကလည်း နိုင်ငံရေးသမား အဆက်ဆက်ဟာ ရိုဟင်ဂျာကို ကိုယ့်အကျိုးစီးပွားအတွက် ကိုယ့်သဘောနဲ့ကိုယ် လိုသလို အသုံးချခဲ့လို့ အခုလို အရှုပ်အထွေးတွေ ပေါ်လာခဲ့၊ ကျန်နေခဲ့တာကို သတိရသင့်တယ်။ အခု ရိုဟင်ဂျာတွေကို မုန်းလှချည်ရဲ့ဆိုတဲ့ စစ်ဗိုလ်စစ်သားတွေထဲက ရဲမှူးခင်ရီ (အခု လဝကဝန်ကြီး) က ရိုဟင်ဂျာတွေကို ဘာပေးပါမယ်၊ ညာပေးပါမယ် ဆိုပြီး ကတိတွေ ဗရပွ ပေးပြီး ၂၀၁၀ မှာ မဲဆွယ်မဲဝယ်သွားခဲ့တာကိုလည်း သတိရသင့်ကြပါတယ်။

လူတွေကို အမှိုက်ပုံထဲ စွန့်ပစ်လိုက်လို့ ရတာမဟုတ်ဘူး။ လူမပြောနဲ့။ ခွေးမွေးကင်းစကလေးတောင် အမှိုက်ပုံပေါ် သွားပစ်ရင် ယဉ်ကျေးတဲ့ လူအဖွဲ့အစည်းက ရှုတ်ချပြစ်တင်တတ်သေးတယ်။ ရိုဟင်ဂျာလည်း လူပဲ။ နိုင်ငံသားဖြစ်ခွင့်ရှိမရှိဆိုတာ စောစောက ပြောသလို အများသဘောနဲ့ ဆုံးဖြတ်ဖို့သာဖြစ်တယ်။ ဒါပေမယ့် လူမှန်ရင် နိုင်ငံသားပဲဖြစ်ဖြစ် နိုင်ငံခြားသားပဲဖြစ်ဖြစ် လူ့အခွင့်အရေးတော့ ရှိရမယ်။ အသားမဲမဲ၊ ဖြူဖြူ၊ မြန်မာစကား တတ်တတ် မတတ်တတ် လူမှန်ရင် လက်ထပ်ခွင့် ရှိရမယ်။ ခရီးသွားခွင့် ရှိရမယ်။ ပညာသင်ခွင့် ရှိရမယ်။ ဒီအခွင့်အရေးတွေကို စစ်အာဏာရှင်တွေက ချုပ်ချယ်တာဟာ လူ့အခွင့်အရေး ချိုးဖောက်တာပဲ။ တစုံတခုကို အများဆန္ဒနဲ့အညီ၊ လူ့သိက္ခာ လူ့ကျင့်ဝတ်နဲ့အညီ ပြတ်ပြတ်သားသား ဆုံးဖြတ်ချက် မချနိုင်သေးခင်မှာတော့ ကိုယ့်နိုင်ငံထဲမှာ ရှိနေရင် လူမှန်သမျှကို လူလို ဆက်ဆံဖို့ လိုတယ်။ စစ်အစိုးရခေါင်းဆောင်တွေ၊ ဗိုလ်မှူးဇော်ဌေးလို လူတွေအနေနဲ့လည်း လူလို သိတတ်ကြဖို့ လိုပါတယ်။

အခုချိန်မှာ ရခိုင်ဘက်ကနေ မွတ်ဆလင်ကို သတ်ဖို့ မြှောက်ပေးနေသူတွေရော၊ မွတ်ဆလင်ဘက်ကနေ ရခိုင်တွေကို သတ်ဖို့ မြှောက်ပေးနေသူတွေရော အဲဒီနှစ်မျိုးစလုံးဟာ လူသတ်ဝါဒဖြန့်ချိသူတွေ ဖြစ်ပါတယ်။ လူတွေ သေအောင် လုပ်နေသူတွေပါ။ ရခိုင်ဘက်ကနေ မွတ်ဆလင်တွေကို သတ်ကွာ၊ ချကွာလို့ အဝေးကနေ ပြောနေသူတွေ၊ အင်တာနက်ကနေ ပြောနေသူတွေကို ရခိုင်ဘက်သားလို့ မထင်ပါနဲ့။ သေစရာရှိရင် သူတို့ လာသေမှာ မဟုတ်ပါဘူး။ သာမန်အပြစ်မဲ့လူတွေပဲ သေကြမှာပါ။ မွတ်ဆလင်ဘက်ကနေ မြှောက်ပေးနေသူတွေဟာလည်း အလားတူပါပဲ။ သူတို့ကိုလည်း မွတ်ဆလင် အကျိုးကို အမှန်လိုလားသူလို့ သတ်မှတ်လို့မရပါဘူး။

ဒီအချိန်မှာ လုပ်သင့်တာက ကိုယ့်လူမျိုးကိုယ် ထိန်းသိမ်းစောင့်ရှောက်ကြဖို့ ကာကွယ်ကြဖို့ပါ။ အင်္ဂလိပ်ခေတ်က ကုလား-ဗမာအဓိကရုဏ်းမှာ အစပိုင်းမှာ ကျောင်းသားတွေ မျက်ကန်းမျိုးချစ်စိတ်နဲ့ ကုလားတွေကို လိုက်ရိုက်ခဲ့ကြပါတယ်။ နောက်ပိုင်း အမြင်မှန်ရသွားတဲ့ အချိန်မှာ လုပ်သင့်လုပ်ထိုက်တဲ့ ကောင်းရာမွန်ရာ အလုပ်တွေ လုပ်ပြခဲ့ဖူးတဲ့ သာဓကတွေ ရှိပါတယ်။ အဲဒီသာဓကတွေကို ကျနော်တို့ အတုယူကြရမှာပါ။ မြန်မာ၊ ရခိုင်နဲ့ တိုင်းရင်းသားလူမျိုးတွေအနေနဲ့ ရခိုင်လူမျိုးတွေထဲက ဒုက္ခရောက်သူတွေကို အစားအသောက်အဝတ်အစားနဲ့ လိုအပ်တဲ့ပစ္စည်းတွေ အကူအညီပေးဖို့ လိုပါတယ်။ ပြည်ပနေ တိုင်းရင်းသားတွေအနေနဲ့လည်း ရန်ပုံငွေတွေ ပေးပို့လှူဒါန်းပြီး ရခိုင်လူမျိုး ဒုက္ခရောက်သူတွေကို ကူညီသင့်ပါတယ်။ မွတ်ဆလင်ဘာသာရေး အဖွဲ့အစည်းနဲ့ မွတ်ဆလင် အသိုင်းအဝိုင်းတွေအနေနဲ့လည်း ကိုယ့်လူမျိုးဒုက္ခရောက်သူတွေကို ကိုယ့်ဘာသာ ကူညီစောင့်ရှောက်သင့်ပါတယ်။

ရဲနဲ့ စစ်တပ် လုံခြုံရေးအဖွဲ့အစည်းတွေအနေနဲ့လည်း အကာအကွယ် လိုအပ်တဲ့ ကျေးရွာနဲ့ ပြည်သူတွေရှိရာ နေရာတွေမှာ သွားရောက် စောင့်ရှောက်ပေးဖို့ လိုပါတယ်။ ရခိုင်ပြည်နယ်မှာ လက်ရှိ ရှိနေတဲ့ လုံခြုံရေးနဲ့ မလုံလောက်ရင် တနိုင်ငံလုံးမှာရှိတဲ့ ရဲတွေ စစ်သားတွေနဲ့ အင်အားဖြည့်ဖို့ လိုပါတယ်။ အစိုးရမှာရှိတဲ့ ရဲနဲ့ စစ်သား အသက်ပြည့်သူ အသက်မပြည့်သူတွေ အားလုံးပေါင်းလိုက်ရင် ရိုဟင်ဂျာတယောက် လုံခြုံရေးတယောက်တောင် ချဖို့လောက်ပါလိမ့်မယ်။

အခုတော့ အစိုးရလုပ်ရပ်က လူရှေ့ထွက် စကားကောင်းပြော၊ နောက်ကွယ်က မြှောက်ပေး၊ ဒလျှိုဒလန်ထည့် သွေးထိုး၊ မဖြစ်ရင် ဖြစ်အောင် ဖွပေး၊ ဖွပေးလို့ ဖြစ်လာရင် မကြီးသင့်တာကို ကြီးလာအောင် ဟပေး၊ အချိန်လွန်တော့မှ နာမည်ကောင်းဝင်ယူ ဆိုတာမျိုး ဖြစ်နေပါတယ်။

တနိုင်ငံလုံးမှာရှိတဲ့ ပြည်သူတွေရဲ့ လျှပ်စစ်မီးရရှိရေးလှုပ်ရှားမှု၊ အလုပ်သမားအခွင့်အရေး၊ လယ်သမားအခွင့်အရေး လှုပ်ရှားမှုတွေကို အာရုံလွှဲဖို့အတွက် အစိုးရကိုယ်တိုင် မြှောက်ပင့်ပေးနေတဲ့ လူမျိုးရေးအဓိကရုဏ်းတွေကို ရပ်တန့်နိုင်အောင် နိုင်ငံသားတိုင်း ဝင်ရောက်ကူညီကြပါ။ ဒုက္ခရောက်သူတွေကို ကူညီစောင့်ရှောက်ကြပါ။ မငြိမ်သက်တဲ့ ဒေသက ပြည်သူတွေရဲ့ အသက်အန္တရာယ် လုံခြုံရေးကို တတ်နိုင်သမျှ အကာအကွယ်ပေးကြပါ။ သွေးကို သွေးနဲ့ ဆေးလို့မရပါ။ ဂလဲ့စားချေတဲ့ နည်းဟာ မီးကို ရေနဲ့ ငြှိမ်းတာ မဟုတ်ဘဲ မီးလောင်ရာ လေပင့်တဲ့ နည်းသာဖြစ်ပါတယ်။ လူသတ်တာကို ဆန့်ကျင်ကြပါ။ ဖက်ဆစ်အာဏာရှင်စနစ်နဲ့ လူသတ်ဝါဒကို ဆန့်ကျင်ကြပါ။

ဇော်ဝင်း (၈၈ ကျောင်းသားဟောင်း)

ဇွန်လ ၁၀ ရက် - ၂၀၁၂

ရွှေသမင် ဘယ်က ထွက် ... သိန်းစိန်တာက ထွက်

ရွှေသမင် ဘယ်က ထွက် ... သိန်းစိန်တာက ထွက်

ဇော်ဝင်း (၈၈ ကျောင်းသားဟောင်း)

ကျနော်တို့နိုင်ငံမှာ အင်မတန်ဆိုးဝါးတဲ့ လူမျိုးရေးပဋိပက္ခတွေ အစပျိုးခဲ့ပြီ။ သွေးမြေခခဲ့ပြီ။ ဆိုးဆိုးဝါးဝါး သွေးမြေခခဲ့ပြီ။ ဒီ့ထက်ပိုဆိုးဦးမလား သွေးချောင်းစီးတော့မလားဆိုပြီး ရင်တမမဖြစ်နေရတယ်။

ဒီကိစ္စတွေ ဘာကြောင့်ဖြစ်သလဲ။ ဘယ်သူတွေက သွေးထိုးလှုံ့ဆော်နေကြသလဲ။ ဘာ့ကြောင့် သွေးထိုးလှုံ့ဆ်ာနေသလဲ။ ဘာအကြံအစည်ရှိသလဲ။ ဘယ်လိုရည်ရွယ်ချက်ရှိသလဲ။

ရွှေသမင် ဘယ်က ထွက်သလဲ။ သေသေချာချာ စစ်ကြည့်တော့ … မင်းကြီးတာက ထွက်နေပါသကော။

ဒီကိစ္စတွေကို လက်ရှိအုပ်ချုပ်နေတဲ့ ဦးသိန်းစိန်ရဲ့ ကြံ့ခိုင်ရေးအစိုးရ (သို့မဟုတ်) ဦးသန်းရွှေ ကြိုးကိုင်တဲ့ စစ်အာဏာရှင်တွေက ကြိုးကိုင်နေတယ်။ မဆိုးဆိုးအောင် သွေးထိုးလှုံ့ဆော်ပေးနေတယ်လို့ ကျနော် ဆိုချင်တယ်။

ဘာ့ကြောင့် ဒီလိုဆိုသလဲ။ ဘာအထောက်အထားရှိသလဲလို့ မေးကြလိမ့်မယ်။

“အခုချိန်မှာ ကြံ့ဖွတ်အစိုးရဟာ ကြောင်သူတော် လုပ်နေရတဲ့ အချိန်ပါ။ မခုတ်တတ်တဲ့ ကြောင်ကြီး၊ သူတော်ကောင်း ကြောင်ကြီး အယောင်ဆောင်ရမယ့် အချိန်ပါ။ နိုင်ငံခြားက ရင်းနှီးမြုပ်နှံမှုတွေက အခုထိ မလာသေးဘူးလေ။ နိုင်ငံခြားက အကူအညီတွေကလည်း ခုထိ မရသေးဘူးလေ။ ဒါတွေ အိတ်ထဲမထည့်ရသေးခင်၊ သပိတ်ဝင် အိတ်ဝင် မဖြစ်သေးခင်မှာ ဘီလူးစွယ် ထုတ်ပြဖို့ မလွယ်ဘူးမဟုတ်လား။”

အထောက်အထားနဲ့ ကွင်းဆက်များ

သမ္မတရုံး ညွန်မှူး

သမ္မတရုံးရဲ့ ညွှန်ကြားရေးမှူး ဗိုလ်မှူးဇော်ဌေး ဆိုတာကို တော်တော်များများ သိကြမယ်ထင်ပါရဲ့။ ရေဒီယိုသတင်းဌာနတွေမှာ သမ္မတရုံးရဲ့ ပြောရေးဆိုခွင့်ရပုဂ္ဂိုလ်အနေနဲ့ အင်တာဗျူးတွေ ပေးနေပါတယ်။ မကြာသေးခင်ကပဲ ဝိကလီးအလဲဗင်းမှာတောင် မှူးဇော်ဆိုတဲ့ ကလောင်နာမည်နဲ့ နေပြည်တော် အနာဂတ်သဘောတူညီချက် ဆိုတဲ့ ဆောင်းပါးတပုဒ် ရေးလိုက်ပါသေးရော့လား။ အဲဒီ ဗိုလ်မှူးဇော်ဌေးဆိုတဲ့ DSA ဆင်း ပုဂ္ဂိုလ်ဟာ ဖေ့စ်ဘုတ် (ဖဘ) မှာ မှူးဇော်ဆိုတဲ့ နာမည်နဲ့ စာမျက်နှာဖွင့်ထားပါတယ်။ သူ့ရဲ့ လိပ်စာက ဟောဒီမှာပါ…

https://www.facebook.com/hmuu.zaw

သူ့ဖဘမှာ သမ္မတရုံးဝက်ဘ်ဆိုက်ပုံကို ကူးယူထားတဲ့ ဓာတ်ပုံနဲ့ သမ္မတရဲ့ပုံတွေ တင်ထားတာကိုလည်း တွေ့ကြပါလိမ့်မယ်။ အဲဒီ မှူးဇော်ဆိုတဲ့ သမ္မတရုံး ညွှန်ကြားရေးမှူးဟာ လူမျိုးရေးမုန်းတီးမှုကို သွေးထိုးလှုံ့ဆော်ပြီး အဓိကရုဏ်းတွေ ကြီးကျယ်အောင် လုပ်နေပါတယ်။ မဟုတ်မမှန် ကောလဟလတွေကိုလည်း ရဲရဲတင်းတင်း၊ ပြောင်ပြောင်တင်းတင်း ထုတ်လွှင့်နေပါလေရဲ့။ ဥပမာတခု ကူးယူပြပါမယ်။ ဒီမှာကြည့်ပါ။

(ပုဂ္ဂလိကအမြင် တင်ပြခြင်းသာဖြစ်ပါသည်)

ရိုဟင်ဂျာသွေးစည်းညီညွတ်ရေးအဖွဲ့ဝင်များအမည်ခံ ရိုဟင်ဂျာအကြမ်းဖက်သမားများ လက်နက်များဖြင့် နယ်စပ်ကို ဖြတ်ကျော်လာကြောင်း သိရှိရပါသည်။
ပြည်ပမှ ရိုဟင်ဂျာများ ၀င်လာခြင်းဖြစ်ပါသည်။ မိမိတပ်များမှ ကြိုတင် သတင်းရရှိထားပြီးဖြစ်သောကြောင့် အပြီးတိုင် ချေမှုန်းသွားမည်ဖြစ်ပါသည်။ ချေမှုန်းနေပြီဟု ယူဆပါသည်။

ဤအတွက်တော့ လူသားချင်းစာနာထောက်ထားမှုတွေ၊ လူ့အခွင့်အရေးတွေ လာမပြောစေလိုပါ။ ရွှေပြည်အေးတရားတွေ၊ မေတ္တာရှင်ကြီးလိုလို လာပြီး ဆရာကြီး မလုပ်ကြစေလိုပါ။ အသံကောင်း မဟစ်ကြစေလိုပါ။

(ရခိုင်ပြည်နယ်က ဘူးသီးတောင်၊ မောင်တောဒေသများကို သွားကြည့်ပါ။ ကျွန်တော်တို့ တိုင်းရင်းသားတွေ ကျီးလန့်စာစားနေရတဲ့အပြင် ကိုယ့်မြေကိုယ့်ရေမှာ လုံခြုံမှု မရှိတော့တဲ့ ဘ၀ရောက်နေကြရပြီ။ ဒီအတွက် ကျွန်တော် ရင်နာမိတယ်။ ဒါ ကျွန်တော်တို့ တိုင်းပြည်ကြီးလေ - ဒါ ကျွန်တော်တို့ မြေလေ။)

(အားလုံးကို ဆိုလိုပါသည်။) နိုင်ငံရေးပါတီများ၊ လွှတ်တော်အမတ်များ၊ Civil Society များ၊ အမြဲတမ်း အတိုက်အခံလုပ်နေရမှ ကျေနပ်နိုင်သော၊ သမ္မတကြီးနှင့် အစိုးရအပေါ် မကောင်းပြောရမှ စာရင်းအိပ်ပျော်ကြသူများ အားလုံးကို တိုက်ရိုက်ရည်ညွှန်း ပြောကြားခြင်းဖြစ်ပါသည်၊

လူလည်ကြီးသားများ ထုံးစံအတိုင်း သူမဟုတ်တရုတ် သွေးထိုးလှုံ့ဆော်တာကို ပုဂ္ဂလိကအမြင်လို့တော့ ကွင်းခတ်ထားလိုက်သေးသဗျ။ တော်တော် ကလိမ်ကကျစ်နိုင်မယ့် လူပါပဲ။ သမ္မတရုံးရဲ့ ညွှန်ကြားရေးမှူးက သမ္မတပုံကို ဖဘစာမျက်နှာမှာ တင်ပြီး ဒီလို မဟုတ်မမှန်သတင်းတွေကို ဝါဒဖြန့်ချိလုပ်ကြံနေတာဟာ ဘာသဘောပါလဲ။ ရှင်းရှင်းလေးပါ။ အပြစ်မဲ့ သာမန်ပြည်သူတွေကြားမှာ အင်မတန်ဆိုးဝါး ရက်စက်တဲ့ သွေးချောင်းစီးမှုကြီးဖြစ်လာအောင် အစီအစဉ်တကျ အကွက်ချ ဖန်တီးနေတာပါပဲ။ မှူးဇော်ရဲ့ အဲဒီပို့စ်ကို ဇွန်လ ၈ ရက် ညပိုင်းအထိ အချိန်အတွင်းမှာ လူပေါင်း ၃၅၁ ယောက်က ကူးယူဖြန့်ချိထားပြီး အဲဒီ ၃၅၁ ယောက်မှာ မပါသေးတဲ့ နောက်ထပ်လူပေါင်း ၆၁၀ က ဒီသတင်းကို ကြိုက်နှစ်သက်ပါကြောင်း like လုပ်ထားပါတယ်။ မှတ်ချက်ပေးတဲ့သူက ၁၆၄ ယောက် ရှိပါတယ်။ ဆိုတော့ လူပေါင်း ၁,၀၀၀ လောက်ဟာ ဒီသတင်းကို ဖတ်ရှုကြပြီး ထပ်ဖြန့်တဲ့သူကလည်း ဖြန့်ပြီးနေပါပြီ။ သမ္မတရုံးရဲ့ ညွှန်ကြားရေးမှူးကိုယ်တိုင်က ရေးထားတာဆိုတော့ သူတို့လည်း ယုံမိကြမှာပါ။

မှူးဇော်ရဲ့ သဘောထားလေးတွေ သိရအောင် နောက်ထပ်နည်းနည်း ထပ်မျှဝေလိုက်ပါရစေဦး။ ကြည့်ပါ။

မိတ်ဆွေများခင်ဗျား ...
ခင်ဗျားတို့တော့ မသိဘူး။
ဒီမိုကရေစီဘက်တော်သားတွေ ဘယ်လိုသဘောရှိသလဲ နိုင်ငံရေးပါတီတွေ ဘယ်လိုခံယူမလဲ ဒါတွေ ကျွန်တော်မသိဘူး။
အခုလို ပြောလာတာတွေကိုတော့ လုံးဝ လက်မခံဘူး။
အဲဒီ အပြင်က ရိုဟင်ဂျာတွေကို လုံးဝ လက်မခံနိုင်ဘူး။ လူသားချင်း မစာနာဘူး ဘာဘူး ပြောပါစေ လက်မခံဘူး။ လက်ခံနိုင်တယ်၊ သနားတယ် ပြောတဲ့သူတွေ ဒီမြေပေါ်မှာ မနေကြပါနဲ့။

အမေရိကားနဲ့ ဘန်ကီမွန်းတို့ တိုင်းပြည်တွေကို ပို့ပေးမယ်။ သူတို့ လက်ခံမလား။

သနားတယ်ပြောတဲ့ သူတွေ ဒီမြေပေါ်မှာ မနေကြပါနဲ့ ... တဲ့။ မှူးဇော် ပြောပေါက်က ဖနောင့်နဲ့ ထပေါက်ချင်စရာ။ ဒီမြေကို သူပိုင်တဲ့မြေလို့ ထင်နေပုံပဲ။ သမ္မတရုံး ညွှန်ကြားရေးမှူးကြီးဆိုတော့ ဒါ ဒို့ပြေ၊ ဒါ ဒို့မြေ ဆိုတဲ့ သီချင်းကို ဆိုရင်း ဒို့ဆိုတာ ဒို့စစ်အာဏာရှင်တွေကို ပြောတာပဲလို့များ ယူဆလေသလား မဆိုတတ်ဘူး။ ကျနော်တောင် ဒီစာတွေ ဖတ်ရှုစုဆောင်းရင်းနဲ့တောင် နောက်ကျောမလုံလို့ လှည့်လှည့်ကြည့်ရတာ အမောပါပဲ။ အော် … သူတို့ပိုင်တဲ့ မြေဆိုသကိုး။ စစ်တပ်ကြီးတွေနဲ့ နောက်ကနေ ရောက်မလာဘူးလို့ ဘယ်သူပြောနိုင်မလဲ။

ကဲ ... နောက်ထပ်တခုလောက် ထပ်ကြည့်ပါ။

အရင်က ဘယ်လိုပဲ သဘောထားရှိခဲ့ရှိခဲ့ အခုအချိန်မှာ အားလုံးစည်းလုံးကြဖို့ လိုနေပါပြီ။ အခုကြုံတွေ့နေရတဲ့ ပြဿနာဟာ လူမျိုးရေး၊ ဘာသာရေး ပြဿနာမဟုတ်တော့ဘဲ တိုင်းတပါးကျူးကျော်မှု ပုံစံသက်ဝင်လာနေပါပြီ။ ပုဒ်မ (၁၄၄) ထုတ်ပြန်ပြီး ပစ်မိန့်ပေးခဲ့တာဟာ အခုဖြစ်နေတဲ့ အခြေအနေရ ရခိုင်လူထုရဲ့အသက်ကို ကာကွယ်ပေးနိုင်ဖို့ အကောင်းဆုံးကို ထိန်းထိန်းသိမ်းသိမ်း အစိုးရဘက်က လုပ်ခဲ့တာဖြစ်ပါတယ်။ ဒီလိုအခြေအနေမှာ အကိုင်အတွယ်မတတ်ရင် မြန်မာအစိုးရဟာ လူမျိုးရေးသတ်ဖြတ်မှုတွေ လုပ်နေသယောင်ယောင် အပုတ်ချခံရမှာ ဖြစ်ပါတယ်။ (အခုအချိန်မှ သတိထားကြည့်မယ်ဆိုရင် နိုင်ငံတကာမီဒီယာက လုံးဝ အသံတိတ်နေတာကို တွေ့ရပါလိမ့်မယ်၊ ရှားရှားပါပါး တက်လာတဲ့ CNA သတင်းတပုဒ်မှာလည်း လုံခြုံရေးအဖွဲ့တွေက ပစ်တာကိုပဲ ဇောင်းပေးရေးထားပြီး ဖြစ်ပေါ်လာရတဲ့ နောက်ခံအခြေနေကို ခပ်ဖော့ဖော့လေးပဲ ရေးတာကို တွေ့ရပါလိမ့်မယ်။ နိုင်ငံတကာမှာ ချိတ်ဆက်ပြီး လုပ်ကြံမှုကြီး လုပ်နေကြသလားလို့တောင် ထင်မိပါတယ်။)

သဘောထားကွဲပြားမှုတွေ ခဏဘေးချိတ်ပြီး ဒီအချိန်မှာ မိတ်ဆွေများအားလုံး အတူအတကွ နိုင်ငံတော်အစိုးရနဲ့အတူ ရပ်ကြဖို့ တိုက်တွန်းလိုပါတယ်။ လူ့အခွင့်အရေး အကြောင်းပြချက်တွေ၊ ဘာသာရေး လူမျိုးရေး အကြောင်းပြချက်တွေနဲ့ တိုက်ခိုက်လာဖို့ ရှိပါလိမ့်မယ်။ နိုင်ငံတကာကို မြန်မာနိုင်ငံဟာ အခု CNA သတင်းထဲမှာ ပုံဖော်နေသလို ဘာသာရေး၊ လူမျိုးရေး အရှုပ်အထွေး ဖန်တီးနေတာမဟုတ်ဘဲ နိုင်ငံခြားကျူးကျော်မှုကို တွန်းလှန်နေရတာပါဆိုတာ သိအောင် အတူပြကြဖို့ လိုနေပါပြီ။

ဒီရေးသားချက်တွေကို ကြည့်ရင် ဗိုလ်မှူးဇော်ဌေးကို နာဇီဇော်ဌေးလို့ ခေါ်ရုံမှတပါး တခြားသင့်တော်တဲ့ နာမည် မရှိတော့ပါဘူး။ သူ့ရဲ့ ဖဘစာမျက်နှာမှာ လူမျိုးရေးမုန်းတီးမှုကို လှုံ့ဆော်သွေးထိုးတဲ့ စာတွေအပြင် ရခိုင်ပြည်နယ်မှာ တိုက်ခိုက်ကြ၊ သတ်ဖြတ်ကြတဲ့ သတင်းတွေရော စုစုပေါင်း ရခိုင်ပြဿနာနဲ့ ပတ်သက်တဲ့ ပို့စ်အစိတ်ကျော်ကျော် တင်ထားပါတယ်။ တချို့ပို့စ်တွေက သမ္မတရုံးဝက်ဘ်ဆိုက်ကိုလည်း ညွှန်းထား (လင့်ပေးထား) ပါတယ်။ သမ္မတရုံးဝက်ဘ်ဆိုက်မှာလည်း သတ်ကြဖြတ်ကြတဲ့သတင်း၊ သေဆုံးတဲ့သူတွေရဲ့ နာမည်ကို အသေးစိတ် ရေးပြီး တင်ထားပါတယ်။

ဒီလို လူမျိုးရေးသွေးထိုးလှုံ့ဆော်မှုမျိုးကို တသွေးတသံတမိန့် ကျင့်သုံးတဲ့ စစ်တပ်က လာသူ ဗိုလ်မှူးဇော်ဌေးဟာ သမ္မတကြီး မသိဘဲ သို့မဟုတ် သမ္မတထက်ကြီးသူတယောက်ယောက် မသိဘဲ ကိုယ့်သဘောနဲ့ ကိုယ်ထင်တိုင်းကြဲရဲပါ့မလား။ စဉ်းစားစရာဖြစ်ပါတယ်။

အစိုးရ သတင်းဌာနများ

နောက်တခါ မြန်မာ့ရုပ်မြင်သံကြားကနေ လူသတ်မှု သတင်းကြေညာပုံကလေးကို ပြန်ပြောချင်ပါသေးတယ်။

ထက်ထက် ခေါ် ယော်ရှီး အဘ ဦးကျော်သောင်း ဘင်္ဂါလီ အစ္စလာမ်၊ ရော်ဖီ အဘ ဆွေယွတ်တမောက် ဘင်္ဂါလီ အစ္စလာမ်၊ ဟိုကြည် အဘ အပ်ကွက်ကြေ ဘင်္ဂါလီ အစ္စလာမ် တို့ကနေ မသီတာထွေးကို တောစပ်ထဲသို့ ပွေ့ဖက် ခေါ်ဆောင်ကာ တယောက်တကြိမ် သားမယား ပြုကျင့်ကာ လည်ပင်းအား ဓားနဲ့ လှီးဖြတ်ခဲ့ကြောင်းလို့ ကြေညာသွားပါတယ်။ နားထောင်ရတဲ့ပုံစံက အခင်းဖြစ်ပွားချိန်မှာ သတင်းကြေညာတဲ့သူကိုယ်တိုင် ဘေးကထိုင်ကြည့်နေသလား မှတ်ရတယ်။ မြန်မာ့ရုပ်မြင်သံကြားကနေ လူသတ်မှုသတင်း ကြေညာတဲ့အခါ ယော်ရှီး ဘင်္ဂါလီ အစ္စလာမ်လို့ ထည့်သွင်းကြေညာဖို့ လိုအပ်ပါသလား။ ဘာ့ကြောင့် ဘာသာကို ဇောင်းပေးကြေညာတာလဲ။ ဒါဟာ ဘာသဘောလဲ။ နောက်တချက်က တရားရုံးကနေ စီရင်ချက်မချခင်မှာ ဒီလူတွေက မသီတာထွေးကို လည်ပင်းကို ဓားနဲ့ လှီးဖြတ်ခဲ့ပါတယ်လို့ ကြေညာတာဟာ စာနယ်ဇင်းကျင့်ဝတ်နဲ့ ဆီလျော်ပါရဲ့လား။ အသရေဖျက်ရာ မရောက်ပေဘူးလား။ တရားရုံးအပေါ် မတော်သြဇာလွှမ်းမိုးရာ မရောက်ပေဘူးလား။ နိုင်ငံတော် သတင်းဌာနကြီးတခုက ဘယ်သူ့ခွင့်ပြုချက်နဲ့ ဒီလောက် ပေါက်လွှတ်ပဲစား လုပ်ရဲတာပါလိမ့်။ နောက်တခါ တောထဲကို သတင်းကြေညာသူကိုယ်တိုင် ကွက်ကွက်ကွင်းကွင်း ခေါ်သွားပြပုံတွေဟာ လူမျိုးရေး သွေးထိုးလှုံ့ဆော်ပေးရာ မရောက်ပေဘူးလား။ တကယ်လို့ တရားခံတွေက ဝန်ခံတယ်ဆိုရင်လည်း အနည်းဆုံး တရားခံများက ဝန်ခံထွက်ဆိုထားတယ်လို့ ထည့်ပြောရပါမယ်။ ဒါတောင်မှ ပုလိပ်ရှေ့က ထွက်ဆိုချက်ဟာ တရားရုံးမှာ တရားဝင်မဝင် ဆိုတာ ပြောစရာရှိပါသေးတယ်။ သူကိုယ်တိုင် မြင်သယောင်ယောင် အပိုင်ပြောဆိုပုံမျိုးကတော့ စာနယ်ဇင်းကျင့်ဝတ်နဲ့ ဘယ်လိုမှ မသင့်တော်ရုံသာမက သူတို့အခေါ် မအပ်မရာ ကျင့်မိစ္ဆာဆိုတာမျိုးပါ။ စာနယ်ဇင်းကျင့်ဝတ်ကို ဒီလောက်ကလေးမှ နားမလည်လောက်အောင် သူတို့သတင်းစာဆရာတွေလည်း တကယ်တော့ မတုံးမအပါဘူး။ အထက်ကလာတဲ့ စာမို့သာ သူတို့ မပြင်ရဲကြတာပါ။

နောက်တခါ ရုပ်မြင်သံကြားကလည်း ကြေညာခဲ့သလို သတင်းစာထဲမှာလည်း ထည့်သွင်းခဲ့တဲ့ သတင်းတပုဒ်ကို ဆက်ပြောပါရစေ။ ဒီသတင်းကြောင့် အစ္စလာမ်ဘာသာဝင်တွေ ဆူးလေနားမှာ ဆန္ဒပြပွဲဖြစ်ခဲ့သေးတာကို မှတ်မိကြမှာပါ။ အဲဒီသတင်းမှာ ရေးသား ကြေညာပုံက ဒီလိုပါ။

မသီတာထွေးအား “ရက်စက်စွာ” “စော်ကားခံရ” သော ဖြစ်စဉ်နှင့်ပတ်သက်၍ သေဆုံးသူ၏ ဓာတ်ပုံနှင့် မွတ်ဆလင်ကုလားများ၏ ရခိုင်အမျိုးသမီးအား “ရည်ရွယ်ချက်ရှိရှိဖြင့်” “ရက်စက်ယုတ်မာမှုများကို” တောင်ကုတ်မြို့ပေါ်နေ ပြည်သူများသိစေရန် အသိပေးနှိုးဆော်ခြင်း ခေါင်းစဉ်ဖြင့် ဝံသာနုရက္ခိတအဖွဲ့ တောင်ကုတ်မြို့ အမည်ဖြင့် စာများ ဖြန့်ဝေခဲ့ကြောင်း သိရှိရသည်။

အဲဒီနောက်မှာ ရိုးမသစ္စာကားပေါ်က လူဆယ်ဦးကို သတ်ဖြတ်တဲ့အကြောင်း ဆက်ရေးပါတယ်။ အထက်က သတင်းထဲမှာ မျက်တောင် အဖွင့်အပိတ်တွေကို ကျနော် ထည့်ထားတာ ဖြစ်ပါတယ်။ အဲဒီ မျက်တောင် အဖွင့်အပိတ်တွေထဲက စာသားတွေကို ကြည့်ပါ။ နိုင်ငံတော် သတင်းစာကြီးတွေ၊ နိုင်ငံတော် ရုပ်မြင်သံကြားဌာနကြီးတွေအနေနဲ့ ဘယ်လောက် ကျင့်ဝတ်သိက္ခာကင်းမဲ့စွာနဲ့ ရေးသားဖတ်ကြားသွားတယ် ဆိုတာ ထင်းထင်းကြီး မြင်နိုင်ပါတယ်။ ‘ရက်စက်စွာ’ တို့ ‘အစော်ကားခံရ’ တို့ ဆိုတာဟာ အယ်ဒီတာကနေ ပရိသတ်အပေါ်မှာ လွှမ်းမိုးပြီး ကောက်ချက်ချပေးတဲ့ အရေးအသားမျိုးပါ။ မွတ်ဆလင်ကုလားတွေကနေ ရခိုင်အမျိုးသမီးအား ရည်ရွယ်ချက်ရှိရှိ ရက်စက်ယုတ်မာမှုများ ဆိုတာကတော့ မွတ်ဆလင်အားလုံးနဲ့ ရခိုင်လူမျိုးအားလုံးကို အတိအလင်း ရန်တိုက်ပေးတဲ့ အရေးအသားဆိုတာ သိပ်ထင်ရှားပါတယ်။ မွတ်ဆလင်တွေကနေ ရခိုင်တွေအပေါ်မှာ ရည်ရွယ်ချက်ရှိရှိနဲ့ ရက်စက်ယုတ်မာတယ် ဆိုတာကို အယ်ဒီတာမင်းများ ဘယ်လိုများ သိလိုက်ပါသလဲ။ ဒီလိုအရေးအသားမျိုးကို နိုင်ငံတော်သတင်းစာတွေနဲ့ ရုပ်မြင်သံကြားတွေမှာ တပြိုင်တည်း တထပ်တည်း ကြေညာရေးသားတယ်ဆိုတာဟာ ဘယ်လိုနည်းနဲ့မှ မတော်တဆ မဟုတ်နိုင်ပါဘူး။ တကယ်လို့ အထက်ညွှန်ကြားချက်မဟုတ်ဘဲ မတော်တဆဆိုရင်လည်း ဒီလောက်ဖျင်းတဲ့ ဒီလောက်ယုတ်မာတဲ့ ပြန်ကြားရေးအရာရှိတွေ၊ ပြန်ကြားရေးညွှန်ချုပ်တွေကို အလုပ်ဖြုတ်ရုံသာမက ထောင်ချဖို့တောင် ကောင်းပါတယ်။

နောက်ထပ် ပြောစရာတချက်က ဒီသတင်းမှာ မပြည့်မစုံဖြစ်နေတဲ့ အချက်ပါ။ ဝံသာနုရက္ခိတအဖွဲ့ တောင်ကုတ်မြို့ ဆိုတာကို ရှင်းရှင်းလင်းလင်း ဖော်ပြမထားပါဘူး။ ဝံသာနုရက္ခိတက ထုတ်တဲ့ စာထဲမှာ ဘယ်လိုရေးထားတယ် ဆိုတာကိုလည်း ဖော်ပြမထားပါဘူး။ ဝံသာနုရက္ခိတက ရေးတဲ့စာကြောင့် လူ ၁၀ ယောက်သတ်ဖြတ်မှု ဖြစ်သယောင်ယောင် ရေးထားပေမယ့် အဲသလို ဟုတ်မဟုတ်ကို ရှင်းရှင်းလင်းလင်း ရေးမထားပါဘူး။ တကယ်တော့ ဝံသာနုရက္ခိတ ဆိုတာ တောင်ကုတ် NLD လူငယ်အဖွဲ့ပါ။ တောင်ကုတ် NLD နဲ့ သက်ဆိုင်တဲ့ နာမည်နဲ့ ထွက်လာတဲ့ စာဟာ တကယ်ပဲ တောင်ကုတ် NLD တွေက ရေးတာ ဟုတ်မဟုတ် စုံစမ်းရမှာ ဖြစ်သလို ဟုတ်မဟုတ် ပြည်သူကို အသိပေးရမှာလည်း ဖြစ်ပါတယ်။ တကယ်တမ်း တောင်ကုတ် NLD က ရေးတဲ့စာဟာ လူမျိုးရေး အဓိကရုဏ်းကို လှုံ့ဆော်ရိုးမှန်ရင်လည်း ကျောသားရင်သား မခွဲခြားဘဲ ဥပဒေနဲ့အညီ အရေးယူမှ တရားမျှတရာ ရောက်ပါမယ်။ တကယ်လို့ တောင်ကုတ် NLD လူငယ်တွေ ရေးတာ ဟုတ်မှန်း မဟုတ်မှန်း သေသေချာချာ မသိရင်လည်း သေသေချာချာ မသိသေးကြောင်း ဆက်စုံစမ်းမယ့် အကြောင်းကို အနိမ့်ဆုံးအဆင့် ဖော်ပြရပါမယ်။ မသေချာဘဲနဲ့ သေချာသယောင် ရေးခဲ့ရင် နိုင်ငံတော် သတင်းစာကြီးဖြစ်ပေမယ့် အသရေဖျက်မှု ကျူးလွန်မှုနဲ့ အရေးယူသင့်နေပါပြီ။ NLD အပေါ်မှာ နိုင်ငံရေးလုပ်ကြံတဲ့ အကွက်ပဲလား ဆိုတာဟာလည်း အလွန်ပဲ သံသယရှိစရာ ဖြစ်ပါတယ်။ ဘိန်းပစ်ဖမ်း၊ ထဘီပစ်ဖမ်း၊ လူပစ်ဖမ်းတတ်တဲ့ သူတို့ စစ်အာဏာရှင်တွေဟာ ဒါမျိုးမလုပ်ဘူးလို့ ဘယ်သူမှ အာမမခံနိုင်ပါဘူး။

ဒီလောက်ဆိုရင် ဒီဖြစ်စဉ်နောက်ကွယ်မှာ ကစားနေတဲ့သူတွေ၊ ကြိုးကိုင်နေတဲ့သူတွေ၊ အကွက်ချကြံစည်မှုတွေရှိနေတယ်ဆိုတာ ပေါ်လွင်နေပါပြီ။

“ဒီတော့ လူတွေရဲ့အာရုံကို လွှဲပြောင်းဖို့ ဆိုတာ အပြင်းစား အမုန်းတရားနဲ့ အာဃာတတွေကို မီးမွှေးပေးမှသာ ဖြစ်နိုင်မှာ မဟုတ်ပါလား။ ဒါဟာ သူတို့ရဲ့ ရည်ရွယ်ချက်၊ ဒါဟာ သူတို့ရဲ့ အကြံအစည်ပါပဲ။ သူတို့အာဏာနဲ့ စည်းစိမ်အတွက် လူပေါင်းများစွာရဲ့ အသက်ကို စတေးဖို့ ကြံတဲ့ သွေးထောင်ချောက်ကြီးလည်း ဖြစ်ပါတယ်။”

ဖေ့စ်ဘုတ်ပေါ်မှ သုံးသပ်ချက်

နောက်တခါ မင်းခင် ဖဘ စာမျက်နှာမှာ ထောက်ပြ သုံးသပ်ထားတဲ့ အချက်တချို့ကို ပြန်လည် ဝေမျှချင်ပါတယ်။

၁။ ကျောက်နီမော်ဒေသဟာ ရခိုင်ပြည်နယ်တခုလုံးမှာ ရခိုင်ရွာရော မွတ်ဆလင်ရွာတွေပါ ရှိပြီး အင်အားသိပ်မကွာတဲ့အပြင် မသင့်မြတ်ဆုံး ဒေသတခုဖြစ်တယ်။ တဦးနဲ့တဦး ဘယ်ဘက်ကမှ အသာစီးမရနိုင်တဲ့ အခြေအနေရှိတယ်။ ကျန်ဒေသတွေမှာ တဦးဦးက အင်အားများတယ်။ အင်အားမျှတဲ့ တချို့ဒေသတွေကတော့ ကျောက်နီမော်လောက် မဆိုးဘူး။ ကျောက်နီမော်အပြင်တော့ ဒုတိယက စစ်တွေပဲ ရှိတယ်။ နှစ်နေရာစလုံးကတော့ ဘင်္ဂလားနဲ့ အဆက်အသွယ် များတယ်။

၂။ သေဆုံးသူ မသီတာထွေးရဲ့ဓာတ်ပုံ ဆိုပြီး မိန်းကလေးအလောင်းပုံ အင်တာနက်မှာ တက်လာတယ်။ ဟုတ်တယ်လို့ ထင်ရပေမယ့် အတည်မပြုနိုင်ဘူး။ ရင်းမြစ်မသိဘူး။ စိတ်ချရတဲ့ ဌာနကလာတာ မဟုတ်ဘူး။ ကဲ ... ပုံက မှန်တယ်ထားလိုက်။

၃။ ရမ်းဗြဲမြို့မှာ အင်တာနက်သုံးနိုင်သူ အရမ်းနည်းတယ်။ သေဆုံးသူ မသီတာထွေးရဲ့ရွာ သပြေချောင်းနဲ့ ကျောက်နီမော်ရွာ (ကုလားနဲ့ ရခိုင် ရွာတခြမ်းစီ နေထိုင်ကြ) တွေမှာ ဓာတ်ပုံရိုက်ပြီး အင်တာနက်တင်နိုင်သူ မရှိဘူးလို့ ဆိုလို့ရတယ်။ အလောင်းကို စတွေ့တာက သမီးပျောက်လို့ လိုက်ရှာတဲ့ သပြေချောင်းရွာသူ ရွာသားတွေ ဖြစ်တယ်။ မှတ်တမ်းဓာတ်ပုံ ရိုက်ယူမယ့်သူကတော့ ဆိုင်ရာရဲစခန်း ဖြစ်ဖို့များတယ်။ အင်တာနက်မှာ ပထမဆုံး တက်လာတာက အလောင်းတကိုယ်လုံး မှောက်ရက်ပုံဖြစ်ပြီး အပေါ်ပိုင်းမှာ သွေးပေနေတာလောက်ပဲ မြင်ရပေမယ့် ဒုတိယတက်လာတဲ့ ပုံကတော့ ပက်လက်တပိုင်းပုံ၊ လည်ပင်းတဝက်လောက်ပြတ်နေတဲ့ ဆိုးဆိုးရွာရွား မြင်ကွင်းပဲ။ ဒီပုံတွေ ဘယ်က ရသလဲ။ ဘယ်သူတွေက ဖြန့်ဖြုးသလဲဆိုတာ မေးစရာရှိတယ်။

၃။ သတင်းစထွက်ချိန်နဲ့ တရားခံမိတယ် ဆိုတဲ့အချိန်မှာ Myanmar Express အပါအဝင် ကောလဟာလ ဖြန့်ဖြုးပြီး ဒေါ်စုနဲ့ ဒီမိုကရက်တွေ၊ အတိုက်အခံတွေကို ပုတ်ခတ်နေတဲ့ ဝက်ဘ်ဆိုက်တွေက သွေးထိုးလှုံ့ဆော်တာတွေ ရှိလာတယ်။ ‘ဖဘ’ မှာလည်း ၀င်ရေးကြတယ်။ ပိုဆိုးတာက မြန်မာပြည်ပေါက် ကုလားပုံတွေရှာပြီး တရားခံတွေအနေနဲ့ ဓာတ်ပုံတင်လာတာပ။ စင်ကာပူမှာ အလုပ်လုပ်နေတဲ့ ရန်ကုန်က မွတ်ဆလင်ကလေးတယောက်ဆိုရင် သူ့ဓာတ်ပုံတင်ထားလို့ ‘ဖဘ’ က သူငယ်ချင်းတွေကို အကူအညီတောင်းတဲ့ စာတောင် တက်လာတယ်။ သုံးယောက်တွဲ ပုံတပုံလည်း တက်လာတယ်။ တကယ် ဖမ်းထားတဲ့သူတွေလား။ ဟုတ်တယ်ဆိုရင် အဲဒီပုံ ဘယ်ကရသလဲ။

၎။ တောင်ကုတ်မြို့ဟာ ကျောက်နီမော်နဲ့ သိပ်မဝေးတဲ့ ဒေသဖြစ်တယ်။ အဖြောင့်တိုင်းရင် ၁၀ မိုင်လောက်ပဲ ဝေးပြီး မော်တော်နဲ့ ၃၊ ၄ နာရီလောက်ပဲ သွားရတယ်။ စီးပွားရေးမကောင်းတဲ့အတွက် ရခိုင်ပြည်ရဲ့လမ်းဆုံဖြစ်တဲ့ တောင်ကုတ်မြို့မှာ ကျောက်နီမော်ဒေသသား ရခိုင်တွေ အများအပြား ပြောင်းလာနေကြတယ်။ ရခိုင်မှာတော့ ရွာတွေမြို့တွေမှာ ဆွေမျိုးတော်စပ်တာ များကြတယ်။ သေဆုံးသူရဲ့ ဆွေမျိုးတွေလည်း တောင်ကုတ်မှာ ရှိကြမှာ အသေအချာပဲ။ ပြီးတော့ တောင်ကုတ်ဟာ ဒီကိစ္စမျိုးမှာ အစဉ်အလာရှိတယ်။ လှုံ့ဆော်ရ လွယ်နိုင်တယ်။ (တခုတော့ ရှိတယ်။ သိရသလောက် ဖြစ်ဖူးသမျှ လူသေတာ မရှိဖူးဘူး။)။ ဒီတော့ ကျောက်နီမော်မှာ ကုလားနဲ့ ရခိုင် ရုန်းရင်းဆန်ခတ်မဖြစ်ရင် ဖြစ်အောင်လုပ်ရမယ့် ဒုတိယနေရာကတော့ တောင်ကုတ်ပဲ။

၅။ မေ ၂၈ ရက်က ဖြစ်ပြီး ၃၀ ရက်လောက်မှာ သတင်းပြန့်သွားခဲ့တဲ့ (DVB မှာ ၃၀ ရက်နေ့ စပြောတယ်) ကျောက်နီမော်လူသတ်မှုကိစ္စ ၃ ရက်နေ့ နံနက်မှာမှ တောင်ကုတ်မှာ စာဝေတယ်။ အဲဒီနေ့ဟာ သံတွဲက လာတဲ့ ကားပေါ်မှာ မုတ်ဆိတ်ဖားဖားနဲ့ ဗလီဆရာတွေ ပါလာမယ့်နေ့ ဖြစ်နေတယ်။ ရိုးမသစ္စာ လိုင်းကားလက်မှတ် ဘယ်သူတွေ ဝယ်ထားတယ်၊ ဘယ်သူတွေ ခရီးသွားမယ်ဆိုတာ ကားဂိတ်အပြင် ဘယ်သူတွေ သိနိုင်သလဲ။

၆။ တောင်ကုတ်က မြို့ပေါ်ပိုင်းမှာ လူငယ်တွေဟာ သတင်းဆိုဒ်တွေနဲ့ ‘ဖဘ’ မှာ တက်လာချိန်ကတည်းက သီတာထွေးရဲ့ အလောင်းပုံ ရထားပြီးပြီ။ ဒီကိစ္စကို ဓာတ်ပုံနဲ့တကွ လှုံ့ဆော်ချင်တယ်ဆိုရင် အင်မတန် တက်ကြွတဲ့ တောင်ကုတ်သားတွေဟာ ၃ ရက်နေ့အထိ စောင့်ဆိုင်းနေပါ့မလား။ ဒါမျိုးဆိုတာ သွေးပူလေ ကောင်းလေဆိုတာ အားလုံးသိကြတယ်။ ထည့်စဉ်းစားရမယ့် အချက်တခုက ခုဖြစ်ပွားသွားတဲ့ ပုံစံဟာ နိုင်ငံရေးနဲ့ ပြဒါးတလမ်း၊ သံတလမ်းပဲ။ တောင်ကုတ်ဟာ နိုင်ငံရေးရှိတဲ့မြို့။

၇။ ဒီနေ့ ရတဲ့ သတင်းအရ သံသယရှိတယ်လို့ လေသံလွှင့်နေတာက .....

(က) လူသတ်တာ တောင်ကုတ်သဘောင်္ဆိပ်က ကုန်ထမ်းအလုပ်သမားအုပ်စု ( တကယ့်ကိုယ်ကြမ်း စိတ်ကြမ်းတွေ၊ သတ်ရဲဖြတ်ရဲတယ်၊ ဒါပေမယ့် သဘောင်္ဆိပ်က တောင်ကုတ်မြို့၊ အခင်းဖြစ်တဲ့ တောင်ကုတ် သံတွဲကားလမ်းဆုံတို့နဲ့ ၃ မိုင်လောက် ဝေးတယ်၊ တမင်ခေါ်မလာရင် ရောက်စရာ အကြောင်းမရှိ)။
(ခ) စာဝေတဲ့ ဝံသာနုရက္ခိတအဖွဲ့ ဆိုတာက တောင်ကုတ် NLD လူငယ်၊( အချက် ၆ မှာ ပြောသလိုပဲ စဉ်းစားစရာရှိတယ်။ နောက် NLD ကို သိက္ခာချဖို့ လက်ညှိုးထိုးဖို့ ကြိုးစားလာတာလား)

(http://www.facebook.com/min.khin.9/posts/3535307420118 ကနေ ကူးယူဖော်ပြပါတယ်။)

ဒေါ်အောင်ဆန်းစုကြည်ကို မဟုတ်မမှန် သတင်းတွေနဲ့ အလွန်သိမ်ဖျင်း အောက်တန်းကျစွာ ပုဂ္ဂိုလ်ရေးထိုးနှက်တိုက်ခိုက်ပြီး စစ်အစိုးရ၊ ကြံ့ဖွတ်အစိုးရကို အမြဲတစေ ထောက်ခံရေးသားတဲ့ Myanmar Express သတင်းစာမျက်နှာမှာလည်း ရခိုင်နဲ့ မွတ်ဆလင်ကို သွေးခွဲရန်တိုက်ပြီး အဓိကရုဏ်း မဖြစ်ဖြစ်အောင် လှုံ့ဆော်တဲ့ မဟုတ်မမှန်သတင်းတွေ အများအပြား တင်ထားပါတယ်။ ဘယ်လောက် မဟုတ်မဟတ်တွေကို သွေးထိုးလှုံ့ဆော် ရေးသားထားသလဲဆိုတာ သိချင်ရင် http://www.myanmarexpress.net/ မှာ သွားကြည့်ရင် သိနိုင်ပါတယ်။

ဒီအချက်တွေကို ကြည့်ရင် ရွှေသမင် ဘယ်က ထွက် ဦးသိန်းစိန်တာက ထွက်တယ် ဆိုတာ သိပ်သိသာနေပါပြီ။

ဒီလို လူမျိုးရေးအဓိကရုဏ်းဆိုတာ သိပ်ကြောက်စရာ ကောင်းပါတယ်။ အန္တရာယ်ပမာဏဟာ ပြောမပြနိုင်လောက်အောင် ကြီးလွန်းပါတယ်။ မကြာခင်က တောင်ဆူဒန်မှာ လူမျိုးရေး အဓိကရုဏ်းဖြစ်ခဲ့တာဟာ အခုအချိန်အထိ အကင်းမသေသေးပါဘူး။ ဓားတွေ ၊ တုတ်တွေ၊ သေနတ်တွေ ကိုင်ပြီး ရွာလုံးကျွတ်သတ်ဖြတ် မီးရှို့တာတွေ ဖြစ်ခဲ့ပါတယ်။ ရဝမ်ဒါမှာ ဟူတူနဲ့ တွတ်ဆီတွေ လူမျိုးတုန်းသတ်တာ လူပေါင်း တသန်းနီးပါး သေပါတယ်။ အိန္ဒိယမှာ ဟိန္ဒူနဲ့ မွတ်ဆလင် ပဋိပက္ခဟာလည်း လူပေါင်းများစွာ သွေးမြေကျခဲ့သလို အငြိုးတွေ အာဃာတတွေဟာလည်း အခုထိ တငွေ့ငွေ့ တောက်လောင်ဆဲပါ။

ဒီတော့ ဒီလောက်အန္တရာယ်ကြီးတဲ့ လူမျိုးရေးမီးစကို ကြံ့ဖွတ်အစိုးရဟာ ဘာ့ကြောင့် သွားရှို့ရသလဲ။ သူတို့ရဲ့ ရည်ရွယ်ချက်ဟာ ဘာလဲလို့ မေးစရာရှိပါတယ်။

တနိုင်ငံလုံးက ပြည်သူတွေဟာ လျှပ်စစ်မီးအရေးကို ညီညီညာညာ အုံကြွတောင်းဆိုနေပါတယ်။ နိုင်ငံတဝန်းမှာ အလုပ်သမားတွေက ဆန္ဒပြပြီး သူတို့ အခွင့်အရေးတွေအတွက် တိုက်ပွဲဝင်နေပါတယ်။ လယ်သမားတွေကလည်း လယ်ပြန်ရဖို့ လှုပ်ရှားနေကြပါတယ်။ ကချင်ပြည်နယ်မှာ ဖြစ်နေတဲ့ ပြည်တွင်းစစ်ကို ရပ်ဖို့ လှုပ်ရှားတောင်းဆိုမှုတွေကလည်း တဘက်မှာ ရှိနေပါတယ်။ ဒါပေမယ့် ကြံ့ဖွတ်အစိုးရအနေနဲ့ ဒါတွေကို အရင်တုန်းကလို သေနတ်နဲ့ ပစ်သတ်၊ ဖမ်းဆီးထောင်ချ လုပ်လို့ကလည်း မဖြစ်သေးဘူး။ အခုချိန်မှာ ကြံ့ဖွတ်အစိုးရဟာ ကြောင်သူတော် လုပ်နေရတဲ့ အချိန်ပါ။ မခုတ်တတ်တဲ့ ကြောင်ကြီး၊ သူတော်ကောင်း ကြောင်ကြီး အယောင်ဆောင်ရမယ့် အချိန်ပါ။ နိုင်ငံခြားက ရင်းနှီးမြုပ်နှံမှုတွေက အခုထိ မလာသေးဘူးလေ။ နိုင်ငံခြားက အကူအညီတွေကလည်း ခုထိ မရသေးဘူးလေ။ ဒါတွေ အိတ်ထဲမထည့်ရသေးခင် သပိတ်ဝင် အိတ်ဝင် မဖြစ်သေးခင်မှာ ဘီလူးစွယ် ထုတ်ပြဖို့ မလွယ်ဘူးမဟုတ်လား။

ဒီတော့ လူတွေရဲ့အာရုံကို လွှဲပြောင်းဖို့ ဆိုတာ အပြင်းစား အမုန်းတရားနဲ့ အာဃာတတွေကို မီးမွှေးပေးမှသာ ဖြစ်နိုင်မှာ မဟုတ်ပါလား။ ဒါဟာ သူတို့ရဲ့ ရည်ရွယ်ချက်၊ ဒါဟာ သူတို့ရဲ့ အကြံအစည်ပါပဲ။ သူတို့အာဏာနဲ့ စည်းစိမ်အတွက် လူပေါင်းများစွာရဲ့ အသက်ကို စတေးဖို့ ကြံတဲ့ သွေးထောင်ချောက်ကြီးလည်း ဖြစ်ပါတယ်။

ဇော်ဝင်း (၈၈ ကျောင်းသားဟောင်း)

ဇွန် ၉ - ၂၀၁၂